- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كۇنلۇندە جەلبىرەگەن اتلاس» اتتى شينجياڭنىڭ كولەمدى توراپ ۇگىت قيمىلى باستالدى
شينجياڭعا باعىتتامالى كومەكتەسۋ ساپارى جانە جاڭا ونىمدەردى تانىستىرۋ ءماجىلىسى شاڭحايدا وتكىزىلدى
2015.06.30 14:50 كەلۋ قاينارى : ءتاڭىرتاۋ تورابى
شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن تويلاۋعا ارنالعان «كۇنلۇندە جەلبىرەگەن اتلاس» اتتى كولەمدى توراپ ۇگىت قيمىلى شاڭحاي قالاسىندا باستالدى؛ جەلىلەس قيمىلداردىڭ ءبىرى بولعان شينجياڭعا باعىتتامالى كومەكتەسۋ ساپارى جانە جاڭا ونىمدەردى تانىستىرۋ ءماجىلىسى دە بىرگە وتكىزىلدى.
مەملەكەتتىك ينتەرنەت ينفورماتسيا كەڭسەسى جەتەكشىلىك ەتكەن، شينجياڭ ينتەرنەت ينفورماتسيا كەڭسەسى باس بولىپ ۇيىمداستىرعان، شينجياڭ توقىماشىلىق، كيىم - كەشەك ونەركاسىبىن دامىتىپ، كاسىپتەنۋگە جەتەكتەۋ قىزمەتىنە باسشىلىق ەتۋ گرۋپپاسى بىرلەسىپ باسقارعان، شينجياڭ جاساندى سەرىك تەلەۆيزياسى، دىحۇي توبى، شاڭحاي جۇڭيىڭجىيە شەكتى سەرىكتەستىگى ۇستىنە الىپ وتكىزگەن بۇل جولعى قيمىل مەملەكەتتىڭ «توقىماشىلىق، كيىم - كەشەك ونەركاسىبىن دامىتىپ، كاسىپتەنۋگە جەتەكتەۋ» ستراتەگياسىن مىقتاپ ارقاۋ ەتىپ، شينجياڭ ۇيعۇر اۆتونوميالى رايوندىق پارتكومنىڭ وزەكتى قىزمەتىنە سايكەسىپ، اتلاستى دانەكەر ەتىپ، شينجياڭنىڭ 60 جىلدىق شۇعىلالى تابىستارىن ايگىلەپ، شينجياڭ ەرەكشەلىگىنە يە مادەنيەت كاسىبىنىڭ قارىشتاپ دامۋىنا سارا جول اشتى.
قيمىل «جاڭا اتلاس» اتتى كولەمدى كيىم - كەشەك اپتالىعىمەن باستالدى. شينجياڭدىق كيىم - كەشەك جوبالاۋشىسى اتلاستى جاسامپازدىق ەلەمەنتى ەتىپ، حالىقتىق تەحنولوگيانى وسى زامانعى تانىممەن جانە حالىقارالىق بازار قاجەتىمەن كەمەلدى ۇشتاستىرىپ، ءداستۇرلى اتلاستى زامانالىق تۇسكە يە ەتتى.
اتلاس مەكەنى − شينجياڭنىڭ حوتان ايماعى حوتان قالاسى جييا اۋىلىنداعى اتلاس ءداستۇرلى قولونەرىن 5 - ۇرپاق جالعاستىرۋشى ءومار ءالي ساحناعا كوتەرىلگەندە كورەرمەندەر ىستىق ىقىلاس تانىتتى. قولدا بويالعان اتلاس كەزدەمەلەر قىزۋ قارسى الۋعا يە بولدى.
باستالۋ سالتىندا جۇرتتىڭ نازارىن بارىنشا اۋدارعان ءسات − «كۇنلۇندا جەلبىرەگەن اتلاس» اتىنداعى جاڭا ءونىم جوبالاۋ جارىسىنىڭ سيلىق تاراتۋ سالتى بولدى. جارىس بيىل ءساۋىردىڭ سوڭىندا باستالعاننان بەرى ۇيىمداستىرۋ كوميسسياسى ەلىمىزدەگى جوبالاۋ اۋەسكەرلەرىنەن 482 جاڭا تۋىندى جينادى. 22 - ماۋسىمدا قيمىل اياقتاعانعا دەيىن 13 جاڭا، وزگەشە تۋىندى توپ جارىپ العا شىقتى.
سول كۇنى ۇيىمداستىرۋشى جاق قيمىل ورنىندا كورمە زالىن دا ارناۋلى قۇرىپ، «كۇنلۇندا جەلبىرەگەن اتلاس» اتىنداعى جاڭا ونىمدەر جارىسىندا سيلىق العان تۋىندىلاردى كورمەگە قويدى. بۇلار كيىم - كەشەك، سالى، باس كيىم، اياق كيىم، قولونەر بۇيىمدارى، سومكە، ءۇي تۇتىنۋ بۇيىمدارى سياقتىلاردى قامتيدى. جوبالاۋشىلاردىڭ جاسامپازدىعى اتلاسقا قانات ءبىتىرىپ، وعان ءتىپتى دە قۇدىرەتتى ومىرشەڭدىك كۇش سيلادى.
قيمىلدان كەيىن شاڭحاي قالاسى پۋتو رايونىنىڭ تۇرعىنى لي يجى تەبىرەنە: اسىلىندە اتلاستان مۇنداي جاڭاشا ۇلگىدەگى دۇنيەلەردى جاساۋعا بولادى ەكەن عوي! بارلىعىن ساتىپ العىم كەلىپ تۇر، - دەدى.
قاتىستى قايراتكەرلەر: «كۇنلۇندە جەلبىرەگەن اتلاس» اتتى قيمىل شاڭحايدان كەيىن حۋنان، گۋاڭدۇڭ، فۋجيان، بەيجيڭ، جىجياڭ قاتارلى ولكە، قالالاردا وتكىزىلىپ، شينجياڭ اتلاسىنىڭ تىڭ جاسامپازدىعىن، جاڭا تانىمىن، جاڭا حيكاياسىن، تىڭ وبرازىن ايگىلەيدى، - دەدى.
ۇعىسۋعا قاراعاندا، «كۇنلۇندە جەلبىرەگەن اتلاس» مەملەكەتتىك ينەرنەت ينفورماتسياسى كەڭسەسىنىڭ 2015 - جىلى بۇكىل ەلگە ءتۇيىندى تانىستىرىلاتىن توراپ ۇگىت - مادەنيەت قيمىلىنا ەنگىزىلەدى ەكەن. بۇل اتلاس شەبەر ۇستازدارىن تاربيەلەۋ، اتلاس ايەل پەريزاتى جارىسى سياقتى قيمىلداردى قامتيدى. ۇيىمداستىرۋشى جاق اقپارات قۇرالدارى ارقىلى اتلاستى شينجياڭنىڭ ماركاسى ەتىپ، شينجياڭداعى، اسىرەسە، وڭتۇستىك شينجياڭداعى اۋىل - قىستاق بۇقاراسىن اتلاس ونىمدەرىن جوبالاۋ قابىلەتى مەن ءونىم ساپاسىن وسىرۋگە جەتەلەپ، كاسىپتەنۋ ءورىسىن، اتلاس ونىمدەرى بازارىن كەڭەيتىپ، اتلاس ونەركاسىبىنىڭ دامۋىن جەبەۋدى ءۇمىت ەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
