سوڭعى جارىم جىلدا ءسوزسىز بىلۋگە ءتيىستى ون ءىرى ءىس

2015.07.01 14:23   كەلۋ قاينارى : حالىق تورابى

　　كوزدى اشىپ – جۇمعانشا 2015 – جىلدىڭ سوڭعى جارتىسىنا اياق باستىق، الدا قانداي ءىرى ىستەر بولادى، قانداي جاڭا ساياساتتار شىعارىلادى، ولاردىڭ قايسىلارى بىزبەن تىعىز قاتىستى؟ حالىق تورابىنىڭ ءتىلشىسى جىپكە تىزگەندەي ايتىپ بەرسىن، مىناداي ىستەردى بىلە جۇرەرسىز:

　　1. جاپون شاپقىنشىلارىنا قارسى سوعىستىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ جينالىسى (اسكەري پارات قامتىلادى) 3 – قىركۇيەكتە وتكىزىلەدى

　　3 – قىركۇيەك تۇستەن بۇرىن ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى قاتارلىلاردىڭ اتىنان بەيجيڭ تيان – انمىن الاڭىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ جينالىسى وتكىزىلەدى (اسكەري پاراتتى قامتيدى)، شي جينپيڭ جينالىسقا قاتىناسادى ءارى ماڭىزدى ءسوز سويلەيدى. بۇل رەتكى اسكەري پارات حالىقارالىق ساياسيدى بايقايتىن ماڭىزدى تەرەزەگە اينالادى. سول كەزدە بۇكىل ەلىمىز بويىنشا ءبىر كۇن دەمالىس بەرىلەدى. 3 – قىركۇيەكتەن 5 – قىركۇيەككە دەيىن قاتارىنان 3 كۇن دەمالىس بولىپ، 6 – ماۋسىمدا قالىپتى قىزمەت ىستەلەدى. بەيجيڭدە باستاۋىش مەكتەپتەر مەن ورتالاۋ مەكتەپتەر 7 – قىركۇيەكتە وقۋ باستايدى.