- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وقۋشىلاردىڭ اۋىرتپالىعى نەگە جەڭىلدەمەيدى
2015.04.02 15:05 كەلۋ قاينارى : شينجياڭ حالىق راديو ستانسياسى تورابى
تىڭشۇن تورابى «وقۋ-اعارتۋ تاريحىنداعى بۇگىنگى كۇندى» جاريالادى: 1990-جىلى 15-اقپاندا مەملەكەتتىك وقۋ-اعارتۋ كوميتەتى «<باستاۋىش مەكتەپ وقۋشىلارىنىڭ ساباق اۋىرتپالىعىن جەڭىلدەتۋ جونىندەگى بەلگىلەمەنى> دايەكتىلەندىرۋ ۇقتىرۋىن» باسىپ تاراتقان.ءماجىلىس مىنانى اتاپ كورسەتىپتى: باستاۋىش مەكتەپتىڭ ساباق اۋىرتپالىعى كۇشتى بولۋ ماسەلەسىن ءبىر جايلى ەتۋدىڭ تەتىگى − وقۋ-اعارتۋ تاراۋلارى جانە مەكتەپ كادرلارى مەن وقىتۋشىلارىنىڭ وقۋ-اعارتۋ يدەياسىنداعى جەتەرسىزدىكتى تۇزەتىپ، پارتيا مەن مەملەكەتتىڭ وقۋ-اعارتۋ باعىتىن جاپپاي دايەكتىلەندىرۋدەن جازباي، وبيەكتيۆ زاڭدىلىققا بويسۇنىپ، وقۋ-اعارتۋ، وقىتۋ قىزمەتىن جاقسارتىپ، وقۋ-اعارتۋ ساپاسىن بار كۇشپەن جوعارىلاتۋ.وسى حاباردى كورگەننەن كەيىن، ماعان مىناداي وي كەلدى: وقۋشىلاردىڭ اۋىرتپالىعىن جەڭىلدەتۋ جونىندە «ايعايلاي-ايعايلاي قاسقىردان ۇيات بولدىنىڭ» كەبىن كيىپپىز-اۋ، بۇعان 25 جىل بولعان جوق پا ەدى؟ باجايلاپ قاراساق، شىنىندا، 25 جىل بولىپتى، قايتالاي دارىپتەۋ دەلىنگەن. توراپتان وسى جونىندە ىزدەنىپ كورىپ ەدىم، «باستاۋىش مەكتەپ وقۋشىلارىنىڭ ساباق اۋىرتپالىعىن جەڭىلدەتۋ جونىندەگى بەلگىلەمە» ءاسىلى 1988-جىلى شىعارىلىپتى.وسىدان كەيىن وقۋ-اعارتۋ مينيسترلىگى اۋىرتپالىقتى جەڭىلدەتۋدى قايتا-قايتا دارىپتەپ وتىرعان. ايتۋلارعا قاراعاندا، وسىعان قاتىستى قۇجاتتاردىڭ ءوزى 50 دەن اسىپ، جىل سايىن كەمىندە 2 نۇسقا شىعارىلعان.بۇعان قاراعاندا، وقۋ-اعارتۋ مينيسترلىگى ورتا، باستاۋىش مەكتەپ وقۋشىلارىنىڭ ساباق اۋىرتپالىعىن جەڭىلدەتۋگە ەرەكشە ءمان بەرگەن، دەگەنمەن قايسى ءبىر قۇجات ءوز رولىن اتقاردى دەشى؟ وسىنشاما كوپ قۇجاتتاردىڭ ماسەلەنى شەشۋگە ءسىرا پايداسى بولماعانى قالاي؟
مەن 25 جىلدىڭ الدىنداعى ساباق اۋىرتپالىعىن جەڭىلدەتۋ جونىندەگى «ۇقتىرۋعا» قىزىعا قالعانىمدا، مەنىڭ ارتىمدا قىسقى دەمالىس ۋاقىتىندا تاپسىرمادان باس الماي ىستەپ جاتقان ءبىر وقۋشى وتىرعان.ول باستاۋىش مەكتەپتىڭ 3-جىلدىعىنىڭ وقۋشىسى، 20 نەشە كۇندىك قىسقى كانيكول كەزىندە 3 كىتاپقا جەتەرلىك قالىڭ تاپسىرمانى ورىنداۋ مىندەتىن العان، كۇنىنە ورتا ەسەپپەن 2 ساعات تاپسىرما ورىندايدى.ونىڭ باسقادا «ويىن سەرىكتەرىنىڭ» جاعدايىن ەستىگەندە جانىڭىز اشيدى، ءتىپتى دە «مۇشكىل» حالدە، وقىتۋشىلارى ولارعا كانيكول تاپسىرماسىنان سىرتتاي تاپسىرما بەرگەن.ءىشىنارا جۇگىرمەكتەر: قىسقى كانيكولعا تاراعانىمىزدىڭ نە پايداسى بولماق، كۇندەلىكتى مەكتەپتە وتىرعانداي تاپسىرما ورىندايمىز دا جاتامىز.ونان گورى، مەكتەپ ءبىزدى قىسقى كانيكولعا تاراتپاي-اق قويسا ەكەن؟-دەپ قومپىلدايتىن.كورشىلەرىمىز دە بالالارىنىڭ قالىڭ تاپسىرمادان قاتتى قاجىعانىن ايتتى: ادەتتە بالالارىمىز قانىپ ۇيىقتاي الماۋشى ەدى، مىنە ەندى دەمالىس كەزىندە دە ۇيىقتاۋعا مۇرساسى جوق.ورتالاۋ مەكتەپ وقۋشىلارى قىسقى كانيكولدا 5 − 6 تاپسىرما كىتاپتى ورىندايدى.مەرەكە كەزىندە دە ءبىر شاتتانىپ كۇلە المايتىن بولدى، بالالار مىنە ناقتى جاعداي.
وقۋشىلاردىڭ اۋىرتپالىعىن جەڭىلدەتۋ جونىندە «شۋ كوتەرگەلى» 20 − 30 جىل بولعانىمەن، بالالاردىڭ جۇگى جەڭىلدەگەنى بىلاي تۇرسىن، بارعان سايىن اۋىرلاي تۇسكەن.الگى قۇجاتتى شىعارۋشىلاردىڭ ءوزى «جەرگە قاراپ» وتىرعان بولۋى كەرەك، ۇيالعانىنان بيىل تاعى دا قۇجات شىعاراما قايتەر ەكەن؟
ولار اۋىرتپالىقتى جەڭىلدەتۋ جونىندە جاعى سەمەردەي بولىپ ۇرانداپ جاتقانىمەن، وقۋشىلاردىڭ اۋىرتپالىعى باتپانداي بولىپ بارادى.ارينە، مۇندا قاتىستى تاراۋلاردىڭ وقۋشىلاردىڭ اۋىرتپالىعىن جەڭىلدەتۋ بەلگىلەمەسى جاعدايعا ساي كەلمەگەنىن كورۋگە بولادى.مەن ورتا، باستاۋىش مەكتەپتىڭ اۋىرتپالىعىن جەڭىلدەتۋ قۇجاتتارىن اقتارىپ كوردىم، ءبارى دە ماسەلەنى سيپاي قامشىلاپ ايتقان.اتالمىش اۋىرتپالىقتى جەڭىلدەتۋ شارالارىنىڭ تىندىرار قۋاتى شامالى بولعان، تەبىنىنەن تورەشىلدىككە بەيىم قۇرعاق ايعاي، بوس ۇراندار.ءبارى دە ماسەلەنىڭ ءتۇپ نەگىزىن تاپپاعان قۇجاتتار.
قاتىستى تاراۋلار قۇرعاق قۇجات شىعارىپ بوسقا ايعايلاعاننان باسقا، بالالاردىڭ اۋىرتپالىعىن جەڭىلدەتۋدىڭ باسقا دا مۇمكىندىگىن جاسادى ما؟ وقۋلىقتى رەفورمالاۋدا وقۋشىلاردىڭ اۋىرتپالىعىن ويلاسقان جان بار ما؟ وقىتۋ ورنالاستىرۋلارى اۋىرتپالىقتى جەڭىلدەتتى مە؟ قايسى ءبىر وقىتۋ ىستەرى وقۋشىلاردىڭ اۋىرتپالىعىن كۇشەيتتى، قانداي ءونىمدى وقىتۋ ادىستەرىن كۇشەيتۋ كەرەك، وسى جونىندە ءبىر ءسات ويلاندىق پا؟ قۇجاتتىڭ قالىڭداعانىنىڭ نە ءسانى، قۇرعاق ايعاي مەن قاعاز باستىلىق بىلايعى جۇرتتىڭ كۇلكىسىنە اينالىپ وتىرماي ما.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
