- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكوم مامەتجان توقتىنيازعا «اۆتونوميالى رايوندىق تاڭداۋلى كومپارتيا مۇشەسى» اتاعىن بەرۋدى ۇيعاردى
2016.03.02 15:51
تىلشىلەرىمىز ياۋ تۇڭ، سۇي يۇنيان 27 ـ اقپاندا ۇرىمجىدەن حابارلايدى. 27 ـ اقپاندا، اۆتونوميالى رايوندىق پارتكوم باي اۋدانىنداعى «18 ـ قىركۇيەك» دەلوسىن تۋدىرعان لاڭكەستەردى ءتىنتىپ ءجۇرىپ تۇتقىنداۋ، بارىمتالانعان مالشىلاردى قۇتقارۋ بارىسىندا ەرلىكپەن قۇربان بولعان مامەتجان توقتىنياز جولداسقا «اۆتونوميالى رايوندىق تاڭداۋلى كومپارتيا مۇشەسى» اتاعىن بەرۋدى ۇيعاردى.
مامەتجان توقتىنياز ۇيعۇر، ۋىنسۋ اۋدانىنىڭ ادامى، 1964 ـ جىلى قاراشادا تۋعان، 1988 ـ جىلى جەلتوقساندا جۇڭگو كوممۋنيستىك پارتياسىنا مۇشە بولعان، 1982 ـ جىلى شىلدەدە قىزمەتكە قاتىناسقان، كوزىنىڭ تىرىسىندە اقسۋ ايماقتىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى مىندەتىن اتقارعان، 1 ـ دارەجەلى باقىلاۋشى ساقشى. مامەتجان توقتىنياز ساقشىلىق قىزمەت ىستەگەن 33 جىلدا ءبىرسىپىرا ءىرى، ماڭىزدى دەلولاردى بارلاپ اشقان، لاڭكەستىك ارەكەتكە سوققى بەرۋدەگى مەملەكەتتىك وزات، بۇكىل شينجياڭ بويىنشا تاڭداۋلى حالىق ساقشىسى، اقسۋ ايماعىنىڭ ساياسي زاڭ جۇيەسىندەگى 10 ۇزدىك جەكە سياقتى داڭقتى اتاقتاردىڭ يەگەرى، ءبىر رەت 2 ـ دارەجەلى ەڭبەك، ەكى رەت 3 ـ دارەجەلى ەڭبەك سىڭىرگەن. باي اۋدانىنداعى «18 ـ قىركۇيەك» دەلوسىن تۋدىرعان لاڭكەستەردى ءتىنتىپ ءجۇرىپ تۇتقىنداۋ، بارىمتالانعان مالشىلاردى قۇتقارۋ بارىسىندا 2015 ـ جىلى 13 ـ قازاندا قىزمەت ۇستىندە جان قيعان، لاڭكەستەردىڭ راقىمسىز قاستاندىعىنا ۇشىراپ، ەرلىكپەن قۇربان بولعان. 2015 ـ جىلى 11 ـ جەلتوقساندا، توڭكەرىستىك قۇربان، مەملەكەتتىك قوعام حاۋىپسىزدىگى جۇيەسىندەگى 1 ـ دارەجەلى قاھارمان ۇلگى اتاعى بەرىلدى.لاڭكەستىككە قارسى تۇرۋداعى ەگەيلەردى ماداقتاۋ، لاڭكەستەردى شاۋجايلاۋداعى قاھارمان ۇلگىلەردىڭ رۋحىن ساۋلەلەندىرۋ، قالىڭ پارتيا مۇشەلەرىن، ءار ۇلت كادر ـ جۇرتشىلىعىن لاڭكەستىككە قارسى تۇرىپ، ورنىقتىلىقتى قورعاۋ كۇرەسىنە ات سالىسۋعا جىگەرلەندىرۋ ءۇشىن، اۆتونوميالى رايوندىق پارتكوم مامەتجان توقتىنياز جولداسقا «اۆتونوميالى رايوندىق تاڭداۋلى كومپارتيا مۇشەسى» اتاعىن بەرۋدى ۇيعاردى.ۇيعارىمدا: مامەتجان توقتىنياز جولداستىڭ ءىس ـ ىزدەرى وتە اسەرلى، ەرلىك قيمىلى ەرەكشە ەلەۋلى، ول بۇكىل رايونىمىزداعى قالىڭ پارتيا مۇشەلەرىنىڭ ۇيرەنۋ ۇلگىسى، ـ دەپ اتاپ كورسەتىلدى.
اۆتونوميالى رايوندىق پارتكوم بۇكىل رايونىمىزداعى ءار دارەجەلى پارتيا ۇيىمدارىن قالىڭ پارتيا مۇشەلەرىنىڭ اراسىندا مامەتجان توقتىنياز جولداستان ۇيرەنۋ قيمىلىن جەدەل ورىستەتىپ، ونىڭ پارتياعا، حالىققا، كاسىپكە ادال اسىل قاسيەتىنەن، ۇلكەن دۇرىس پەن ۇلكەن بۇرىستى ايقىن پارىقتاۋدا ەرەكشە سەرگەك، ۇلتتار ىنتىماعىن قورعاۋدا ەرەكشە تاباندى، ءار ۇلت جۇرتشىلىعىن قىزۋ سۇيۋدە ەرەكشە شىنايى بولعان وسكەلەڭ رۋحىنان، جاۋاپكەرشىلىكتى باتىلدىقپەن ارقالاپ، حاۋىپ ـ قاتەردەن قايمىقپاي، باسىن ءباي تىگۋدەن قورىقپاعان قاھارماندىق جىگەرىنەن ۇيرەنىپ، ساياسيدا تاباندى بولۋدىڭ، ورنىقتىلىقتى قورعاۋدىڭ، ۇلتتار ىنتىماعىنىڭ، كاسىبىن قادىرلەپ، ۇلەس قوسۋدىڭ، پاك، كىرشىكسىز بولۋدىڭ ۇلگىسى بولۋعا تالپىنىپ، بەرەكەلى، جاراسىمدى، گۇلدەنىپ ـ كوركەيگەن، باي، وركەنيەتتى، العا باسقان، تىنىش سوتسياليستىك شينجياڭ قۇرۋ ءۇشىن قۇلشىنا كۇرەس جاساۋعا ۇندەدى.
كەلۋ قاينارى：التاي گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
