- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭداعى جوعارى قارقىندى 4 تاس جولدا سىناق رەتىندە اۆتوكولىك قاتىنادى
بيىل رايونىمىزداعى اۆتوكولىك قاتىناعان جوعارى قارقىندى تاس جولدىڭ ۇزىندىعى 4000 كيلومەترگە تايايتىن كورىنەدى
2014.12.01 14:03
قارامايلىدان شاۋەشەككە دەيىنگى جوعارى قارقىندى تاس جول سانپيڭدە تۇتاستى.
اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋعا قاراعاندا، قارامايلى − شاۋەشەك، ورقى − بۋرىلتوعاي بالىق الاڭى، بۋرىلتوعاي − التاي، شيحۋ − سايرام كولى بولىكتەرىندەگى جوعارى قارقىندى 4 تاس جولدا 30 - قاراشادا سىناق رەتىندە اۆتوكولىك قاتىناعان.
قارامايلى − شاۋەشەك جوعارى قارقىندى تاس جولى شينجياڭداعى «ەكى تىك، ءۇش كولدەنەڭ، ەكى اينالما، سەگىز ارنا» قۇرىلىمدىق تاس جول جەلىسىنىڭ ماڭىزدى قۇرامداس بولىگى، سونداي - اق قارامايلى قالاسىنىڭ، تارباعاتاي ايماعىنىڭ ىشكى ولكەلەرمەن جانە ۇرىمجىمەن، وڭتۇستىك، سولتۇستىك شينجياڭمەن بايلانىس جاسايتىن باستى ارناسى، جالپى ۇزىندىعى 218.2 كيلومەتر. بۇل قارامايلى قالاسىنىڭ جايرانبۇلاق رايونىنىڭ سولتۇستىگىنەن 7 كيلومەتر جەردەگى تاۋەتەك سۋ قويماسىنان باستالىپ، قارامايلىدان ورقىعا دەيىنگى جوعارى قارقىندى تاس جولمەن جانە كۇيتۇننەن قارامايلىعا دەيىنگى جوعارى قارقىندى تاس جولمەن تۇتاسادى، قارامايلى قالاسىن، حاتۋ التىن كەنىن، تولى اۋدانىنىڭ تەمىرتام قالاشىعىن، ءدوربىلجىن اۋدانىن، بيڭتۋان 9 - ديۆيزياسى ىنتىماق ەگىس الاڭىن، شاۋەشەك قالاسىن باسىپ ءوتىپ، ەڭ سوڭىندا باقتى وتكەلىنە بارادى.
ورقى − بۋرىلتوعاي بالىق الاڭى جوعارى قارقىندى تاس جولى كۇيتۇننەن التايعا دەيىنگى جوعارى قارقىندى تاس جولدىڭ ءبىر بولىگى، جالپى ۇزىندىعى 160 كيلومەتر. بۇل نىسان قارامايلى قالاسىنداعى ورقىنىڭ سولتۇستىگىنەن باستالىپ، بۋرىلتوعاي بالىق الاڭىنىڭ باتىسىنا بارادى.
بۋرىلتوعاي − التاي جوعارى قارقىندى تاس جولى ليانيۇنگاڭ − قورعاس جوعارى قارقىندى تاس جولىنىڭ ءبىر بايلانىس جەلىسى، سونداي - اق التاي − كۇيتۇن − كۇشار − حوتان جوعارى دارەجەلى تاس جولىنىڭ ماڭىزدى قۇرامداس بولىگى، جالپى ۇزىندىعى 128.82كيلومەتر. بۇل بۋرىلتوعاي اۋدانى بالىق الاڭىنىڭ باتىسىنان شامامەن 15كيلومەتر قاشىقتىقتاعى جەردەن باستالىپ، التاي قالاسىنىڭ شىعىس وڭتۇستىگىندە مولشەرمەن 5.5 كيلومەتر جەرگە دەيىن بارادى.
شيحۋ − سايرام كولى جوعارى قارقىندى تاس جولى ليانيۇنگاڭ − قورعاس جوعارى قارقىندى تاس جولىنىڭ ماڭىزدى قۇرامداس بولىگى، جالپى ۇزىندىعى 298.976 كيلومەتر. بۇل نىسان شيحۋدىڭ شىعىسىنداعى ايقاسپا كوپىردىڭ شىعىسىنان باستالىپ، قازىر اۆتوكولىك قاتىناعان ءۇرىمجى − كۇيتۇن جوعارى قارقىندى تاس جولىمەن تۇتاسىپ، سوڭىندا سايرام كولىنە بارىپ، سايرام كولىنەن كەڭسايعا دەيىنگى سالىنۋ ۇستىندەگى جوعارى قارقىندى تاس جولمەن تۇتاسادى.
وسى جوعارى قارقىندى 4 تاس جولدا اۆتوكولىكتەردىڭ سىناق رەتىندە قاتىناۋى شينجياڭنىڭ جوعارى قارقىندى تاس جول تورابىن اناعۇرلىم كەمەلدەندىرەدى، جىبەك جولى ەكونوميكالىق بەلدەۋىنىڭ شينجياڭ تەرريتورياسىنداعى سولتۇستىك لەنياسىنىڭ ورتا ازياعا، باتىس ازياعا، ەۆروپاعا تۇتاساتىن ۇلكەن ارناسىنىڭ باتىس تەرىستىكتەگى ماڭىزدى كىرەر اۋزىنىڭ جاڭا قاتىناس كۇرە تامىرى بولادى.
اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەدى: وسى جوعارى قارقىندى 4 تاس جولدا اۆتوكولىك قاتىناعاننان كەيىن، بۇقارانىڭ جولاۋشىلاۋ ۋاقىتىن قىسقارتىپ، تاس جول حاۋىپسىزدىگىن قامتاماسىزداندىرۋدان سىرت، تارباعاتاي ايماعى، التاي ايماعى، بۇراتالا موڭعۇل اۆتونوميالى وبلىسى سياقتى جەرلەردەگى ءوندىرىس، تاسىمالدىڭ وزىندىك قۇنىن ءونىمدى تۇردە ازايتىپ، ساياحات، قاتىناس - تاسىمال كاسىبى سياقتى كاسىپ سالالارىنىڭ دامۋىن جەبەپ، وسى جەرلەردىڭ دامۋىنا جاڭا وراي جانە ومىرشەڭدىك كۇش باعىشتايدى. 30 - قاراشادا سىناق رەتىندە اۆتوكولىك قاتىناعان جوعارى قارقىندى 4 تاس جولدىڭ جالپى ۇزىندىعى 800 كيلومەتردەن استى. قاراشانىڭ باس شەنىندە وڭتۇستىك شينجياڭداعىS315 لەنياسىنىڭ سانساكۋ - ياركەن، S310 لەنياسىنىڭ ماكىت - قاشقار سىندى جوعارى قارقىندى 2 تاس جولىندا دا سىناق رەتىندە اۆتوكولىك قاتىنادى، جوعارى قارقىندى وسى 2 تاس جولدىڭ جالپى ۇزىندىعى 376 كيلومەتر. وسىلايشا، شينجياڭداعى اۆتوكولىك قاتىنايتىن جوعارى قارقىندى تاس جولدىڭ ۇزىندىعى 4000 كيلومەترگە تايايتىن كورىنەدى.
2011 - جىلى شينجياڭداعى اۆتوكولىك قاتىناعان جوعارى قارقىندى تاس جولداردىڭ جالپى ۇزىندىعى 1500 كيلومەترگە جەتپەيتىن، 2102 - جىلى بۇل 2277 كيلومەترگە، 2013 - جىلى 2728 كيلومەترگە جەتتى. 2015 - جىلى شينجياڭداعى اۆتوكولىك قاتىنايتىن جوعارى قارقىندى تاس جولدىڭ ۇزىندىعىن 5000 كيلومەترگە جەتكىزىپ، جوعارى دارەجەلى تاس جولدىڭ ۇزىندىعىن 15 مىڭ كيلومەتردەن اسىرىپ، ەلىمىز جوعارى قارقىندى تاس جولىنىڭ شينجياڭ جەرىندەگى بولىگىن جوعارى قارقىنداندىرۋعا قۇلشىنىس جاسالماق.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
