- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىقتىڭ تىلەگىن توعىستىرۋ» قيمىلى جونىندەگى فوتو سۋرەت كورمەسىن كوردى
2015.01.26 16:50 كەلۋ قاينارى : شينجياڭ حالىق راديو ستانسياسى تورابى
24-قاڭتار تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق مۇراجايعا بارىپ، سول ارادا وتكىزىلىپ جاتقان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىقتىڭ تىلەگىن توعىستىرۋ» قيمىلى جونىندەگى فوتو سۋرەت كورمەسىن كوردى.
فوتو سۋرەت كورمەسى «كادرلار باستاماشىلىقپەن ونەگە بولۋ»، «جاراسىمدىلىقتى جەبەۋ» سياقتى 7 بولەكتەن قۇرام تاپقان.كورمەگە قويىلعان 200 دەن استام فوتو سۋرەتتىڭ باسىم كوبىن قىستاققا بارعان قىزمەت گرۋپپاسىنداعىلار تارتقان، وسى سۋرەتتەر قيمىل ورىستەتىلگەن ءبىر جىلدان بەرگى بارىستى ايگىلەپ، ءار دارەجەلى قىزمەت گرۋپپاسىنىڭ ناقتى قىزمەتى مەن كەزەڭدىك ناتيجەسىن ءار قىرىنان كورسەتىپ، كەزەكتەگى نەگىزگى ساتىداعى كادرلار مەن بۇقارانىڭ تىڭ وبرازى مەن جاڭا بەت-بەينەسىن ءار قىرىنان بەينەلەگەن.
جاڭ چۇنشيان فوتو سۋرەتتەردى تاپتەشتەپ كورىپ شىققاننان كەيىن، قىستاقتا تۇراتىن قىزمەت گرۋپپاسىن القادى. ول بىلاي دەدى: وسى قيمىل ورىستەتىلگەننەن بەرى، ءار دارەجەلى پارتكومدار مەن پارتگرۋپپاسى وسكەلەڭ ءمان بەرىپ، ۇقىپتىلىقپەن ۇيىمداستىرىپ، باقىلاۋ-جەتەكشىلىك ەتۋ گرۋپپاسى باقىلاۋدى كۇشەيتىپ، ويداعىداي جەتەكشىلىك ەتتى؛ قىزمەت گرۋپپاسى مۇقيات جاۋاپتى بولىپ، ىرىقتىلىقپەن ىسكە كىرىستى؛ ءار ۇلت كادرلارى قيمىلعا بەلسەنە ات سالىستى، قوعامنىڭ ءار سالاسى كەڭ كولەمدە نازار اۋدارىپ، بەلسەنە قولداۋ كورسەتتى؛ ءار ۇلت بۇقاراسى شىن نيەتىمەن القاپ، بارىنشا قولدادى.تۇتاس قيمىل ءتارتىپتى ىلگەرىلەتىلدى، كادرلاردىڭ يدەيالىق تانىمى اناعۇرلىم بىرلىككە كەلىپ، رولى كۇن سايىن كورنەكتىلەنە ءتۇستى، نەگىزگى ساتىدا جارىققا شىققان وزگەرىستەر كىسىنى قۋانتادى.
جاڭ چۇنشيان بىلاي دەپ اتاپ كورسەتتى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىقتىڭ تىلەگىن توعىستىرۋ»قيمىلى ــــ ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى بۇقارا ەڭ الدىڭعى ورىندا تۇرۋ، حالىق تۇرمىسى ماڭداي الدى ورىندا تۇرۋ، نەگىزگى ساتى ماڭىزدى ورىندى يەلەۋ سىندى يدەيانىڭ جالعاسۋى، تەرەڭدەۋى جانە جاندى تۇردە امالياتتا ايگىلەنۋى، پارتيانىڭ بۇقارالىق لۋشيانىن دايەكتى تياناقتاندىرۋداعى شينجياڭدىق ەرەكشەلىگى ەڭ كۇشتى امالياتتىق دانەكەر سانالادى، ول شينجاڭنىڭ امالياتىنا، بۇقارانىڭ تىلەگىنە ۇيلەسەدى». حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىقتىڭ تىلەگىن توعىستىرۋ» قيمىلىن ىشكەرلەي ىلگەرلەتۋ قوعام ورنىقتىلىعى مەن باياندى تىنىشتىقتى قورعاۋدىڭ ءتۇبىرلى شاراسى، بۇقارالىق قىزمەتتى ويداعىداي ىستەۋدىڭ ەڭ ءونىمدى دانەكەرى، كادرلاردى شىنىقتىرۋدىڭ تاماشا ورايى. ءار دارەجەلى پارتيا ۇيىمدارى مەن قىزمەت گرۋپپاسى ساياسي جاۋاپكەرلىكتى ارقالاپ، ىرىقتىلىقپەن ناقتى ىستەر ىستەپ، اۆتونوميالى رايوندىق پارتكومنىڭ ورنالاستىرۋى بويىنشا يدەيانى تالاس-تارتىسقا تۇسپەي بىرلىككە كەلتىرىپ، سالعىرتتىققا سالىنباي ناقتى يگەرىپ جۇمىس ىستەۋ، قيىنشىلىقتىڭ ءبارىن جەڭۋ تەبىنىمەن جاڭا باستامادا «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىقتىڭ تىلەگىن توعىستىرۋ»قيمىلىن ىلگەرلەتىپ، ۇزبەي تىڭ تابىستارعا قول جەتكىزۋ كەرەك.
شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي سياقتى اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلارى فوتو سۋرەت كورمەسىن بىرلىكتە تاماشالادى.تانىستىرۋعا قاراعاندا، سۋرەت كورمەسى18-قاڭتاردان باستالعاننان بەرى، 13 مىڭنان استام ادام كورمەنى تاماشالاعان ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
