- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان قارامايلى تاۋى جاراتىلىستىق قورىعىندا تەكسەرۋ - زەرتتەۋ جۇرگىزدى
2015.07.28 15:44 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 25 - شىلدەدەن 26 - شىلدەگە دەيىن التاي ايماعىنا بارىپ، قارامايلى تاۋى تۇياقتىلار جاراتىلىستىق قورىعىن ارالاپ، تەكسەرۋ - زەرتتەۋ جۇرگىزدى.
جاڭ چۇنشيان بۇل جولعى ساپارىندا اۆتوكولىكپەن 1600 كيلومەتردەن استام جول باسىپ، سانجى مەن التايدى باسىپ، جول بويى ارالاپ، قارامايلى تاۋى تۇياقتىلار جاراتىلىستىق قورىعىن كوزدەن كەشىردى.
قارامايلى تاۋى تۇياقتىلار جاراتىلىستىق قورىعى 1982 - جىلى اۆتونوميالى رايوندىق حالىق ۇكىمەتىنىڭ بەكىتۋىمەن قۇرىلعان اۆتونوميالى رايون دارەجەلى جاراتىلىستىق قورىق، التاي ايماعى مەن سانجى وبلىسىنا ەندەي ورنالاسقان. قورىقتا جابايى وسىمدىكتەر مەن حايۋاناتتار بايلىعى ەرەكشە مول. قورىقتا كەرقۇلان، موڭعۇل قۇلانى سياقتى مەملەكەت جاعىنان 1 - دارەجەلى قورعالاتىن 12 ءتۇرلى جابايى حايۋاناتتى، سونداي - اق جايرانبوكەن، ارقار سياقتى مەملەكەت جاعىنان 2 - دارەجەلى قورعالاتىن 38 ءتۇرلى جابايى حايۋاناتتى قامتىعان باعالى حايۋاناتتار جاسايدى.
جاڭ چۇنشيان جانە ونىڭ ساپارلاستارى قورىقتى ىشكەرىلەي ارالاپ كوزدەن كەشىردى. تالاي جىلعى قورعاۋدىڭ ارقاسىندا قارامايلى تاۋى تۇياقتىلار جاراتىلىستىق قورىعىنداعى جابايى حايۋاناتتار كوبەيە ءتۇستى، كەرقۇلان 2001 - جىلعى 26 باستان كوبەيىپ 142گە جەتىپ، 17 ءۇيىردى قۇرادى. موڭعۇل قۇلانى 1981 - جىلعى 400 نەشە باستان كوبەيىپ، بۇگىنگى كۇندە 4000نان استى. جابايى حايۋاناتتار قورىعىنداعى حايۋاناتتاردىڭ وتە جاقسى قورعالىپ جاتقانىن كورگەن جاڭ چۇنشيان: وسى جابايى حايۋاناتتاردىڭ ءبارى ءبىزدىڭ باعالى اسىلىمىز ەسەپتەلەدى، ولاردى، ءسوز جوق، جاقسى قورعاۋىمىز كەرەك، - دەدى.
وسىدان سوڭ جاڭ چۇنشيان قارامايلى تاۋى تۇياقتىلار جاراتىلىستىق قورىعىنىڭ جاپان دالاداعى ءشومىشباي قورعاۋ پۋنكتىنە ارنايى ات باسىن بۇرىپ، قورعاۋ پۋنكتىندەگى قىزمەتكەرلەرمەن سىرلاسىپ، كوپشىلىكتىڭ قىزمەت بارىسىندا قانداي قيىنشىلىقتار مەن شۇعىل شەشۋگە ءتيىستى ماسەلەلەرگە ءدوپ كەلىپ وتىرعانىن سۇراپ ۇعىستى.
كۇندىزگى تەكسەرۋدەن سوڭ جاڭ چۇنشيان كەشكى ۋاقىتتان پايدالانىپ كوكتوعاي اۋدانىندا التاي ايماعىنىڭ، كوكتوعاي اۋدانىنىڭ جانە قارامايلى تاۋى تۇياقتىلار جاراتىلىستىق قورىعىنىڭ التاي قورعاۋ پۋنكتىنىڭ جاۋاپتى جولداستارىمەن اڭگىمە ءماجىلىسىن وتكىزدى.
كوپشىلىكتىڭ لەبىزىن تىڭداعاننان كەيىن جاڭ چۇنشيان بىلاي دەپ اتاپ كورسەتتى: التاي ايماعىنىڭ جاراتىلىستىق ەكولوگيالىق شارت - جاعدايى جاقسى، 2011 - جىلى اۆتونوميالى رايوندىق پارتكوم التاي ايماعىنا قاراتا «ەكولوگيانى قورعاۋ، باسىمدىلىقتى زورايتۋ، حالىق تۇرمىسىن كورنەكتىلەندىرۋ، ءوز ەرەكشەلىگىن قالىپتاستىرۋ، وزات نەگىزگى ساتى پارتيا ۇيىمىن قۇرۋ، تاڭداۋلى پارتيا مۇشەسى بولۋ» نساناسىن العا قويدى. التاي ايماعى «ەكولوگيالىق ورتانى باياندى قورعاۋ، بايلىقتى باياندى اشۋ» سىندى دامۋ تانىمىن باستاماشىلدىقپەن تياناقتاندىرىپ، ەكولوگيالىق ورتا قىزمەتىن جاقسى ىستەۋى ءتيىس.
جاڭ چۇنشيان بىلاي دەپ باسا دارىپتەدى: جۋىردا ج ك پ ورتالىق كوميتەتى مەن مەملەكەتتىك كەڭەس «ەكولوگيالىق وركەنيەت قۇرىلىسىن جەدەل ىلگەرىلەتۋ جونىندەگى پىكىردى» العا قويدى. اۆتونوميالى رايوندىق پارتكوم بۇعان وسكەلەڭ ءمان بەرىپ، بۇكىل رايوننان «پىكىردەگى» ورنالاستىرۋ تالابىنا ساي، رەفورما جاساۋ، جاڭالىق اشۋ رۋحىمەن اۆتونوميالى رايوننىڭ ەكولوگيالىق وركەنيەت قۇرىلىسىنىڭ ءتۇرلى قىزمەتىن تىڭعىلىقتى ىلگەرىلەتۋدى تالاپ ەتتى.
جاڭ چۇنشيان بىلاي دەپ اتاپ كورسەتتى: قۇرلىقتىڭ ەكولوگيالىق جۇيەسىنىڭ وزەگى، تۇرلەردىڭ گەن قامباسى سانالاتىن جاراتىلىستىق قورىق رايونى اسا جوعارى ەكولوگيالىق قۇن مەن ەكونوميكالىق قۇنعا يە. جاراتىلىستىق قورىق رايونىنىڭ قىزمەتىن تىڭعىلىقتى ىستەۋ ەكولوگيالىق وركەنيەت قۇرىلىسىن ىلگەرىلەتۋدىڭ ماڭىزدى بۋىنى جانە ماڭىزدى مازمۇنى ەسەپتەلەدى. ەكونوميكالىق دامۋ ەكولوگيالىق ورتانى قورعاۋعا قايشى كەلگەندە ەكونوميكالىق دامۋ، ءسوز جوق، ەكولوگيالىق ورتانى قورعاۋعا جول بەرۋى كەرەك.
جاڭ چۇنشيان بىلاي دەپ باسا دارىپتەدى: تەبىندى ارتتىرىپ، قارامايلى تاۋى تۇياقتىلار جاراتىلىستىق قورىعىن، ءسوز جوق، تىڭعىلىقتى قۇرىپ، جابايى حايۋاناتتاردى ويداعىداي قورعاۋ كەرەك. عىلمي سىپاتتاپ، تىڭعىلىقتى باقىلاپ - تەكسەرىپ، حايۋاناتتاردىڭ اۋۋ زاڭدىلىعىن ءداپ باسىپ يگەرىپ، جابايى حايۋاناتتاردىڭ اۋۋىنا قاجەتتى وتكەلدەردى جاقسى سالۋ؛ جابايى حايۋاناتتاردى قورعاۋ، قۇتقارۋدى كۇشەيتۋ، وتە - موتە، قۋاڭشىلىق كەزىندەگى سۋ، جەم - ءشوپ ماسەلەسىن يكەمدىلىكپەن ءبىر جايلى ەتىپ، جابايى حايۋاناتتاردى ورنىن تۇراقتاندىرىپ باقىلاپ، جابايى حايۋاناتتاردى زەرتتەۋ پۋنكتىن قۇرۋ؛ قىس ماۋسىمىندا جابايى حايۋاناتتاردى قۇتقارۋ پۋنكتى قۇرىلىسىن كۇشەيتىپ، حايۋاناتتاردىڭ قىسقى ىقتاسىن جەرلەرىن جاقسى سالىپ، جەم - ءشوپ قورىن جەتەرلىك ازىرلەپ، حايۋاناتتاردىڭ قىس قىرىنان امان - ەسەن وتۋىنە شىنايى كەپىلدىك ەتۋ كەرەك.
جاڭ چۇنشيان بىلاي دەدى: جاراتىلىستىق قورىق رايونىنداعى قىزمەتكەرلەر جىل بويى بەتپاق دالادا قىزمەت ىستەپ، جاپالى شارت - جاعدايدى جەڭىپ، جابايى حايۋاناتتار مەن جاراتىلىستىق ەكولوگيانى قورعاۋعا ۇلكەن ۇلەس قوستى. اۆتونوميالى رايون جاراتىلىستىق قورىقتىڭ ناقتى قيىنشىلىعى مەن قاجەتىنە مەڭزەس، قىزمەتكەرلەر شتاتى، نەگىزدىك قورعاۋ، عىلمي زەرتتەۋ قاراجاتى سياقتى جاقتاردا بەيىمدەلەدى. كوپشىلىكتىڭ جىگەرىن جانىپ، قايراتىن ۇشتاپ، كۇش ۇستىنە كۇش قوسىپ، جاراتىلىستىق قورىقتى ويداعىداي قۇرىپ، جابايى حايۋاناتتاردى قورعاپ، شينجياڭنىڭ تاماشا ەكولوگيالىق ورتاسىن ساقتاپ، ادام مەن تابيعات دۇنيەسىنىڭ جاراسىمدىلىعىن جۇزەگە اسىرۋىن ءۇمىت ەتەمىن.
جاڭ چۇنشيان وسى جولعى ساپارىندا سولتۇستىك شينجياڭنىڭ سۋ يگىلىگى ينجەنەرياسى قۇرىلىسىن دا تەكسەردى.
اۆتونوميالى رايون باسشىلارىنان باي جىجيە، عانيبات سابىكەي ۇلى قاتارلىلار تەكسەرۋ - زەرتتەۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
