- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان: نەگىزگى ساتىعا بەيىمدەلىپ، ءار ۇلت بۇقاراسىن يگىلىك سەزىمىنە بولەيىك
اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ ورنالاستىرۋىمەن 7 - رەتكى حالىق تۇرمىسى قۇرىلىسى جىلى باستالدى 100 ميلليارد يۋان قارجى قوسىلىپ، 25 ءتۇر بويىنشا حالىق تۇرمىسىنا قاتىستى 100 ءتۇيىندى ينجەنەريا اتقارىلادى
2016.03.02 15:01 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 1 - ناۋرىز تۇستەن بۇرىن اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشتى، ءماجىلىس اۆتونوميالى رايوننىڭ 7 - رەتكى حالىق تۇرمىسى قۇرىلىسى جىلى قيمىلىن اقىلداسىپ ورنالاستىردى. اۆتونوميالى رايون بيىل 110 نەشە ميلليارد يۋان قارجى قوسىپ، 25ءتۇر بويىنشا حالىق تۇرمىسىنا قاتىستى 100 ءتۇيىندى ينجەنەريانى اتقارۋدى ۇيعاردى.
2010 - جىلدان بەرى اۆتونوميالى رايون حالىق تۇرمىسى قۇرىلىسى جىلى قيمىلىن ءۇرتىس 6 جىل ورىستەتتى، ءار جىلى اتقارىلعان حالىق تۇرمىسى ءتۇيىندى ينجەنەرياسى 20نەشە ۇلكەن ءتۇر بويىنشا 100 نەشە نىسانعا جەتىپ، حالىق تۇرمىسىنا قوسىلعان ۇسىنىلىم ورتا ەسەپپەن قازىنا شىعىسىنىڭ %70ىنەن استامىن ۇستاپ، بۇكىل ەل بويىنشا اعالاپ العا شىقتى؛ حالىق تۇرمىسى شىعىسىنىڭ باسىم كوپ بولەگى تۇرعىن ءۇي، كاسىپتەندىرۋ، ەمدەۋ، وقۋ - اعارتۋ، كەدەيلەردى سۇيەمەلدەۋ سىندى بۇقارانىڭ اڭىسى كورنەكتى بولعان جاقتارعا جۇمسالىپ، حالىق تۇرمىسى نىساندارىنىڭ دەنى تاماشا تانيجە جانە ونىمدىلىك جاراتتى. 6 جىلدان بەرى اتقارىلعان قۇرىلىس نىساندارى ارقىلى تۇتاس شينجياڭنىڭ حالىق تۇرمىسى قۇرىلىسى تىڭ دەڭگەيگە كوتەرىلدى.
بيىل اتقارىلعان 7 - رەتكى حالىق تۇرمىسى قۇرىلىسى جىلىندا اۆتونوميالى رايون 110 نەشە ميلليارد يۋان قارجى قوسۋدى جوسپارلاپ وتىر، بۇل بىلتىرعىدان 40 ميلليارد يۋانعا جۋىق ارتىق.
نىساننىڭ ءتۇيىنىن نەگىزگى ساتىعا بەيىمدەپ، ادامدى نەگىز ەتۋ، بۇقاراعا قىزمەت وتەۋ، قىسىلعاندارعا قول ۇشىن بەرۋ جانە جاپپاي يگىلىككە كەنەلدىرۋ پرينسيبىن كورنەكتىلەندىرۋ، ءتىپتى دە كوپ ادامدى، قازىنانى، زاتتى نەگىزگى ساتىعا بەيىمدەپ، بۇقارانىڭ تابىس سەزىمىن ارتتىرۋ كەرەك.
25 ءتۇر بويىنشا اتقارىلاتىن حالىق تۇرمىسىنا قاتىستى 100 ءتۇيىندى ينجەنەريا نەگىزىنەن ەكى ۇلكەن جاقتى قامتيدى: ءبىرىنشى، قىستاق دارەجەلى حالىق تۇرمىسىنا تيىمدىلىك جاساۋ نىساندارى 4 ءتۇر بويىنشا 24 نىسان، بۇل ەگىن، مال شارۋاشىلىعى ءوندىرىسى، نەگىزدىك قۇرىلعى، اۋىل شارۋاشىلىق قوسىمشا ونىمدەرىن وڭدەۋ، شاعىن قولونەر بۇيىمدارىن وڭدەۋ جانە قوعامدىق الەۋمەتتىك قىزمەت وتەۋ، كاسىپتەندىرۋ، قايتالاي كاسىپتەندىرۋ سياقتىلاردى قامتىپ، 10 مىڭعا تاياۋ قىستاقتىڭ اربىرىنە 500 مىڭ يۋان ورنالاستىرىلادى؛ 8 ميلليارد 500 ميلليون يۋان قارجى قوسىلىپ، 1700 قىستاقتا بەيقۇت ءۇي سالىپ، حالىقتى اۋقاتتاندىرۋ ينجەنەرياسى اتقارىلادى. ەكىنشى، مەڭگەرمە، مەكەمە ورىندارىنىڭ نىساندارى 21 ءتۇر بويىنشا 76 نىسان، بۇل نىساندار تۇرعىن ۇيمەن قامتاماسىز ەتۋ، كاسىپتەندىرۋ، قوعامدىق قامتاماسىزداندىرۋ، بۇقارانىڭ تۇرمىس ساپاسىن جاقسارتۋ تەكتەس جىل بويى ۇزدىكسىز كۇش سالىناتىن نىسانداردى قامتيدى، سونىمەن بىرگە جاپپاي دوڭگەلەك داۋلەتتى قوعام قۇرۋمەن، كەدەيلىكتەن قۇتىلدىرۋدان قامال الۋمەن تىعىز قاتىستى كەدەيلەردى سۇيەمەلدەۋ بويىنشا وزگە جەرلەرگە كوشىرۋ، دارەجەگە ءبولىپ دياگنوز قويۋ - ەمدەۋ قىزمەتى بويىنشا ەمدەۋ قىزمەتكەرلەرىن تاربيەلەۋ، عىلىم - تەحنيكا جالپىلاستىرۋ، بايلىقتى اشۋ جانە بىرگە يگىلىكتەنۋ ينجەنەرياسى، وڭتۇستىك شينجياڭنىڭ 4 ايماق، وبلىسىنداعى قىستاق تۇرعىندارىنا قىزمەت وتەۋ ورتالىعى قۇرىلىسى سياقتى تىڭنان قوسىلعان نىساندارعا نەمەسە مازمۇندارعا سايادى.
جاڭ چۇنشيان بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم «بۇقارانى ماڭداي الدى ورىنعا قويۋ، حالىق تۇرمىسىن الدىمەن ويلاسۋ، نەگىزگى ساتىنى ماڭىزدى ساناۋعا» تاباندى بولىپ، ءار ۇلت بۇقاراسى جاپپاي كوڭىل ءبولىپ وتىرعان كەلەلى حالىق تۇرمىسى ماسەلەلەرىن قامال الۋ جانە كىرىسۋ ءتۇيىنى ەتىپ، «حالىق تۇرمىسى قۇرىلىسى جىلى» قيمىلىن ءۇرتىس ورىستەتىپ، كاسىپتەنۋدەگى ەڭ كورنەكتى قيىن ماسەلەلەردى شەشتى، بۇقارانىڭ تۇرارجايىندا تاريحي وزگەرىس تۋىلدى، وقۋ - اعارتۋ تىڭ ىلگەرىلەۋشىلىككە قول جەتكىزدى، قوعامدىق قامتاماسىزداندىرۋ دەڭگەيى بارىنشا جوعارىلادى، سۋ، ەلەكتر، جول، گاز جاعىندا جانە بۇقارانىڭ اڭىسى كۇشتى سالالاردا ءبىر توپ كورنەكتى حالىق تۇرمىسى ماسەلەسى شەشىلدى، كەدەيلەر سانىن ازايتۋ، كەدەيلىكتەن قۇتىلدىرۋ تەبىنى تاريحي تىڭ دەڭگەيگە كوتەرىلدى.
جاڭ چۇنشيان مىنالاردى باسا دارىپتەدى: بيىلعى حالىق تۇرمىسى قۇرىلىسىندا بىرنەشە جىلدان بەرى ۇتىمدى اتقارىلىپ كەلگەن ادىستەر مەن تاجىريبەلەرگە، حالىقتىڭ كوڭىلىنەن شىعۋ مەن حالىقتىڭ تىلەگىن توعىستىرۋدى ماڭداي الدى ورىنعا قويۋعا، يگى ىستەردى نەگىزگى ساتىنىڭ ۇيىمداستىرىپ اتقارۋىنا، جاقسى ادامنىڭ نەگىزگى ساتى كادرلارىنان شىعۋىنا مۇمكىندىك جاساۋعا، جاقسى ىستەردى ويداعىداي ىستەۋگە تاباندى بولۋ كەرەك.
شوكىرات زاكىر، حۋاڭ ۋي، شاۋكەت يمىن، جۋ حايلۇن، شيۇڭ شۋانگو، عانيبات سابىكەي ۇلى، لي شۋەجۇن، ەركىن تۇنياز قاتارلىلار ماجىلىسكە قاتىناستى.
كەلۋ قاينارى: «شينجياڭ گازەتى» - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
