- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءدىن زاڭدىلىعىنا بويسۇنىپ، «5 ورتاق تانىمنان» جازبايىق
2015.06.29 15:29 كەلۋ قاينارى : شينجياڭ گازەتى
− شينجياڭنىڭ ءدىن قىزمەتىن كۇشەيتۋ جانە كەمەلدەندىرۋ جونىندە (2)
«ءدىن زاڭدىلىعىنا بويسۇنىپ، <5 ورتاق تانىمنان> جازباۋ، پارتيانىڭ ءدىن قىزمەتى جونىندەگى باعىتىن، پرينسيبىن باتىل دايەكتىلەندىرۋ». اۆتونوميالى رايونىمىزداعى وتانشىل ءدىني قايراتكەرلەردىڭ اڭگىمە ماجىلىسىندە، جاڭ چۇنشيان شۋجي ءدىن قىزمەتىن دەن قويا جاقسى ىستەۋدىڭ ءادىسى مەن جولىن العا قويدى، بۇل − شينجياڭدا ۇلتتار ىنتىماعى مەن ءدىن جاراسىمدىلىعىن جەبەۋدە بويسۇناتىن نەگىزگى قاعيدا.
شينجياڭدا ءدىن قىزمەتىن دەن قويا جاقسى ىستەۋ ءۇشىن، ءدىن قىزمەتىنىڭ تاماشا جالپى جاعدايى مەن ءدىني قايراتكەرلەردىڭ، دىنگە سەنەتىن قاۋىمنىڭ بەلسەندى رولىن كورە بىلۋمەن بىرگە، ءدىن سالاسىندا پارتيانىڭ ءدىن قىزمەتى جونىندەگى باعىت - ساياساتتارىن ۇيرەنۋ، ءتۇسىنۋ، يگەرۋ، تياناقتاندىرۋ جاعدايى دەرلىكتەي بولماۋ، ءدىن زاڭدىلىعى جونىندەگى تانىم ايقىن بولماۋ ماسەلەسىنىڭ ورىن تەۋىپ وتىرعاندىعىن؛ ونىڭ ۇستىنە شەكارا سىرتىنداعى جاۋ كۇشتەردىڭ دىننەن پايدالانىپ، شينجياڭعا سىنالاپ كىرىپ، ءبۇلدىرۋ ارەكەتىمەن شۇعىلدانۋ جايتىنىڭ اسقىنىپ بارا جاتقاندىعىن دا كورە ءبىلۋىمىز كەرەك. تانىم جاعىنداعى وسى ماسەلەلەر شەشىلمەسە، ءدىني ىستەردى باسقارۋعا، ءدىننىڭ جاراسىمدىلىعىنا، ءسوز جوق، نۇقسان جەتكىزەدى؛ وسى سياقتى ءبۇلدىرۋ ارەكەتتەرىنە ەرەكشە ءمان بەرىلمەسە، ءدىن سالاسىنىڭ ورنىقتىلىعىنا، قوعامدىق جالپى جاعدايدىڭ ورنىقتىلىعىنا كەسىرى تيەتىندىگى داۋسىز.
ماسەلەنى شەشۋ ءۇشىن ماسەلەنىڭ ءتۇپ تامىرىن ءداپ باسىپ تابۋ قاجەت. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە مىنالار ايقىن اتاپ كورسەتىلگەن: شينجياڭنىڭ ءدىن ماسەلەسى ۇزاق ۋاقىتتىق، كۇردەلى، بۇقارالىق، ۇلتتىق، حالىقارالىق سيپات الۋداي ەرەكشەلىكتەرگە يە. ورتالىقتىڭ ءدىننىڭ وسى «5 ءتۇرلى سيپاتقا يە» ەرەكشەلىگىن ءداپ باسىپ تۇراقتاندىرۋى، ءبىزدىڭ ءدىن جاعدايىن يەلەپ، ءدىن قىزمەتىن جاقسى ىستەپ، ناقتى تۇجىرىم جانە ماڭىزدى شەشىم جاساۋىمىزدى ءتۇبىرلى نەگىزبەن قامدادى. ءدىننىڭ وسى «5 ءتۇرلى سيپاتقا يە» ەرەكشەلىگىن جەتە تانىعاندا عانا، ءدىن زاڭدىلىعىنا اناعۇرلىم ويداعىداي بويسۇنىپ، «5 ورتاق تانىمنان» جازباي، پارتيانىڭ ءدىن قىزمەتى جونىندەگى باعىتتارىن، پرينسيپتەرىن باتىل دايەكتىلەندىرىپ، ءدىن قىزمەتىن شوگەلدىكپەن جاقسى ىستەي الامىز.
ءدىن قىزمەتىن شوگەلدىكپەن جاقسى ىستەۋ ءۇشىن،ءدىن زاڭدىلىعىنا بويسۇنۋ كەرەك. شينجياڭدا ءدىن ەرەكشەلىگى مەن ءدىن زاڭدىلىعىن جەتە تانىپ، تولىق يگەرگەندە عانا، ءدىني ىستەر مەن ءدىن قىزمەتىنىڭ شينجياڭنىڭ رەفورما، دامۋ، ورنىقتىلىق جالپى جاعدايىنداعى ماڭىزدى ورنىن ىشكەرىلەي تۇسىنۋگە، ءدىن قىزمەتىن تىڭعىلىقتى ىستەۋگە بولادى. ءدىن زاڭدىلىعىنا بويسۇنۋدا، ءدىننىڭ «5 ءتۇرلى سيپاتتى» ەرەكشەلىگىن جەتە تانۋمەن بىرگە دىنگە سەنەتىن قاۋىم مەن ازاماتتاردىڭ قاتىناسىن دا دۇرىس تانۋ كەرەك. ەلىمىزدە ءدىن سالاسىنداعى قايراتكەرلەر مەن دىنگە سەنەتىن قاۋىم، ەڭ اۋەلى، ەلىمىزدىڭ ازاماتى سانالادى، ازاماتتار نەگىزگى ۇقىق - مۇددەسىنەن يگىلىكتەنۋمەن بىرگە، نەگىزگى زاڭعا جانە زاڭ - ەرەجەلەرگە بويسۇنۋ بورىشىن، ءسوز جوق، وتەيدى؛ ونان سوڭ ءدىن اقيدالارى مەن قاعيدالارى بويىنشا، ءدىني قيمىلدارعا قاتىناسادى. ءدىن زاڭدىلىعىنا بويسۇنۋدا، «زاڭدىنى قورعاۋ، زاڭسىزدى تەكتەۋ، ۇشقارىلىقتى تەجەۋ، سىنالاپ كىرۋدەن ساقتانۋ، قىلمىستىق ارەكەتتەرگە سوققى بەرۋ» نەگىزگى پرينسيبىنەن جازباۋ، وسى پرينسيپتى ءدىن ماسەلەلەرىن دۇرىس ءبىر جايلى ەتۋدەگى ساياساتتىق نەگىز ەتىپ، ءدىني قيمىلداردىڭ جۇيەلى، ءتارتىپتى ورىستەتىلۋىنە جەتەكشىلىك ەتۋ جانە ونى قامتاماسىزداندىرۋ كەرەك.
ءدىن قىزمەتىن شوگەلدىكپەن جاقسى ىستەۋ ءۇشىن «5 ورتاق تانىمنان» جازباۋ كەرەك. جۇرت كوڭىلىن توعىستىرۋداعى ەڭ ءتۇبىرلى سەبەپ − قۇننىڭ ۇشتاسۋى مەن تانىمنىڭ بىرلىگىندە. جۇڭحۋا ۇلتتارىنىڭ سان عاسىردان بەرى وسىنشاما كۇشتى ۇيىستىرۋ قۋاتى مەن باۋراۋ قۋاتىن تاسقىنداتا الۋىنىڭ سەبەبى ۇلتتاردىڭ قۇنعا دەگەن ورتاق تالپىنىسى مەن رۋحاني تياناعىنىڭ بولعاندىعىندا، ۇلتتاردىڭ ءۇرتىس دامۋ بارىسىندا گۇلدەنسە بىرگە گۇلدەنىپ، كۇيرەسە بىرگە كۇيرەيتىن تاعدىرلاس ورتاق تۇلعاعا اينالعاندىعىندا. ءار ۇلت حالقىنىڭ، اسىرەسە، ءدىني قايراتكەرلەر مەن دىنگە سەنەتىن قاۋىمنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە دەگەن ورتاق تانىمىن كۇشەيتىپ، رۋحاني جاقتا جۇڭحۋا ۇلتى ورتاق تۇلعاسى جونىندەگى يدەيالىق نەگىزدى بەكەمدەگەندە عانا ۇلتتار ىنتىماعىن، قوعامنىڭ ورنىقتىلىعىن جانە مەملەكەت تۇتاستىعىن اناعۇرلىم ويداعىداي قورعاۋعا بولادى.
ءدىن قىزمەتىن شوگەلدىكپەن جاقسى ىستەۋ ءۇشىن، پارتيانىڭ ءدىن قىزمەتىندەگى نەگىزگى باعىتىن جاپپاي دايەكتى تياناقتاندىرۋ كەرەك. ۇلتتار ىنتىماعى مەن ءدىن جاراسىمدىلىعى − شينجياڭنىڭ ەڭ ۇلكەن بۇقارالىق قىزمەتى. ءدال وسىنداي كۇردەلى دە جاپالى بۇقارالىق قىزمەتتى جاقسى ىستەۋ ءۇشىن، پارتيانىڭ ءدىني سەنىم ەركىندىگى ساياساتىن، ءسوزسىز، جاپپاي تياناقتاندىرىپ، ءدىن ىستەرىن زاڭ بويىنشا باسقارۋ، دەربەس ءوزىن - ءوزى باسقارۋ، ءوزى ىستەۋ پرينسيبىنەن جازباي، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتۋ كەرەك. ەلىمىزدىڭ ءدىني سەنىم ەركىندىگى ساياساتىن اتقارۋى ءار ۇلت اراسىنداعى دىنگە سەنەتىن قاۋىمنىڭ شىن پەيىلمەن قۇپتاۋىنا يە بولىپ قالماستان، حالىقارالىق قوعامنىڭ دا تاماشا القاۋىنا قول جەتكىزدى. ءدىن قىزمەتىنىڭ وسى نەگىزگى باعىتى ۋاقىتتىق شارا ەمەس، ول ءدىن زاڭدىلىعىنا قۇرمەت ەتۋدىڭ بەينەسى، شىن پەيىلمەن بۇلجىماي، ۇزىن ۋاقىت تاباندى بولاتىن باعىت.
ءدىن قىزمەتىن شوگەلدىكپەن جاقسى ىستەۋ − شينجياڭنىڭ قوعام ورنىقتىلىعى مەن باياندى تىنىشتىعىنىڭ جالپى جاعدايىنا ساياتىن ءىس. ءبىز «ءدىن زاڭدىلىعىنا بويسۇنىپ، <5 ورتاق تانىمنان> جازباي، پارتيانىڭ ءدىن قىزمەتى باعىتىن، پرينسيبىن باتىل دايەكتىلەندىرۋ» سىندى نەگىزگى قاعيدانى باستان - اياق مىقتى يگەرگەنىمىزدە عانا، دىنگە سەنەتىن قاۋىممەن ىنتىماقتاسىپ شينجياڭنىڭ ءتىپتى دە جاقسى، اناعۇرلىم شاپشاڭ دامۋىن ىلگەرىلەتۋىمىزگە، ءدىن جاراسىمدىلىعىن، ۇلتتار ىنتىماعى مەن قوعام ورنىقتىلىعىن قورعاۋىمىزعا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
