- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان شۋجي حوتان قالالىق 4-ورتا مەكتەپ قىزدار فۋتبول كومانداسىنداعى بارلىق سپورتشىلارعا جاۋاپ حات قايتاردى
2015.01.28 15:24 كەلۋ قاينارى : شينجياڭ حالىق راديو ستانسياسى تورابى
26-قاڭتار ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان حوتان قالالىق 4-ورتا مەكتەپ قىزدار فۋتبول كومانداسىنداعى بارلىق سپورتشىلارعا جاۋاپ حات قايتارىپ، فۋتبول كومانداسىنا اياق-كيىم جانە سپورت كيىمىن تارتۋ ەتىپ، ولاردى باتىلدىقپەن وسىزامان مادەنيەتىنىڭ جەتەكشىسى، تاراتۋشىسى، امالياتتان وتكىزۋشىسى بولىپ، ۇشقارلىققا قارسى تۇرىپ، ىنتىماقتى قورعاپ، ناقتى ارەكەتىمەن ماڭايىنداعى اناعۇرلىم كوپ ادامعا ىقپال ەتۋگە جانە ولاردى باستاۋعا شابىتتاندىردى. جاڭ چۇنشياننىڭ تاپسىرۋىمەن، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن «اۆتونوميالى رايوندىق جاستار مەن ورەندەر فۋتبول جارىسى حوتان ايماقتىق ارالىق جارىسىنىڭ» باستالۋ سالتىنا قاتىناسىپ، كومانداداعى سپورتشىلارعا حاتتى وقىپ بەرىپ جانە تابىس ەتىپ، فۋتبول مەن سپورت كيىمىن تارتۋ ەتتى.
حاتتا: «قۇرمەتتى ساباقتاستار، ۇسىنىستارىڭا راحىمەت، جازعان حاتتارىڭنان فۋتبول الاڭىنداعى تاسقىنداعان جىگەرلەرىڭدى سەزىنە الدىم، ءارى سەندەردىڭ ءتۇرلى قيىنشىلىقتاردى جەڭىپ، ماقتانارلىق ناتيجەگە جەتكەن قۋانىشتارىڭدى تۇسىنەمىن، سەندەر ءۇشىن ماقتانىش سەزىنەمىن»،-دەلىندى.
سامال جەل ەسىپ، كۇن نۇرى شۇعىلاسىن شاشتى، حوتان قالالىق 4-ورتا مەكتەپتىڭ قىزدار فۋتبول كومانداسىنداعى بارلىق سپورتشىلار الاڭدا جاڭ چۇنشيان شۋجيدىڭ شىن ىقىلاستى قامقورلىعىنا تەبىرەنىپ، وزدەرىنىڭ فۋتبول ارمانىن ءبىلدىردى.
حوتان قالالىق 4-ورتا مەكتەپتىڭ قىزدار فۋتبول كومانداسى 2013-جىلى قىركۇيەكتە قۇرىلىپ، حوتان ايماعىنداعى تۇڭعىش قىزدار فۋتبول كومانداسىنا اينالدى. بيىل اۆتونوميالى رايوندىق جاستار مەن ورەندەر فۋتبول جارىسىنىڭ حوتان ايماعىنداعى ارالىق جارىسىنىڭ 26-قاڭتاردا باستالاتىندىعىنان حاباردار بولعان كومانداداعى دوپشىلار ەرەكشە جەلپىندى. 15-قاڭتاردا كوماندا جەتەكشىسى اجىگۇل ءالي مەن سپورتشى ءدىلنۇر ماردان ۇيعۇرشا، حانزۋشا ەكى تىلدە جاڭ چۇنشيان شۋجيگە حات جازىپ، كوماندانىڭ ۇيرەنۋ جانە تۇرمىس جاعدايىن مالىمدەدى، ءارى جاڭ چۇنشيان شۋجيدى حوتانعا كەلىپ جارىستى تاماشالاۋعا ۇسىنىس ەتتى. حاتتىڭ سوڭىندا تۇتاس كومانداداعى 18 سپورتشى ءوز ەسىمدەرىن حانزۋشا، ۇيعۇرشا جازدى.
جاڭ چۇنشيان كىشكەنتاي سپورتشىلارعا جاۋاپ حات جازىپ بىلاي دەدى : سەندەر فۋتبولعا قىزىعادى ەكەنسىڭدەر، فۋتبول سەندەردىڭ كوز ايالارىڭدى كەڭەيتىپتى. بۇل ءومىردى قىزۋ سۇيگەندىك، بەلسەنە العا باسقاننىڭ بەلگىسى. العا باسۋعا تالپىنۋ ءار ءبىر ادامنىڭ اسىل ارمانى، سەندەر العاشقى قادامدارىڭدى ءساتتى باستىڭدار، اسىرەسە قىز بالا جونىنەن مۇنداي رۋح اسا قۇندى، ەرەكشە القاۋعا تاتيدى.
حاتتا تاعى بىلاي دەلىنگەن: «دەنە تاربيە جۇرت تىلەگىن توعىستىرىپ، جىگەردى شىڭايدى. ول وسى زامانعى مادەنيەت جەتەكشىلىگىنىڭ بەلگىسى، وركەنيەتتىڭ سيمۆولى، ءداۋىردىڭ العا باسقاندىعىنىڭ بەينەسى. سەندەر ۇزدىكسىز العا ۇمتىلىپ، وسى زامانعى مادەنيەت ارقىلى جەتەكتەۋدىڭ باستاماشىلارىنان، تاراتۋشىلارىنان، امالياتتا ايگىلەۋشىلەرىنەن بولۋعا كۇش سالىپ، «وتاندى، شينجياڭدى ءسۇيۋ، ىنتىماقتاسىپ ۇلەس قوسۋ، قاجىرلىلىقپەن ەڭبەك ەتىپ، ءوزارا كومەكتەسۋ، ۇزبەي العا ۇمتىلۋ» سىندى شينجياڭ رۋحىن ايگىلەپ، ءدىني ۇشقارى يدەيادان اۋلاق بولىپ، ىنتىماقتى قورعاپ، ءىس جۇزىندىك ارەكەتتەرىڭ ارقىلى، ماڭايىڭداعى ادامداردى تاربييەلەۋلەرىڭ كەرەك. سەندەردىڭ قۇلشىنا ۇيرەنىپ، ەرەتەرەك دارىندى بولىپ جەتىلىپ، شينجياڭدى اناعۇرلىم كوركەيتۋگە ۇلەس قوسۋلارىڭدى ءۇمىت ەتەمىن».
ەڭ سوڭىندا، جاڭ چۇنشيان كىشكەنتاي سپورتشىلارعا دەم بەرىپ: سەندەردەن تاعى دا قۋانىشتى حابار كۇتەمىن، قايراتتانىڭدار،-دەدى.
وتكەن جىلى تامىزدا، قارامايلى قالاسىندا وتكىزىلگەن اۆتونوميالى رايوندىق 13-كەزەكتى دەنە تاربيە جينالىسىندا، حوتان قالاماڭىنان كەلگەن، ورتاشا جاس شاماسى 12 دەگى كىشكەنتاي سپورتشىلار «ءىس جۇزىندىك ارەكەتىمىزبەن كورىكتى مەكەنىمىزدى قورعايمىز» اتىنداعى شينجياڭ دەنە تاربيەشىلەرىنىڭ ۇندەۋ حاتىنا قول قويىپ، ءار ۇلت وسپىرىمدەرىن ءدىني ۇشقارى يدەيانىڭ ىقپالىنان اۋلاق بولىپ، مەكتەپتە جاقسى وقىپ، دەنە تاربيەگە اۋەس بولىپ، جاستىق كوكتەمدى كوڭىلدى دە ءماندى وتكىزۋگە ۇندەدى.
ارالىق جارىستىڭ 1-كەزەگىندە، جۇرت نازارىن اۋدارعان حوتان قالالىق 4-ورتا مەكتەبىنىڭ قىزدار فۋتبول كومانداسى 0 گە قارسى 4 ۇپايمەن ارىپتەسىن جەڭدى، سپورتشىلار تەلەفون ارقىلى جاڭ چۇنشيان اتالارىنا: ءبىز قارسىلاسىمىزدى 4 دوپپەن جەڭدىك دەپ قۋانىشتى حابار جەتكىزدى جانە راحمەت ايتتى.
ءدىلنۇر ءماردان جاڭا سپورت كيىمىن كورسەتىپ تۇرىپ قۋانعانىنان : جاڭ چۇنشيان اتامىز بىزگە جاڭا سپورت كيىمىن ساتىپ الىپ بەردى. ءبىز كيىپ الىپ قاتتى قۋاندىق، بۇل مەنىڭ قازىرگە دەيىن يە بولعان ەڭ جاقسى تارتۋىم،-دەدى.نۇرگۇل: جاڭ اتايعا راحمەت! وراي بولسا حوتانعا كەلىپ ءبىزدىڭ جارىسىمىزدى كورىڭىز. ءبىز ۇزدىكسىز قۇلشىنىپ، مۇنان دا جاقسى ناتيجەلەرگە قول جەتكىزىپ، ءسىزدىڭ ءۇمىتىڭىزدى اقتايمىز،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
