- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان شينجياڭ ۋاكىلدەر ۇيىرمەسىنىڭ قورىتىندىلاۋ جيىنىن باسقارىپ اشقاندا
مەملەكەتتىك ەكى ءماجىلىستىڭ رۋحىن تاسقىنداعان ىنتامەن ويداعىداي جەتكىزەيىك،
ياۋ تۇڭ، جاڭ لەي
2016.03.17 13:22 كەلۋ قاينارى : شينجياڭ گازەتى
ياۋ تۇڭ، جاڭ لەي 16 - ناۋرىزدا بەيجيڭنەن حابارلايدى. مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە قاتىناسقان شينجياڭ ۋاكىلدەر ۇيىرمەسى 15 - ناۋرىز تۇستەن كەيىن جالپى جيىن اشىپ، قاتىستى قىزمەتتەردى قورىتىندىلاپ، مەملەكەتتىك ەكى ءماجىلىس رۋحىن دايەكتى تياناقتاندىرۋ جونىندە ورنالاستىرۋ جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جيىندا مىنالاردى باسا دارىپتەدى: «ءتورت تانىمدى» كۇشەيتىپ، مەملەكەتتىك ەكى ءماجىلىستىڭ رۋحىن تاسقىنداعان ىنتامەن ويداعىداي جەتكىزىپ، دايەكتىلەندىرىپ، پارتيا ورتالىق كوميتەتىنىڭ شينجياڭنىڭ ءار سالالى قىزمەتتەرىنە بەرگەن تۇراقتاندىرۋىن، كوڭىل ءبولۋىن، قامقورلىعىن تەرەڭ ءتۇسىنىپ، سان سالالى قىزمەتتەردىڭ ورنالاستىرۋلارىن ويداعىداي تياناقتاندىرىپ، جۇڭگو ارمانىنىڭ شينجياڭ تاراۋىن قۇلشىنا ىسكە اسىرىپ، «13 - بەسجىلدىق» كەزىندە تىنباي شۇعىلالى ناتيجە جاراتۋعا كۇش سالۋىمىز كەرەك.
ءماجىلىس كەزىندە شينجياڭ ۋاكىلدەر ۇيىرمەسىندەگى بارلىق ۋاكىلدەر، ءار ۇلت، ءار سالادان كەلگەن ساياسي كەڭەس مۇشەلەرى ۇكىمەت قىزمەتىنەن باياندامانى، «13 - بەسجىلدىق» جوبا پروگرامماسىنىڭ جوباسىن، قايىر - ساحابات زاڭى جوباسى قاتارلى حۇجاتتاردى دەن قويا قاراپ، تالقىلادى، جالپى جاعداي ماسەلەسى مەن كەلەلى ماسەلەلەر جونىندە تەرەڭنەن وي تولعاپ، كوڭىل تۇكپىرلەرىندەگى ويلارىن بەلسەندىلىكپەن ورتاعا سالدى، ماجىلىسكە قاتىناسقان شينجياڭ ۋاكىلدەر ۇيىرمەسى جيىنى 216 كەڭەستىك جوبا، 139 ۇسىنىس - پىكىر تاپسىردى، ۇسىنىس - پىكىرلەردىڭ باسىم كوپ ساندىسىن ورتالىقتاعى باسشىلار تۇراقتاندىردى جانە مەملەكەتتىڭ قاتىستى تاراۋلارى قابىلدادى، ۋاكىلدەر ۇيىرمەسى ءماجىلىستىڭ مىندەتتەرىن ءساتتى ورىندادى. ورتالىق پەن اۆتونوميالى رايوننىڭ اقپارات قۇرالدارى شينجياڭ تۋرالى 2100 پارشادان ارتىق ماقالا جاريالادى، راديو − تەلەۆيزيادا قويىلۋ ۋاقىتى 1200 مينۋتتان استى، بارلىق اقپارات قۇرالدارى جان - جاقتى سايكەسىپ، توراپتا، توراپ سىرتىندا بولسىن، تۇرلىشە ارنالار ارقىلى تاراتۋعا كۇش سالا كىرىسىپ، شينجياڭدى ۇگىتتەۋدىڭ قىزۋ ورلەۋىن قالىپتاستىردى.
جاڭ چۇنشيان مەملەكەتتىك ەكى ءماجىلىستىڭ رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ جونىندە 4 ءتۇرلى تالاپتى العا قويدى: بىرىنشىدەن، «ءتورت تانىمدى» كۇشەيتىپ، يدەيا مەن ارەكەتتى پارتيا ورتالىق كوميتەتىنىڭ تالاپتارىمەن جانە باس شۋجي شي جينپيڭنىڭ ماڭىزدى سوزدەرىنىڭ رۋحىمەن بىرلىككە كەلتىرۋ. ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ ورنالاستىرۋلارىنان جازباي، «بەستى ءبىر تۇلعالاندىرۋ» جالپى ورنالاستىرۋىن جانە «ءتورتتى جاپپاي ورىنداۋ» ستراتەگيالىق ورنالاستىرۋىن دايەكتى تياناقتاندىرۋ كەرەك؛ ەكىنشى، ماجىلىسكە قاتىناسىپ، مىندەتىن ادا ەتۋدەگى تاجىريبەلەردى مۇقيات قورىتىندىلاپ، حالىق قۇرىلتايى ۋاكىلى مەن ساياسي كەڭەس مۇشەسىنىڭ رولىن ويداعىداي ساۋلەلەندىرۋ. تىعىز ىنتىماقتاسىپ، ءبىر نيەت، ءبىر ماقساتپەن ءوز مىندەتتەرىن دەن قويا ادا ەتەتىن رۋحاني كۇيدى ۇزدىكسىز ساقتاپ، ءتۇرلى حۇجاتتاردى جوعارى دەڭگەيدە قاراۋداعى، حالىق جاعدايى، حالىق رايى تۋرالى قۇندى كەڭەستىك جوبا جانە سىندارلى ۇسىنىس - پىكىرلەر بەرۋدەگى قۇندى تاجىريبەلەر مەن جاقسى ءادىس − امالداردى قورىتىندىلاپ، دەموكراتيانى ەڭ زور دارەجەدە ساۋلەلەندىرىپ، كۇش - قۋات توپتاۋ كەرەك؛ ءۇشىنشى، ۋاكىلدەر مەن مۇشەلەر ماجىلىستەن العان اسەرلەرى مەن قول جەتكىزگەن تابىستارىن ۇلعايتۋى، كۇشەيتۋى كەرەك. جاۋاپكەرشىلىك جونىندە ساتىلار بويىنشا سالماق سالىپ، جاۋاپكەرشىلىكتى باتىلدىقپەن ارقالاۋى، بەلسەندىلىكپەن ناتيجە جاراتۋى، العان اسەرلەرىن اناعۇرلىم كۇشەيتۋى، دەڭگەيىن جوعارىلاتۋى، قورىتىندىلاۋى، تۇتاس جىلداعى قىزمەتتى دەن قويا زەرتتەپ، جۇمىس ءبولىسى بويىنشا تياناقتاندىرۋى، ءوز جەرىنىڭ، ءوز تاراۋىنىڭ ءىس جۇزىندىك جاعدايىمەن بىرلەستىرىپ، باستاماشىلدىق رولدى ويداعىداي ساۋلەلەندىرۋى، ءتۇرلى ارنالاردان پايدالانىپ بەلسەندىلىكپەن ۇگىتتەۋ، باستاماشىلدىقپەن دايەكتىلەندىرۋ، ورتالىقتىڭ كوڭىل ءبولۋى مەن قولداپ - قۋاتتاۋىن، مەملەكەتتىك ەكى ءماجىلىستىڭ رۋحىن ناقتى شارالارعا، امالي ارەكەتكە اينالدىرىپ، جۇڭگو ارمانىنىڭ شينجياڭ تاراۋىن ىسكە اسىرۋعا قۇلشىنىپ، «13 - بەسجىلدىق» كەزىندە تىنباي شۇعىلالى ناتيجە جاراتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن جيىندى باسقاردى. ول بىلاي دەدى: جاڭ چۇنشيان شۋجي العا قويعان 4 ءتۇرلى تالاپ ءبىزدىڭ مەملەكەتتىك ەكى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرۋىمىز، ورتالىق پەن اۆتونوميالى رايوندىق پارتكومنىڭ شەشىم - ورنالاستىرۋلارىن جاپپاي دايەكتى تياناقتاندىرۋىمىز، ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن ورناتۋىمىز، «جاڭا قالىپقا ۇيلەسۋ، تىڭ ناتيجە جاراتۋ»، اۆتونوميالى رايوننىڭ جاڭا ءبىر جىلداعى ءار سالالى قىزمەتتەرىن ويداعىداي ىستەۋ جونىنەن ماڭىزدى جەتەكشىلىك ءمان الادى. مەن ۋاكىلدەر مەن مۇشەلەردىڭ مەملەكەتتىك ەكى ءماجىلىستىڭ رۋحىن بەلسەندىلىكپەن ۇگىتتەيتىن جاقسى ۇگىتشىلەردەن، شىنداپ كىرىسىپ ىستەيتىن باستاماشىلاردان بولۋىن، «13 - بەسجىلدىقتا» باستاما جاراتاتىن جىلدا ءار سالالى قىزمەتتەردى تىڭعىلىقتى ورىنداۋعا كەپىلدىك ەتۋلەرىن ءۇمىت ەتەمىن.
شينجياڭ ۋاكىلدەر ۇيىرمەسى 15 - ناۋرىز كۇنى جالپى جيىن اشىپ، مەملەكەتتىك ەكى ءماجىلىس رۋحىن دايەكتى تياناقتاندىرۋ جونىندە ورنالاستىرۋ جاسادى. سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
