- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بيىل رايونىمىزدىڭ توقىما، كيىم-كەشەك كاسىبىنىڭ تۇراقتى مال-مۇلىكىنە قوسىلاتىن قارجى رەكورت جاڭالادى
2015.04.02 15:05 كەلۋ قاينارى : شينجياڭ حالىق راديو ستانسياسى تورابى
وتكەن جىلى ايرىقشا دامىعاننان كەيىن، بيىل رايونىمىزدىڭ توقىما، كيىم-كەشەك كاسىبىنىڭ تۇراقتى مال-مۇلىكىنە قوسىلاتىن قارجى رەكورد جاڭالاپ 27 ميلليارد 600 ميلليون يۋانعا جەتىپ، وتكەن جىلدان %187 ارتاتىن بولدى، بۇل 67 مىڭ جۇمىس ورنىمەن قامدايدى. اقسۋ توقىما ونەركاسىبى ورنىنداعى شينجياڭ چيشين جەڭىل ونەركاسىپ جانە توقىما ونەركاسىبى توبىنىڭ بايپاق توقۋ زاۆوتىندا 100 دەن استام جۇمىسشىنىڭ ءارقايىسسىنىڭ الدىنا بىردەن بايپاق توقۋ ماشيناسى قويىلىپتى، ولار ءجىپتى توقۋ ماشيناسىنا وتكىزىپ، 6 مينۋتتىڭ ىشىندە ءبىر بايپاق توقي الادى ەكەن.
اقسۋ قالاسىنىڭ قاراتال قالاشىعىنان كەلگەن نۇرگۇل ءىسلام وتكەن جىلى جەلتوقساندا تىزىمدەلىپ، وسى اراعا كەلىپ قىزمەت ىستەدى، العاشقى ەكى ايدا ول شاكىرت رەتىندە اي سايىن ءبىر مىڭ 600 يۋان ەڭبەكاقى الدى، اقپاننان باستاپ، رەسمي جۇمىس ورنىنا شىعىپ، اي سايىنعى ەڭ تومەنگى ەڭبەكاقىسى 2 مىڭ يۋان بولىپ، ونىمدىلىك ەڭبەكاقىسى ناقتى ەڭبەكاقىسىمەن ۇشتاسىپ، ىستەگەنىنە قاراي اقى الدى. نۇرگۇل: «اكە-شەشەم قولدايدى، ۇيدە بوس جۇرگەننەن جاقسى، كەيىن ءوزىم قانداي جۇمىس ىستەسەم دە تاجىريبەلى بولامىن، بۇل ەگىن ەككەننەن الدە قايدا ارتىق»،-دەدى.
شينجياڭ چيشين جەڭىل ونەركاسىپ جانە توقىما ونەركاسىبى توبى بايپاق توقۋ زاۆوتىنىڭ ءبىرىنشى مەرزىمدىك نىسانى وتكەن جىلى ناۋرىزدا اقسۋ توقىما ونەركاسىپ ورنىندا قۇرىلىپ، جىل سوڭىندا سىناق رەتىندە ءوندىرىستى باستاپ، قازىرگە دەيىن 150 قىزمەتكەر قابىلدادى، ولاردىڭ %90 تى اقسۋ قالاسىنىڭ ءار قايسى اۋىل-قالاشىقتارىنان كەلگەن اۋىل-قىستاقتارداعى ارتىق ەڭبەككۇشتەر. سەرىكتەستىكتىڭ ورىنباسار باس مەڭگەرۋشىسى جاڭ جيە: «ءۇشىنشى مەرزىمدىك قۇرىلىس سالىنىپ بولعاننان كەيىن ءبىر مىڭ 500 ادام قابىلدايمىز. وندىرگەن ونىمدەرىمىزدىڭ 80 دە %90 تى ورتا ازياداعى 5 ەلگە ەكسپورت ەتىلەدى. ورتا ازياداعى 5 ەل ماقتا توقىما ونىمدەرى مەن ورتا دارەجەلى ونىمدەردى تۇگەلدەي ىشكى ولكەدەن الاتىن، قازىر ولاردىڭ ىشكى ولكەگە بارۋى قاجەتسىز، بۇل ەكى جاق جونىنەن دە ءتيىمدى»،-دەدى.
اقسۋ توقىما ونەركاسىپ قالاسىنان تىس، قورعاس اۋدانى قورعاس وتكەلىنە جاقىن بولعاندىقتان، كوپتەگەن كيىم-كەشەك كاسىپورنىن وسىندا كەلىپ زاۆود قۇرۋعا باۋرادى.قورعاس اۋداندىق ورتا-شاعىن كاسىپورىن باقشا رايونىن باسقارۋ كوميتەتىنىڭ ورىنباسار مەڭگەرۋشىسى ليۋ حۋياڭ تىلشىگە: قازىر مۇندا 8 كاسىپورىن بار، 300دەن ارتىق ادامدى جۇمىسقا ورنالاستىردى، مۇنان تىس باقشا رايونى وسى جەردەگى كاسىپ اشۋشىلاردى تاربيەلەپ جاتىر.ءبىز 30 ادامدى ىشكى ولكەگە ۇيرەنۋگە جىبەردىك، ولار باستىسى ىشكى ولكەلەردەگى ءىرى زاۆودتاردىڭ كاسىپورىندى قالاي اشىپ، تيجاراتتى قالاي جۇرگىزگەنىن ۇيرەنەدى. ولاردىڭ جاتىن ورىن، تاماق قاراجاتىن ۇكىمەت شىعارادى. ولار قايتىپ كەلگەنەن كەيىن وسى ارادان زاۆود قۇرىپ، از ۇلت جۇمىسكەرلەرىن جۇمىسقا ورنالاستىرادى،-دەدى.
بىلتىر، اۆتونوميالى رايون «توقىما-كيىم-كەشەك كاسىبىن دامىتۋ ارقىلى كاسىپتەندىرۋدى جەبەۋ پىكىرىن» جاريالادى. «پىكىردە»: رايونىمىز اقسۋ، كورلا جانە شىحىزىدان امبەباپ توقىما كيىم-كەشەك بازاسىن قۇرادى.وڭتۇستىك شينجياڭداعى 3 ايماق، ءبىر وبلىستا جۇمىسقا ورنالاستىراتىن ادام سانى كوپ كيىم-كەشەك، توقىما، گىلەم كاسىپتەرىن دامىتادى. ۇرىمجىدەن توقىما كيىم-كەشەك حالىقارالىق ساۋدا ورتالىعىن قۇرىپ، قاشقار، قورعاس وتكەلدەرىنەن توقىما كيىم-كەشەك ەكسپورت ەتۋ، مانەرلەۋ رايونىن قۇرادى دەپ اتاپ كورسەتىلدى. «پىكىر» جاريالانعاننان كەيىن، بىلتىر، اۆتونوميالى رايون وسى كاسىپ ارقىلى كاسىپتەندىرۋ قىزمەتىن جەبەۋدە زور ناتيجەگە قول جەتكىزىپ، ءبىر جىلدا تىڭنان 40 مىڭ ادامدى كاسىپتەندىردى.بيىل، وسى كاسىپكە 67 مىڭ ادامدى كاسىپتەندىرۋدى جوسپارلاپ وتىر.اۆتونوميالى رايوندىق حالىق ۇكىمەتىنىڭ ورىنباسار باس حاتشىسى پىڭ يۇڭ بۇل نىسانانىڭ ورىندالۋىنا سەنىمى كامىل ەكەن.ول بىلاي دەدى: ون جىلدان كەيىن، رايونىمىزدىڭ توقىما سالاسى ميلليون ادامدى كاسىپتەندىرۋ نىساناسىن ورىندايدى.جۇڭگونىڭ كيىم-كەشەك كاسىبى ۆيەتنام، بيرما، يندونەزيا سياقتى ەلدەرگە بەيىمدەلگەندە، نەگە شينجياڭعا بەيىمدەلمەسكە.ءبىزدىڭ قازىرگى ساياساتىمىز شەتەلدىكىنەن جاقسى، ءبىز وسى كاسىپورىنداردىڭ شينجياڭعا كەلۋىن ءۇمىت ەتەمىز، وسىلاي بولعاندا، شينجياڭنان ءبىر ميلليون ادامدى كاسىپتەندىرۋگە ابدەن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
