الەمدەگى ەڭ دۇلەي فۋتبول جارىسى

2015.06.30 15:37   كەلۋ قاينارى : حالىق تورابى

　　حالىق تورابى، 30 – ماۋسىم، بەيجيڭ. يتاليانىڭ فلورەنسيا قالاسى فياززا سانتاكوروسە الاڭىندا ءار جىلدىڭ ماۋسىم ايىندا ەجەلگى فۋتبول جارىسى وتكىزىلەدى. ءارقايسى كومانداداعى 27 ويىنشىءنومىر الۋ ءۇشىن «ءارقانداي ادىستەن» پايدالانىپ، دوپتى قارسىلاسىنىڭ قاقپاسىنا سالۋىنا بولادى. ويىنشىلار ءوزارا ءبىر – ءبىرىن ۇرۋىنا، تەبۋىنە، جىعۋىنا بولادى، سول سەبەپتى بۇل جارىس الەمدەگى ەڭ دۇلەي دەنە تاربيە جارىسى دەپ اتالعان.

　　بۇل جارىستىڭ قيانكەسكى بولاتىنى سونشاما، ولاردىڭ بالشىق مايدانداعى جارىسى تۇرمەدەگى قىلمىستىلاردىڭ ءبىر – بىرىمەن توبەلەسكەنىنەن ەشقانداي قالىسپايدى. 1573 – جىلى بۇل جارىستى كورگەن فرانسيانىڭ پاتشاسى حەنري Ⅲ: «بۇل جارىستى سوعىس دەيىن دەسەڭ، ونى كولەمى كىشكەنە؛ ال جارىس دەيىن دەسەڭ، وتە دۇلەي ويىن»،-دەگەن.

　　بۇل جارىستىڭ ۋاقىتى 50 مينۋت بولىپ، جارىسقا ەكى جاق 27دەن ويىنشى قاتىناستىرادى، قارسىلاسىنىڭ قاقپاسىنا دوپ سالۋدا ءارقانداي ءادىستى قولدانۋىنا بولادى. بۇل جارىسقا ۇيلەسۋ ءۇشىن ويىنشىلار جىل بويى ارنايى جاتتىعۋ جاسايدى. جارىس بارىسىندا ەشقانداي دەمالىس ۋاقىتى جوق، ويىنشىنىڭ بىرەۋى ۇرىپ جىعىلىپ، مايداننان شىعارىلسا دا، جارىس جالعاستىرىلا بەرەدى.

　　ءار كوماندا 4 قاقپاشى، 3 قورعاۋشى، 5 ورتا مايدان ويىنشى جانە 15 شابۋىلداۋشى دايىندايدى. جارىس باستالعاننان كەيىن، ەكى جاق بىردەن توبەلەسكە كىرىپ، ۇرىپ جىققان جاق، سوڭىندا دوپتى قارسىلاسىنىڭ قاقپاسىنا سالادى. جارىس بارىسىندا جالعىز تورەشى مەن 6 كومەكشى تورەشى جارىستى بارىنشا بەيبىت وتكىزۋگە تىرىسقانىمەن، ولاردىڭ ەڭبەگى ەشكە كەتىپ، جارىس باياعىسىنداي توبەلەسپەن اياقتايدى.

　　بۇل جارىستىڭ قاشان بارلىققا كەلگەنى تۋرالى تاريحتا انىق جازىلماعان، ەڭ العاشىندا ريم يمپەرياسى اسكەرلەرىنىڭ اراسىندا ۇنەمى وسى جارىستى ۇيىمداستىرىپ وتىرعان. بۇل جارىستىڭ ەڭ العاش رەت ەستەلىككە الىنۋى 1530 – جىلى بولىپ، ول كەزدە فرانسيا ارمياسى فلورەنسيا قالاسىن قورشاۋعا الىپ، شابۋىلداعان مەزگىل بولسادا، بۇل جارىس باياعىسىنشا وزدىرىلعان. ال قازىرگى زامانداعى فلورەنسيا ەجەلگى فۋتبول جارىسى فلورەنسيا قالاسىنىڭ فرانسيا اسكەرلەرى جاعىنان شابۋىلعا ۇشىراعان 400 جىلدىعىن ەسكە ءتۇسىرۋ بايلانىسىمەن 1930 – جىلى ۇيىمداستىرىلعان. بۇل جارىسقا 4 كوماندا قاتىناسىپ، سوڭىندا ەكى كوماندا سارالانىپ، شەشۋشى جارىستا ونەر كورسەتكەن.

　　كەلۋ قاينارى: حالىق تورابى