- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى دۇنيە ءجۇزى بويىنشا ەڭ ۇلكەن ىشكى قۇرلىقتىق وزەن پورتى − دۇيسبۇرگ پورتىمەن بىرلەسىپ، جۇڭگو حالىقارالىق تەمىر جولى نەگىزگى پورتىن قۇرماقشى
2016.03.22 14:55 كەلۋ قاينارى : حالىق تورابى
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) 17 - ناۋرىزدا دۇنيە ءجۇزى بويىنشا ەڭ ۇلكەن ىشكى قۇرلىقتىق وزەن پورتى − دۇيسبۇرگ پورتىمەن ستراتەگيالىق سەلبەستىك جۇلگەلىك كەلىسىمىن جاساستى. ەكى جاق ءبىرقاتار سەلبەستىكتەر ارقىلى شينجياڭ حالىقارالىق قۇرلىق پورتىن جۇڭگو حالىقارالىق تەمىر جولى نەگىزگى پورتىنا اينالدىرماقشى.
ەكى جاق قول قويىسقان سەلبەستىك ەسكەرتپە حاتىنداعى ۋادە بويىنشا بۇل جولعى سەلبەستىكتە شينجياڭ حالىقارالىق قۇرلىق پورتىن كاسىپورىن ۇلگىسىندە جۇرگىزۋگە كۇش سالىنادى. ەكى جاق تىزىمگە الدىرعان كاپيتالى 200 ميلليون يۋان كەلەتىن شينجياڭ حالىقارالىق قۇرلىق پورتى جارنا تىزگىندەۋ شەكتى جاۋاپكەرشىلىك سەرىكتەستىگىن قۇرۋعا بىرگە ات سالىسادى ءارى دۇيسبۇرگ پورتى مەن شينجياڭ حالىقارالىق قۇرلىق پورتى اراسىندا قاتىنايتىن تۇراقتى جولاۋشىلار پويەزىن ىسكە قوسادى. مەجەمەن بيىل الدىڭعى جارتى جىلدا ىسكە قوسىلادى، اپتاسىنا ءبىر كەزەك قاتىنايدى. دۇيسبۇرگ شينجياڭ حالىقارالىق قۇرلىق پورتى رايونىن دامىتۋداعى ستراتەگيالىق سەرىك رەتىندە 2 پورتتى تەمىر جولمەن تۇتاستىرىپ، 2 پورتتىڭ جەتكىزۋ ورتالىعى رەتىندە جۇڭگو مەن ەۆروپانى تۇتاستىراتىن ازيا - ەۆروپا تەمىر جولىنىڭ تيەۋىش قوراپ تاسىمالىنا قىزمەت كورسەتۋىنە مۇمكىندىك جاسايدى.
ۇعىسۋعا قاراعاندا، اۆتونوميالى رايوندىق حالىق ۇكىمەتى 2015 - جىلى 12 - قاراشادا باتىس ۆوكزالدى وزەك ەتىپ، ءۇرىمجى تەمىر جول زات تاسىمال شەكارا وتكەلىن، ءۇرىمجى كوپ ۇلگىدەگى ۇلاسپالى تاسىمال جۇمىسىن كەدەندىك باقىلاۋ - باسقارۋ ورتالىعىن، شينجياڭ جۇڭگو - ەۆروپا جولاۋشىلار پويەزى توراپ ورتالىعىن قۇرىپ، مۇنى سۇيەنىش ەتە وتىرىپ، شينجياڭ حالىقارالىق قۇرلىق پورتىن قۇرۋدى بەكىتكەن ەكەن. شينجياڭ حالىقارالىق قۇرلىق پورتى رايونى ءۇرىمجى باتىس پويەز ۆوكزالىنىڭ قيىس وڭتۇستىگىندەگى 2.2 شارشى كيلومەترلىك ءوڭىردى وزەك ەتكەن، باتىس پويەز ۆوكزالى اۋماعى، 1 - تامىز بولات - تەمىر زاۆودى ماڭىنداعى تەمىر جول الاڭ بەكەتى اۋماعى، سانپيڭ اۋماعى، جوعارى جىلدامدىقتى تەمىر جول اۋماعى، اۋەجاي اۋماعى سياقتى اۋدانى 120 شارشى كيلومەترلىك كاسىپ سالاسىن دامىتۋ ءوڭىرىن قامتيدى. شينجياڭ حالىقارالىق قۇرلىق پورتى رايونى تەمىر جول، تاس جول، اۆياتسيا سياقتى امبەباپ قاتىناس - تاسىمال تورابىنىڭ باسىمدىعىنا سۇيەنىپ، زات اينالىمى نەگىزدىك قۇرىلعىلار قۇرىلىسى، زات اينالىمى جۇمىس ۇلگىسىنە جاڭالىق ەنگىزۋ، حالىقارالىق زات اينالىمى بازارىن جەتىلدىرۋ، زات اينالىمىنىڭ جۇمىس جۇرگىزۋى مەن قامداۋ جەلىسىن باسقارۋ دەڭگەيىن ءوسىرۋ ارقىلى جىبەك جولى ەكونوميكالىق بەلدەۋىن بەتكە العان، ازيا - ەۆروپا ۇلى قۇرلىعىن شارپىعان حالىقارالىق زات اينالىمى قىزمەت كورسەتۋ جۇيەسىن قۇرادى.
دۇيسبۇرگ پورتى ەۆروپانىڭ ماڭىزدى ونەركاسىپ ورتالىعى − رۇر رايونىندا، رۇر وزەنى مەن رەين وزەنىنىڭ قۇيعانىنا ورنالاسقان. اتالعان پورت دۇنيە ءجۇزى بويىنشا ەڭ ۇلكەن ىشكى قۇرلىقتىق وزەن پورتى، ەۆروپاداعى ەڭ ماڭىزدى زات تاسىمال تورابى، سونىمەن قوسا، جۇڭگو - ەۆروپا ارالىعىنا توتە قاتىنايتىن پويەزدىڭ ورتالىق تورابى، جۇڭگودان ەۆروپاعا دەيىنگى جولاۋشىلار پويەزىنىڭ ەۆروپاداعى ماڭىزدى بەكەتى جانە زات تورابى.
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) زات اينالىمى كاسىبىنىڭ دامۋىن جەبەۋ كەڭسەسىنىڭ مەڭگەرۋشىسى ليۋ شاۋحۋا بىلاي دەدى: ءۇرىمجى تەمىر جول زات تاسىمالى شەكارا وتكەلىنىڭ جانە كوپ ۇلگىدەگى ۇلاسپالى تاسىمالدى كەدەندىك باقىلاۋ - باسقارۋ ورتالىعىنىڭ قۇرىلىسى 12 - ناۋرىزدا باستالدى. شىلدەدە تەكسەرىپ وتكىزىلىپ الىنادى ءارى جۇمىس جۇرگىزەدى. قۇرلىق پورتى سالىنعاننان كەيىن قىسقا مەرزىمدىك جوبا بويىنشا 2020 - جىلى تاسىمال قۋاتى 20 ميلليون تونناعا، ۇزاق مەرزىمدىك جوبا بويىنشا 50 ميلليون تونناعا جەتەدى. سول كەزدە شينجياڭ حالىقارالىق قۇرلىق پورتىنىڭ جۇڭگو حالىقارالىق تەمىر جولى نەگىزگى پورتىنا اينالاتىن بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
