- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكوم وزات نەگىزگى ساتى پارتيا ۇيىمدارىن، تاڭداۋلى پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن ماداقتاپ - سيلادى
جاڭ چۇنشيان ماڭىزدى ءسوز سويلەپ، تۇتاس رايونىمىزداعى ءار دارەجەلى پارتيا ۇيىمدارى مەن پارتيا مۇشەلەرىنەن مىنانى تالاپ ەتتى
2015.07.02 13:20 كەلۋ قاينارى : ءتاڭىرتاۋ تورابى
ساياسيدا تاباندى بولۋدىڭ ۇلگىسى، ورنىقتىلىقتى قورعاۋدىڭ ۇلگىسى، ۇلتتار ىنتىماعىنىڭ ۇلگىسى، كاسىبىن قاستەرلەپ ۇلەس قوسۋدىڭ ۇلگىسى، ۇكىمەت ىسىندە ءادىل دە پاك بولۋدىڭ ۇلگىسى بولۋ كەرەك
جۇڭگو كوممۋنيستىك پارتياسى قۇرىلعاندىعىنىڭ 94 جىلدىعى بايلانىسىمەن، 30 - ماۋسىم تۇستەن بۇرىن اۆتونوميالى رايوندىق پارتكوم جينالىس اشىپ، جۋىق جىلداردان بەرى ءارقايسى شەپتەن شىققان وزات نەگىزگى ساتى پارتيا ۇيىمدارىن، تاڭداۋلى پارتيا مۇشەلەرىن جانە تاڭداۋلى پارتيا ىستەرى قىزمەتكەرلەرىن ماداقتاپ - سيلاپ، تۇتاس شينجياڭداعى ءار ۇلت پارتيا مۇشەلەرىن تالىقپاي تالپىنىپ، قوعام ورنىقتىلىعى مەن باياندى تىنىشتىقتى جەبەۋگە جىگەرلەندىرىپ دەم بەردى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماداقتاۋ - سيلاۋ جينالىسىنا قاتىناسىپ، اۆتونوميالى رايوندىق پارتكوم اتىنان سيلانعان ۇزدىكتەر مەن وزات پارتيا ۇيىمدارىن قىزۋ قۇتتىقتاپ، تۇتاس شينجياڭداعى ءبىر ميلليون 450 مىڭ پارتيا مۇشەسىنە مەرەكەلىك سالەم جولدادى جانە ىزگى تىلەك ءبىلدىردى.
جينالىستان ىلگەرى جاڭ چۇنشيان باستاعان باسشىلار سيلانعان 100 وزات نەگىزگى ساتى پارتيا ۇيىمىنىڭ ۋاكىلىمەن، 150 تاڭداۋلى پارتيا مۇشەسىمەن، 50 تاڭداۋلى پارتيا ىستەرى قىزمەتكەرىمەن ىستىق ىقىلاسپەن امانداسىپ، بىرگە سۋرەتكە ءتۇسىپ ەستەلىك قالدىردى. سيلانعان كوللەكتيۆتەر مەن جەكەلەر اۋىل - قىستاقتاردا، مالىلەردە، الەۋمەتتىك اۋماقتاردا ۇزاق ۋاقىت تاباندىلىقپەن قىزمەت ىستەپ، ونەركاسىپتىڭ، اۋىل شارۋاشىلىعىنىڭ 1 - شەبىندە تەر توگىپ، لاڭكەستىككە قارسى تۇرىپ، ورنىقتىلىقتى قورعاۋ الدىڭعى شەبىندە شايقاس جاساپ، ادامدارعا ءبىلىم بەرۋ، اۋرۋعا مەدەت، اجالعا اراشاشى بولۋ، تىڭ يگەرىپ، شەكارا ءوڭىردى كوركەيتۋ، جاڭالىق اشىپ، يگىلىك قۇرۋ سياقتى سالالاردا، ەلەۋلى ەڭبەك ءسىڭىرىپ، ءىس جۇزىندىك ارەكەتتەرى ارقىلى شينجياڭداعى كوممۋنيستەردىڭ ساياسي قاسيەتى مەن داۋىرلىك ەرەكشەلىگىن ايگىلەدى.
ساعات 10نان 30 مينۋت وتكەندە ماداقتاۋ - سيلاۋ جينالىسى باستالدى، جينالىسقا قاتىناسقاندار جاپپاي ورىندارىنان تۇرىپ، مەملەكەت گيمنىن ورىندادى.
جاڭ چۇنشيان باستاعان باسشىلار وزاتتارعا سيلىق تاراتتى. جاڭ چۇنشيان ماڭىزدى ءسوز سويلەپ بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايون پارتيا قۇرىلىسىندا تىڭ ىلگەرىلەۋشىلىككە قول جەتكىزدى، نەگىزگى ساتىنى مىقتى يگەرىپ، نەگىزدى بەرىك قالاۋعا ۇزدىكسىز كۇش سالىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ىشكەرىلەي ورىستەتىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن تىڭعىلىقتى ىلگەرىلەتىپ، ءار ۇلت بۇقاراسىنىڭ جاقسى باعاسىنا يە بولدى. قول جەتكەن وسى ناتيجەلەرگە تۇتاس شينجياڭداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ اقىل - پاراساتى، ماڭداي تەرى سىڭگەن. بۇگىن سيلانعان تاڭداۋلى پارتيا ۇيىمدارى مەن ۇزدىك جەكەلەر انە سولاردىڭ كورنەكتى ۋاكىلدەرى.
جاڭ چۇنشيان مىنانى تالاپ ەتتى: ءار دارەجەلى پارتيا ۇيىمدارى مەن قالىڭ پارتيا مۇشەلەرى اۆتونوميالى رايوندىق پارتكومنىڭ قىزمەت جالپى جاعدايىنا سانالىلىقپەن بويسۇنىپ جانە قىزمەت وتەپ، پارتيا مۇشەلەرىنىڭ العاباسار، ۇلگىلىك رولىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا قۇلشىنا اقىل - پاراسات جانە كۇش قوسۋلارى كەرەك.
ساياسيدا تاباندى بولۋدىڭ ۇلگىسى بولۋ كەرەك. پارتيا مۇشەلەرى يدەيا، ساياسي، ءىس - ارەكەت جاعىندا پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ورتالىق كوميتەت پەن اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن اينا قاتەسىز باتىل تياناقتاندىرۋى، «جوعارىنىڭ ساياساتىنا تومەننىڭ توتەپ بەرەتىن شاراسى بولۋدان» اۋلاق بولىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋى، ورتالىق كوميتەتتىڭ، اۆتونوميالى رايوندىق پارتكومنىڭ تالابىنا قارسى ءسوز سويلەۋگە، اۋىز جالاسۋعا، ءيتىس - تارتىس بولۋعا، جىك قۇرۋعا استە جول بەرمەۋى؛ ساياسي تاباندىلىقتى كۇشەيتىپ، پارتياعا، سەنىمگە، حالىققا قاشاندا ادال بولىپ، دۇرىس ساياسي لۋشيانعا، ساياسي مايدانعا، ساياسي بەتالىسقا، ساياسي جولعا باستان - اياق تاباندى بولۋى؛ ساياسي قىراعىلىق پەن ساياسي كورەگەندىكتى كۇشەيتىپ، تۋى ايقىن، مايدانى بەرىك بولۋى، ەكى بەتكەي، ماقۇلباي بولۋدان بويىن اۋلاق ۇستاپ، ۇلكەن دۇرىس پەن ۇلكەن بۇرىس ماسەلەسى الدىندا ايقىن پوزيتسيا ءبىلدىرۋى، قايشىلىق الدىندا قيىنشىلىقتى جەڭە ورگە ۇمتىلۋى، «ءۇش ءتۇرلى كۇشپەن» باتىل كۇرەس جۇرگىزۋى كەرەك.
ورنىقتىلىقتى قورعاۋدىڭ ۇلگىسى بولۋ كەرەك. پارتيا مۇشەلەرى كۇشتى قوعام ورنىقتىلىعى مەن باياندى تىنىشتىق سىندى شينجياڭ قىزمەتىندەگى ماڭىزدى ءتۇيىن مەن تابان تىرەر تياناققا شوعىرلاندىرىپ، ورنىقتىلىقتى قورعاۋ جونىندەگى ورنالاستىرۋلاردى باتىل تياناقتاندىرۋى؛ نەگىزگى ساتىنىڭ نەگىزىن بەكەمدەۋگە ىرىقتىلىقپەن كىرىسىپ، نەگىزگى ساتىنى كۇشەيتۋگە، نەگىزدى بەكەمدەۋگە ءتيىمدى ىستەردى الدىمەن، تەز بىتىرۋگە شارت - جاعداي جاساۋى كەرەك. نەگىزگى ساتىنى كۇشەيتۋگە، نەگىزدى بەكەمدەۋگە ىقپال جەتكىزەتىن، ساي كەلمەيتىن ىستەردى جاپپاي توقتاتۋ، استە ىستەمەۋ كەرەك. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ويداعىداي ورىستەتىپ، «تابان تىرەپ تۇرا الاتىن قىزمەت اترەتىن» قۇرۋعا كۇش سالۋ، ناقتى ءتاسىل كورسەتۋ؛ ءدىني ۇشقارى يدەيامەن باتىل كۇرەسىپ، «ءۇش قوسىننىڭ»، اسىرەسە، پارتيا مۇشەلەرىنىڭ رولىن تولىق ساۋلەلەندىرۋ، پىكىر، كوزقاراس بىلدىرۋگە باتىل بولىپ، ءدىني ۇشقارى يدەيانىڭ قارا نيەت، قاسكۇنەمدىگىن جەرىنە جەتە اشكەرەلەپ، ءار ۇلت بۇقاراسىنىڭ دۇرىس پەن بۇرىستى پارىقتاۋ قابىلەتىن كۇشەيتۋگە، قارسىلىق قۋاتىن ارتتىرۋعا شىنايى كەپىلدىك ەتۋ كەرەك.
ۇلتتار ىنتىماعىنىڭ ۇلگىسى بولۋ كەرەك. پارتيا مۇشەلەرى ۇلتتار ىنتىماعىن ەڭ ماڭىزدى بۇقارالىق قىزمەت ساناپ، پارتيانىڭ ۇلت قىزمەتى جونىندەگى تاريحي تاجىريبەلەرى مەن ۇلت قىزمەتىندە ءدوپ كەلگەن تىڭ جاعدايلاردى، سونى ماسەلەلەردى مۇقيات ۇيرەنىپ، زەرتتەپ، شينجياڭنىڭ ۇلت قىزمەتىنىڭ ەرەكشەلىكتەرى مەن زاڭدىلىقتارىن جاقسى يگەرىپ، ۇلت قىزمەتىن جاقسى ىستەۋ قابىلەتتەرىن ۇزدىكسىز وسىرۋلەرى؛ ءار ۇلت حالقىنىڭ قارىم - قاتىناس، اۋىس - كۇيىس جاساۋ قيمىلىن بەلسەنە ورىستەتىپ، جىلى ءسوز سويلەۋ، ىزگى نيەت ءبىلدىرۋ، ازدا بولسا كومەك بەرۋدەن ايانباۋ سياقتى ۇلتتار ىنتىماعىنا پايدالى ءىس - ارەكەتتەرى ارقىلى، وتباسىنداعىلارعا، قىزمەتتەستەرىنە، دوس - جاراندارىنا جانە تۇتاس قوعامعا ىقپال جاساۋى؛ ۇلتتار ىنتىماعى ۇگىت تاربيەسىن ىرىقتىلىقپەن ورىستەتىپ، ۇلتتار ىنتىماعىنا ءتيىمسىز سوزدەردى باستاماشىلدىقپەن تويتارىپ، ۇلتتار ىنتىماعىن بۇلدىرەتىن ادامدارمەن، ىستەرمەن باتىل كۇرەسىپ، ۇلتتار ىنتىماعىن كوز قاراشىعىنداي ايالاۋلارى كەرەك.
كاسىبىن قاستەرلەپ، ۇلەس قوسۋدىڭ ۇلگىسى بولۋ كەرەك. پارتيا مۇشەلەرى شينجياڭداعى ءار ۇلت حالقىن باقىتقا كەنەلتۋ ءۇشىن قۇلشىنىپ، وزدەرىنىڭ ارمانداعان ىستەرىن ءداۋىردىڭ دامۋىمەن، شينجياڭنىڭ جالپى جاعدايىمەن، مەملەكەتتىڭ تاعدىرىمەن جانە شينجياڭداعى ءار ۇلت حالقىنىڭ باقىتىمەن ۇشتاستىرىپ، شينجياڭدى كوركەيتۋ بارىسىندا تولىسىپ، العا باسىپ، ورەلەرىن ءوسىرىپ، شينجياڭداعى ءار ۇلت حالقىنىڭ باقىتى ءۇشىن كۇرەسۋ بارىسىندا ءومىر قۇنىن ايگىلەۋلەرى كەرەك؛ شينجياڭ رۋحىن بارىنشا ساۋلەلەندىرىپ، «قۇلشىنعاندا عانا وزگەرىس بولادى، قۇلشىنساق بولدى وزگەرتە الامىز» دەگەننەن جازباي، تۇلعالىق رولدى بارىنشا ساۋلەلەندىرىپ، ويلانۋعا، كىرىسۋگە باتىل، تىندىرۋعا شەبەر بولىپ، ماقساتقا جەتپەيىنشە تىنباۋلارى؛ شينجياڭ سەنىمىن شىن مانىندە كۇشەيتىپ، «3 مەزگىل قاباتتاسقان» ەرەكشە جاعدايعا ىرىقتىلىقپەن ۇيلەسىپ، «3 ۇلكەن تاريحي ورايدى» مىقتى يگەرىپ، جاڭا قالىپقا بەلسەنە ۇيلەسىپ، يگەرىپ، جەتەكشىلىك ەتىپ، وزىق كوزقاراس، ۇتىمدى ءادىس جونىندە باتىلدىقپەن ىزدەنىس جاساپ، سىن - سايىستارعا اسقاق جىگەرمەن توتەپ بەرىپ، قيىن ماسەلەلەردى رەفورما جاساۋ، جاڭالىق اشۋ بارىسىندا شەشۋلەرى؛ كاسىپتىك تانىمدى ۇزدىكسىز كۇشەيتىپ، قىزمەت ورىندارىن بۇكىل ىنتا - پەيىلمەن حالىق ءۇشىن قىزمەت ەتۋ باستى ماقساتىن امالياتتا ايگىلەيتىن ماڭىزدى شەپ، پارتيانىڭ كوپ قىزمەتتەر تىندىرىپ، ءوز قۇنىن ايگىلەيتىن ماڭىزدى ءورىس ەتۋ؛ ۇستا رۋحىن بارىنشا ساۋلەلەندىرىپ، قىزمەتتى دەن قويا مۇقيات ىستەپ، ءارقانداي قىزمەتتەن ناتيجە شىعارىپ، قىزمەت ورىندارىندا ۇلەس قوسۋلارى كەرەك.
ۇكىمەت ىسىندە ءادىل دە پاك بولۋدىڭ ۇلگىسى بولۋ كەرەك. بارلىق پارتيا مۇشەلەرى ۇكىمەت ىسىندە ءادىل، پاك بولۋدىڭ نەگىزگى تومەنگى شەگىنەن اتتاماي، بويسۇنۋعا، ساقتانۋعا، اۋلاق بولۋعا ءتيىستى ىستەردى ايقىن ايىرىپ، قاي - قاشان دا سەرگەك، قىراعى بولۋ كەرەك. ءمورالدىلىقتى كۇشەيتىپ، سوتسياليستىك داڭق - نامىس كوزقاراسىن اماليات بارىسىندا بەلسەنە ايگىلەپ، جۇڭحۋانىڭ تاڭداۋلى مادەنيەتى مەن شينجياڭنىڭ وڭىرلىك تاڭداۋلى، ءداستۇرلى مادەنيەتى مازمۇنىنان ءنار الىپ، شينجياڭداعى ءار ۇلت حالقىنىڭ شەكارا ءوڭىردى اشۋ، شەكارا ءوڭىردى گۇلدەندىرۋ تاڭداۋلى داستۇرىنە مۇراگەرلىك ەتۋى جانە ساۋلەلەندىرۋى كەرەك؛ پاكتىك قۇرىلىسىن كۇشەيتىپ، 17 - رەتكى پارتيا ستيلى، پاكتىك قۇرىلىسى تاربيە ايىمەن ۇشتاستىرىپ، دەلولاردان ساباق الىپ، ءوزىن ساقتاندىرۋى، وزات تيپتەردەن ۇيرەنىپ، ءوز دەڭگەيىن وسىرۋلەرى، ورتالىق كوميتەت پەن اۆتونوميالى رايوندىق پارتكومنىڭ پارتيا ستيلى، پاكتىك قۇرىلىسى جانە ۇكىمەت ىسىندە ءادىل، پاك بولۋدى كۇشەيتۋ جونىندەگى بەلگىلەمەلەرىنە قاتاڭ بويسۇنۋلارى؛ زاڭمەن جونگە سالۋ كوزقاراسىن، زاڭمەن جونگە سالۋ تانىمىن كۇشەيتىپ، زاڭمەن جونگە سالۋ وي جەلىسىن كەمەلدەندىرىپ، زاڭدا بەلگىلەنگەن ۇقىق شەگى مەن ءتارتىپ بويىنشا بيلىك جۇرگىزىپ، قىزمەت جاۋاپكەرلىگىن وتەپ، زاڭنىڭ ساقتىق شەگىنەن اسىپ كەتپەۋدى، زاڭنىڭ ەڭ تومەنگى شەگىنە سوقتىقپاۋدى ءاردايىم ەستەن شىعارماي، دۇرىس ۇقىق كوزقاراسىن، ورىن كوزقاراسىن، مۇددە كوزقاراسىن مىقتاپ ورناتىپ، زاڭ - ءتارتىپتى قاتايتىپ، ءتارتىپتى كۇشەيتىپ، قاعيدانى ايقىنداپ، ۇقىقتى ەرەجە، ءتۇزىم بويىنشا ىستەتىپ، ۇقىقتى، جۇمىستى، ادامدى ءتۇزىم ارقىلى باسقارىپ، ۇقىقتى تۇزىممەن مەڭگەرۋلەرى كەرەك.
جاڭ چۇنشيان مىنانى اتاپ كورسەتتى: ءار دارەجەلى پارتيا ۇيىمدارى وسى رەت سيلانعان وزات پارتيا ۇيىمدارىنان ۇيرەنۋى، پارتيا مۇشەلەرى سيلانعان ۇزدىكتەردى ونەگە تۇتىپ، «3تە قاتاڭ، 3تە شىنايى بولۋدى» سانالى تۇردە امالياتتا ايگىلەپ، قىزمەت ورنىن تياناق ەتىپ، ۇزدىكتىككە ۇمتىلىپ، كوممۋنيستەردىڭ العاباسار، ۇلگىلىك رولىن تولىق ساۋلەلەندىرۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايوندىق پارتكومنىڭ ورىنباسار شۋجيى چى جۇن ماداقتاۋ - سيلاۋ قارارىن وقىدى. «شينجياڭ گازەتىسد»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
