- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدىق قايىرىمدى ازامات!
2016.03.02 15:15 كەلۋ قاينارى : ءتاڭىرتاۋ تورابى
تاياۋ كۇندەردەن بەرى، ءبىر شينجياڭدىق ازاماتتىڭ پويەزدا ورىندىقسىز بەلەت الىپ جالعىز شىققان، بەيتانىس قارت جولاۋشىعا ورنىن بەرىپ، ءوزى 38 ساعات بويى تىكەسىنەن تىك تۇرىپ ۇرىمجىگە كەلگەندىگى ارقاۋ ەتىلگەن اسەرلى اڭگىمە تارالىپ كەتتى. دوستار شەڭبەرىندە دە تالقىلاعان كوپشىلىك بۇل جىگىتتى تۇگەل القاسىپ، العىستارىن جاۋدىرىپ جاتتى. ازيا كىندىگى تورابىنىڭ ءتىلشىسى گۋو ليڭنىڭ ۇعىسۋىنا قاراعاندا، قورعانسىز قارت جولاۋشىعا قالتقىسىز كومەك كورسەتىپ، كوپتىڭ القاۋىنا يە بولعان بۇل ازاماتتىڭ اتى لو چياڭ بولىپ، بەيجيڭنەن ۇرىمجىگە قاتىنايتىن Z179 كەزەكتى جولاۋشىلار پويەزىمەن ۇرىمجىگە قاراي جولعا شىعىپتى. پويەز جولعا شىعىپ كوپ وتپەي ولار وتىرعان ۆاگوندا ورىندىقسىز بەلەت الىپ جالعىز ساپارعا شىققان، سۇيەنىشسىز قارت اجەيدى بايقايدى دا، ەكىلەنبەستەن ءوز ورنىن سول اجەيگە بەرەدى. 25-اقپان كۇنى تاڭەرتەڭ سوڭعى بەكەت ۇرىمجىگە جەتكەنگە دەيىن 38 ساعاتقا سوزىلعان ساپاردا تىكەسىنەن تىك تۇرىپ كەلۋ قارت اجەي ەمەس، تەپسە تەمىر ۇزەتىن اتپال ازامات لو چياڭعا دا وڭايعا تۇسپەسى بەلگىلى ەدى. ۇرىمجىگە جەتكەن سوڭ، لو چياڭ اجەيگە كومەكتەسىپ ول كىسىنى 1-تامىز جولاۋشىلار بەكەتىنە اپارىپ اۆتوبوزعا سالىپ قويىپ، الاڭسىز بولعاننان كەيىن ۇيىنە قايتىپتى. ول كەشە وزىمەن حابارلاسقان تىلشىدەن قارت اجەيگە ءوز ورنىن بوساتىپ، پويەزدە تىك تۇرىپ كەلگەن ىزگى ءىسى دوستارى ارقىلى قوعامعا ءجاريا بولىپ كەتكەنىن ەستىگەندە: «بۇل كىشكەنە عانا ءىس ەمەس پە، دابىرا ەتپەي اق قويىڭىزدار، ۇيات بولادى»،-دەپ قاتتى ىڭعايسىزدانعان بەينە تانىتتى. 25 جاستاعى لو چياڭ ءاسىلى ىلە قازاق اۆتونوميالى وبلىسى قۇلجا اۋدانىنان بولىپ، ۋنيۆەرسيتەتتى تاۋىسقاننان كەيىن ۇرىمجىدەگى 121-باستاۋىش مەكتەپتە ساباق بەرىپ، وقۋشىلاردى فۋتبولعا تاربيەلەپ جۇرگەن ەكەن. وسى جولى ول بەيجيڭگە گەرمانيادان كەلگەن تاربيەشىسىنىڭ جاسوسپىرىمدەر فۋتبولىن دامىتۋ تۋرالى كۋرسىنە بارعان بولىپ، «بۇنداي وراي ۇنەمى كەلە بەرمەيدى، ءوز قالتامنان اقشا شىعارىپ بولسا دا بارىپ ساباق تىڭداۋدى ءجون كوردىم»،- دەيدى.ول قىزمەتكە جاڭا قاتىناسقان، ونىڭ ۇستىنە وقىتۋشى بولعاندىقتان، ەكونوميكالىق جاعدايى دا تىم جاقسى ەمەس ەدى، سوسىندا «تارتا جەسەڭ تاي قالادى» دەگەندەي ۇنەمشىلدىك ىستەپ پويەزدە باعاسى ارزان تۇراتىن بەلەت الىپ ۇرىمجىگە قايتقان ەكەن. ول تىلشىگە: بەيجيڭنەن بويەزعا شىعىپ كوپ وتپەن وزدەرى وتىرعان ۆاگوندا ءبىر قارت اجەيدىڭ ورىندىقسىز بەلەت الىپ شىعىپ، ءار جەردە ءبىر وتىرىپ، قينالىپ كەلە جاتقانىن بايقايدى، سول ارالىقتا پويەز قىزمەتكەرلەرى اجەيگە ءبىر كىشكەنە ورىندىق اكەلىپ بەرەدى. ءبىراق، ورىندىق وتە كىشكەنە ءارى جايسىز بولعاندىقتان، اجەيدىڭ كۇيى كەتىپ باراجاتقانى بەسەنەدەن بەلگىلى بولاتىن. قارت ادامنىڭ جايسىز جايعايىن كورگەن ول ەكىلەنبەستەن ءوز ورنىن ول كىسىگە بەرەدى. اجەي جاقسى نيەتتى ازاماتقا العىس ايتىپ، ورىندىق بەلەتىنىڭ اقشاسىن بەرگەن بولسا دا لوچياڭ اجەيدىڭ اقشاسىن المايدى. پويەزدا لو چياڭنىڭ اڭگىمەلەسە قوياتىنداي ەشكىمى بولماعاندىقتان، ەرمەك بولسىن دەپ جاڭاعى كىشكەنە ورىندىقتا بۇكشيىپ وتىرعان اجەيدى قولفونىمەن تۇسىرگە سۋرەتتى دوستار شەڭبەرىنە سالىپ، سوڭىنا «ءبىر اجەي پويەزعا جالعىز شىقىپتى، 38 ساعات بويى ورىندىقسىز بارۋ وڭاي ەمەس قوي، وعان قاتتى جانىم اشىپ كەتىپ ءوز ورنىمدى بەردىم» دەگەن ەكى-ءۇش اۋىز ءسوز جازىپ جىبەرەدى. لو چياڭنىڭ دوستار شەڭبەرىندەگى بۇل سۋرەت وسى جولى بەيجيڭدەگى كۋرستا تانىسقان ابدىرەيىم اتتى جىگىتتىڭ نازارىنا ىلىگەدى دە، ابدىرەيىم لو چياڭعا تەلەفون بەرىپ ناقتىلى جاعدايدى تولىق ۇعىسقاننان كەيىن، ءوزىنىڭ ميكروبلوگىنا شىعارادى. سوسىن بۇل ىزگى ىسكە نازار اۋدارعاندار كوبەيىپ، توراپتاستاردىڭ ءبارى دە اقكوڭىل ازامات لو چياڭعا قاتتى ريزا بولعاندىقتارىن ايتىسىپ، القاپ اكەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
