- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان از ۇلت كادرلارىن تاربيەلەۋ، تاڭداپ ءوسىرۋ جونىندەگى اۆتونوميالى رايوندىق اڭگىمە ءماجىلىستى باسقارىپ اشتى
2016.03.02 15:49
ءتىلشىمىز ياۋ تۇڭ 28 ـ اقپاندا ۇرىمجىدەن حابارلايدى. 27 ـ اقپان تۇستەن بۇرىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقارىپ اشىپ، ايماق، وبلىس، قالالاردان ءوسىرىلىپ مىندەتكە قويىلعان جانە اۆتونوميالى رايوننىڭ مەڭگەرمە، مەكەمەلەرىنەن ايماق، وبلىس، قالا، اۋدان، رايوندارعا مىندەت وتەۋگە جىبەرىلگەن از ۇلت كادرلارىمەن اڭگىمە وتكىزىپ، ولاردىڭ جاڭا قىزمەتكە كىرىسۋدەن بۇرىنعى اسەرلەرى مەن ويلارىن، سونداي ـ اق از ۇلت كادرلارىن تاربيەلەۋ، تاڭداپ ءوسىرۋ قىزمەتى جونىندەگى ۇسىنىستارىن تىڭدادى. جاڭ چۇنشيان از ۇلت كادرلارىن جوسپار دايىنداپ، جاۋاپكەرشىلىك ارقالاپ، جەتەكشىلىك تانىمدى سانالى تۇردە كۇشەيتىپ، «التىعا جەتەكشى بولۋعا»، وزدەرىنىڭ ۇلگىلى ءسوز ـ ارەكەتتەرىمەن قالىڭ از ۇلت جۇرتشىلىعىنا جەتەكشىلىك جانە باستاۋشىلىق ەتىپ، بۇقارانىڭ تايانىشى، ىنتىماق پەن ورنىقتىلىقتىڭ جانە باياندى تىنىشتىقتىڭ مىزعىماس تىرەگى بولۋعا جىگەرلەندىردى. ماجىلىستە 7 ۇلتتان شىققان يمينجان زاري، ما شۋەلياڭ، يالقۇن ياقۇپ، الي، جادىران ابدوللا، ۋاڭ چۇنگۋاڭ، جارقىن نۇسىپبەك ۇلى، ءدىلمۇرات يبىرايم، قايسار ابدىكەرىم، ورازالى قاشقارباي سياقتى 10 كادر ىركەس ـ تىركەس ءسوز الىپ، ءوز كەشىرمەلەرىن تىلگە تيەك ەتىپ، ۇيىمنىڭ تاربيەسىنە العىستارىن ايتىپ، بۇدان كەيىنگى جۇمىس پەن ۇيرەنۋ تۋرالى ويلارىمەن ءبولىسىپ، ورتالىق پەن اۆتونوميالى رايوندىق پارتكومنىڭ شەشىم ـ ورنالاستىرۋلارىن باتىل دايەكتى تياناقتاندىرىپ، اۋىر تاپسىرمانىڭ ۇددەسىنەن شىعىپ، تالماي تالپىنىپ، كورىكتى شينجياڭ قۇرۋ جولىندا قۇلشىنىس جاسايتىندىقتارىن ءبىلدىردى. جاڭ چۇنشيان بىلاي دەدى: از ۇلت كادرلارىن تاربيەلەۋ، تاڭداپ ءوسىرۋ __ شينجياڭ قىزمەتىن جاقسى ىستەۋدىڭ ماڭىزدى كەپىلى، از ۇلت كادرلارى __ پارتيا مەن مەملەكەتتىڭ كادرلار قوسىنىنىڭ ماڭىزدى قۇرامداس بولىگى، پارتيا مەن ۇكىمەتتىڭ از ۇلت جۇرتشىلىعىمەن بايلانىس جاسايتىن ماڭىزدى كوپىرى مەن دانەكەرى، ۇلت قىزمەتىن جاقسى ىستەۋدەگى ماڭىزدى تىرەكتى كۇش. شي جينپيڭ جولداس باس شۋجي بولعان پارتيا ورتالىق كوميتەتى از ۇلت كادرلارى قوسىنىنىڭ قۇرىلىسى جونىندە ءبىرقاتار جاڭا يدەيا، جاڭا تالاپتاردى ورتاعا قويدى، اۆتونوميالى رايوندىق پارتكوم ورتالىق كوميتەت پەن باس شۋجي شي جينپيڭنىڭ تالابىن مۇقيات دايەكتىلەندىرىپ جانە تياناقتاندىرىپ، از ۇلت كادرلارىن تاربيەلەۋ قىزمەتىن قاشاندا كورنەكتى ورىنعا قويدى، از ۇلت كادرلارى قوسىنى ۇزدىكسىز زورايىپ، ءبىر توپ از ۇلت كادرى باسشىلىق قىزمەتكە كوتەرىلدى، از ۇلت كادرلارىن تاربيەلەۋدىڭ تەبىنى ايتارلىقتاي ۇدەدى، از ۇلت كادرلارى شينجياڭنىڭ قوعام ورنىقتىلىعىن قورعاپ، ەكونوميكالىق، قوعامدىق دامۋىن ىلگەرىلەتۋدە ماڭىزدى رول اتقارىپ وتىر. جاڭ چۇنشيان مىنانى اتاپ كورسەتتى: از ۇلت كادرلارى شينجياڭنىڭ قوعام ورنىقتىلىعى مەن باياندى تىنىشتىعىندا ماڭىزدى رول اتقارۋى ءتيىس. ءار ۇلت كادرلارىنىڭ بارلىعى پارتيا تاربيەلەگەن كادرلار، بارلىعى پارتيانىڭ ماڭىزدى بايلىعى. ۇلتتىق وڭىردە از ۇلت كادرلارىنىڭ ايرىقشا ەرەكشەلىگى بار، ولار رەفورما، دامۋ، ورنىقتىلىق ىستەرىندە، اسىرەسە، شينجياڭنىڭ قوعام ورنىقتىلىعى مەن باياندى تىنىشتىعىندا ايرىقشا رول اتقارا الادى. از ۇلت كادرلارىن تاربيەلەۋدىڭ باستى تالابى __ باس شۋجي شي جينپيڭ ورتاعا قويعان جاقسى كادر بولۋدىڭ 20 ارىپتىك ولشەمى مەن «ۇشتە ەرەكشە»، «تورتتە بولاتتاي» بولۋ تالابىن ويداعىداي تياناقتاندىرىپ، شينجياڭ ەرەكشەلىگىنە يە «تورتتە مىعىم»، «ۇشتە قابىلەتتى» جاقسى كادر تاربيەلەۋ. جاڭ چۇنشيان: ءاربىر از ۇلت كادرى جوسپار دايىنداپ، جاۋاپكەرشىلىك ارقالاۋى، جەتەكشىلىك تانىمدى سانالى تۇردە كۇشەيتىپ، وزدەرىنىڭ ۇلگىلى ءسوز ـ ارەكەتتەرىمەن قالىڭ از ۇلت جۇرتشىلىعىنا جەتەكشىلىك جانە باستاۋشىلىق ەتىپ، بۇقارانىڭ تايانىشى، ىنتىماق پەن ورنىقتىلىقتىڭ جانە باياندى تىنىشتىقتىڭ مىزعىماس تىرەگى بولۋى كەرەك، ـ دەدى. ول شينجياڭداعى از ۇلت كادرلارىنا «التىعا جەتەكشى بولۋدى» تالاپ ەتتى. ساياسي تاباندىلىقتىڭ جەتەكشىسى بولۋ كەرەك. سانالى تۇردە ورتالىققا، پارتيانىڭ نازاريالارى مەن لۋشيان، باعىت ـ ساياساتتارىنا قاراپ ساپ تۇزەپ، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ورتالىقتىڭ شينجياڭدى باسقارۋ ستراتەگياسىن، اۆتونوميالى رايوندىق پارتكومنىڭ كەلەلى شەشىم ـ ورنالاستىرۋلارىن باتىل، دايەكتى اتقارۋ كەرەك. وتاننىڭ تۇتاستىعىن، قوعام ورنىقتىلىعىن قورعاۋدىڭ جەتەكشىسى بولۋ كەرەك. ساياسي سەزگىرلىك پەن ساياسي پارىقتاۋ قابىلەتىن ارتتىرىپ، وتاننىڭ تۇتاستىعىنا، ۇلتتاردىڭ ىنتىماعىنا، قوعام ورنىقتىلىعىنا ساياتىن ۇلكەن دۇرىس، ۇلكەن بۇرىس ماسەلەسىندە تۋ ايقىن، مايدان بەرىك بولۋ، شەشۋشى ساتتە ايقىن ءۇن قاتىپ، اشىق پوزيتسيا ءبىلدىرۋ كەرەك. ۇلتتار ىنتىماعىنىڭ جەتەكشىسى بولۋ كەرەك. ماركستىك ۇلت نازارياسىن جانە پارتيانىڭ ۇلت ساياساتىن ۇيرەنۋدى كۇشەيتىپ، «ۇلتتار ىنتىماعى __ شينجياڭداعى ءار ۇلت حالقىنىڭ ارقاۋى» دەگەن تانىمدى مىقتاپ ورناتىپ، «ءۇشتىڭ ءبىر ـ بىرىنەن ايرىلماۋى»، «بەس ورتاق تانىم» يدەياسىن كۇشەيتىپ، ۇلگىلىك، باستاۋشىلىق رولىن ساۋلەلەندىرىپ، وزدەرى باستاپ ۇلتتار ىنتىماعىنىڭ ۇلگىلەرى بولۋ كەرەك. وسىزامانعى مادەنيەتتىڭ جەتەكشىسى بولۋ كەرەك. وسىزامانعى مادەنيەت ارقىلى جەتەكشىلىك ەتۋگە تاباندى بولىپ، وسىزامانعى عىلىم، مادەنيەت بىلىمدەرىن بارىنشا تاراتىپ، عىلىمدى قاستەرلەپ، ناداندىقتان اۋلاق بولىپ، سوقىر سەنىمگە قارسى تۇرىپ، ۇشقارلىقتان قورعانىپ، وسىزامانعى وركەنيەتتى تۇرمىس تاسىلىنە ۇمتىلىپ، ءىس جۇزىندىك ارەكەت ارقىلى ءار ۇلت بۇقاراسىنىڭ وركەنيەتتى، زاماناۋي، ءداۋىردىڭ دامۋىنا ۇيلەسەتىن شينجياڭدىقتار بولۋىنا ىقپال ەتۋ جانە وعان جەتەكشىلىك ەتۋ كەرەك. شەبەرلىكپەن ۇيرەنۋدىڭ، ءىس تىندىرىپ شارۋاشىلىق قۇرۋدىڭ جەتەكشىسى بولۋ كەرەك. ۇيرەنۋدى كۇشەيتىپ، تىندىرىمدى ىستەپ، سىننان ءوتىپ، ناتيجەگە قول جەتكىزۋ كەرەك. پاكتىكتىڭ، ادىلدىكتىڭ جەتەكشىسى بولۋ كەرەك. پاكتىكتىڭ، ادىلدىكتىڭ نەگىزگى شەگىن ساقتاپ، قاشان قىراعى، ساق بولىپ، بويسىنۋدى، تاباندى بولۋدى، جاسقانۋدى ءبىلۋ كەرەك. جاڭ چۇنشيان بىلاي دەدى: اۆتونوميالى رايون ءار ۇلت كادرلارىن، وتە ـ موتە، از ۇلت كادرلارىن تاربيەلەۋ، تاڭداپ ءوسىرۋ سەرپىنىن ۇزدىكسىز ارتتىرادى. ساياسي ولشەمگە تاباندى بولىپ، باۋلۋدى كۇشەيتۋ، تالاپتى قاتايتۋ، باتىل سەنۋ، باتىل ىستەۋ كەرەك. «ءۇش ءتۇرلى ادامدى وبالدى ەتپەۋ»، «ءۇش مايدان» سىندى كادر ىستەتۋ جەتەكشى باعىتىنا تاباندى بولىپ، ساياسيدا ىسىلعان، جاۋاپكەرشىلىكتى باتىل ارقالاي الاتىن، ناتيجەسى كورنەكتى، بۇقارا قولدايتىن تاڭداۋلى از ۇلت كادرلارىن دەركەزىندە بايقاپ، ولارعا باسقارۋشىلىق مىندەت بەرىپ، اۋىر مىندەت ارقالاتۋ كەرەك. از ۇلت كادرلارىن مىندەتكە ءىلىپ شىنىقتىرۋ، اۋىستىرىپ مىندەتكە تاعايىنداۋ سەرپىنىن ارتتىرۋ، كوپ نەگىزدى تۇعىر ورناتىپ، از ۇلت كادرلارىن تاڭداپ ءوسىرىپ، ورتالىقتاعى جانە مەملەكەتتىك ورگاندارعا بارىپ مىندەت وتەۋگە جىبەرۋ، از ۇلت كادرلارى قوسىنىنىڭ ساپاسىن ءتۇرلى جولدارمەن جوعارىلاتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ماجىلىستە بىلاي دەدى: از ۇلت كادرلارىن تاربيەلەۋ __ پارتيامىزدىڭ دايەكتى باعىت ـ ساياساتى. جاڭا جۇڭگو قۇرىلعاننان بەرى، پارتيا ورتالىق كوميتەتى، مەملەكەتتىك كەڭەس از ۇلت كادرلارىن تاربيەلەۋگە بارىنشا ءمان بەرىپ، كوممۋنيستىك ءمورالدى قاستەرلەيتىن، وي ـ ساناسى ماركسيزم ارقىلى قارۋلانعان، ءار ۇلت بۇقاراسىن باتىل مۇرات، سەنىم ارقىلى پارتياعا ىلەسۋگە باستايتىن كادرلاردان ءبىر توبىن تاربيەلەدى، شىنىقتىردى، ءوسىردى. وتە ـ موتە، سوڭعى جىلداردان بەرى، شينجياڭ ەرەكشەلىگىنە يە ءبىر توپ از ۇلت كادرى تۇرلىشە باسشىلىق ورىندارعا كوتەرىلىپ، رەفورما، دامۋ، ورنىقتىلىق ىستەرىندە ءوز رولدارىن كورسەتتى. از ۇلت كادرلارى دۇرىس ساياسي بەتالىسقا تاباندى بولىپ، پارتياعا اۋىتقىماي ىلەسىپ، پارتيانىڭ تاربيەسىنە العىس ايتىپ، قىزمەت بورىشتارىن ەستەن شىعارماي، شينجياڭ رۋحىن ساۋلەلەندىرىپ، رەفورما، دامۋ، ورنىقتىلىقتىڭ ءار ءتۇرلى داۋىلىنىڭ سىنىنان ءوتىپ، ءار كاسىپ، ءار سالادا، بۇكىل قوعامدا ونەگە بولىپ، از ۇلت كادرلارىنىڭ ەرەكشە ءارى ماڭىزدى رولىن ساۋلەلەندىرۋى كەرەك. پارتيا ورتالىق كوميتەتى، مەملەكەتتىك كەڭەس از ۇلت كادرلارىن تاربيەلەۋ، تاڭداپ وسىرۋگە ەجەلدەن باسا ءمان بەرىپ كەلەدى، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭنىڭ از ۇلت كادرلارى قوسىنى ۇزدىكسىز دامىپ زورايىپ، از ۇلت كادرلارىنىڭ سانى بۇكىل رايونىمىزداعى كادرلار جالپى سانىنىڭ جارتىسىنان كوبىن ۇستادى، ءبىر توپ از ۇلت كادرلارى ءار دارەجەلى باسشىلىق ورىندارعا شىقتى، ءبىر توپ وزات از ۇلت كادرلارى مەڭگەرمە، مەكەمەلەردىڭ پارتيا باسشىلىق گرۋپپاسىنىڭ شۋجيى، اۋداندىق پارتكومنىڭ شۋجيى، ۇيىمداستىرۋ ءبولىمىنىڭ باستىعى، اۋىل ـ قالاشىق پارتكومدارىنىڭ شۋجيى سياقتى ماڭىزدى باسشىلىق ورىندارعا شىقتى، از ۇلت كادرلارىن تاربيەلەۋ سەرپىنى كورنەكتى تۇردە ارتتى. 5 جىلدان بەرى، 8000 نان استام از ۇلت كادرى مەملەكەت دارەجەلى جوعارى مەكتەپتەردە تاربيەلەندى، 29 مىڭنان استام ادام شينجياڭعا كومەكتەسۋشى ولكە، قالالارعا جىبەرىلىپ تاربيەلەندى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن اڭگىمە ماجىلىسكە قاتىناستى.
كەلۋ قاينارى：التاي گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
