- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا مەن حالىق قالاۋىنداعى جاقسى كادر بولۋعا قۇلشىنايىق
گۇلزيرا ءتۇسىپقان قىزى
2016.03.01 16:48 كەلۋ قاينارى : شينجياڭ گازەتى
ماۋ زىدۇڭ جولداس سوناۋ ەرتەدە - اق: «دۇرىس ساياسي لۋشيان بەلگىلەنگەننەن كەيىن، كادرلار شەشۋشى فاكتور بولادى»، - دەگەن ەدى. پارتيامىز تاريحىنداعى ءار ءداۋىر، ءار كەزەڭدە كادرلار شەشۋشى فاكتور، نەگىزگى كۇش بولعان. ازاتتىقتىڭ الدىنداعى قيان - كەسكى سوعىس جىلدارىندا بولسىن، ازاتتىقتان كەيىنگى توڭكەرىس پەن قۇرىلىستىڭ قيىن - قىستاۋ كەزەڭدەرىندە بولسىن، پارتيامىز تاربيەلەگەن كادرلار قالىڭ حالىق بۇقاراسى ءۇشىن جان اياماي قۇلشىنا قىزمەت ىستەپ، ەلىمىزدىڭ سوتسياليستىك توڭكەرىسى مەن قۇرىلىسىن جەڭىسكە جەتكىزۋ جولىندا كۇرەس جاساپ، وشپەس ۇلەس قوستى.
بۇگىنگى تاڭدا، شينجياڭ جونىنەن وسىنداعى ءار ۇلت كادرلارى ورتالىقتىڭ شينجياڭ قىزمەتى جونىندەگى 2 رەتكى اڭگىمە ءماجىلىسىنىڭ رۋحىن دايەكتى تياناقتاندىرۋدا، شينجياڭنىڭ ورنىقتىلىعىن قورعاپ، باياندى تىنىشتىعىن جۇزەگە اسىرۋدا، كورىكتى، باي، قۇدىرەتتى شينجياڭ قۇرۋدا اۋەلگىدەي شەشۋشى رول اتقارۋدا. سوندىقتان دا جاڭ چۇنشيان جولداس: «شينجياڭنىڭ بارلىق قىزمەتىن ويداعىداي ىستەۋدىڭ تەتىگى كادرلاردا. ولار پارتيا مەن حالىق قالاۋىنداعى جاقسى كادر، شينجياڭ ەرەكشەلىگىندەگى جاقسى كادر بولۋلارى كەرەك» دەگەندى العا قويدى. بۇل شينجياڭدا ساياسيدا تاباندى، سىن - سىناقتارعا توتەپ بەرە الاتىن جوعارى ساپاداعى كادرلار قوسىنىن جەتىلدىرۋگە قويىلعان تىڭ تالاپ، تىڭ ولشەم. وندا توتەنشە باي مازمۇن جانە اسا كۇشتى رەالدىق قامتىلعان.
قازىر شينجياڭ «ءۇش مەزگىل قاباتتاسقان» توتەنشە تاريحي داۋىردە، ونىڭ ۇستىنە ۇلت ماسەلەسى، ءدىن ماسەلەسى، دامۋ ماسەلەسى، حالىق تۇرمىسى ماسەلەسى، ەل ءىشى ماسەلەسى، حالىقارالىق ماسەلەلەر، رەال ماسەلەلەر، تاريحي ماسەلەلەر توعىسقان وزگەشە تاريحي داۋىردە تۇر. شينجياڭ ەرەكشەلىگىندەگى جاقسى كادر بولۋ ءۇشىن شينجياڭنىڭ كوزالداعى جاعدايىن دۇرىس تانۋ، ورنىقتىلىقتى قورعاۋ جاعدايىنا ديالەكتيكالىق تۇرعىدا تالداۋ جاساۋ، شينجياڭ ءدوپ كەلىپ وتىرعان تاريحي ورايدى تولىق يگەرۋ، پارتيا ورتالىق كوميتەتىنىڭ شينجياڭعا باعىتتاعان قامقورلىعىن شينجياڭنىڭ كوزالداعى سان الۋان قىزمەتىن ويداعىداي ىستەۋدىڭ قوزعاۋشى كۇشى ەتۋ، «توساتىن، يەك سۇيەيتىن، الاقان جاياتىن» يدەيادان ارىلىپ، شينجياڭنىڭ قىزمەتىن كۇش سالا ويداعىداي ىستەۋ كەرەك. ەندەشە، قايتكەندە شينجياڭ ەرەكشەلىگىندەگى جاقسى كادر بولۋعا بولادى؟ بۇل ءۇشىن تومەندەگى تۇيىندەرگە ايرىقشا نازار اۋدارعان ءجون:
ءمورالدى، ءبىلىمدى جاقسى كادر بولۋ. ءمورالىنا قابىلەتى ساي بولۋ، ءمورالدىلىقتى ادام ىستەتۋدىڭ ولشەمى ەتۋ، توڭىرەكتىڭ ءتورت بۇرىشىنان جارامدىلاردى تاۋىپ قىزمەتكە قويۋ كەرەك. ساياسيدا تاباندى، ناتيجەسى كورنەكتى، ستيلى تاماشا، بۇقارا ۇناتاتىن كادرلاردى ءوسىرۋ − پارتيامىزدىڭ ادام تاڭداپ ىستەتۋدەگى ساياسي ولشەمى جانە دارىندى تاڭداۋداعى ولشەمى. اسىرەسە، كەزەكتە شينجياڭ ءدوپ كەلىپ وتىرعان بۇرىن كورىلمەگەن تاريحي وراي مەن حاۋىپ - قاتەر سايىسى الدىندا شينجياڭ ەرەكشەلىگىندەگى جاقسى كادرلار، ەڭ اۋەلى، وزدەرىن ءمورالدىق جاقتان تاربيەلەپ، بۇقاراعا يبامەن قىزمەت وتەۋى قاجەت.
پارتيا مەن حالىق قالاۋىنداعى جاقسى كادر بولۋ. باس شۋجي شي جينپيڭ بىلاي دەپ اتاپ كورسەتتى: «جاقسى كادردىڭ ولشەمى − ۇلكەن جاقتان ايتقاندا، ءمورالىنا قابىلەتى ساي بولۋ. سونىمەن بىرگە، كادرلاردىڭ ولشەمىءارى ناقتى، ءارى تاريحي بولادى. ۇقساماعان تاريحي كەزەڭدەردە كادرلارعا قويىلاتىن ناقتى تالاپتاردا ايىرماشىلىقتار بولادى. قازىر قويىلىپ وتىرعان ساياسيدا سەنىمدى، قىزمەتتە الىمدى، ستيلدە ىسىلعان، حالىق بۇقاراسى سەنەتىن بولۋ قاتارلى تالاپتاردا جاقسى كادر بولۋدىڭ داۋىرلىك مازمۇنى كورنەكتىلەنگەن. جيناقتاپ ايتقاندا، جاقسى كادر سەنىمى بەكەم، حالىق ءۇشىن قىزمەت اتقاراتىن، ءىستى شوگەلدىكپەن ىستەيتىن، جۇرەكتىلىكپەن جۇك ارقالايتىن، ءادىل دە پاك بولۋى ءتيىس». شينجياڭ ەرەكشەلىگىندەگى جاقسى كادر بولۋ ءۇشىن ءارى داۋىرلىك ەرەكشەلىكتى كورنەكتىلەندىرۋ، ءارى جاقسى كادر بولۋدىڭ تالاپتارىن ورىنداۋ كەرەك. سوندا عانا ءوز بورىشتارىن ويداعىداي ارقالاي الادى.
«ۇشتە وزگەشە» جاقسى كادر بولۋ. باس شۋجي شي جينپيڭ ورتالىقتىڭ ۇلت قىزمەتى ماجىلىسىندە سويلەگەن سوزىندە: «ۇلتتىق رايوندارداعى جاقسى كادرلار ۇلكەن دۇرىس پەن ۇلكەن بۇرىستى پارىقتايتىن بولۋى، مايدانى ايقىن بولۋى، ۇلتتار ىنتىماعىن قورعاۋداعى قيمىلى باتىل بولۋى، ءار ۇلت حالقىن قىزۋ سۇيەۋ سەزىمى شىنايى بولۋى كەرەك»، - دەپ اتاپ كورسەتتى. شينجياڭ كوپ ۇلتتى، كوپ ءدىندى، كوپ مادەنيەتتى شەكارا رايون. شينجياڭدا كادر بولۋعا، قىزمەت اتقارۋعا قويىلاتىن تالاپتار، ارينە، وزگەشە بولۋعا ءتيىس. كادرلارىمىزدىڭ تۋى ايقىن، مايدانى بەرىك، قيمىلى باتىل، سۇيىسپەنشىلىگى شىنايى بولۋعا ءتيىس. اتى زاتىنا ساي شينجياڭ ەرەكشەلىگىندەگى جاقسى كادر بولۋ ءۇشىن وسى «ۇشتە وزگەشە» بولۋدى مۇلتىكسىز ورىنداۋ قاجەت. سوندا عانا، ول پارتيا مەن حالىقتىڭ قالاۋىنان شىعاتىن جاقسى كادر بولا الادى.
«ۇشتە قاتاڭ، ۇشتە شىنايى» جاقسى كادر بولۋ. باس شۋجي شي جينپيڭ باسشى كادرلاردان ءوزىن تاربيەلەۋدە قاتاڭ، ۇقىق ىستەتۋدە قاتاڭ، ءوزىن تەجەۋدە قاتاڭ؛ ءىس ىستەۋدە شىنايى، يگىلىك جاراتۋدا شىنايى، ادام بولۋدا شىنايى بولۋدى تالاپ ەتىپ وتىر. بۇل − تالاپتار كوممۋنيستەردىڭ ەڭ نەگىزگى ساياسي بولمىسى جانە ادام بولۋ ەرەجەسى ءارى پارتيا مۇشەلەرىنىڭ، كادرلاردىڭ ءوزىن تاربيەلەۋىنىڭ تۇعىرى، بيلىك جۇرگىزۋىنىڭ جولى، ءىس ىستەۋىنىڭ تەتىگى. شينجياڭ ەرەكشەلىگىندەگى جاقسى كادر بولۋ ءۇشىن ولار «ۇشتە قاتاڭ، ۇشتە شىنايى» بولۋدى قاي - قاشان دا كوڭىلىندە ساقتاۋ، ارەكەتىندە ايگىلەۋ، قاتاڭ بولۋ رۋحى مەن شىنايى بولۋ ستيلىن ساۋلەلەندىرۋ كەرەك. سوندا عانا «پارتيا ورتالىق كوميتەتى قويعان تالاپتار − ءبىزدىڭ ورىنداۋعا ءتيىستى مىندەتىمىز، اۆتونوميالى رايوننىڭ ورنالاستىرۋى − ءبىزدىڭ قيمىل - ارەكەتىمىز» دەيتىن يدەيانى شىن مانىندە ورناتا الامىز.
«تورتتە ورامدى» جاقسى كادر بولۋ. ءار دارەجەلى كادرلاردىڭ قىزمەتتە ورامدى بولۋى توتەنشە قاجەت. جاڭ چۇنشيان جولداس «شينجياڭداعى ءار ۇلت كادرلارى شينجياڭ ەرەكشەلىگىندەگى جاقسى كادر بولۋدا ساياسيدا ورامدى، قابىلەتتە ورامدى، ستيلدە ورامدى، اقىل- پاراساتتا ورامدى بولۋلارى كەرەك» دەگەندى باسا دارىپتەگەن. شينجياڭنىڭ جوعارى دارەجەلى تاراۋلارىنان تارتىپ اۋىل - قىستاقتارداعى ءار سالا، ءار كاسىپتە قىزمەت ىستەپ جاتقان ءار ۇلت كادرلارى وسى 4 جاقتا ورامدى بولۋعا تاربيەلەنۋ قاجەت. سوندا عانا ولار قوعام ورنىقتىلىعى مەن باياندى تىنىشتىقتى قورعاۋدىڭ الدىڭعى شەبىندە، رەفورمالاۋ مەن دامىتۋدىڭ شايقاس مايدانىندا مىزعىماي، حالىق بۇقاراسى ءۇشىن كوڭىلدەگىدەي قىزمەت ىستەي الادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
