- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورگان گازەت بولعانىمەن، بۇل حالىقتىڭ گازەتى 2
2014.12.04 14:43 كەلۋ قاينارى : شينجياڭ حالىق راديو ستانسياسى تورابى
26-قاراشا كۇنى شينجياڭ گازەتى مەكەمەسىنىڭ قازاق رەداكسيا بولىمدەرى قازاقشا شينجياڭ گازەتىنىڭ تارالىمىن كوبەيتۋ مەن مازمۇنىن بايىتۋدى باس تاقىرىپ ەتكەن «وقىرماندارمەن جۇزدەسۋ» اتىنداعى تالقى ءماجىلىسىن اشتى. بۇل ماجىلىسكە ءۇرىمجى قالاسىنداعى وقىمىستى، ماماندار، قالامگەرلەر جانە شينجياڭ گازەتىنىڭ ساقا كادرلارى مەن جانكۇيەر وقىرماندار وكىلىنەن جيىنى 20 نەشە ادام قاتىناستى. ولار تالقى ۇستىندە كوسىلە سويلەپ، شەشىلە پىكىر ءبىلدىرىپ، قازاقشا شينجياڭ گازەتىنىڭ تارالىمىن كوبەيتۋ مەن مازمۇنىن بايىتۋ جاعىنداعى وزدەرىنىڭ وتكىر دە ورەلى ۇسىنىستارىن، ساليحالى دا سىندارلى كوزقاراستارىن ەمىن-ەركىن ورتاعا سالدى. شينجياڭ گازەتى مەكەمەسىندە قازاقشا ءتىلشى-رەداكتورلار ءبولىمى مەن قازاقشا اۋدارما-رەداكسيا ءبولىمى سياقتى ەكى اۋدان دارەجەلى ورىن بار. وسى قازاق تىلىندەگى رەداكسيا بولىمدەرىندە 60 نەشە قىزمەتكەر ءتىلشى، رەداكتور، اۋدارماشى، كوررەكتور سەكىلدى ماماندىقتار بويىنشا جۇمىس ىستەيدى.
شينجياڭ قازاق اقپارات قۇرالدارىنىڭ قارا شاڭىراعى بولعان، ءبىلىمنىڭ قاينار-كوزى سانالعان، مادەنيەتتىڭ التىن ارقاۋى ەسەپتەلگەن قازاقشا شينجياڭ گازەتى 1930-جىلداردىڭ ورتا شەنىندە جارىق كورىپ، بىرتىندەپ دامىپ، «تاريحتىڭ ايناسى، ءداۋىردىڭ جارشىسى» بولۋ سيپاتىمەن بۇگىنگى كۇنگە جەتتى. ايتسەدە، قازاقشا شينجياڭ گازەتىنىڭ قازىرگى تارالىمى تىم ءماز ەمەس. 10 مىڭ نۇسقانىڭ اينالاسىندا عانا تارالىم سانى بار بۇل گازەت ءبىر جارىم ميلليون قازاق حالقى جايىنان شىنىندا وتە از. ونىڭ ۇستىنە، گازەتكە جازىلۋشىلاردىڭ % 90 كە تاياۋى نەمەسە، ودان ارتىعى ۇكىمەتتىڭ بۇيرىق سيپاتتى جوسپارىمەن جازىلىپ وتىرعانى انىق. گازەتكە جازىلۋ ىنتامىز جاعىندا باسقاسىن قويا تۇرىپ، موڭعۇل اعايىندارعا ءبىر قايىرىلىپ قاراساق، ءوزىمىزدىڭ ولاردان كوش قۇلاش ارتتا ەكەنىمىزدى بىردەن بىلەمىز. 150 مىڭ ادامى بار موڭعۇلدىڭ پارتيا گازەتىنە جازىلۋ قىزعىندىلىعى مەن سالىستىرماسى ايرىقشا جوعارى بولىپ وتىر. موڭعۇلشا شينجياڭ گازەتىنىڭ تارالىم سانى 5 مىڭ نۇسقانىڭ ۇستىندە ەكەن. مۇنىڭ60% ءى جەكەلەر ءوز اقشاسىنا جازىلعان. وسىنى تاپتەشتەي ءبىر قوزعاپ العان شينجياڭ گازەتى مەكەمەسى قازاقشا ءتىلشى-رەداكتورلار ءبولىمىنىڭ باستىعى جاپاربەك ابلاجى ۇلى ءسوزىنىڭ اياعىندا بارشا مامان، قالامگەر، گازەتتىڭ جانكۇيەر وقىرمانىنا: «شينجياڭ گازەتى اۆتونوميالى رايوندىق پارتكومنىڭ ورگان گازەتى. دەي تۇرعانمەن، بۇل حالىقتىڭ گازەتى، حالىقتىڭ ءوز گازەتى. حالىقتان الىپ حالىققا قايتارىلاتىن گازەت. جالپى حالىق بولىپ بۇعان جازىلۋعا ات سالىسۋ اسا قاجەتتى دەپ بىلەمىز. حالقىمىزدىڭ وسى گازەتكە جازىلۋعا ەكونوميكالىق قۋاتى جەتپەي مە، جوق الدە سانا-سەزىمى جەتپەي مە؟ بولماسا ۇگىت جەتپەي مە، جوق الدە ارالىقتاعى كەيبىر بۋىنداردا ماسەلە بار ما؟ وسى جاعىندا قۇندى ۇسىنىستار مەن قۇنارلى پىكىرلەر ايتادى دەگەن سەنىمدەمىز»،-دەگەندى قاداپ-قاداپ ايتتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
