- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گازەتكە جازىلۋدىڭ تاماشا سالتى قالىپتاسا قويمادى
2014.12.03 16:51 كەلۋ قاينارى : شينجياڭ حالىق راديو ستانسياسى تورابى
26-قاراشا كۇنى شينجياڭ گازەتى مەكەمەسىنىڭ قازاق رەداكسيا بولىمدەرى قازاقشا شينجياڭ گازەتىنىڭ تارالىمىن كوبەيتۋ مەن مازمۇنىن بايىتۋدى باس تاقىرىپ ەتكەن «وقىرماندارمەن جۇزدەسۋ» اتىنداعى تالقى ءماجىلىسىن اشتى. بۇل ماجىلىسكە ءۇرىمجى قالاسىنداعى وقىمىستى، ماماندار، قالامگەرلەر جانە شينجياڭ گازەتىنىڭ ساقا كادرلارى مەن جانكۇيەر وقىرماندار وكىلىنەن جيىنى 20 نەشە ادام قاتىناستى. ولار تالقى ۇستىندە كوسىلە سويلەپ، قازاقشا شينجياڭ گازەتىنىڭ تارالىمىن كوبەيتۋ مەن مازمۇنىن بايىتۋ جاعىنداعى وزدەرىنىڭ وتكىر دە ورەلى ۇسىنىستارىن، ساليحالى دا سىندارلى كوزقاراستارىن ەمىن-ەركىن ورتاعا سالدى.
تاريحى ارى تامان بولسادا، شينجياڭ گازەتى 1949-جىلى 6-جەلتوقساننان باستاپ اۆتونوميالى رايوندىق پارتكومنىڭ ورگان گازەتى بولىپ باسىلىم كورىپ، مەملەكەت پەن اۆتونوميالى رايوننىڭ وزەكتى قىزمەتىن توڭىرەكتەپ ۇگىت جۇرگىزىپ كەلەدى. شينجياڭ گازەتى قازىر ۇيعۇرشا، حانزۋشا، قازاقشا، موڭعۇلشا ءتورت تىلدە شىعادى.
ءبىرىنشى بەتىنىڭ باس جاعىنداعى «تاريحتىڭ ايناسى، ءداۋىردىڭ جارشىسى» دەگەن ۇرانىمەن كوزگە وتتاي باسىلاتىن قازاقشا شينجياڭ گازەتى قازىر جۇما كۇننەن وزگە كۇندەرى 4 بەتتەن شىعارىلسا، تەك جۇما كۇنى عانا 8 بەت بوپ باسىلادى.
ءداستۇرلى اقپارات قۇرالدارى مەن جاڭا اقپارات قۇرالدارى اراسىندا سەلبەستىك پەن باسەكە نىعايعان، ءوزارا توعىسۋ اياق الىسى تەزدەگەن وركەنيەتتى 21-عاسىردىڭ گۇلدەنگەن العاشقى كەزەڭىندە، باقۋاتتى، باي-باقىتتى ەلدە جاساپ جاتقان ۇلتىمىزدىڭ ارينە، كوزقاراستارى جاڭالانىپ، يدەيالارى ازات بولدى.تانىمدارى تەرەڭدەپ، تالعامدارى جوعارىلادى. تالاپتارى كۇشەيىپ، قاجەتتەرى ارتتى.ول-ولما، جالپى ۇلتتىق ءبىتىم-بولمىس سومدالىپ، پايىم-پاراسات مارقايدى. دەسەدە، شينجياڭ قازاق اقپارات قۇرالدارىنىڭ قارا شاڭىراعى بولعان، ءبىلىمنىڭ قاينار-كوزى سانالعان، مادەنيەتتىڭ التىن ارقاۋى ەسەپتەلگەن قازاقشا شينجياڭ گازەتىنىڭ ءداپ بۇگىنگى تارالىمىنا كىم-كىمنىڭ دە كوڭىلى تولمايدى. اۋەل دەسەڭ، بۇعان كىسىنىڭ قاراداي قارنى اشادى.سول سەبەپتى، شينجياڭ گازەتى مەكەمەسىنىڭ قازاق رەداكسيا بولىمدەرى تاراپىنان «وقىرماندارمەن جۇزدەسۋ ياعني اۆتورلارمەن ديدارلاسۋ» اتىنداعى تالقى ءماجىلىستىڭ اشىلۋىنا مۇرىندىق بولعان ەڭ باستى جايت باسقا دانەڭە ەمەس، ناق وسى قازاقشا شينجياڭ گازەتىنىڭ تارالىمى مەن مازمۇنىن بايىتۋ ماسەلەسى ەدى. وسىنى قاۋىمداپ اۋىزعا العان شينجياڭ گازەتى مەكەمەسى پارتكومىنىڭ مۇشەسى، شينجياڭ گازەتى مەكەمەسىنىڭ ورىنباسار باس رەداكتورى تەگىس زايبەك ۇلى: «بىزدە ءالى كۇنگە شەيىن قىلاياعى گازەتكە جازىلۋ جونىندەگى جاقسى قوعامدىق راي، تاماشا سالت قالىپتاسا قويمادى. انا تىلىمىزدە جارىق كورىپ جاتقان ولكە دارەجەلى بەدەلدى گازەتىمىزدى قولداۋ جاعىندا، گازەتكە جازىلۋ، گازەت وقۋ جاعىندا تاماشا سالت قالىپتاستىرساق»،-دەپ ءسوزىنىڭ سوڭعى سالماعىن القا توپقا سالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
