- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭعا كاسىپ جاقتان بەرىلگەن كومەك ناتيجەسى جۇرتتى ءسۇيىندىردى
_ شينجياڭعا كاسىپ جاقتان بەرىلگەن كومەك ىلەنىڭ ەكونوميكاسىنىڭ دامۋىن تىڭ ساتىعا كوتەردى
2015.06.30 14:56 كەلۋ قاينارى : ءتاڭىرتاۋ تورابى
«12–بەس جىلدىق» مەزگىلىنەن بەرى جياڭسۋ–شينجياڭ ورتالىعى، جىنفا كۇن ەنەرگيالى توك تاراتۋ، جينما–ي مۇناي–حيميا ونەركاسىبى سياقتى 168 ءتۇيىندى كاسىپ نىسانى تياناقتاندى جانە اتقارىلدى، جالپى 112 ميلليارد يۋان قارجى قوسۋ جوسپارلانىپ، 23 ميلليارد يۋان قارجى تياناقتاندى. مۇنىڭ ىشىندە 86 نىسان سالىنىپ بولدى، بۇعان جالپى 14 ميلليارد يۋان قارجى قوسىلدى، بۇل 30 مىڭنان ارتىق ادامنىڭ كاسىپتەنۋىن جەبەدى. وسى ساندى مالىمەتتەر جياڭسۋ ولكەسىنىڭ ىلەگە باعىتتامالى كومەك قىزمەتىندەگى قالتقىسىز ۇلەسى مەن ەڭبەگىن ايگىلەيدى.
كومەككە يە بولعان ورىنداردىڭ دامۋ قۋاتى جوعارىلادى
قورعاس اۋدانى كۇرە قالاشىعى جانبۇلاق قىستاعىنىڭ تۇرعىنى نيسا ءوز جەرىندە كاسىپتەنگەن وتباسى ايەلى. ول كاسىپورىندا ىستەيمىن دەپ ەشقاشان ويلاماعان ەدى. قازىر قىستاقتاعى كاسىپتەندىرۋ شەبەرحاناسى ونىڭ ارمانىن جۇزەگە اسىردى، ول ءوزىنىڭ ىسكەرلىگىنە سۇيەنىپ، ايىنا 3 مىڭ يۋاننان ارتىق ەڭبەكاقى الادى. ول وتباسىنا قارايلاسىپ قالماستان، وتباسىنىڭ تۇرمىسىن دا جاقسارتتى، قازىر ول ءوزىن ەڭ باقىتتى اداممىن دەيدى.
جانبۇلاق قىستاعى _ از ۇلت شوعىرلى قونىستانعان قىستاق، ۇيعۇر ۇلتى قىستاق جالپى جان سانىنىڭ ٪90 تەن استامىن يەلەيدى. از ۇلت ايەلدەرى ءوز جەرىنەن شىعا الماۋ، كاسىپتەنۋ ورنىن تابا الماۋ جاعدايىنا قاراتا شينجياڭعا كومەك بەرۋشى كادرلار بەلسەنە ءادىس–امال قاراستىرىپ، وتباسى ايەلدەرىنىڭ كاسىپتەنۋىن جەبەدى.
كاسىپتەندىرۋ شەبەرحاناسىنىڭ جاقىن ماڭايدان قۇرىلۋى جانبۇلاق قىستاعىنداعى از ۇلت ايەلدەرىنە كاسىپتەنۋ ورنىن ازىرلەپ، ولاردىڭ كاسىپتەنۋ قيىنشىلىعىن شەشتى.
جياڭسۋ ولكەسى جياڭيىن قالاسىنىڭ قورعاس اۋدانىنا باعىتتامالى كومەك بەرۋ الدىڭعى شەپ قولباسشىلىق گرۋپپاسىنىڭ ورىنباسار باستىعى، قورعاس اۋداندىق پارتكومنىڭ تۇراقتى مۇشەسى، اۋداننىڭ ورىنباسار اكىمى چىن ۋىنبين بىلاي دەدى: قولباسشىلىق گرۋپپاسى كاسىپتەندىرۋ شەبەرحاناسى نىسانىن ءتۇيىندى تۇردە سالدى، شينجياڭعا كومەك بەرۋ قارجىسى ارقىلى كاسىپ جاقتان شينجياڭعا كومەك بەرۋدى ۇلتتار ىنتىماعىنىڭ ۇلگى ينجەنەرياسىنا اينالدىرۋىن ءۇمىت ەتەمىز.
جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى ىلەنىڭ سالت–سانا ابزالدىعىنا سۇيەنىپ، از ۇلتتاردىڭ ەرەكشە قولونەر كاسىبىن بارىنشا دامىتىپ، وزىندىك ەرەكشەلىككە يە ۇلتتىق قولونەر كاسىبى بازاسى قۇرىلىسىن دامىتۋ قىزمەتىن بارىنشا قولدادى، قازىر قۇلجا قالاسى قازانچى قولونەر كاسىبى بازاسى مەكەن قولونەر بۇيىمدارى، اي نۇرى ساحنا كيىم–كەشەكتەرى سياقتى ىشكى ولكەلەردەگى 54 شاعىن، ۇساق كاسىپورىندى باۋرادى، ساياحات ونىمدەرىنىڭ ءتۇرى ءبىر مىڭ 800 دەن ارتىپ، تىكەلەي كاسىپتەنگەندەر 2 مىڭنان استى.
قورعاس اۋدانىنىڭ 13 اۋىل–قالاشىعىنداعى الەۋمەتتىك اۋماق، قىستاق گرۋپپالارى از ۇلت كيىم–كەشەكتەرىن مانەرلەۋ، شينجياڭ ەرەكشە ونىمدەرىن مانەرلەۋ سياقتىلاردى نەگىز ەتىپ، كاسىپتەندىرۋ شەبەرحاناسىنان 30 ىن قۇرىپ، قالا–اۋىلدارداعى بوس ەڭبەككۇشتەردىڭ، وتە–موتە، اۋىل–قىستاقتارداعى 800 دەن ارتىق ايەلدىڭ جاقىن ماڭايدا، ءوز جەرىندە ۇزاق ۋاقىت، ورنىقتى كاسىپتەنۋ ماسەلەسىن شەشتى، ءبىر مىڭ 200 دەن ارتىق ادامنىڭ كاسىپتەنۋىن جەبەپ، كىرىسىن 3 مىڭ يۋانعا جەتكىزدى.
ءتۇيىندى نىساندار جەر–جەردە دامىدى
جاقىنعى مەزگىلدەن بەرى ىلەنىڭ كاسىپورىندارى وندىرگەن، ىلەنىڭ اۋىل شارۋاشىلىق ەرەكشە ونىمدەرىن شيكىزات ەتكەن، ىلەدە وندىرىلگەن جەلىلەس بەزەنۋ بۇيىمدارى جۇرتتى باۋرادى. روزا گۇلى جەلىلەس بەزەنۋ بۇيىمدارى، جۇپار گۇلى جەلىلەس بەزەنۋ بۇيىمدارى سياقتىلاردى ءار ۇلت تۇتىنۋشىلارى ايرىقشا ۇناتتى، ساتىلعان ونىمدەرى ءتاڭىر تاۋىنىڭ تۇستىگى مەن تەرىستىگىنە تارالىپ، ەل ءىشى–سىرتى بازارىنا بەت الدى.
كاسىپ جاقتان شينجياڭعا كومەك بەرۋ ءىسى جاپپاي اتقارىلعاننان كەيىن جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى كاسىپتەنۋدى بارىنشا جەبەيتىن جەرگىلىكتى ورىندارداعى كاسىپورىنداردى قولداۋ سەرپىنىن ارتتىرىپ، كاسىپورىنداردى جياڭسۋ عىلمي زەرتتەۋ قۇرىلىمدارىمەن عىلىم–تەحنيكا سەلبەستىگىن كۇشەيتۋگە باستاپ، كاسىپورىنداردىڭ دامۋ ورەسىن ۇزدىكسىز جوعارىلاتىپ، كاسىپتىك باسەكەلىك قۋاتىن ارتتىردى؛ ىلە پەريللا وسىمدىگى بيولوگيالىق، عىلىم–تەحنيكالىق شەكتى سەرىكتىگى مەن جياڭسۋ حايۋانات–وسىمدىكتەردى زەرتتەۋ قۇرىلىمىنىڭ سەلبەستىگىن بەلسەنە جەبەپ، جۇپار گۇلىنەن ەفير مايىن ءوندىرۋ تەحنيكاسىن حالىقارالىق وزىق ورەگە جەتكىزىپ، كاسىپورىننىڭ دامۋ ساپاسى مەن ونىمدىلىگىن جوعارىلاتتى. قازىر جەرگىلىكتى ورىنداعى 300 بوس ەڭبەككۇشتىڭ كاسىپتەنۋ ماسەلەسىن شەشىپ، جۇپار گۇلى ەگىمشىلىگىمەن شۇعىلداناتىن ءبىر مىڭ 500 وتباسىنىڭ كىرىسىن ارتتىردى.
كاسىپ جاقتان شينجياڭعا كومەك بەرۋ نىسانىن اتقارۋ جانە ءتۇيىندى نىسانداردى ۇشتاستىرۋ ارقىلى مامىردىڭ 30–كۇنى شينجياڭ جيەيوۋ حانىشاسى اتتى جۇپار گۇلى باقشاسى مەن ۋشي شۋەلاڭشان ەكولوگيالىق باقشاسى رەسمي دوس باقشا رايونى بولىپ توعىستى.
جياڭسۋ ولكەسىنىڭ ىلە وبلىسىنا باعىتتامالى كومەك باس قولباسشىلىق شتابى ءىرى اۋىل شارۋاشىلىعى ابزالدىعىن سۇيەنىش ەتىپ، كاسىپتەردى جوتكەپ سايكەستىرىپ كومەك قابىلداعان جەردىڭ ەرەكشە كاسىبىن دامىتۋعا بەلسەنە جەتەكشىلىك ەتىپ، وسى زامانعى اۋىل شارۋاشىلىق عىلىم–تەحنيكاسىنان ۇلگى كورسەتۋ باقشاسىنىڭ ساپالى تۇقىم جەتىلدىرۋ، ەكپەشىلىكتى كاسىپ سالالاندىرىلعان ەكپەشىلىك، ولشەمدەندىرىلگەن باعىمشىلىق سىندى ءۇش ءىرى بازانى سۇيەمەلدەۋ سەرپىنىن ارتتىردى. 700 ميلليون يۋان قارجى قوسىلعان سۋىق سۋ بالىعى باعىمشىلىعى، 300 ميلليون يۋان قارجى قوسىلعان جياڭسۋ حىڭشۇن ازىقتى سىركە سۋى جانە دامدەندىرگىشتەردى ءوندىرۋ بازاسى، 100 ميلليون يۋان قارجى قوسىلعان مەرينوس ءبيازى ءجۇندى قوي باعىمشىلىق بازاسى، 150 ميلليون يۋان قارجى قوسىلعان نۇڭفۋشانچۋان قويىلتىلعان ساپالى جەمىس شىرىنىن مانەرلەۋ سىندى ءتۇيىندى اۋىل شارۋاشىلىعىن كاسىپ سالالاندىرۋ نىساندار ىرگە تەۋىپ، اتقارىلا باستادى.
جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ باس قولباسشىلىق شتابى ىلەنىڭ ەرەكشە جەمىس–ورمان شارۋاشىلىعىن دامىتۋدى بەلسەنە قولداپ، ەلىمىزدىڭ جەر–جەرىنەن ون نەشە ايگىلى مامان–پروفەسسوردى ىلەگە ۇسىنىس ەتىپ، جەمىس–ورماندى دامىتۋعا قاجەتتى قولدانىلمالى تەحنيكالىق كۋرىس اشتى. قازىر وبلىسقا توتە قاراستى ورىنداردا جەمىس–ورمان تەحنيكاسىنا تاربيەلەۋ كۋرىسىنەن، ۇلـگى كورسەتۋ بازاسىنان 34 ى قۇرىلىپ، تاربيەلەنگەن تەحنيك مىڭ رەتتەن، باعبان ون مىڭ رەتتەن استى.
كاسىپتەندىرۋ مەن جاڭالىق اشۋ ارقىلى دوڭگەلەك داۋلەتتى ورەگە جەتۋگە ۇمتىلدى
تۇرعىندار كەڭ دە جارىق ءارى تازا حالىقتى اۋقاتتاندىرۋ بەيقۇت ۇيىندە وتىرىپ، رەتتى دە اسفاليت جاتقىزىلعان جولدا ءجۇرىپ، تازا قۇبىر سۋىن ءىشىپ، كورىكتى اۋىل–قىستاقتا وتىرىقتانىپ، وركەنيەتتى جاڭا ستيل ورناتىپ، جاراسىمدى قوعامنىڭ تىڭ تىرلىگىنەن يگىلىكتەندى–بۇل قورعاس اۋدانى سانداۋحىزى اۋىلى تارجى قىستاعىنداعى ءار ۇلت تۇرعىندارىنىڭ بۇگىنگى تاماشا تۇرمىسى.
بۇل قىستاقتا ءبىر مىڭ 556 وتباسى 4 مىڭ 604 جان سانى بار، جالپى 9 قىستاق تۇرعىندار گرۋپپاسىنا بولىنەدى. ەگىستىك جەر كىسى باسىنا تەك 2.72 مۋ عانا. ەندەشە قانداي كۇش بۇرىن كەدەيلىكتەن كەنجە قالعان وسى قىستاقتى اتى الىس–جۋىققا ايگىلى باي قىستاققا اينالدىردى؟
«مەن پارتياعا العىسىمدى بىلدىرەمىن. پارتيانىڭ جاقسى ساياساتى بولماسا، وسىنداي ادەمى ۇيدە وتىرا الماس ەدىم» دەدى جاڭا ۇيگە كوشىپ كىرگەن قىستاق تۇرعىنى حا گوشياڭ شينجياڭعا كومەك بەرۋ قىزمەتىنىڭ وزدەرىنىڭ تۇرمىسىنا اكەلگەن زور وزگەرىسىن اۋىز جاپپاي ماداقتاپ. شينجياڭعا كومەك قارجىسىنىڭ ارقاسىندا ونىڭ وتباسى جاڭادان 120 شارشى مەترلىك بەيقۇت ءۇي سالدىرىپ، ءىشىن كەرەمەتتەپ اشەكەيلەگەن.
حا گوشياڭنىڭ اۋلاسىندا ءبىر ءىرى تۇرپاتتى جۇك اۆتوموبيلى تۇر، ول ەگىستىك جەردى باپتاۋمەن بىرگە، جۇك تاسىمالداۋمەن شۇعىلدانىپ، ىرعىن تۇرمىس كەشىرۋدە. باسقا قىستاق تۇرعىندارى دا حا گوشياڭ سياقتى ءار جىلى ەگىستىكتىڭ قاربالاس كەزىندە ەگىن ەگىپ، سايابىر كەزىندە سىرتقا شىعىپ جۇمىس ىستەيدى نەمەسە كاسىپ كوزىن اشادى. ءبىر ءبولىم قىستاق تۇرعىندارى قىستاقتا تازالىقشى بولدى نەمەسە سىرتقا شىعىپ جۇمىس ىستەدى. وسىلاي ۇيىندە وتىرىپ–اق جۇمىس تاۋىپ ىستەدى. شينجياڭعا كومەك بەرۋشىلەردىڭ قىستاق تۇرعىندارىنىڭ تۇرمىسىنا اكەلگەن زور وزگەرىسىنە العىس ءبىلدىرۋ ءۇشىن حا گوشياڭ جانە قىستاق تۇرعىندارى قىستاق ورتالىعىنا العىس ءبىلدىرۋ سيمۋولىندا تاس بەلگى ورناتتى. حا گوشياڭ تىلشىگە بىلاي دەدى: كوپشىلىكتىڭ ءبارى پارتيانىڭ جاقسى ساياساتىنا العىس بىلدىرەدى، شينجياڭعا كومەك بەرۋشىلەردىڭ قالىتقىسىز كومەگىنە راحىمەت.
وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە باعىتتامالى كومەك كورسەتۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى تيان حۇڭ مىنانى ءبىلدىردى: بيىل «12–بەس جىلدىقتىڭ» ەڭ سوڭعى جىلى، سونداي–اق 8–توپتاعى ىلەگە كومەك بەرۋ قىزمەتىندە الدىڭعىلارعا مۇراگەرلىك ەتىپ، كەيىنگىلەرگە بۇيداگەر بولاتىن ماڭىزدى ءبىر جىل. بيىلعى ىلەگە كومەك بەرۋ قىزمەتىنىڭ نەگىزگى وي–جەلىسى: ورتالىقتىڭ شينجياڭ قىزمەتى جونىندەگى 2–رەتكى اڭگىمە ءماجىلىسى مەن جياڭسۋ ولكەلىك پارتكوم، ۇكىمەت جانە اۆتونوميالى رايوندىق، اۆتونوميالى وبلىستىق پارتكوم، ۇكىمەتتىڭ قىزمەت ورنالاستىرۋلارىن مۇقيات دايەكتى تياناقتاندىرىپ، قوعام ورنىقتىلىعى مەن باياندى تىنىشتىق جالپى نىساناسىنا قىزمەت وتەۋدى، جوباعا جەتەكشىلىك ەتۋدى، نەگىزگى ساتىداعى حالىق تۇرمىسىنا، كاسىپ ارقىلى شينجياڭعا كومەك بەرۋدى، «قوندىرمالى» توعىسۋدى ءتىپتى دە كورنەكتىلەندىرىپ، «شينجياڭعا بار ىنتا–پەيىلمەن، عىلمي جولمەن، جالعاستى كومەكتەسۋ» جالپى تالابى مەن «قوسىنعا ويداعىداي جەتەكشىلىك ەتىپ، نىساندى ويداعىداي قۇرىپ، ىنتىماقتىلىقتى ويداعىداي ورىستەتىپ، وبرازدى ويداعىداي ورناتۋ» ناقتى مىندەتىنە ساي ىلەنىڭ ءىس جۇزىندىگىمەن تىعىز بىرلەستىرە وتىرىپ، جياڭسۋدىڭ ابزالدىعىن تولىق ساۋلەلەندىرىپ، ورىندى عىلمي تۇراقتاندىرىپ، كۇش سالۋ ءتۇيىنىن ءدال تاۋىپ، ناقتى، شىنايى ىستەپ، الدىڭعى لەكتە ءجۇرىپ، جياڭسۋدىڭ ىلەگە كومەك بەرۋ قىزمەتىن تىڭ ساتىعا كوتەرۋگە كەپىلدىك ەتىپ، جاڭا جاعداي جاراتۋ. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
