- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يۇي جىڭشىڭ ورتالىقتىڭ ۋاكىلدەر ۇيىرمەسىن باستاپ، اۆتونوميالى رايونعا ەستەلىك بۇيىم ۇسىنۋ سالتىنا قاتىناستى
2015.09.29 17:36 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ 25-قىركۇيەك تۇستە اۆتونوميالى رايونعا ەستەلىك بۇيىم ۇسىنۋ سالتىنا قاتىناستى. ورتالىقتىڭ ۋاكىلدەر ۇيىرمەسى اۆتونوميالى رايونعا باس شۋجي شي جينپيڭ ارناۋ ءسوز جازعان «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن گراموتا مەن انار ۇلگىسىندەگى كۋبوك سياقتى ەستەلىك بۇيىمدارىن ۇسىندى، اۆتونوميالى رايون ورتالىقتىڭ ۋاكىلدەر ۇيىرمەسىنە شينجياڭداعى قاناستىڭ كوركەم كورىنىسى تۇسىرىلگەن كىلەمدى تارتۋ ەتتى.
بيىكتىگى 1.3 مەتر، كەڭدىگى 6 مەترلىك گراموتا كوز سۇرىندىرەرلىكتەي كوركەم ەدى. ول جۇڭگوشا نارت قىزىل رەڭدى نەگىز ەتىپ، وڭ بەتىنە باس شۋجي شي جينپيڭنىڭ التىن جالاتىلعان «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوزى، تەرىس بەتىنە ارناۋ ءسوزدىڭ ۇيعۇر، قازاق، موڭعۇل، قىرعىز تىلدەرىندەگى اۋدارماسى تۇسىرىلگەن. گراموتانىڭ ىشكى اينالىمىنا دوڭگەلەك ناقىش، سىرتقى اينالىمىنا بۇجىر تولقىن جولاعى تۇسىرىلگەن، دوڭگەلەك ناقىش باياندى، قۇتتى، قايىرلى بولسىن دەگەن ماعىنادا، ول ءار ۇلت حالقىنىڭ ىنتىماقتى، تاتۋ - ءتاتتى بولىپ، بىرگە گۇلدەنىپ - كوركەيۋىنە سيمۆول ەتىلگەن؛ بۇجىر تولقىن جولاق جۇڭحۋا ۇلتىنىڭ انا وزەنى حۋاڭحى مەن شينجياڭ حالقىنىڭ انا وزەنى تارىم وزەنىنىڭ ۇزىننان ۇزاق ارناسىنا، ءار ۇلت حالقىنىڭ ومىرشەڭدىك كۇشىنە ۋاكىلدىك ەتەدى.
انار ۇلگىسىندەگى كۋبوك ءساندى دە كوركەم بولىپ، باس شۋجي شي جينپيڭنىڭ «ءار ۇلت حالقى اناردىڭ ۇرىعىنداي ۇيىسۋى كەرەك» دەگەن ءسوزىنىڭ رۋحىنا مەڭزەس جوبالانعان، جيڭتاي زامانىنداعى تەحنولوگيامەن جاسالعان، اناردىڭ ۇرىعى، اناردىڭ گۇلى، مۋدان، قوجا ءشوپ، گاردەنيا گۇلى سياقتىلاردىڭ ورنەگىنەن قۇرالعان، ۇلى وتاننىڭ تاسقىنداعان ومىرشەڭدىك كۇشىنە، ءار ۇلت حالقىنىڭ تىنىش تىرشىلىگىنە سيمۆول ەتىلگەن.
يۇي جىڭشىڭ مەن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باس شۋجي شي جينپيڭ ارناۋ ءسوز جازىپ بەرگەن گراموتا مەن ورتالىق ۋاكىلدەر ۇيىرمەسىنە تارتۋ ەتىلگەن كىلەمنىڭ شىمىلدىعىن اشتى ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى ليۋ ياندۇڭ سالتتا ءسوز سويلەپ: باس شۋجي شي جينپيڭ شينجياڭداعى ءار ۇلت حالقىنا ايرىقشا كوڭىل ءبولىپ، ەسىنەن شىعارماي، شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ءۇشىن گراموتاعا «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوز جازىپ بەرىپ، انار ۇلگىسىندەگى كۋبوك جاساۋدى ۇيعاردى. گراموتا شينجياڭنىڭ وتانمەن تاعدىرى ورتاق، بولاشاعى ءبىر ەكەنىن، ال كۋبوك ءار ۇلتتىڭ اناردىڭ ۇرىعىنداي بەرىك ۇيىسۋى كەرەكتىگىن بىلدىرەدى، - دەپ اتاپ كورسەتتى ليۋ ياندۇڭ بىلاي دەدى: ورتالىق گراموتا جانە انار ۇلگىسىندەگى كۋبوك ۇسىنۋ ارقىلى شينجياڭداعى ءار ۇلت حالقىنىڭ بۇكىل ەلدەگى ءار ۇلت حالقىمەن بىرگە، وتان ءۇشىن، شينجياڭ ءۇشىن جاۋاپكەرشىلىكتى باتىلدىقپەن ارقالاپ، تىعىز ىنتىماقتاسىپ، ءبىر نيەتپەن ۇيىسىپ، سوتسياليستىك وسىزامانداندىرۋ ىستەرىن تىزە قوسا العا ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بىرگە جۇزەگە اسىرۋدى ءۇمىت ەتتى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، ورتالىق ۋاكىلدەر ۇيىرمەسىنىڭ ورىنباسار باستىعى ەركىن يمىرباقى سالتتا ورتالىق ۋاكىلدەر ۇيىرمەسىنىڭ اۆتونوميالى رايونىمىزعا ۇسىنعان ەستەلىك بۇيىم مەن اقشانىڭ ءتىزىمىن وقىدى. ورتالىق ۋاكىلدەر ۇيىرمەسى ەستەلىك بۇيىم ۇسىنۋدا شينجياڭداعى ءار ۇلت جۇرتشىلىعىنىڭ ءىس جۇزىندىك قاجەتىن تولىق ەسكەردى. ۇلتتىق ەرەكشەلىكتى، جەرگىلىكتى ورىنداعى ۇلتتاردىڭ ءدىني سالتىن، ەسكە ءتۇسىرۋ ءمانى مەن قاراپايىم بولۋىن جان - جاقتىلى ەسكەردى. ەستەلىك بۇيىم 9 ۇلكەن تۇرگە ءبولىندى، مۇنىڭ ىشىندە اۆتونوميالى رايوننىڭ ۇلتتار ىنتىماعى، العاباسارلىعى ىستەرىنە جۇمسالاتىن 50 ميلليون يۋاندىق قور قۇرىلدى؛ اۆتونوميالى رايوندىق پارتكومعا، حالىق قۇرىلتايىنا، حالىق ۇكىمەتىنە، حالىق ساياسي كەڭەسى مەن ءارقايسى ايماق، وبلىس، قالالارداعى قاتىستى ورىندارعا كىلەم ۇسىندى؛ اۋدان، رايونعا، پولك الاڭدارعا، ۋنيۆەرسيتەتتەر مەن قاتىستى ورىندارعا ەستەلىك شىنى قۇمىرا ۇسىندى؛ اۆتونوميالى رايوندىق ەڭبەك وزاتتارىنا، ۇلتتار ىنتىماعىنداعى، العاباسارلىعىنداعى ۇلگىلىلەرگە، تاڭداۋلى كوممۋنيستىك پارتيا مۇشەلەرىنە، تاڭداۋلى پارتيا ىستەرى قىزمەتكەرلەرىنە، سوعىس قاھارماندارىنا ەستەلىك ىزناك ۇسىندى؛ بۇكىل شينجياڭداعى 1329 قارتتار ۇيىنە، يگىلىك ورىندارىنا، عارىپتار ۇيىنە، قامقورلىق جاساۋ ورىندارىنا شاعىن كوڭىل اشۋ اسپاپتارىن ۇسىندى؛ جوعارى دارەجەلى كاسىپتىك مەكتەپتەرگە، جوعارى تەحنيكۋمدارعا، ورتا دارەجەلى كاسىپتىك مەكتەپتەرگە، ورتا تەحنيكۋمدارعا، ورتا مەكتەپتەر مەن «قوس ءتىلدى» بالا باقشالارعا 1700 رويال، 4300 گارمون، 3700دەن استام سابيلەر تاربيەسىنە كەرەكتى جابدىقتاردى ۇسىندى.
ورتالىق ۋاكىلدەر ۇيىرمەسىنىڭ ورىنباسار باستىقتارى جاڭ چيڭلي، ۋاڭ جىڭۋي، جاۋ كىشى قاتارلىلار سالتقا قاتىناستى.
سالتتى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى.نايىم ياسىن، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت ءيمىن، جۋ حايلۇن، باي جىجيە، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي قاتارلىلار سالتقا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
