- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق ءتارتىپ تەكسەرۋ كوميتەتى جانە باقىلاۋ - تەكسەرۋ مەڭگەرمەسىندە قىزمەت تەكسەرگەندە سۋبيەكتتىك جاۋاپكەرلىك پەن باقىلاۋ جاۋاپكەرلىگىن اتقارىپ، ءادىل دە پاك كادرلار قوسىنىن قۇرۋدى باسا دارىپتەدى
2015.06.30 14:49 كەلۋ قاينارى : ءتاڭىرتاۋ تورابى
بيىلعى شىلدە ايى − اۆتونوميالى رايوننىڭ 17 - رەتكى پارتيا ستيلى، پاكتىك قۇرىلىسى تاربيە ايى. 29 - ماۋسىم تۇستەن بۇرىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق ءتارتىپ تەكسەرۋ كوميتەتى جانە باقىلاۋ - تەكسەرۋ مەڭگەرمەسىندە قىزمەت تەكسەرگەندە، «پارتيا ستيلى، پاكتىك قۇرىلىسىنىڭ سۋبيەكتتىك جاۋاپكەرلىگى مەن باقىلاۋ جاۋاپكەرلىگىن تياناقتاندىرىپ، شينجياڭ ەرەكشەلىگىنە يە جاقسى كادر بولۋ» توڭىرەگىندە، ايماقتارداعى، تاراۋلارداعى نەگىزگى جاۋاپتى جولداستاردىڭ ۋاكىلدەرىمەن كەڭەس وتكىزدى.
جاڭ چۇنشيان مىنانى اتاپ كورسەتتى: سوڭعى جىلداردان بەرى رايونىمىزداعى ءار دارەجەلى پارتكوم تۇلعالىق جاۋاپكەرلىكتەرىن شىن مانىندە اتقاردى، اۆتونوميالى رايوندىق ءتارتىپ تەكسەرۋ كوميتەتى مەن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ورتالىق ءتارتىپ تەكسەرۋ كوميتەتىنىڭ تالابى بوينىشا، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن دايەكتىلەندىرىپ، وزەكتى مىندەتتى ءتۇيىن ەتىپ، ءتارتىپ ورناتۋدان، ءتارتىپتى قاتايتۋدان، ماڭىزدى ورىنعا قويۋدان جازباي، فۋنكتسياعا، تاسىلگە، ستيلگە بۇرىلىس جاساپ، ءتارتىپتىڭ اتقارىلۋىن باقىلاۋدى، جاۋاپكەرلىكتى قۋزاۋدى كۇشەيتىپ، باقىلاۋ جاۋاپكەرلىگىنىڭ تياناقتانۋىن ۇتىمدى قامتاماسىزداندىردى.
جاڭ چۇنشيان مىنانى اتاپ كورسەتتى: شينجياڭنىڭ سان سالالى قىزمەتتەرىن جاقسى ىستەۋدە، پارتيالى كادرلار− تەتىك. جۋىقتا اۆتونوميالى رايوندىق پارتكوم ارت - ارتىنان قاتىستى ماجىلىستەر اشىپ، كادرلار، وقىتۋشىلار، وتانشىل ءدىني قايراتكەرلەر سياقتى «ءۇش قوسىن» قۇرىلىسىن كۇشەيتۋ جونىندە جان - جاقتى ورنالاستىرۋ جاسادى. ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى 3 ءماجىلىستىڭ رۋحىن مۇقيات ۇيرەنىپ، ويداعىداي دايەكتىلەندىرىپ، «ءۇش قوسىننىڭ» ماڭىزدى رولىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەرىك نەگىز قالادى.
جاڭ چۇنشيان مىنانى باسا دارىپتەدى: سوڭعى جىلداردان بەرى اۆتونوميالى رايوندىق پارتكوم شينجياڭنىڭ باياندى تىنىشتىعىن كوزدە ۇستاپ، ءبىر سىپىرا ماڭىزدى وي جەلىلەر مەن شارالار شىعارىپ، شينجياڭدى جونگە سالۋ جاعىندا كەمەلدى ورنالاستىرۋلار جاسادى، اماليات بارىسىندا ءونىمدى ەكەندىگى دالەلدەندى، تەك تاباندىلىقپەن دايەكتى تياناقتاندىراتىن بولساق، شينجياڭداعى قيىن ماسەلەلەردى ءبىر - بىردەن شەشىپ كەتۋگە بولادى. شينجياڭدا قوعام ورنىقتىلىعى مەن باياندى تىنىشتىقتى جۇزەگە اسىرۋ شينجياڭ ەرەكشەلىگىنە يە جاقسى كادرلارعا توتەنشە مۇقتاج. قازىر تۇتاس شينجياڭداعى پارتيالى كادرلار تۇلعالىق جاقتان جاقسى، ءار ۇلت پارتيالى كادرلارى شينجياڭدى قىزۋ ءسۇيىپ، شينجياڭعا تامىر تارتىپ، شينجياڭدى كوركەيتىپ، شينجياڭعا ۇلەس قوسىپ، شينجياڭنىڭ سان سالالى ىستەرىنىڭ كوش باسشىسىنا جانە نەگىزگى تىرەگىنە اينالدى. الايدا ءىشىنارا پارتيالى كادرلاردا سەلقوس قاراۋعا بولمايتىن كورنەكتى ماسەلەلەر ورىن تەۋىپ وتىر. ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى شينجياڭ ەرەكشەلىگىنە يە جاقسى كادرلار قوسىنىن قۇرۋدا، پارتيانى پارتيا باسقارۋدان، پارتيانى قاتاڭ باسقارۋدان جازباي، باس شۋجي شي جينپيڭ جاقسى كادر بولۋ جونىندە العا قويعان «20 ءسوزدى ولشەمى جانە ۇلتتىق رايوندارداعى جاقسى كادر بولۋ جونىندە قويىلعان «3 ءتۇرلى ەرەكشەلىك بولۋ» ەرەكشە ولشەمى، اۆتونوميالى رايوندىق پارتكومنىڭ العا قويعان «ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى بولۋ» تالابى بويىنشا، قاتاڭ تاربيەلەۋدەن، قاتاڭ باسقارۋدان، قاتاڭ باقىلاۋدان جازباي، ستيلدە پاك، سالتى دۇرىس ساياسي ەكولوگيا، ساياسي ورتا قالىپتاستىرىپ، شينجياڭ ەرەكشەلىگىنە يە جاقسى كادرلار قوسىنىن قۇرۋعا كۇش سالۋ كەرەك.
جاڭ چۇنشيان مىنانى باسا دارىپتەدى:«2 جاۋاپكەرلىكتى» تياناقتاندىرىپ، شينجياڭ ەرەكشەلىگىنە يە جاقسى كادرلار قوسىنىن قۇرۋدى مىقتى يگەرۋ كەرەك
ءبىرىنشى، پارتيالىلىق، پارتيا ستيلى، پارتيا ءتارتىبى تاربيەسىن كۇشەيتۋ بارىسىندا «2 جاۋاپكەرلىكتى» ويداعىداي تياناقتاندىرىپ، مۇراتتى، جاۋاپكەرلىگى كۇشتى جاقسى كادرلار قوسىنىن قۇرۋ.
تۇتاس شينجياڭداعى ءار دارەجەلى پارتيا ۇيىمدارى باس شۋجي شي جينپيڭنىڭ ءبىرسىپىرا ماڭىزدى سوزدەرىنىڭ رۋحىن ۇيرەنۋدى، يگەرۋدى جانە دايەكتى تياناقتاندىرۋدى، پارتيا ورتالىق كوميتەتى مەن اۆتونوميالى رايوندىق پارتكومنىڭ ماڭىزدى شەشىمدەرىن، ورنالاستىرۋلارىن ۇيرەنۋ تاربيەسىن مىقتى يگەرىپ، قايشىلىقتاردى شەشۋ، ماسەلەلەردى ءبىر جايلى ەتۋ، كۇردەلى جاعدايدى مەڭگەرۋ قابىلەتىن جاپپاي كۇشەيتىپ، «ۇشتە قاتاڭ، ۇشتە شىنايى بولۋ» ارناۋلى تاربيەسىن ىشكەرىلەي ورىستەتىپ، پارتيالى كادرلاردىڭ بورىشتارىن وتەۋىنە، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ تاريحي جاۋاپكەرلىگىن باتىلدىقپەن ارقالاۋىنا جەتەكشىلىك ەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتكوممەن سەلبەسىپ، جەمقورلىققا قارسى تۇرۋ ۇگىت - تاربيەسى قىزمەتىن مىقتى يگەرۋ قاجەت.
ەكىنشى، پارتيانىڭ ساياسي ءتارتىبى مەن ساياسي قاعيداسىن قاتايتۋ بارىسىندا «2 جاۋاپكەرلىكتى» ويداعىداي تياناقتاندىرىپ، تارتىپشەڭ، قاعيداشىل جاقسى كادرلار قوسىنىن قۇرىپ شىعۋ.
ءار دارەجەلى پارتيا ۇيىمدارى ساياسي ءتارتىپتى اتقارۋ جانە ونى قورعاۋ جاۋاپكەرلىگىن سانالىلىقپەن ۇستىلەرىنە الىپ، پارتيالىلىققا جات سوزدەر مەن ارەكەتتەرگە ايقىن پوزيتسيا ۇستاۋى، اسىرەسە لاڭكەستىككە، بولشەكتەۋشىلىككە، سىنالاپ كىرۋگە قارسى تۇرۋ كۇرەسىندە، ءسوز جوق، تۋى ايقىن، مايدانى بەرىك، ءىس - ارەكەتتە سانالى بولىپ، ساياسي تارتىپكە قايشى ماسەلەلەر، نىسايلار بايقالعان زامان دەر كەزىندە ەسكەرتىپ جانە تۇزەتىپ، ساياسي تارتىپكە قايشى ارەكەتتەردى باتىل تيۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءوز جاۋاپكەرلىكتەرىن ويداعىداي اتقارىپ، ءتارتىپتىڭ اتقارىلۋىن باقىلاۋدى، جاۋاپكەرلىكتى قۋزاستىرۋدى زاڭ بويىنشا جۇرگىزىپ، از ساندىلاردى باسقارۋدان اناعۇرلىم كوپ ساندىلاردى باسقارۋعا قاراي، «زاڭعا قايشىلىق جاساعانداردى» قاداعالاۋدان «تارتىپكە قايشىلىق جاساعانداردى ءتىپتى دە قاداعالاۋعا» قاراي ويىسۋ كەرەك.
ءۇشىنشى، ستيل قۇرىلىسىن تەرەڭدەتۋ بارىسىندا «2 جاۋاپكەرلىكتى» ويداعىداي تياناقتاندىرىپ، بۇكىل ىنتا - پەيىلمەن ءار ۇلت حالقى ءۇشىن قىزمەت وتەيتىن جاقسى كادرلار قوسىنىن قۇرۋ.
تۇتاس شينجياڭداعى ءار دارەجەلى پارتيا ۇيىمدارى ورتالىقتىڭ 8 ءتۇرلى بەلگىلەمەسى مەن اۆتونوميالى رايوندىق پارتكومنىڭ 10 تارماقتى بەلگىلەمەسىن مۇقيات دايەكتى تياناقتاندىرىپ، «ءتورت ءتۇرلى بۇرىس ستيلدى» تالىقپاي تۇزەتىپ، پارتيانىڭ بۇقارالىق لۋشيان تاربيەسى مەن امالياتتىق قيمىلىنىڭ جەتىستىكتەرىن ۇزدىكسىز بەكەمدەۋ، ەتەك الدىرۋ كەرەك. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىمەن ۇشتاستىرىپ، اۋىل - قىستاقتارداعى پارتيالى كادرلاردىڭ بۇقارانىڭ مۇددەسىنە زيان جەتكىزۋ ماسەلەسىن ارناۋلى وڭاپ، ءار ۇلت بۇقاراسىنىڭ زاڭدى ۇقىق - مۇددەسىن شىن مانىندە قورعاپ، قىزمەتتە بۇقارانىڭ كوڭىلىنەن شىعىپ، بۇقارانىڭ كوڭىلىندەگى «ەڭ سوڭعى ءبىر شاقىرىمدى» اشىپ، جۇرت تىلەگىن شىن مانىندە توعىستىرۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى «ءتورت ءتۇرلى بۇرىس ستيلدىڭ» جاڭا فورماسىنا، تىڭ ىڭعايىنا، تىڭ وزگەرىستەرىنە قاداعالاي نازار اۋدارىپ، ستيلگە قيعاش، تارتىپكە قايشى ارەكەتتەردى قاتاڭ تەكسەرىپ ءبىر جايلى ەتىپ، ستيل قۇرىلىسىن ۇدايىلاندىرۋدى كورنەكتىلەندىرۋ كەرەك.
ءتورتىنشى، كادرلاردى جاقسى تاڭداۋ، كادرلاردان جاقسى پايدالانۋ، كادرلاردى جاقسى باسقارۋ جاعىندا «2 جاۋاپكەرلىكتى» ويداعىداي تياناقتاندىرىپ، ساپاسى جوعارى، كوڭىل - كۇيى ورنىقتى، تەبىندى جاقسى كادرلار قوسىنىن قۇرۋ.
ءار دارەجەلى پارتكومدار «3تى وبالدى ەتپەۋدەي» ادام ىستەتۋ بەتالىسىنا باستان - اياق تاباندى بولىپ، ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى بولۋ تالابىنان جازباي، تاماشا ستيلمەن جاقسى كادرلاردى تاڭداۋ كەرەك. ءار سالادا، ءار كاسىپتە شوگەلدىكپەن، مويىماي، بەرىلە ىستەپ كەلە جاتقان كادرلاردى بارىنشا تاڭداپ ءوسىرۋ؛ مىنەز - قۇلقى جاقسى، ناقتى جۇمىس تىندىراتىن، قيىن ماسەلەلەردى شەشەتىن، دامۋدى كوزدەيتىن كادرلاردى بارىنشا تاڭداپ ءوسىرۋ؛ ۇزاق ۋاقىت شارت - جاعدايى جاپالى جەرلەردە تاباندىلىقپەن ىستەپ، ناتيجە شىعارعان كادرلاردى بارىنشا تاڭداپ ءوسىرۋ؛ قيۋادان قيىستىراتىن، قيىنشىلىقتاردى جەڭۋگە، جاڭالىق اشۋعا شەبەر كادرلاردى بارىنشا تاڭداپ ءوسىرۋ؛ شەشۋشى ساتتە، قاتەرلى كەزەڭدە، ەلەۋلى، توسىن وقيعا الدىندا اتويلاپ العا شىعاتىن، جاسىمايتىن، ۇلكەن دۇرىس، ۇلكەن بۇرىس، قولامتالى ماسەلە الدىندا مايدانى بەرىك، تۋى ايقىن كادرلاردى بارىنشا تاڭداپ ءوسىرۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى شەشۋشى بۋىنداردى باقىلاۋدى كۇشەيتىپ، ادام تاڭداۋ، ادام ىستەتۋ جاعىنداعى بۇرىس ستيلدەر مەن جەمقورلىق ماسەلەسىن باتىل وڭاۋى جانە قاتاڭ تەكسەرىپ ءبىر جايلى ەتۋى كەرەك.
بەسىنشى، جەمقورلىققا قارسى تۇرىپ، پاكتىكتى دارىپتەۋ جاعىندا «2 جاۋاپكەرلىكتى» ويداعىداي تياناقتاندىرىپ، ۇكىمەت ىسىندە ەلگەزەك، پاك كادرلار قوسىنىن قۇرۋ.
تۇتاس شينجياڭداعى ءار دارەجەلى پارتيا ۇيىمدارى جەمقورلىققا قارسى تۇرىپ، پاكتىكتى دارىپتەۋ قۇرىلىسىن مىقتى يگەرۋ تيەسەلى مىندەتىمىز، جەمقورلىققا قارسى تۇرىپ، پاكتىكتى دارىپتەۋ قۇرىلىسىن يگەرمەۋ قىزمەتتە اعاتتىق وتكىزگەندىك، جەمقورلىققا قارسى تۇرىپ، پاكتىكتى دارىپتەۋ قىزمەتىن ويداعىداي يگەرە الماۋ قىزمەت اقساتقاندىق دەيتىن تانىمدى مىقتاپ ورناتىپ، تۇلعالىق جاۋاپكەرلىكتى قاتاڭ تياناقتاندىرۋى، اسىرەسە «1 - باسشىلاردى» باسقارۋعا، باقىلاۋعا باسا ءمان بەرۋى كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋجاۋاپكەرلىكتەرىن مۇقيات اتقارىپ، جەردى وتكەرمەلەپ بەرۋ، كەن بايلىعىن اشۋ سياقتى ءتۇيىندى سالالارداعى ماسەلەلەردى قاتاڭ تەكسەرىپ ءبىر جايلى ەتىپ، جەمقورلىق جايتىنىڭ ءورشۋىن باتىل تەجەۋ كەرەك.
جاڭ چۇنشيان مىنانى باسا دارىپتەدى: پارتيانىڭ ارالاپ تەكسەرۋ قىزمەتىن كۇشەيتۋ، «جۇڭگو كوممۋنيستىك پارتياسىنىڭ ارالاپ تەكسەرۋ قىزمەت ەرەجەسىن (وزگەرتىلگەن نۇسقاسى)» جاقسى ۇيرەنۋ جانە دايەكتىلەندىرۋ كەرەك. پارتيالى كادرلار، اسىرەسە، باسشى كادرلار، جاڭادان وزگەرتىلگەن «ەرەجەنىڭ» رۋحي ءمانىن ىشكەرىلەي ءتۇسىنىپ، ۇيرەنۋ قيمىلىن مىقتى يگەرىپ، تياناقتاندىرۋدى قۋزاۋ كەرەك. رەفورما جاساۋدان، جاڭالىق اشۋدان جازباي، ارالاپ تەكسەرۋ، باقىلاۋ قىزمەتىنىڭ باعىتتامالىلىعى مەن ناقتى ونىمدىلىگىن كۇشەيتىپ، ارالاپ تەكسەرۋدىڭ، تىكسىندىرۋ، تەجەۋ، تۇبىرىنەن وڭاۋ رولىن تولىق ساۋلەلەندىرۋ كەرەك.
جاڭ چۇنشيان مىنانى اتاپ كورسەتتى: شينجياڭداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى وزگەلەردى تۇزەتۋدەن بۇرىن وزدەرىن وڭاۋى، القانى مۇقيات يگەرىپ، قوسىنعا جەتەكشىلىك ەتىپ، ءتارتىپ تەكسەرۋ، باقىلاۋ - تەكسەرۋ كادرلارىن «3 تە قاتاڭ، 3 تە شىنايى بولۋ»، «ساياسيدا تاباندى، ستيلى جاقسى، كوڭىل كۇيى ورنىقتى، قابىلەتى كۇشتى بولۋ» تالابىن باستاماشىلدىقپەن امالياتتا ايگىلەپ، پارتياعا ادال، ۇكىمەت ىسىندە ەلگەزەك، پاك، مىندەتتى باتىلدىقپەن ارقالايتىن جاقسى كادر بولۋعا تاربيەلەۋ جانە جەتەلەۋ كەرەك.
ءماجىلىس اۆتونوميالى رايوندىق ءتارتىپ تەكسەرۋ كوميتەتىندەگى قاتىستى جاۋاپتى جولداستىڭ، سانجى حۇيزۋ اۆتونوميالى وبلىسى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، قاشقار ايماعى، قاتىناس - تاسىمال مەڭگەرمەسى سياقتى ورىنداردىڭ پارتكوم شۋجيلەرىنىڭ، ءتارتىپ تەكسەرۋ كوميتەتى شۋجيلەرىنىڭ پارتيا ستيلى، پاكتىك قۇرىلىسى تۇلعالىق جاۋاپكەرلىگى مەن باقىلاۋ جاۋاپكەرلىگىن تياناقتاندىرۋ جاعدايى جونىندەگى مالىمەتىن تىڭدادى.
اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى شۇي حايرۇڭ اڭگىمە ءماجىلىستى باسقاردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
