- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تارىم مۇناي الابىنىڭ 150 ميلليارد تەكشە مەتر تابيعي گازى ەلىمىزدىڭ 15 ولكە - قالاسىن يگىلىككە كەنەلتتى
پايدالانۋ قۇنى 200 ميلليون توننا ولشەمدى كومىردى از ورتەگەنمەن بارابار
2015.06.30 14:51 كەلۋ قاينارى : ءتاڭىرتاۋ تورابى
كىلا، دينا سياقتى 10 نان استام ءىرى، ورتا گاز الاپتارىنان وندىرىلگەن تابيعي گاز، تارىم - لۇننان ساقتاۋ - تاسىمالداۋ پۋنكتىندە جينالعان سوڭ، ساعاتىنا 2 ميلليوننان استام تەكشە مەترلىك مولشەرمەن باتىستىڭ گازىن شىعىسقا جەتكىزۋ جەلىسىنە تومەنگى تۇستان قوسىلادى. 2004 - جىلدان بەرى، جەر استىنداعى وسى «تاساداعى ايداعاردان» تارىم مۇناي الابىنان باتىستىڭ گازىن شىعىسقا جەتكىزۋ قۇبىر جۇيەسى ارقىلى تاسىمالدانعان تابيعي گاز 150 ميلليارد تەكشە مەتردەن اسقان.
تارىم مۇناي الابى باتىستىڭ گازىن شىعىسقا جەتكىزۋدەگى باستى قاينار، ونىڭ تابيعي گاز ءونىم مولشەرى 2004 - جىلعى 351 ميلليون تەكشە مەتردەن 2014 - جىلى 18 ميلليارد 340 ميلليون تەكشە مەترگە كوبەيدى، اسىرەسە سوڭعى 4 جىلدا، باتىستىڭ گازىن شىعىسقا جەتكىزۋ جەلىسىنىڭ تومەنگى تۇسىنداعى گاز پايدالانىلۋ مولشەرىنىڭ ارتۋىنا ساي، بۇل كورسەتكىش جىلىنا ورتا ەسەپپەن ％7.6 ارتىپ وتىردى.
ۇعىسۋىمىزشا، تارىم مۇناي الابىنان تاسىمالدانعان «كوگىلدىر التىن» جەلىنىڭ تومەنگى تۇسىنداعى 15 ولكە - قالاعا، 120 دان استام ءىرى - ورتا قالاعا، 3000 نان استام ءىرى، ورتا كاسىپورىندارعا جانە 400 ميلليونعا جۋىق حالىققا پايدا جەتكىزگەن. جىلىنا 10 ميلليارد تەكشە مەتر تابيعي گاز 13 ميلليون 300 مىڭ توننا ولشەمدى كومىردىڭ ورنىن باسادى دەپ ەسەپتەسەك، 10 نەشە جىلدان بەرى جيىنى 200 ميلليون تونناعا جۋىق ولشەمدى كومىردىڭ ورنىن باسىپ، 10 ميلليون توننادان استام زياندى زاتتى از شىعارۋعا سەبەپكەر بولعان.
باتىستىڭ گازىن شىعىسقا جەتكىزۋدىڭ تابيعي سۇرانىسى قاۋىرت وسكەن وڭتايلى ورايدى ۇتىمدى پايدالانعان تارىم مۇناي الابى كۇشار، سولتۇستىك تارىم، ورتا تارىم سىندى «3 ءىرى شەپكە» تابان تىرەپ، تەز ءونىم بەرەتىن، بارلاۋ مەن اشۋ ءبىر تۇلعالانعان ۇلگى قولدانىپ، «جوعارى، جاڭا، ساپالى» بۇرعىلاۋ ينجەنەرياسىنىڭ جاڭا تەحنولوگيالارىمەن بىرلەستىرىپ، كولدەنەڭ باعىتتا دامىتۋ، تىك باعىتتا ىلگەرىلەتۋ ادىسىنەن پايدالانىپ، كىشىن، دابەي سياقتى جەرلەردەن 100 ميلليارد تەكشە مەتردەن اساتىن 6 گاز قورىن تاۋىپ، سونداي - اق، 7500 مەتردەن تەرەڭ جەردەن ءىرى كولەمدى گاز قورىن بايقاپ، قاراسۋ گاز الابىنىڭ تريلليون تەكشە مەترلىك تابيعي گاز كولەمىن قالىپتاستىرۋىن ءونىمدى تۇردە ىلگەرىلەتىپ، باتىستىڭ گازىن شىعىسقا جەتكىزۋگە تىڭ گاز قاينارىن قوستى.
«100 جىلدىق تارىم» قۇرۋ جالپى ويى بويىنشا، 2020 - جىلعا بارعاندا، تارىم مۇناي، گاز الابىنىڭ جالپى ءونىم مولشەرىن 35 ميلليون تونناعا ، ساپالى تابيعي گاز ءونىمىن 36 ميلليارد تەكشە مەترگە جەتكىزىپ، تابيعي گازبەن قامداۋدى كەپىلدەندىرۋ مەن جوعارى شەگىن رەتتەۋ قابىلەتىن ونان ارى كۇشەيتىپ، مەملەكەتتىڭ ەنەرگيا حاۋىپسىزدىگىن اناعۇرلىم بەرىك كەپىلمەن قامداۋ كوزدەلەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
