- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتكەرلەرىنىڭ ەڭبەكاقىسىن وسىرۋدە ەكىدەن ساقتانۋ كەرەك
2015.01.28 15:04 كەلۋ قاينارى : شينجياڭ حالىق راديو ستانسياسى تورابى
تاياۋدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى اقپارات جاريالاۋ ءماجىلىسىن اشىپ، «ۇكىمەت قىزمەتكەرلەرىنىڭ ەڭبەكاقىسى ءوستى» دەگەن ءسوزدىڭ وتىرىك ەكەنىن، ۇكىمەت قىزمەتكەرلەرىنىڭ ەڭبەكاقىسىنا رەتتەۋ جۇرگىزىلەتىندىگىن، الايدا ءوسۋ مولشەرىنىڭ توراپتا ايتىلعانداي جوعارى بولمايتىندىعىن ايتتى. بۇل حابار تارالىسىمەن، ۇكىمەت قىزمەتكەرلەرى ەڭبەكاقىسىنىڭ ءوسۋى جونىندەگى اڭگىمە تاعى دا جۇرت نازارىن اۋداردى.
بۇدان مىنانى تۇسىنۋگە بولادى، نە ءۇشىن كەيبىرەۋلەر «ۇكىمەت قىزمەتكەرلەرىنىڭ ەڭبەكاقىسى ماسەلەسى اقشاعا سايادى، الايدا جالعىز اقشا ماسەلەسى عانا ەمەس» دەيدى. اقشادان باسقا، الدىڭعى جاقتا ايتىلعانداي، كوپ جاعدايدا كوڭىل كۇيدىڭ جەتەگىمەن، تياناق جاعىنداعى كوش باستاۋشىمەن قاتىستى بولادى. ونىڭ ناتيجەسىن الساق، رەفورمانى ىلگەرىلەتۋگە ءتيىمسىز بولىپ قانا قالماستان، قوعامداعى ارازدىقتى ۇلعايتۋى مۇمكىن. وسى جونىنەن العاندا، ۇكىمەت قىزمەتكەرلەرىنىڭ ەڭبەكاقىسىنىڭ ءوسۋى جونىندە «دۇرىس اڭگىمە ايتۋ» ءۇشىن الدىمەن «كوڭىل كۇيدەگى اعاتتىقتان» ارىلىپ، ەكىدەن ساقتانۋعا تۋرا كەلەتىن سياقتى.
مۇنىڭ ءبىرى، ورىنشىلدىق. بۇلار ۇكىمەت قىزمەتكەرلەرىنىڭ مىندەتى مەن جاۋاپكەرلىگى اۋىر، ولار قوعامداعى الدىمەن ەسكەرىلەتىن قاۋىم، ءارقانداي ىستە ولاردى الدىمەن ويلاستىرۋ كەرەك دەپ قارايدى. 10 نەشە جىلدان بەرى ەڭبەكاقىدا وزگەرىس بولماعانىن، فورماشىلدىق، تورەشىلدىك، راحاتقۇمارلىق، ءسان-سالتاناتقا بەرىلۋ سىندى «ءتورت ءتۇرلى بۇرىس ستيلگە» قارسى تۇرۋدان كەيىن اشىق نەمەسە جاسىرىن تۇردە «يگىلىك» رەتىندە تاراتىلاتىن زاتتاردىڭ زور مولشەردە ازايعانىن، كوپتەگەن ۇكىمەت قىزمەتكەرلەرىنىڭ كۇن كورىسىنىڭ راسىندا قيىنداسقانىن تەرىسكە شىعارۋعا بولمايدى. دەسەدە مىڭزى ايتقانداي: «ساتسىزدىككە ۇشىراعاندا، ونى باسقالاردان كورمەي، ءوزىن تەكسەرىپ، سەبەبىن ءوز باسىنان ىزدەۋ كەرەك». «كەدەيلەسىپ كەتتىك، كۇن كورىسىمىز قيىنعا سوقتى» دەپ زارلاعاننان گورى، نە ءۇشىن ادامداردىڭ ۇكىمەت قىزمەتكەرلەرىنىڭ ەڭبەكاقىسىن وسىرۋگە سونشا نازار اۋداراتىندىعى جايلى تولعانۋ كەرەك، قىزمەت اۋىرتپالىعى اۋىر دەپ كەيىيمىز، جۇمىستىڭ قاربالاستىعىنان ۇكىمەت قىزمەتكەرلەرىنىڭ مۇرنىنا سۋ جەتپەي مە؟
اسىرەسە مىڭنان ءبىرى عانا تاڭدالاتىن ۇكىمەت قىزمەتكەرلەرىن قابىلداۋ ەمتيحانى جاعدايىندا، ەڭبەكاقىمىز تومەن دەپ مۇڭىن شاعا بەرگەننەن گورى، وسى ورىنعا نە ءۇشىن سونشا كوپ ادامنىڭ قىزىعاتىندىعى جايلى ويلانباساق تا، ايتقانىڭا ەشكىم كونبەۋى مۇمكىن. كوپتەگەن ادام ءوز مۇراتى ءۇشىن ۇكىمەت قىزمەتكەرى بولادى، ال كەيبىرەۋلەردىڭ «ورنىقتى، تىنىش» كاسىپ ءۇشىن ۇكىمەت قىزمەتكەرى بولاتىندىعىن دا تەرىسكە شىعارۋعا كەلمەيدى، ورنىقتىلىقتىڭ ءوزى دە ءبىر ءتۇرلى «ەڭبەكاقى»؛ كەيبىرەۋلەر وسى وزگەشە تەكشەدەن پايدالانىپ، قابىلەت، تاجىريبە،بارىس-كەلىس سياقتى ءتۇرلى بايلىق توپتاۋدى كوزدەيتىن شىعار، مۇنى دا «ۇقىققا دەگەن ءبىر ءتۇرلى ىنتىزارلىق» دەپ قاراۋعا بولادى. مەيلى قالاي ايتساق تا، ۇكىمەت قىزمەتكەرلەرىنىڭ ەڭبەكاقىسىن ءوسىرۋدىڭ العى شارتى ــ ۇكىمەت قىزمەتكەرى جونىندەگى ءتۇرلى ۇيلەسىمسىز وي-قيالداردى جويىپ، ۇكىمەت قىزمەتكەرى سىندى كاسىپتىڭ قاراپايىم سيپاتىن قالپىنا كەلتىرۋ، سونداي-اق ۇكىمەت قىزمەتكەرلەرىنىڭ قوعامدىق وبرازىن اناعۇرلىم جاقسارتۋ بولماق. بۇل رەفورمالاۋ مەن ءىرىپ-شىرۋگە قارسى تۇرۋدىڭ باياندى جۇرۋىنە قاتىستى، سونداي-اق ۇكىمەت جۇمىسىنىڭ جاريالىلىعىن ونان ارى ارتتىرۋدان ايرىلا المايدى.ەكىنشىسى، حالىقشىلدىق. سوڭعى جىلداردان بەرى، «ۇكىمەت قىزمەتكەرلەرىنىڭ ەڭبەكاقىسى وسەدى دەگەن ءسوز شىقسا بولدى، ونى جۇرتشىلىقتىڭ جاتىپ كەپ سوگۋى» توراپتاعى قالىپتى قۇبىلىسقا اينالدى. بۇل ماسەلە ۇكىمەت قىزمەتكەرلەرىنىڭ ەڭبەكاقىسىمەن عانا شەكتەلمەيدى. كەيبىرەۋلەر ۇكىمەت قىزمەتكەرلەرىنىڭ ەڭبەك اقىسىنىڭ ءوسۋىن قۇپتامايدى، ولاردىڭ كوڭىلىندە «ۇكىمەت قىزمەتكەرلەرىنە وشەسۋ» نىسايى بولعاننان سىرت، «ونسىز دا ۇكىمەت قىزمەتكەرلەرىنىڭ تابىسى مول، ولاردىڭ ەڭبەكاقىسىن ءوسىرۋ قاجەتسىز» دەپ قارايدى. بۇل ارينە قالىڭ قاراپايىم ۇكىمەت قىزمەتكەرلەرىنىڭ كىرىسى جونىندەگى قاتە تۇسىنىك. ءىس جۇزىندە كوپ ساندى ۇكىمەت قىزمەتكەرلەرىندە ەل ايتقانداي زاڭسىز تابىس جوق. ءتورت ءتۇرلى بۇرىس ستيلگە قارسى تۇرۋ ءجۇرىلىپ جاتقان قازىرگى جاعدايدا ولاردىڭ نەگىزگى كىرىسى ەڭبەكاقىسى، بۇل بىرتىندەپ ۇكىمەت قىزمەتكەرلەرى قوسىنىنداعى قالىپتى تۇراقتى جاعدايعا اينالۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
