- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون حوتان ايماعىنىڭ كەدەيلىكتەن قۇتىلدىرۋدان قامال الىپ جەدەل دامۋىن جەدەلدەتۋ جونىندە اڭگىمە ءماجىلىس اشتى
2016.03.01 15:22
جاڭ چۇنشيان: ساياسات جاقتان بەيىمدەلۋگە، قولداۋعا تاباندى بولىپ، حوتان ىرىقتىلىقپەن ىسكە كىرىسىپ، شينجياڭعا باعىتتامالى كومەكتەسۋشى ولكە، قالالار دەم بەرىپ، قوعام كەڭ كولەمدى ات سالىسىپ، ولقىلىقتاردى كۇش سالا تولىقتىرىپ، ماڭىزدى، قيىن تۇيىندەردە قامال الىپ،حوتان ايماعىنىڭ 2020- جىلى كەدەيلىكتەن جالپى بەتتىك قۇتىلىپ، جاپپاي دوڭگەلەك داۋلەتتى قوعام قۇرۋىنا شىنايى كەپىلدىك ەتۋ كەرەك،- دەپ باسا دارىپتەدى.
تىلشىلەرىمىز ياۋ تۇڭ، يۋان لەي، جاڭ لەي 26 ـ اقپاندا حوتاننان حابارلايدى. اۆتونوميالى رايوننىڭ حوتان ايماعىنىڭ كەدەيلىكتەن قۇتىلدىرۋدان قامال الىپ، جەدەل دامۋىن ىلگەرىلەتۋ جونىندەگى اڭگىمە ءماجىلىسى 25 ـ اقپاندا حوتان قالاسىندا اشىلدى، ءماجىلىس ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ، اۆتونوميالى رايوندىق پارتكومنىڭ وڭتۇستىك شينجياڭ قىزمەتى ءماجىلىسى مەن كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ رۋحىن ىشكەرىلەي دايەكتى تياناقتاندىرىپ، حوتان ايماعىنىڭ كەدەيلەردى سۇيەمەلدەۋ، وركەندەتۋ جانە وڭىرلىك دامۋداعى تابىستار مەن تاجىريبەلەرىن قورىتىندىلاپ، اۋىس ـ كۇيىس جاساپ، سول جەردىڭ وزىندە سارالاپ، ءدوپ كەلگەن جاعداي مەن مىندەتكە تالداۋ جاساپ، حوتان ايماعىنىڭ «13 ـ بەسجىلدىقتاعى» كەدەيلىكتەن قۇتىلدىرۋدان قامال الىپ، دامۋدى جەدەلدەتۋ ءىسى جونىندە جان ـ جاقتى ورنالاستىرۋ جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىسكە قاتىناستى ءارى ماڭىزدى ءسوز سويلەدى.
اڭگىمە ٴماجىلىسىنىڭ الدىندا، اۆتونوميالى رايون قىزمەتكەرلەردى حوتان ايماعىنا بارىپ تەكسەرۋ ـ زەرتتەۋ جۇرگىزۋگە ارنايى ۇيىمداستىردى، قاتىستى تاراۋلار مۇقيات زەرتتەۋ جۇرگىزىپ، حوتاننىڭ دامۋىنا قولداۋ كورسەتۋ جونىندەگى ساياساتتاردى العا قويدى ءارى حوتاندا ارنايى اڭگىمە ءماجىلىس اشىپ، حوتان ايماعىنىڭ كەدەيلىكتەن قۇتىلدىرۋدان قامال الىپ، دامۋدى جەدەلدەتۋ ماسەلەلەرى جونىندە زەرتتەۋ جۇرگىزىپ، ورنالاستىرۋ جاساپ، اۆتونوميالى رايوندىق پارتكوم مەن حالىق ۇكىمەتىنىڭ كەدەيلىكتەن قۇتىلدىرۋدان قامال الۋداعى بەرىك بەكىمىن، حوتانداعى ءار ۇلت حالقىنا دەگەن ەرەكشە قامقورلىعىن، حوتان ايماعىنا دەگەن ەرەكشە ءمان بەرۋ مەن قولداۋىن تولىق ايگىلەدى.
ماجىلىستە حوتان ايماقتىق پارتكومنىڭ شۋجيى يان گوسان قاتىستى جاعدايلاردان مالىمەت بەرىپ، ايماقتىق پارتكوم مەن اكىمشىلىك مەكەمەسىنىڭ كەدەيلىكتەن قۇتىلدىرۋدان قامال الىپ، دامۋدى جەدەلدەتۋگە دەگەن سەنىمى مەن بەكىمىن ءبىلدىردى؛ اۆتونوميالى رايوندىق دامۋ ـ رەفورما كوميتەتىنىڭ مەڭگەرۋشىسى جاڭ چۇنلين، اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى ما چىڭ اۆتونوميالى رايونداعى قاتىستى تاراۋلار اتىنان ءسوز سويلەپ، حوتاننىڭ دامۋىن قولداۋ جونىندەگى بەرىك بەكىمىن، پوزيتسياسىن ءبىلدىردى. نيە اۋداندىق پارتكومنىڭ شۋجيى شاۋ زىچين مەن كەريا اۋدانى قارقى اۋىلى قاعىلىق قىستاعى پارتيا ياچەيكاسىنىڭ شۋجيى ابدىعاني قاسىم كەدەي اۋدان جانە كەدەي قىستاق اتىنان لەبىز ءبىلدىردى.
جاڭ چۇنشيان بىلاي دەپ اتاپ كورسەتتى: حوتان ايماعىن كەدەيلىكتەن قۇتىلدىرۋدان قامال الىپ، دامۋىن جەدەلدەتۋدىڭ ماڭىزدىلىعىن جىعا تانۋ كەرەك. حوتان بۇكىل شينجياڭداعى كەدەيلىكتەن قۇتىلدىرۋدان قامال الۋ مىندەتى ەڭ جاپالى ايماق، بۇكىل شينجياڭداعى ەكونوميكالىق، قوعامدىق دامۋى نەداۋىر كەنجە ايماق، جاعدايى ەرەكشە كۇردەلى، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر، ستراتەگيالىق ورنى ايرىقشا ماڭىزدى. حوتان ايماعىن كەدەيلىكتەن قۇتىلدىرۋدان قامال الىپ، دامۋىن جەدەلدەتۋ شينجياڭنىڭ جاپپاي دوڭگەلەك داۋلەتتى قوعام قۇرۋىنا، بۇكىل شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن كەلەلى ينجەنەريا. اۆتونوميالى رايونداعى قاتىستى جاقتار جالپى جاعدايدى كوزدە ۇستاپ، بەلسەنە ىسكە كىرىسىپ، حوتان ايماعىنىڭ كەدەيلىكتەن قۇتىلدىرۋدان قامال الىپ، دامۋىن جەدەلدەتۋ ءىسىن مۇمكىندىكتىڭ بارىنشا قولداۋ كەرەك. حوتانداعى ءار ۇلت كادر ـ جۇرتشىلىعى ويلارىن توعىستىرىپ، جىگەرلەنىپ، جاۋاپكەرشىلىكتى ارقالاپ، حوتاننىڭ دامۋىن جەدەلدەتۋدە العا تىڭ قادام تاستاۋعا قۇلشىنۋ كەرەك.
جاڭ چۇنشيان بىلاي دەپ باسا دارىپتەدى: حوتان ايماعىن كەدەيلىكتەن قۇتىلدىرۋدان قامال الىپ، دامۋىن جەدەلدەتۋ ءۇشىن، ءسوزجوق، پارتيانىڭ 18 ـ قۇرىلتايى مەن پارتيا 18 ـ كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ءماجىلىسىنىڭ رۋحىن ىشكەرىلەي دايەكتىلەندىرۋ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي تياناقتاندىرۋ، «بەستى ءبىرتۇلعالاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، قوعامنىڭ ورنىقتىلىعى مەن باياندى تىنىشتىعىن باس نىسانا ەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلە دامۋ سىندى دامۋ يدەياسىنان جازباي، يدەيا، ماسەلە، اماليات ارقىلى جەتەكشىلىك ەتىپ، ەكونوميكالىق دامۋدىڭ جاڭا قالىبىنا ۇيلەسىپ، قامداۋ جاعىنداعى قۇرىلىمدىق رەفورمانى كۇشەيتۋ، ساياسات جاقان بەيىمدەلۋگە، قولداۋعا تاباندى بولىپ، حوتان ىرىقتىلىقپەن ىسكە كىرىسىپ، شينجياڭعا باعىتتامالى كومەكتەسۋشى ولكە، قالالار دەم بەرىپ، قوعام كەڭ كولەمدى ات سالىسىپ، ولقىلىقتاردى كۇش سالا تولىقتىرىپ، ماڭىزدى، قيىن تۇيىندەردە قامال الىپ، حوتان ايماعىنىڭ 2020 ـ جىلى كەدەيلىكتەن جالپى بەتتىك قۇتىلىپ، جاپپاي دوڭگەلەك داۋلەتتى قوعام قۇرۋىنا شىنايى كەپىلدىك ەتۋ كەرەك.
جاڭ چۇنشيان حوتان ايماعىنىڭ كەدەيلىكتەن قۇتىلدىرۋدان قامال الىپ، دامۋىن جەدەلدەتۋ جونىنەن 7 ءتۇرلى تالاپ قويدى:
ءبىرىنشى، حوتان ايماعى كەدەيلىكتەن قۇتىلدىرۋدان قامال الۋدى شىن مانىندەگى ماڭىزدى ساياسي مىندەت رەتىندە قاراۋ كەرەك. حوتان ايماعى كەدەيلىكتەن قۇتىلدىرۋدان قامال الۋدى ماڭداي الدى ءىرى ءىس جانە ماڭداي الدى حالىق تۇرمىسى ينجەنەرياسى رەتىندە مىقتى ۇستاۋ، اۆتونوميالى رايونداعى قاتىستى جاقتار نىساندى ورنالاستىرۋ، قارجىلىق ۇسىنىلىم، باعىتتامالى سۇيەمەلدەۋ، دارىندىلار ساياساتى سياقتى جاقتاردا قولداۋ تەبىنىن كۇشەيتۋ كەرەك. ەڭ ماڭىزدى، ەڭ كوكەيتەستى دۇنيەلەردى دالمە ـ ءدال پارىقتاپ، اشىق، جاريا بولۋعا، اشىق اشكەرە ىستەۋگە شىنايى كەپىلدىك ەتىپ، بۇقارانى شىن مانىندە ريزا ەتۋ كەرەك. الدىمەن رۋحاني جاقتان سەرپىلتىپ، ىشەر اس ماسەلەسىن ويداعىداي شەشۋمەن بىرگە، ولاردىڭ وي ساناسىن اشۋعا ءتىپتى دە ءمان بەرىپ، ءار ۇلت جۇرتشىلىعىن تۇلعالىق رولىن تولىق ساۋلەلەندىرىپ، ەڭبەكشىل قوس قولىمەن اتا مەكەندەرىن كوركەيتۋگە جەتەلەۋ كەرەك. كەدەيلىكتەن قۇتىلدىرۋدان قامال الۋدا باستىسى، جاۋاپكەرشىلىكتى تياناقتاندىرۋ كەرەك، جاۋاپكەرشىلىكتى تياناقتاندىرۋدا، باستىسى، تەكسەرۋدى كۇشەيتۋ، ورتالىقتىڭ تالابىنا سايكەس اۆتونوميالى رايوننىڭ تەكسەرۋ ءادىسىن جەدەل جاساپ، كەدەيلىكتەن قۇتىلدىرۋدان قامال الۋ جاۋاپكەرشىلىگىن ناقتى تياناقتاندىرۋعا شىنايى كەپىلدىك ەتۋ كەرەك.
ەكىنشى، ابزال، ەرەكشە اۋىل شارۋاشىلىعىن تىڭعىلىقتى ىستەۋ، دامىتۋ كەرەك. ءۇش تۇرلى يدەيانى، ياعني كىرىستى ارتتىرۋدى وزەك ەتۋ يدەياسىن، 1 ـ ، 2 ـ ، 3 ـ كاسىپتى توعىسپالى دامىتۋ يدەياسىن، جاسىل اۋىل شارۋاشىلىعى يدەياسىن ورناتۋ كەرەك. مىناداي 7 ءتۇرلى شارانى كۇشەيتۋ كەرەك: حوتاننىڭ استىق ەگۋىنە جانە جيناپ الۋىنا جەتەكشىلىك ەتۋ جوسپارىن كۇشىنەن قالدىرۋ، ءبيداي ەگىلەتىن جەر اۋماعىن بىرتىندەپ ازايتۋ؛ جەمىس ورمان شارۋاشىلىعىن جاڭعىرتۋ سەرپىنىن ارتتىرۋ؛ جەم ـ ءشوپ ەگىمشىلىگىن مىقتى يگەرۋ، ەگىن، ورمان، مال شارۋاشىلىعىن ۇشتاستىرۋدى جەبەۋ؛ قۇرىلعىلى اۋىل شارۋاشىلىعىن جەدەل دامىتۋدى قولداۋ؛ وڭىرلىك ەرەكشەلىككە يە اۋىل شارۋاشىلىعىن دامىتۋ؛ اۋىلا شاراشىلىعىن تىڭعىلىقتى دامىتۋعا كۇش سالۋ؛ جەتەكتەۋ سيپاتتى باستاماشى كاسىپورىنداردى ەنگىزۋ، جەتىلدىرۋ، اۋىل شارۋاشىلىعى ونىمدەرىن مانەرلەپ اينالىمعا سالۋ كاسىبىنىڭ دامۋىن جەبەۋ.
ءۇشىنشى، كاسىپ سالاسىن دامىتۋدى، كاسىپتەندىرۋ اياسىن كەڭەيتۋدى شىن مانىندەگى كورنەكتى مىندەت رەتىندە قاراۋ كەرەك. «13 ـ بەسجىلدىق» كەزىندە حوتاننىڭ كاسىپ سالاسى قاۋىرت دامۋ، كاسىپتەندىرۋ اياسىندا ۇلكەن ىلگەرىلەۋشىلىككە قول جەتكىزۋ كەرەك. باسىمدىلىقتى الدىمەن ەسكەرۋگە، ەرەكشە كاسىپ سالاسىن دامىتۋعا تاباندى بولىپ، ەرەكشەلىككە، باسىمدىلىققا يە، ىستەۋگە وڭاي، ناتيجە شىعارۋعا بولاتىن كاسىپ سالاسىن الدىمەن قولعا الىپ، ورتالىقتاعى جانە شينجياڭعا باعىتتامالى كومەكتەسىپ جاتقان ولكە، قالالارداعى ءىرى كاسىپورىن، ءىرى توپتاردى ەنگىزىپ، كاسىپ سالاسى ورەسىن جوعارىلاتۋعا جەتەكشىلىك ەتكىزىپ، كوپ بولىپ شارۋاشىلىق قۇرىپ، كوپ بولىپ جاڭالىق اشۋ ارقىلى تىڭ شارۋاشىلىقتى باۋلىپ جەتىلدىرۋ كەرەك. اۋىل شارۋاشىلىعى ونىمدەرىن جىنتىكتەي مانەرلەۋدى مىقتى يگەرۋمەن بىرگە، توقىماشىلىق، كيىم ـ كەشەك، ۇلتتىق ەرەكشەلىك، كەن ونىمدەرىن اشۋ، قاس تاسى شارۋاشىلىعى جانە ەرەكشە ساياحات، قۇرىلىس، زاتتاردى جەدەل جەتكىزۋ سياقتى التى كاسىپ سالاسىن ءتۇيىندى تۇردە مىقتى ۇستاۋ كەرەك. ماۋسىمدىق، ۋاقىتتىق سيپاتتى يكەمدى كاسىپتەندىرۋدى مىقتى يگەرۋگە ءمان بەرۋ، يكەمدى كاسىپتەندىرۋ ورايىن قاۋىرت ارتتىرۋ كەرەك. ىشكى ولكەلەرگە، وتە ـ موتە، شينجياڭعا باعىتتامالى كومەكتەسىپ جاتقان ولكە، قالالارعا بارىپ كاسىپتەنۋ اياسىن كەڭەيتۋ، ەڭبەكشىلەردى باعىتتامالى كومەكتەسۋشى ولكە، قالالاردا ەڭبەكپەن شۇعىلدانىپ، ساۋدامەن اينالىسۋعا جىگەرلەندىرۋ كەرەك. جاڭاشا قالا ـ قالاشىقتاندىرۋدى جەدەل ىلگەرىلەتىپ، حوتان قالاسىنىڭ وڭىرلىك سەنترلى قالا قۇرىلىسىن قولداپ، «حوتان ـ قاراقاش ـ لوپ» شۇرات قالا ـ قالاشىقتارىنىڭ ۇجىمداسۋ قۇرىلىسىن زور كۇشپەن العا ىلگەرىلەتۋ كەرەك.
ءتورتىنشى، نەگىزدىك قۇرىلعى قۇرىلىسىن شىنايى جاقسارتۋ كەرەك. نەگىزدىك قۇرىلعى قۇرىلىسىن كۇشەيتۋدى ماڭداي الدى ورىنعا قويىپ، ماسەلەنى تۇبىرىنەن شەشەتىن، باياندى پايدا بەرەتىن ماڭىزدى ينجەنەريالاردان ءبىر توبىن قۇرۋعا قولداۋ كورسەتىپ، ەكونوميكالىق، قوعامدىق دامۋدىڭ قامتاماسىز ەتۋ مەن تىرەكتىك قابىلەتىن كۇشەيتۋ كەرەك. قاتىناس قۇرىلىسى جاعىندا، حوتاننىڭ قاتىناس جەلىلەرىنىڭ «تۇيىق باسىندا» قالعان جاعدايىن تۇبەگەيلى وزگەرتۋ؛ سۋ يگىلىگى قۇرىلىسى جاعىندا، سۋ يگىلىگى قۇرىلىستارىنىڭ تاريحي قارىشتاپ دامۋىن جۇزەگە اسىرۋ، ەلەكتر كۇشى قۇرىلىسى جاعىندا، حوتان ايماعىنىڭ ەلەكترمەن قامداۋ جەتەرسىزدىگى، ەلەكتر باعاسىنىڭ جوعارى بولۋى ماسەلەسىن تۇبەگەيلى شەشۋ كەرەك.
بەسىنشى، رەفورما جاساۋ، ەسىك اشۋدان قوزعاۋشى كۇش، ومىرشەڭدىك كۇش الۋ كەرەك. يدەيانى ازات ەتۋگە، ءسوزسىز، بۇلجىماستان تاباندى بولىپ، تالاي جىلعى اۋىل شارۋاشىلىعى وركەنيەتى مەن ءشول ـ جازيرا ەكونوميكاسىنان قالىپتاسقان يدەيالىق، تانىمدىق بۇعاۋلاردى باتىلدىقپەن تالقانداپ، بەلدى بەكەم بايلاپ ۇكىمەت فۋنكتسياسىنا بۇرىلىس جاساپ، جەتەكشى سيپاتتى رەفورمالاردى شوعىرلى تۇردە ىلگەرىلەتىپ، حوتاننىڭ قوزعاۋشى كۇشى مەن ومىرشەڭدىك كۇشىن بۇعاۋدان بوساتۋ كەرەك. حوتان شەڭبەرىنەن شىعىپ، ەسىك اشۋعا كوز تاستاۋ، دامۋعا تالپىنۋ كەرەك، اسىرەسە، بەيجيڭ، تيانجين، انحۇيعا ەسىك اشۋ ءىسىن جاقسى ىستەپ، جىبەك جولى ەكونوميكالىق بەلدەۋى مەن جۇڭگو ـ پاكيستان ەكونوميكالىق ءدالىزى قۇرىلىسىمەن ىرىقتى تۇردە توعىسۋ كەرەك.
التىنشى، حالىق تۇرمىسىن جاقسارتۋ قىزمەتىن شىنايى تۇردە جاقسى ىستەۋ كەرەك. حالىق تۇرمىسىن جاقسارتۋدى حالىق قالاۋىنا بولەنۋدىڭ جانە جۇرت تىلەگىن توعىستىرۋدىڭ كىلتى ەتىپ، نەگىزدىك الەۋمەتتىك قىزمەت كورسەتۋدى تەڭەستىرۋدى تۇتقا، كورىنەكتى ماسەلەلەردى شەشۋدى جەتەكشى ەتىپ، تاباندىلىق كورسەتىپ، قىزمەتتەردى جاقسى، ناقتى يگەرىپ، ناقتى ناتيجە شىعارۋعا كەپىلدىك ەتۋ كەرەك. ءبىلىم بەرۋ ساپاسىن كۇش سالا جاقسارتىپ، قوس تىلدە ءبىلىم بەرۋدى دەن قويا جاقسى ىستەپ، حوتاننىڭ جوعارى ءبىلىم بەرۋ ءىسىن دامىتۋعا قولداۋ كورسەتۋ كەرەك. شينجياڭعا كومەكتەسەتىن ولكە ـ قالالاردىڭ كومەگى، شينجياڭداعى شيپاحانالاردىڭ سۇيەمەلدەۋى، شالعايدان ەمدەۋ سياقتىلار ارقىلى ايماق، اۋدان دارەجەلى شيپاحانالاردىڭ دەڭگەيىن جوعارىلاتۋ، اۋىل ـ قالاشىق ەمحانالارى مەن قىستاق ەمدەۋ ۇيلەرىن جاپپاي ولشەمدەستىرۋ كەرەك. ەڭ تومەنگى تۇرمىسىن قامتاماسىز ەتۋ سىزىعى مەن كەدەيلىك سىزىعى سىندى «2 سىزىقتى بىرىكتىرۋدى» جەدەل جۇزەگە اسىرىپ، زەينەتكەرلىك قامسىزداندىرۋ دەڭگەيىن بىرتىندەپ جوعارىلاتۋ، مۇگەدەكتەردى قوعامدىق قامتاماسىز ەتۋ جۇيەسىن جانە مۇگەدەكتەرگە قىزمەت كورسەتۋ جۇيەسىن كۇش سالا كەمەلدەندىرۋ كەرەك. اۋىل ـ قىستاقتاردىڭ سۋ، ەلەكتر، جول، گاز، تۇرعىن ءۇي ماسەلەسىن كۇش سالا شەشۋ، ەگىنشىلەردىڭ ەركىنە قۇرمەت ەتە وتىرىپ، جوبالاۋ، ورنالاستىرۋدى جاقسى ىستەۋ كەرەك.
جەتىنشى، ەكولوگيالىق قىزىل سىزىقتان اتتاماۋ كەرەك. سۋ ماسەلەسىن شەشۋدىڭ ەڭ ماڭىزدى ءتۇيىنى __ سۋدىڭ «3 قىزىل سىزىعىن» قاتاڭ تياناقتاندىرۋ، شەشۋشى بۋىنى __ اۋىل شارۋاشىلىعىنا پايدالانىلاتىن سۋدىڭ سالىستىرماسىن تومەندەتۋ، ءتۇبىرلى جولى __ سۋ ۇنەمدەۋ، سۋ ۇنەمدەۋدى اۋىل شارۋاشىلىعىنىڭ قۇرىلىمىن رەتتەۋمەن، سورتاڭ جەرلەردى وڭاۋمەن، اتىزدى قايتارىپ، سۋدى ۇنەمدەۋمەن، ءتۇزىلىس مەحانيزمىندە جاڭالىق اشۋمەن بىرلەستىرۋ كەرەك. ەكولوگيالىق ورتا قۇرىلىسىن جانە ونى قورعاۋ سەرپىنىن كۇشەيتىپ، قۇمنان قورعانۋ، قۇمدى تىزگىندەۋ جاسىل ەكولوگيا ينجەنەريا قۇرىلىسىن بار كۇشپەن ىلگەرىلەتىپ، ءشول جيەگىنىڭ، قۇمدى بوران اپاتى اۋىر وڭىرلەردىڭ ەكولوگياسىن وڭاۋدى كۇشەيتۋ كەرەك.
جاڭ چۇنشيان مىنالاردى اتاپ كورسەتتى: حوتان ايماعىنىڭ كەدەيلىكتەن قۇتىلدىرۋدان قامال الىپ، دامۋىن جەدەلدەتۋدىڭ تىرەگى مەن كەپىلىن كۇشەيتۋ كەرەك. ساياسي باسىمدىقتى، ارناۋلى نىساندارمەن كەدەيلەردى سۇيەمەلدەۋ، كاسىپ سالاسى بويىنشا كەدەيلەردى سۇيەمەلدەۋ، قوعام بولىپ كەدەيلەردى سۇيەمەلدەۋ، شينجياڭعا كومەكتەسەتىن ولكە ـ قالالار كەدەيلەردى سۇيەمەلدەۋ سىندى «4 ءبىر تۇلعالانعان» مەحانيزمنىڭ باسىمدىعىن كورىنەكتىلەندىرىپ، كەدەيلەردى سۇيەمدەلۋدىڭ بۇكىل قوعام ات سالىساتىن كەشەندى جۇلگەسىن قالىپتاستىرىپ، حوتان ايماعىنىڭ كەدەيلىكتەن قۇتىلدىرۋدان قامال الىپ، دامۋدى جەدەلدەتۋىن بار كۇشپەن ىلگەرىلەتۋ؛ قازىنالىق ۇسىنىلىم، فينانستىق ۇسىنىلىم، قوعامدىق ۇسىنىلىم سەرپىنىن ارتتىرىپ، ۇسىنىلىم مەحانيزمىن كەمەلدەندىرۋ؛ دارىندىلارمەن قولداۋدى كۇشەيتىپ، كادرلاردى كەڭ كولەمدە تولىقتاپ، دارىندىلاردى كۇش سالا ەنگىزىپ، دارىندىلاردى كوپ ارنامەن تاربيەلەپ، نەگىزگى ساتى ۇيىمدىق قۇرىلىسىن كۇشەيتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. ول بىلاي دەدى: جاڭ چۇنشيان شۋجي ماڭىزدى ءسوزىندە ورتالىقتىڭ تالابىن مىقتى يگەرىپ، شينجياڭنىڭ ءىس جۇزىندىك جاعدايىمەن جانە حوتان ايماعىنىڭ باسىمدىعىمەن، ولقى تۇسىمەن تىعىز بىرلەستىرىپ، اسا عىلىمي، اسا ءدال، اسا سىندارلى شارالار ورتاعا قويدى، بۇل حوتان ايماعى ءۇشىن كەلەلى وراي، بۇكىل شينجياڭ جونىنەن حوتان ايماعىنىڭ كەدەيلىكتەن قۇتىلدىرۋدان قامال الىپ، جەدەل دامۋىنا جەتەكشىلىك ەتۋدەگى باعدارلامالىق حۇجات سانالادى. اۆتونوميالى رايونداعى قاتىستى تاراپتار اتقارۋ جوباسىن جەدەل بەلگىلەپ، ناقتىلى جۇمىس پرينسيپتەرىن جەدەل ورتا قويىپ، بەرگەن ۋادەلەرىن ىرىقتىلىپەن ورىنداپ، ورتالىقتىڭ ساياساتتىق قولداۋلارىنىڭ حوتان ايماعىنا كوبىرەك تيىمدىلىك جاساۋىنا بەلسەندىلىكپەن قول جەتكىزۋ كەرەك. حوتان ايماعى قىزمەتتەردى اۆتونوميالى رايونمەن ىرىقتى تۇردە ۇشتاستىرىپ، قاتىستى تاراۋلاردىڭ باعىتتامالىلىعى كۇشتى، بىرەگەي قولداۋ ساياساتتارىنىڭ 100 پايز تياناقتانۋىنا كەپىلدىك ەتۋ كەرەك. ورتالىقتىڭ بەلگىلەنگەن تۇيىندە كەدەيلەردى سۇيەمەلدەيتىن ورىندارىنىڭ شينجياڭدا تۇراتىن قۇرىلىمدارى ورتالىقتىڭ ءار جاقتى بايلىقتارىمەن ۇشتاسىپ، ءتيىمدى ساياسات ـ شارالارىنىڭ حوتان ايماعىنا توپتالۋىن ىلگەرىلەتۋ كەرەك. اۆتونوميالى رايونداعى ءىرى، ورتا كاسىپورىندار بازار اشۋ، تەحنيكامەن جاپپاي جابدىقتاۋ سياقتى جاقتارداعى دارا باسىمدىقتارىنان پايدالانىپ، وزەكتى باسەكەلىك قۋاتتى كۇشەيتۋگە باستاماشىلىق ەتۋ كەرەك. اۆتونوميالى رايونداعى قاتىستى جاقتار مەن قوعامدىق كۇشتەر تۇتاس تۇلعا يدەياسىن ورناتۋ، جوعارى ـ تومەن ءبىر نيەتكە جۇمىلىپ، ءتۇرلى شارالاردى بىردەي قولدانىپ، ۇزدىكسىز كۇش جۇمساپ، قۋاتتى قورىقتى كۇش قالىپتاستىرۋعا قۇلشىنۋ، ەرەكشە شارالار ارقىلى قيىنشىلىقتاردى جەڭىپ، حوتان ايماعىنىڭ كەدەيلىكتەن قۇتىلدىرۋدان قامال الىپ، جەدەل دامۋىن بار كۇشپەن ىلگەرىلەتۋ كەرەك.
25 ـ اقپان تۇستەن كەيىن، اۆتونوميالى رايوننىڭ جاڭ چۇنشيان باستاعان باسشىلارى مەن ماجىلىسكە قاتىناسقان ۋاكىلدەر 3 گرۋپپاعا ءبولىنىپ، حوتان قالاسى ىنتىماق جاڭا قىستاعىن، شينجياڭ ديانياڭ ءجۇن توقىما، بوياۋ شەكتى سەرىكتەستىگى، حوتان جۇڭ ـ ي ماشينا ـ ەلەكتر بازارى، حوتان اۋدانى لايقا اۋىلى شابدالارىق قىستاعى سياقتى جەرلەرگە بارىپ، ەكسكۋرسيالاپ، كەدەي وڭىرلەردىڭ قازىرگى جاعدايىمەن تانىسىپ، قيىنشىلىعى بار وتباسىلارىنان حال سۇراپ، قىستاق بويىنشا ىلگەرىلەتۋ، باسقا جەرگە كوشىرۋ، وتباسىلىق ەكونوميكانى دامىتۋ، اۋىل ـ قىستاق ارتىق ەڭبەككۇشتەرىن باسقا سالاعا اۋىستىرىپ جۇمىسقا ورنالاستىرۋ، كاسىپ سالاسى ارقىلى دامۋدى جەتەكتەۋ سياقتى كەدەيلەردى سۇيەمەلدەپ، قيىنشىلىعى بارلارعا كومەكتەسۋدىڭ ناقتى شارالارىندا قولعا كەلگەن ناقتى ناتيجەلەرمەن تانىسىپ، كەلەسى قادامداعى قىزمەتتەردى اقىلداسىپ، كەدەيلىكتەن قۇتىلدىرۋدان قامال الۋدىڭ ءتۇرلى ورنالاستىرۋلارىنىڭ ناقتى تياناقتانۋىنا، ناقتى ونىمدىلىككە قول جەتكىزۋگە كەپىلدىك ەتتى.
اۆتونوميالى رايوننىڭ جانە شينجياڭ ءوندىرىس ـ قۇرىلىس بيڭتۋانىنىڭ باسشىلارىنان چى جۇن، ۋاڭ يۇڭميڭ، چيان جى، باي جىجيە، ۋان حايچۋان، ابىلەز نياز، شينجياڭ اسكەرى رايونىنىڭ، اۆتونوميالى رايوندىق جوعارى حالىق سوتى مەكەمەسىنىڭ، قارۋلى ساقشى شينجياڭ باس اترەتىنىڭ، اۋە كۇشتەرىنىڭ ءۇرىمجى قولباسشىلىق شتابىنىڭ قاتىستى جاۋاپتى جولداستارى؛ اۆتونوميالى رايوننىڭ قاتىستى تاراۋلارى مەن مەكەمەلەرىنىڭ، ورتالىقتىڭ بەلگىلەنگەن تۇيىندە كەدەيلەردى سۇيەمەلدەيتىن ورىندارىنىڭ شينجياڭدا تۇراتىن قۇرىلىمدارىنىڭ، اۆتونوميالى رايوننىڭ ءىرى، ورتا كاسىپورىندارىنىڭ جاۋاپتى جولداستارى؛ حوتان ايماعىنىڭ ماڭىزدى باسشىلىق القالارىنىڭ جانە ءار اۋدان، قالانىڭ قاتىستى تاراۋلارىنىڭ جاۋاپتى جولداستارى؛ ءبىرءبولىم ساۋدا قوعامدارى مەن كاسىپورىنداردىڭ نەگىزگى جاۋاپتى جولداستارى اڭگىمە ماجىلىسكە قاتىناستى.
كەلۋ قاينارى: «التاي گازەتى»-اعاجاي التاي تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
