- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر ۇرىمجىدە قىزمەت تەكسەرگەندە الەۋمەتتىك اۋماق كادرلارىنان مىنانى تالاپ ەتتى قوعام ورنىقتىلىعى مەن باياندى تىنىشتىقتى ىسكە اسىرۋشى بولۋ كەرەك
2015.07.03 13:20 كەلۋ قاينارى : ءتاڭىرتاۋ تورابى
جۇڭگو كوممۋنيستىك پارتياسىنىڭ قۇرىلعانىنا 94ھ جىل تولعان تۇستا، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 1 - شىلدەدەن 2 - شىلدەگە دەيىن ءۇرىمجى قالاسىندا قىزمەت تەكسەردى ءارى الەۋمەتتىك اۋماق كادرلارىنان حال سۇرادى. ول مىنانى اتاپ كورسەتتى: الەۋمەتتىك اۋماق قىزمەتى پارتيا مەن ۇكىمەتتىڭ بۇقارامەن بايلانىس جاسايتىن دانەكەرى، نەگىزگى ساتى كادرلارى بۇكىل ىنتا - پەيىلىمەن حالىق ءۇشىن قىزمەت ەتۋ ماقساتىن ارقاۋ ەتىپ، قىزمەتتى تىڭعىلىقتى دا مۇقيات ىستەپ، بۇقارانى بارىنشا بەرەكە - بىرلىككە شاقىرىپ، جۇرت تىلەگىن توعىستىرىپ، بۇقاراعا سەنىپ، ولارعا يەك سۇيەپ، قوعام ورنىقتىلىعى مەن باياندى تىنىشتىقتى ىسكە اسىرۋشى بولۋ كەرەك.
شوكىرات زاكىر الەۋمەتتىك اۋماققا، مەشىتكە، قۇرىلىس الاڭدارىنا بارىپ، نەگىزگى ساتىنىڭ ۇيىمدىق قۇرىلىسى، ۇلت، ءدىن، لاشىق رايونداردى وزگەرتۋ، تاس جول قۇرىلىسى سياقتى قىزمەتتەردى تەكسەردى ءارى نەگىزگى ساتىداعى كادرلارمەن، بۇقارامەن، ءدىني قايراتكەرلەرمەن اڭگىمەلەستى.
سوڭعى جىلدارى، ءۇرىمجى قالاسى نەگىزگى ساتىنىڭ نەگىزىن بەكەمدەۋ قىزمەتى ءۇشىن 8 ميلليارد يۋاننان كوبىرەك قارجى قوسىپ، تۇتاس قالاداعى الەۋمەتتىك اۋماق ۇيىمدارى بۇرىنعى 400 نەشەدەن 839 عا جەتتى، بارلىق الەۋمەتتىك اۋماق قىزمەتكەرى، بازاسى، قارجىسى بولۋ سياقتى « 10 بولۋ» شارتىم ازىرلەدى. تيانشان رايونى داۋان اۋماعىن باسقارۋ كوميتەتىنە قاراستى ميڭحۋا داڭعىلى الەۋمەتتىك اۋماعى شينجياڭ بويىنشا كەسكىن ارقىلى باقىلاۋ ءۇيىن جانە سيفىرلاسقان مىنبەر قۇرعان تۇڭعىش الەۋمەتتىك اۋماق. شوكىرات زاكىر وسى الەۋمەتتىك اۋماققا كەلىپ، الەۋمەتتىك اۋماقتىڭ سيفرلاسقان جالپىلىق باسقارۋ جانە قىزمەت ەتۋ ينفورماتسياسى مىنبەرىن تاماشالادى ءارى كەسكىن ارقىلى باقىلاۋ جۇيەسىنەن پايدالانىپ، ميڭحۋا داڭعىلى الەۋمەتتىك اۋماعىنداعى سولتۇستىك 4 - كوشە قاراۋىل ورنىن جاقىنداتىپ سىناپ كوردى.
الەۋمەتتىك اۋماق كادرلارىمەن جانە بۇقارامەن اڭگىمە ءماجىلىس وتكىزگەندە، الەۋمەتتىك اۋماق تۇرعىنى جاڭ ياجۋان شوكىرات زاكىرعا قۋانا: بۇرىن الەۋمەتتىك اۋماق ورتاسىنىڭ شارت - جاعدايى ناشار ەدى، قازىر جول جاقساردى، كوشەلەرگە شىراق ورناتىلدى، پار جىلىدى، ۇيلەرىمىز دە وڭاي جالعا بەرىلەتىن بولدى، تۇرمىسىمىز جاقسارا ءتۇستى، - دەدى.
68 جاستاعى ساقا پارتيا مۇشەسى ازەز نياز توڭىرەگىندەگى وزگەرىستەردى شاتتانا تىلگە تيەك ەتىپ بىلاي دەدى: قازىر قيىنشىلىققا جولىقساق الەۋمەتتىك اۋماق كادرلارىن ىزدەيمىز، الەۋمەتتىك اۋماق تۇرعىندارعا قولايلى قىزمەتتەر وتەدى، ءار ۇلت جۇرتشىلىعى ءوزارا كومەكتەسىپ، جاراسىمدى دا تاتۋ - ءتاتتى ءوتىپ، باقىتتى تۇرمىس كەشىرۋدە. شوكىرات زاكىر مۇنى ەستىگەننەن كەيىن قاباعات قۋاندى، ول پارتيانىڭ تۋعان كۇنىنە وراي، اۆتونوميالى رايوندىق پارتكوم، ۇكىمەت اتىنان الەۋمەتتىك اۋماق قىزمەتكەرلەرىنەن حال سۇرادى.
شوكىرات زاكىر بىلاي دەدى: الەۋمەتتىك اۋماق كادرلارى قوعام ورنىقتىلىعىن قورعاۋ سىندى داڭقتى بورىشىن جانە اۋىر جاۋاپكەرشىلىگىن تولىق تانىپ، اۆتونوميالى رايوندىق پارتكومنىڭ شينجياڭ ەرەكشەلىگىنە يە جاقسى كادر بولۋ تالابى بويىنشا، بيىكتەن بيىككە شىرقاپ، قىزمەت ورەسى مەن قىزمەت ەتۋ ساپاسىن ۇزدىكسىز جوعارىلاتىپ، الەۋمەتتىك اۋماقتى ءتىپتى دە ءونىمدى باسقارىپ، حالىقتى بارىنشا رازى ەتۋ كەرەك.
تيانشان رايونىنداعى اق مەشىتتە، شوكىرات زاكىر ءدىني قايراتكەرلەردەن حال سۇراپ، مەشىتتەردىڭ قازىرگى ءدىني قيمىلدارىنىڭ جانە باسقارۋ قىزمەتتەرىنىڭ ورىستەتىلۋ جاعدايىن ۇعىستى. شوكىرات زاكىر وتانشىل ءدىني قايراتكەرلەر ءوز باسىمدىلىعىنان تولىق پايدالانىپ، دانەكەرلىك رولىن سانالى ساۋلەلەندىرىپ، «بەستە جاقسى» ءدىني قايراتكەر بولۋعا قۇلشىنىپ، دۇرىس سەنىم، دۇرىس ارەكەتتىڭ بەلسەندى تاراتۋشىسى بولۋ كەرەكتىگىن اتاپ كورسەتتى.
ەكونوميكالىق تەحنيكالىق اشۋ رايونىنداعى (تۋدۇنحى رايونى) جوعارى قارقىندى تەمىر جول جاڭا رايونىندا، شوكىرات زاكىر كورىنىستى تاماشالاۋ تەكشەسىنە شىعىپ، جاڭا رايوننىڭ جوبا قۇرىلىسىنىڭ جاعدايىن كوزدەن كەشىردى.
شوكىرات زاكىر تاعى تيانشان رايونىنداعى حيجياشان اۋماعىنا، جەر استى تەمىر جولى 1 - لەنياسىنىڭ قۇرىلىس الاڭىنا، سونداي - اق شىعىس 2 - ايلانبا جوعارى قارقىندى جولدىڭ قۇرىلىس الاڭىنا بارىپ، قۇرىلىستاردىڭ ءجۇرىلۋ جاعدايىن ۇعىستى.
اۆتونوميالى رايوندىق پارتكومنىڭ تۇراقى مۇشەسى، ءۇرىمجى - سانجى پارتكومىنىڭ شۋجيى، ءۇرىمجى قالالىق پارتكومنىڭ شۋجيى جۋ حايلۇن قىزمەت تەكسەرۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
