- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۋما اۋدانىندا 6.5 بال جەر سىلكىندى، جاڭ چۇنشيان ماڭىزدى نۇسقاۋ بەرىپ ءار ۇلت بۇقاراسىنىڭ باس اماندىعى مەن مال-مۇلكىنىڭ حاۋىپسىزدىگىن بارىنشا قامتاماسىزداندىرۋدى تالاپ ەتتى
2015.07.07 11:05 كەلۋ قاينارى : شينجياڭ حالىق راديو ستانسياسى تورابى
3-شىلدە ساعات 9 دان 7 مينۋت وتكەندە، گۋما اۋدانىندا 6.5 بال جەر سىلكىندى، سىلكىنىس ورنى سولتۇستىك بويلىق 37.6 گرادۋستا، شىعىس ەندىك 78.2 گرادۋستا، سىلكىنىس قاينارىنىڭ تەرەڭدىگى 10 كيلومەتر، سىلكىنىس ورتالىعى گۋما اۋدانىنان 7 كيلومەتر قاشىقتىقتاعى جەردە. 3-شىلدە ساعات 18 گە دەيىن، جەر سىلكىنىسىنەن 3 ادام قازا بولىپ، 71 ادام جارالانىپ، 12 مىڭنان ارتىق ءۇي قۇلادى، مۇنىڭ ىشىندە 5 مىڭ 860 نەشە ءۇي اۋىر ءبۇلىنىپ، اپاتقا ۇشىراعان 66 مىڭ ادام باسقا جەرگە شۇعىل كوشىرىلدى.العاشقى تەكسەرۋگە قاراعاندا تىكە ەكونوميكالىق زيان 190 ميلليون يۋانعا جەتكەن.اپات جاعدايىنىڭ ناقتىلى زيانى ىشكەرىلەي تەكسەرىلۋدە. جەر سىلكىنىسى تۋىلعاننان كەيىن، پارتيا ورتالىق كوميتەتى، مەملەكەتتىك كەڭەس وسكەلەڭ ءمان بەردى، ورتالىقتىڭ قاتىستى مينيسترلىك-كوميتەتتەرى شۇعىل ارەكەتكە كەلىپ، قىزمەت گرۋپپاسىن اپات رايوندارىنا اپاتتان قۇتقارۋ قىزمەتىنە جەتەكشىلىك ەتۋگە جىبەردى.ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان حوتان ايماعى، اۆتونوميالى رايوندىق جەر سىلكىنىسى مەكەمەسى سياقتى قاتىستى ورىنداردان اپات جاعدايىن ۇعىستى، ءارى ماڭىزدى نۇسقاۋ بەرىپ، حوتان ايماعى مەن ءارقايسى قاتىستى تاراۋلاردان جارالىلاردى دەرەۋ قۇتقارىپ، اپات جاعدايىن تەكسەرۋدى مىقتى يگەرىپ، جاپپاي تەكسەرىپ، قالتارىس جەر قالدىرماي، اپاتقا ۇشىراعان بۇقارانى كۇش سالا ويداعىداي ورنالاستىرىپ، ءار ۇلت بۇقاراسىنىڭ باس اماندىعى مەن مال-مۇلكىنىڭ حاۋىپسىزدىگىن بارىنشا قامتاماسىزداندىرۋدى تالاپ ەتتى.ىلە-شالا جاڭ چۇنشيان شۇعىل ءماجىلىستى باسقارىپ اشىپ، جەر سىلكىنىسى اپاتىنا قارسى اتتانىپ، اپاتتان قۇتقارۋ قىزمەتىنە ناقتىلى ورنالاستىرۋ جاسادى.جەر سىلكىنىسى، حالىق ىستەر، ءۇي قۇرىلىسى، قاتىناس، اسكەري ءبولىم، قارۋلى ساقشى، قوعام حاۋىپسىزدىگى سياقتى تاراۋلاردىڭ جاعدايدان جاساعان مالىمەتىن تىڭداعاننان كەيىن، جاڭ چۇنشيان بىلاي دەدى: وسى رەتكى جەر سىلكىنىسى كۇشتى، زيانى اۋىر بولدى.كەزەكتە، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ماڭداي الدى مىندەت ەتىپ، حالىق بۇقاراسىنىڭ باس اماندىعىن بىرىنشى ورىنعا قويىپ، قىمباتتى 72 ساعاتتى ويداعىداي ۇتىپ، ادامداردى، جارالىلاردى كۇش سالا قۇتقارىپ ەمدەپ، ءولىم-ءجىتىمدى ەڭ تومەنگى شەككە ءتۇسىرۋ كەرەك.اپاتتان قۇتقارۋ زاتتارىن ويداعىداي ورنالاستىرىپ، اپاتقا ۇشىراعان بۇقارانىڭ بىردە بىرەۋىن قالدىرماي ويداعىداي ورنالاستىرىپ، اپاتقا ۇشىراعان بۇقارانىڭ جەيتىن تاماعى، ىشەتىن سۋى، تۇراتىن جەرى بولۋعا، ناۋقاسىن كورسەتە الۋىنا كەپىلدىك ەتۋ كەرەك.قايتپا سىلكىنىس پەن قايتا تۋىلاتىن اپاتتان ساقتانىپ، قاتىناس، ەلەكتر ەنەرگيا، سۋ يگىلىگى، حابارلاسۋ سياقتى ماڭىزدى نەگىزگى قۇرىلعىلاردىڭ حاۋىپسىزدىگىن قامتاماسىزاندىرۋدى كۇشەيتىپ، بۇلىنگەندەرىن تەزىرەك جوندەۋ كەرەك.اپات جاعدايىن دەر كەزىندە دۇرىس مالىمدەپ، ءبىر تۇتاس جوسپارلارپ، ءارقايسى جاقتىڭ قىزمەتىن كۇش سالا ويداعىداي ىستەپ، قوعامنىڭ جاراسىمدى ورنىقتىلىعىن ساقتاۋ ءتيىس.اۆتونوميالى رايون جەر سىلكىنىسىنە قارسى اتتانىپ، اپاتتان قۇتقارۋعا قولباسىشلىق ەتۋ ورنىن قۇردى، سونىمەن بىرگە 2-دارەجەلى شۇعىل سايكەسۋ قىزمەتىن ىسكە قوستى.اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايونىڭ ءتوراعاسى شوكىرات زاكىر قاتىستى تاراۋلاردى جيناپ، ءارقايسى جاقتىڭ كۇشىن سايكەستىرىپ، دەرەۋ ارەكەتكە كەلتىردى.اۆتونوميالى رايوندىق پارتكومنىڭ ورنالاستىرۋىنا ساي، حوتان ايماعىندا تەكسەرۋ-زەرتتەۋدە جۇرگەن اۆتونوميالى رايوندىق پارتكومنىڭ ورىنباسار شۋجيى چى جۇن اپات تۋىلعان جەرگە بارىپ، اپاتتان قۇتقارۋ قىزمەتىنە جەتەكشىلىك ەتتى، جەر سىلكىنىسىنە قارسى اتتانىپ، اپاتتان قۇتقارۋ الدىڭعى شەپ قولباسشىلىق ورنى ءماجىلىسىن اشىپ، ورتالىق پەن اۆتونوميالى رايون باسشىلارى نۇسقاۋىنىڭ رۋحىن دايەكتى تياناقتاندىرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ويداعىداي ىستەۋ جونىندە تالاپتاردى العا قويدى، ءارى شيپاحاناعا بارىپ، جارالانعان بۇقارانىڭ كوڭىلىن سۇرادى، اپات تۋىلعان جەرگە بارىپ اپات جاعدايىن تەكسەردى.قازىر، مەملەكەتتىڭ، اۆتونوميالى رايوننىڭ، حوتان ايماعىنىڭ جەر سىلكىنىسى، حالىق ىستەر، دەنساۋلىق ساقتاۋ، قاتىناس، ەلەكتر ەنەرگيا، سۋ يگىلىگى، حابارلاسۋ سياقتى سايكەستى تاراۋلارى قىزمەت گرۋپپاسىن ۇيىمداستىرىپ، اپات تۋىلعان جەرگە قىزمەت ىستەۋگە باردى.اۆتونوميالى رايون اپات تۋىلعان رايونعا 20 ميلليون يۋان اپاتتان قۇتقارۋ قاراجاتىن شۇعىل بوساتىپ، ءبىر مىڭ 500 نەشە شاتىردى، 2 مىڭ جامىلاتىن كورپەنى، 2 مىڭ جامباس كورپەنى جانە 2 مىڭ ىشىكتى اپات تۋىلعان رايونعا جەتكىزدى.حوتان ايماعىنىڭ 13 ەمدەۋ قىزمەتكەرىنەن ۇيىمداسقان ەمدەۋ اتىرەتى اپات تۋىلعان جەرگە بارىپ، قۇتقارۋ ەمدەۋ قىزمەتىن ورىستەتتى، قاشقار ايماعى جىبەرگەن 5 قۇتقارۋ اۆتوموبيلى مەن 18 ەمدەۋ قىزمەتكەرى اپات تۋىلعان جەرگە بارىپ، قۇتقارۋ ەمدەۋ قىزمەتىنە قاتىناستى، گۋما اۋداندىق حالىق شيپاحاناسى مەن اۋىل-قالاشىق دەنساۋلىق ساقتاۋ ورىندارى جارالانعان بۇقارانى كۇش سالا قابىلداپ ەمدەدى، اۆتونوميالى رايون جىبەرگەن 9 قۇتقارۋ اۆتوموبيلى، 33 ەمدەۋ مامانىنان ۇيىمداسقان ەمدەۋ اتىرەتى ۇرىمجىدەن اپات تۋىلعان رايونعا شۇعىل اتتاندى.گۋماداعى ءار دارەجەلى «حالىق جاعدايىن ۇعىسىپ، حالىققا تيىمدىلىك جەتكىزىپ، حالىق تىلەگىن توعىستىرۋ» قىزمەت گرۋپپاسىندارعىلار جەرگىلىكتى كادىر-بۇقارامەن بىرگە اپاتتان قۇتقارۋعا كۇش سالا ات سالىستى، قوعام حاۋىپسىزدىگى، ورتتەن ساقتانۋ تاراۋىنان 200 نەشە ادام سىلكىنىس تۋىلعان جەرگە باردى، جەر سىلكىنىسىنە قارسى اتتانىپ، اپاتتان قۇتقارۋ قىزمەتى جاپپاي، ءتارتىپتى ورىستەتىلۋدە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
