- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان قۇربان ايت مەرەكەسى قارساڭىندا از ۇلت باسشى جولداستارعا امانداسا باردى
2015.09.24 14:02 كەلۋ قاينارى : ءتاڭىرتاۋ تورابى
مۇسىلمان قاۋىمىنىڭ ءداستۇرلى مەرەكەسى قۇربان ايت رەسپۋبليكامىز قۇرىلعاندىعىنىڭ 66 جىلدىعى مەن اۆتونوميالى رايونىمىز قۇرىلعاندىعىنىڭ 60 جىلدىعىنا تۋرا كەلدى. 20 - قىركۇيەك كۇنى تۇستەن بۇرىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ەركىن يمىرباقى، سىمايىل احىمەت، سىمايىل تىلەۋالدى، ابىلەت ابدىرەشيت قاتارلى از ۇلت باسشى جولداستاردىڭ ۇرىمجىدەگى ۇيلەرىنە بارىپ، اۆتونوميالى رايوندىق پارتكوم، حالىق ۇكىمەتى اتىنان شينجياڭنىڭ قۇرىلىستارىنا جانە رەفورما، دامۋ، ورنىقتىلىق ىستەرىنە ۇلەس قوسقان باسشى جولداستاردان مەرەكەلىك حال سۇراپ، رەسپۋبليكامىز قۇرىلعاندىعىنىڭ 66 جىلدىعى مەن اۆتونوميالى رايونىمىز قۇرىلعاندىعىنىڭ 60 جىلدىعىن بىرگە قۇتتىقتاپ، ولاردىڭ دەندەرىنىڭ ساۋ، شاڭىراقتارىنىڭ باقىتتى بولۋىن تىلەدى.
قۇلپىرا اشىلعان گۇل، ساندەپ تىزىلگەن ساڭزى، حوش ءيىستى جەمىس - جيدەك، قويشى ايتەۋىر، ساقا باسشىلار اۆتونوميالى رايون قۇرىلعاندىعىنىڭ 60 جىلدىعىن، قۇربان ايتتى، ورتاڭعى كۇز مەرەكەسىن قارسى الۋدىڭ دايىندىعىن ەرتە كورىپ، ۇيلەرىن الەكەندەي جالاندىرىپ قويىپتى. كوپشىلىك سىمايىل احىمەتتىڭ ۇيىنە بارعاندا نەگىزگى ساتىنىڭ وزگەرىستەرىن تىلدەرىنە تيەك ەتتى. سىمايىل احىمەت بىلاي دەدى: نەگىزگى ساتىداعى ءار ۇلت بۇقاراسىنىڭ جۇزىنەن كۇلكى ءۇيىرىلىپ، العىستى كوڭىلدەرىن باسا الماي ءجۇر، بۇل اۆتونوميالى رايونىمىز قۇرىلعان 60 جىلدان بەرگى دامۋعا، وزگەرىسكە جاسالعان تولىق تۇراقتاندىرۋ بولدى. اۆتونوميالى رايوندىق پارتكوم نەگىزگى ساتىعا ءمان بەرىپ، نەگىزگى ساتىنى كۇشەيتىپ، نەگىزگى ساتىعا قىزمەت كورسەتىپ، ءبىر قىدىرۋ ءونىمدى شارالار قولداندى، اسىرەسە، 3 جىل ۋاقىتپەن ورىستەتىلەتىن «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىندا ءار ۇلت كادرلارى نەگىزگى ساتىعا بارىپ، ناقتى قيمىلدارى ارقىلى ءوزىن ارناپ، زور ناتيجە جاراتىپ، ءار ۇلت بۇقاراسىنىڭ جاپپاي القاۋىنا بولەندى. وسىلاردى كورىپ شينجياڭ ءۇشىن شاتتاندىم، شينجياڭدى ماقتانىش ەتتىم. سىمايىل تىلەۋالدى اۆتونوميالى رايون قۇرىلعان 60 جىلدان بەرگى دامۋ وزگەرىستەرىن «زور، تەز، كوپ، جوعارى، جاقسى، سەنىمدى» سىندى 6 سوزبەن جيناقتادى. ول بىلاي دەدى: اۆتونوميالى رايونىمىز قۇرىلعان 60 جىلدان بەرى، اسىرەسە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، پارتيا ورتالىق كوميتەتىنىڭ كوڭىل ءبولۋى مەن قامقورلىعىندا، اۆتونوميالى رايوندىق پارتكوم وزگەرىس، رەفورما جاساپ، جاۋاپكەرلىكتى باتىلدىقپەن ارقالاپ، ناقتى ونىمگە ءمان بەرىپ، تيانشاننىڭ تۇستىگى مەن تەرىستىگىندە وراسان زور وزگەرىستەر جاراتتى، ەكونوميكا، قوعام جەدەل دامىپ، وقۋ - اعارتۋ، مادەنيەت، ەمدەۋ، دەنساۋلىق ساقتاۋ سياقتى الەۋمەتتىك قىزمەت وتەۋ دەڭگەيى ۇزبەي جوعارىلاپ، بۇقارا ناقتى تيىمدىلىكتەرگە كەنەلدى، ءار ۇلت كادرلارى مەن بۇقاراسىنىڭ رۋحاني بەت - بەينەسى بارعان سايىن جاقسارىپ، بۇكىل شينجياڭنىڭ بارلىق جەرىندەگىلەردىڭ بولاشاققا دەگەن سەنىمدەرى ەسەلەپ ارتتى.
ەركىن يمىرباقى، ابىلەت ابدىرەشيت سياقتى ساقا باسشىلاردىڭ ۇيلەرىنە بارعاندا، جاڭ چۇنشيان باسشى جولداستاردىڭ وتباسىنداعىلاردان حال سۇراپ، مەرەكەلىك سالەم جەتكىزدى.
جاڭ چۇنشيان بىلاي دەدى: اۆتونوميالى رايونىمىز قۇرىلعان 60 جىلدان بەرى، ءبىر توپ ساقا كادر، ساقا جولداستار شينجياڭنىڭ رەفورما، دامۋ، ورنىقتىلىق ىستەرىنە وراسان زور ۇلەستەر قوستى، شينجياڭداعى ناقتى تابىستارعا ءار ۇلت ساقا كادرلارى مەن ساقا جولداستارىنىڭ جۇرەك قانى مەن اقىل - پاراساتى جۇمسالىپ، ءاربىر ۇرپاق ءار ۇلت شينجياڭدىقتاردىڭ قاجىرلى ەڭبەگى مەن تابان ەت، ماڭداي تەرى سىڭگەن. اعا بۋىنداردىڭ ءدال وسىنداي مىعىم نەگىز قالاۋىندا شينجياڭداعى ءار ۇلت حالقى قاجىرلىلىقپەن قۇلشىنۋ تاماشا ءداستۇرىن ساۋلەلەندىرىپ، كوركەم شينجياڭدى جۇدىرىقتاي جۇمىلا وتىرىپ قۇرىپ، قازىرگى زور وزگەرىستەردى جاراتتى. ءبىز مۇنى قاشاندا قۇرمەت تۇتىپ، ساقا كادرلاردىڭ، ساقا جولداستاردىڭ قاجىرلى قۇلشىنىسىن ەستەن ماڭگى شىعارمايمىز.
جاڭ چۇنشيان بىلاي دەدى: پارتيا ورتالىق كوميتەتىنىڭ باسشىلىعىندا، بۇكىل شينجياڭداعى ءار ۇلت حالقى ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا تولىق سەنىم ارتتى. ساقا كادرلار مەن ساقا جولداستاردىڭ دەنساۋلىعىنا كوڭىل ءبولىپ، ارتىقشىلىقتارىن ۇزبەي ساۋلەلەندىرىپ، شينجياڭ قوعامىنىڭ ورنىقتىلىعى مەن باياندى تىنىشتىعىنا بۇرىنعىداي اقىل - كەڭەس بەرىپ، جاڭا ۇلەستەر قوسۋىن ءۇمىت ەتەمىن، بۇكىل شينجياڭداعى ءار ۇلت كادرلارى مەن بۇقاراسىنىڭ ورتاق قۇلشىنۋىندا شينجياڭنىڭ بولاشاعىنىڭ ءتىپتى دە جارقىن بولا تۇسەتىنىنە سەنەمىن. ساقا كادرلار مەن ساقا جولداستاردىڭ مەرەكەلەرىنىڭ قۇتتى، باقىتتى، ساۋ - سالەمەت بولۋلارىن تىلەيمىن.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بىرگە امانداسا باردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
