- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە مەن يچاڭ ستراتەگيالىق سەلبەستىك كەلىسىمىنە قول قويىستى
«يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمال ارناسىن بىرگە قۇرماقشى
2015.09.23 10:09
«مەملەكەتتىڭ ءبىر بەلدەۋ، ءبىر جول» دامۋ ستراتەگياسى مەن چاڭجياڭ وزەنى ەكونوميكالىق بەلدەۋىنىڭ دامۋ ستراتەگيالىق ورايىن مىقتى يگەرىپ، ىلەنىڭ جىبەك جولى ەكونوميكالىق بەلدەۋى وزەكتى رايونىنداعى ماڭىزدى ءتۇيىن ابزالدىعى مەن حۋبەي ولكەسى يچاڭ قالاسى ءۇش قىساڭ ءتۇيىندى رايونىنىڭ ابزالدىعىن تولىق ساۋلەلەندىرۋ ءۇشىن ىلە وبلىستىق پارتكوم مەن يچاڭ قالالىق پارتكومنىڭ ۇزاق بولاشاقتىق تۇرعىدان شەشىم جاساۋىندا، ەكى جەردىڭ ساياسي كەڭەسىنىڭ بەلسەنە جەبەۋىندە قىركۇيەكتىڭ 14 – كۇنى اۆتونوميالى وبلىستىق حالىق ۇكىمەتى مەن يچاڭ قالالىق حالىق ۇكىمەتى يچاڭدا ستراتەگيالىق سەلبەستىك كەلىسىمىنە قول قويىسىپ، «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمال ارناسىن بىرگە قۇرۋدى جوسپارلادى.
وبلىستىق ساياسي كەڭەس پارتگرۋپپاسىنىڭ شۋجيى يۇي چيڭشان، وبلىستىڭ ورىنباسار باستىعى زاكىر زوردۇن، وبلىستىق ساياسي كەڭەستىڭ ورىنباسار ءتوراعاسى ليۋ كىحۋا قول قويۋ سالتىنا قاتىناستى.
حۋبەي ولكەلىك پارتكومنىڭ تۇراقتى مۇشەسى، يچاڭ قالالىق پارتكومنىڭ شۋجيى، حالىق قۇرىلتايى تۇراقتى كوميتەتىنىڭ مەڭگەرۋشىسى حۋاڭ چۋپيڭ مەن يۇي چيڭشان جەكە – جەكە ءسوز سويلەدى.
يچاڭ قالالىق پارتكومنىڭ ورىنباسار شۋجيى، قالا باستىعى ما شۇيميڭ سالتتى باسقاردى.
يچاڭ قالالىق پارتكومنىڭ تۇراقتى مۇشەسى، ورىنباسار قالا باستىعى ماۋ چۋانچياڭ مەن زاكىر زوردۇن ەكى جاق اتىنان كەلىسىمگە قول قويىستى.
يۇي چيڭشان بىلاي دەدى: يچاڭ - ەلىمىزدىڭ ورتا بولەك رايونىنىڭ قاتىناس ءتۇيىندى قالاسى جانە ەلىمىزدىڭ ءۇش قىساڭ ينجەنەرياسى وسى اراعا ورنالاسقان ءارى دۇنيەگە ايگىلى سۋ ەلەكتر ورتالىعى. ىلە وتانىمىزدىڭ باتىس بولەگىنە ورنالاسقان ءارى جىبەك جولى ەكونوميكالىق بەلدەۋى وزەكتى رايونىنىڭ ماڭىزدى ءتۇيىنى، وندا جۇڭگونىڭ قۇرلىق جولىنداعى ەڭ ءىرى ساۋدا وتكەلى - قورعاس وتكەلى بار. مەملەكەتتىڭ «ءبىر بەلدەۋ، ءبىر جول» دامۋ ستراتەگيالىق تىڭ ورايى الدىندا يچاڭ مەن ىلە «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمال ارناسىن قۇرۋ جاعىندا ورتاق دامۋ ورايىنا ءدوپ كەلىپ، يچاڭ قالاسىنىڭ ءۇش قىساڭ ءتۇيىندى ابزالدىعى مەن ىلەنىڭ جىبەك جولى ەكونوميكالىق بەلدەۋى وزەكتى رايونىنداعى ماڭىزدى ءتۇيىندى ابزالدىعىنا سۇيەنىپ، «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمالىن قۇرۋدىڭ تاماشا ساتىندە تۇر، مۇنىڭ بولاشاعى زور. وتە – موتە، «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمالىن قۇرۋ قۇرىلىسى چاڭجياڭ وزەنى ەكونوميكالىق بەلدەۋىنىڭ دامۋىنداعى قاتىناس قيىنشىلىعىن شەشىپ، چاڭجياڭ وزەنى سۋ جولىنىڭ ەكونوميكالىق ونىمدىلىگىن تولىق ساۋلەلەندىرۋگە، ىلەنىڭ ساۋدا زات تاسىمال كاسىبى كولەمىنىڭ كەڭەيۋى مەن ساياحات كاسىبىنىڭ اناعۇرلىم كوركەيىپ – دامۋىن ىلگەرىلەتۋگە ءارى ەكى جاقتىڭ اناعۇرلىم سەلبەسىپ ورتاق يگىلىككە كەنەلۋ تەكشەسىن مىقتى يگەرۋىنە ءتيىمدى. ەكى جەردىڭ «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمال ارناسىن قۇرۋدى وراي ەتىپ، سەلبەستىك پەن اۋىس – كۇيىستى كۇشەيتىپ، تاماشا ونىمدىلىككە قول جەتكىزۋىن ءۇمىت ەتەمىن.
حۋاڭ چۋپيڭ مىنانى ءبىلدىردى: قورعاس قالاسى - باتىستان ورتا ازياعا شىعاراتىن، ازيا - ەۆروپا ۇلى قۇرلىق كوپىرىن بايلانىستىراتىن ماڭىزدى وتكەل قالاسى، ال يچاڭ قالاسىنىڭ وڭىرلىك ابزالدىعى كورنەكتى بولىپ، «ءبىر بەلدەۋ، ءبىر جول» جانە چاڭجياڭ وزەنى ەكونوميكالىق بەلدەۋى سىندى ەكى ۇلكەن ستراتەگيانى ۇشتاستىراتىن ەڭ تاماشا ءتۇيىن. ەكى جەردىڭ «يچاڭ - شينجياڭ - ەۆروپا» سۋ جولى، تاس جول، تەمىر جول ۇلاسپالى حالىقارالىق تاسىمال ارناسىن قول ۇستاسا وتىرىپ قۇرۋى ەكى جەردىڭ جاڭا قالىپقا سايكەسىپ، تىڭ ورايدى مىقتى يگەرىپ، ورتاق دامۋدى جۇزەگە اسىرۋى جونىنەن بەلسەندى جانە تەرەڭ ىقپالعا يە.
كەلىسىم مازمۇنىنا قاراعاندا، ىلە مەن يچاڭ سەلبەستىك تەكشەسىن قۇرۋ، قوس باعىتتا تاسىمال ارناسىن اشۋ، كاسىپتىك سەلبەستىكتى كۇشەيتۋ جاقتارىندا سەلبەسىپ، ىلە - قورعاس حالىقارالىق زات اينالىمى تۇراعى، حالىقارالىق فينانس تۇراعى، حالىقارالىق اۆياتسيا تۇراعى، حالىقارالىق ينفورماتسيا تۇراعى، حالىقارالىق ساياحات اڭعارى سىندى «ءتورت تۇراق، ءبىر اڭعار» جانە يچاڭ ءۇش قىساڭ ءتۇيىندى پورتىن قۇرۋدى بىرگە جەبەمەكشى ەكەن.
جۇلگە كەلىسىمىنە قول قويىسقاننان كەيىن يچاڭ قالالىق ساياسي كەڭەستىڭ ءتوراعاسى لي يالۇڭنىڭ سەرىك بولۋىندا ىلە وبلىسىنىڭ ۋاكىلدەر ۇيىرمەسىندەگىلەر ءۇش قىساڭ رايونى، يچاڭ قالاسىنىڭ ەكولوگيالىق قۇرىلىسى جاعدايى سياقتىلاردى كوزدەن كەشىردى جانە ۇيرەندى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
