- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون مەن جۇڭگو عىلىم اكادەمياسى بەيجيڭدە عىلىم - تەحنيكا سەلبەستىگى جونىندە اڭگىمە ءماجىلىس وتكىزدى
2016.03.24 13:29 كەلۋ قاينارى : ءتاڭىرتاۋ تورابى
اۆتونوميالى رايون مەن جۇڭگو عىلىم اكادەمياسى تاياۋدا بەيجيڭدە عىلىم - تەحنيكا سەلبەستىگى جونىندە اڭگىمە ءماجىلىس وتكىزدى، ەكى جاق 3 - كەزەكتى عىلىم - تەحنيكا سەلبەستىگى كەلىسىمىنە قول قويدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، جۇڭگو عىلىم اكادەمياسىنىڭ باستىعى، پارتيا باسشىلىق گرۋپپاسىنىڭ شۋجيى باي چۇنلي اڭگىمە ماجىلىسكە قاتىناستى.
جۇڭگو عىلىم اكادەمياسى مەن اۆتونوميالى رايوننىڭ تاماشا سەلبەستىك ءداستۇرى جانە نەگىزى بار، مۇنان بۇرىن كەلەلى ستراتەگيالىق كەڭەس بەرۋ، عىلىم - تەحنيكا ارناۋلى ينجەنەرياسى، دارىندىلاردى ەنگىزۋ، تاربيەلەۋ، جاڭالىق اشۋشى توپتار قۇرىلىسى سىندى جاقتاردا ەكى كەزەك تەرەڭ سەلبەستىك ورىستەتىپ، سۇبەلى ناتيجەگە قول جەتكىزگەن بولاتىن.
جاڭ چۇنشيان اڭگىمە ماجىلىسىندە بىلاي دەدى: بىرنەشە جىلدان بەرى جۇڭگو عىلىم اكادەمياسى شينجياڭنىڭ ەكونوميكالىق، قوعامدىق دامۋىنا جانە باياندى تىنىشتىعىنا قىزمەت وتەۋ جاعىنان تىرەك بولۋدى «الدىمەن اتقاراتىن ارەكەت» جوسپارىنىڭ ستراتەگيالىق ءتۇيىنى ەتۋگە تاباندى بولىپ، شينجياڭمەن عىلىم - تەحنيكا سەلبەستىگىن ۇزدىكسىز تەرەڭدەتتى، سەلبەستىكتىڭ كەڭدىك پەن تەرەڭدىك دەڭگەيى تىڭ ىلگەرىلەۋشىلىكتەرگە قول جەتكىزىپ، شينجياڭنىڭ رەفورما، دامۋ، ورنىقتىلىق قىزمەتىنە ماڭىزدى ۇلەس قوستى.
جاڭ چۇنشيان مىنالاردى اتاپ كورسەتتى: اۆتونوميالى رايون مەن جۇڭگو عىلىم اكادەمياسىنىڭ جاڭا كەزەكتى عىلىم - تەحنيكا سەلبەستىگى قىزمەتىن ويداعىداي ىستەۋدە باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ارقاۋ ەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىنا تاباندى بولىپ، شينجياڭنىڭ قوعامدىق ورنىقتىلىعى مەن باياندى تىنىشتىعىن كوزدەۋ جانە كۇش سالۋ ءتۇيىنى ەتىپ، عىلىم - تەحنيكا سەلبەستىگى دەڭگەيىن ۇزدىكسىز كوتەرىپ، اناعۇرلىم زور، اناعۇرلىم تاماشا ناتيجەگە قول جەتكىزۋگە قۇلشىنۋ كەرەك.جاڭ چۇنشيان ەكى جاقتىڭ جاڭا كەزەكتى عىلىم - تەحنيكا سەلبەستىگى جونىندە 4 ءتۇرلى تالاپ قويدى:
ءبىرىنشى، شينجياڭنىڭ جاڭالىق اشا دامۋىن جەبەۋدە تىڭنان تۇرەن سالۋ كەرەك. عىلىم - تەحنيكادا جاڭالىق اشۋداعى جەتەكشى كۇشتى جەتىلدىرىپ، شينجياڭنىڭ مەملەكەتتىك كەلەلى عىلىم - تەحنيكا نىساندارىن ۇستىنە الۋىنا جانە مەملەكەت دارەجەلى تاجىريبەحانالاردىڭ قاتىستى قىزمەتتەرىنە ات سالىسۋىنا اناعۇرلىم قولداۋ كورسەتۋ؛ جاقسى تۇتقا جانە تەكشە ارقىلى شينجياڭنىڭ جىبەك جولى ەكونوميكالىق بەلدەۋىنىڭ دامۋعا جاڭالىق اشا دەم بەرۋىن تۇيىندەردە سىناق ەتۋ رايونىن قۇرۋى بويىنشا الدىڭعى مەرزىمدىك ستراتەگيالىق زەرتتەۋ جۇرگىزۋ مەن جوبا جاساۋ قىزمەتىن ويداعىداي ىستەۋ؛ ۇلگىلى عىلىم - تەحنيكا ينجەنەريالارى ارقىلى ۇزدىكسىز سەلبەستىك جاساسىپ، 110 مەترلىك راديو تەلەسكوبىن مەملەكەتتىڭ «13 - بەسجىلدىق» جوباسىندا الدىمەن دامىتىلاتىن ءىرى عىلمي ينجەنەريا نىساناسىنا اينالدىرۋ قىزمەتىن جەبەۋ كەرەك.
ەكىنشى، شينجياڭنىڭ قوعامدىق ورنىقتىلىعى مەن باياندى تىنىشتىعىن جەبەۋدە تىڭنان تۇرەن سالۋ كەرەك. جۇڭگو عىلىم اكادەمياسى عىلىم - تەحنيكا شاراسى جاعىندا شينجياڭدى ونان ارى قولداپ، مەملەكەت حاۋىپسىزدىگى، شەكارا قورعانىسى حاۋىپسىزدىگى سىندى سالالاردا جوعارى تەحنيكانى زەرتتەپ اشۋ، قولدانۋ، سونىمەن بىرگە سان سالالى عىلىم جالپىلاستىرۋ قىزمەتىن ورىستەتىپ، عىلىم جالپىلاستىرۋدىڭ «ۇشقارىلىقتى الاستاۋداعى» ماڭىزدى رولىن ويداعىداي ساۋلەلەندىرۋ كەرەك.
ءۇشىنشى، شينجياڭدى دارىندىلار جاعىنداعى قۋاتتى رايون ەتىپ قۇرىپ شىعۋدا تىڭنان تۇرەن سالۋ كەرەك. شينجياڭنىڭ باسىمدىققا يە عىلىم سالاسى جانە جاڭالىق اشۋ بەتالىسى توڭىرەگىندە، شينجياڭنىڭ عىلىم - تەحنيكاداعى كوشباسشى دارىندىلاردان، جوعارى جىكتەگى تاپشى دارىندىلاردان، جوعارى ورەدەگى جاڭاشىل قوسىننان ءبىر توبىن ەنگىزۋىنە جانە جەتىلدىرۋىنە كومەكتەسۋ؛ ۇرىمجىدە جۇڭگو عىلىم اكادەمياسى ۋنيۆەرسيتەتىنىڭ ورتا ازيا عىلىم - تەحنيكا ينستيتۋتىن قۇرۋ اياق الىسىن تەزدەتۋ؛ شينجياڭنىڭ جەرگىلىكتى جاس عىلمي زەرتتەۋ تىرەكتىلەرىن جانە از ۇلت جوعارى جىكتەگى دارىندىلارىن تاربيەلەۋگە قولداۋ كورسەتۋ كەرەك.
ءتورتىنشى، شينجياڭنىڭ عىلمي شەشىم جاساۋىن، عىلمي دامۋىن ىلگەرىلەتۋ جاعىندا تىڭنان تۇرەن سالۋ كەرەك. «اكادەميكتەردىڭ تيانشانعا ساپارى» سياقتى قيمىلداردىڭ جاقسى تاجىريبە، جاقسى ادىستەرىن جالعاستىرىپ، جىبەك جولى ەكونوميكالىق بەلدەۋىنىڭ وزەك رايون قۇرىلىسى، تازا شينجياڭ قۇرىلىسى سياقتى ستراتەگيالىق ماسەلەلەر توڭىرەگىندە ىشكەرىلەي زەرتتەۋ جۇرگىزىپ، اۆتونوميالى رايوندىق پارتكومنىڭ، ۇكىمەتتىڭ شەشىم جاساۋىنا عىلمي نەگىز ازىرلەۋ؛ ءتۇيىندى سالالار مەن كوشباسشى كاسىپورىنداردىڭ جاڭالىق اشا دامۋى توڭىرەگىندە تەرەڭ سەلبەستىكتى جانە سەلبەسە قامال الۋدى كۇشەيتۋ؛ كەدەيلەردى دالمە - ءدال سۇيەمەلدەۋ، وڭتۇستىك شينجياڭنىڭ ەكولوگيالىق ورتاسىن قورعاۋ سياقتى ماسەلەلەر توڭىرەگىندە ىشكەرىلەي زەرتتەۋ جۇرگىزىپ، عىلىم - تەحنيكا جەتىستىكتەرىن يگىلىككە جاراتۋ، شينجياڭنىڭ عىلمي دامۋىن ءتىپتى جاقسى جەبەۋ كەرەك.باي چۇنلي بىلاي دەدى: جۇڭگو عىلىم اكادەمياسى الدىڭعى ەكى كەزەكتەگى شينجياڭمەن عىلىم - تەحنيكا سەلبەستىگى نەگىزىندە، شينجياڭنىڭ ماڭىزدى ءارى كوكەي تەستى قاجەتىمەن بىرلەستىرىپ، شينجياڭعا عىلىم - تەحنيكالىق قولداۋ سەرپىنىن اناعۇرلىم ارتتىرىپ، سەلبەستىكتىڭ ءمان - مازمۇنىن بايىتىپ، سەلبەستىك اياسىن كەڭەيتەدى. شينجياڭداعى جوعارى مەكتەپتەرمەن، عىلمي زەرتتەۋ قۇرىلىمدارىمەن، كاسىپورىندارمەن سەلبەستىكتى تەرەڭدەتىپ، جىبەك جولى ەكونوميكالىق بەلدەۋىنىڭ وزەك رايون قۇرىلىسىندا عىلىم - تەحنيكالىق تىرەكتى كۇشەيتىپ، عىلىم - تەحنيكا جەتىستىكتەرىنىڭ يگىلىككە جاراتىلۋىن جەبەپ، شينجياڭنىڭ ستراتەگيالىق جاڭا كاسىپتەرىنىڭ دامۋىن تەزدەتەدى؛ «شينجياڭنىڭ دامۋىن عىلىم - تەحنيكامەن قولداۋ» ينجەنەرياسىن جانە «باتىس بولىك شۇعىلاسى» دارىندىلاردى تاربيەلەۋ جوسپارىن ۇزدىكسىز اتقارىپ، شينجياڭنىڭ عىلىم - تەحنيكا دارىندىلارىن تاربيەلەۋگە قولداۋ كورسەتۋ سەرپىنىن ارتتىرادى.
اڭگىمە ماجىلىستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەن باي چۇنلي اۆتونوميالى رايون مەن جۇڭگو عىلىم اكادەمياسى اتىنان ەكى جاقتى عىلىم - تەحنيكالىق سەلبەستىك كەلىسىمىنە قول قويدى. كەلىسىمگە سايكەس، «13 - بەسجىلدىق» كەزىندە تاراپتار شينجياڭنىڭ جىبەك جولى ەكونوميكالىق بەلدەۋىنىڭ وزەك رايون قۇرىلىسىن تەزدەتۋدى قولداۋ، شينجياڭنىڭ عىلىم - تەحنيكادا جاڭالىق اشۋداعى جەتەكشى كۇشتەرىن بىرگە قالىپتاستىرۋ، جىبەك جولى ەكونوميكالىق بەلدەۋىنىڭ جاڭالىق اشۋ ارقىلى دامۋدى قوزعاۋ تاجىريبە رايونى قۇرىلىسىن بىرلەسىپ ىلگەرىلەتۋ، دالمە - ءدال شارالار قولدانىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ، عىلىم - تەحنيكا پاراسات قامباسىنىڭ رولىن ساۋلەلەندىرىپ، ءوڭىردىڭ جاڭالىق اشا دامۋىنا قىزمەت ەتۋ، دارىندىلاردى تاربيەلەۋ، دارىندىلار اۋىستىرۋعا اقىل - پاراسات جاعىنان پارمەندى قولداۋ كورسەتۋدى كۇشەيتۋ سياقتى 6 جاقتا سەلبەستىكتى ونان ارى كۇشەيتىپ، شينجياڭنىڭ جاڭاشا ونەركاسىپتەندىرۋ، ەگىن، مال شارۋاشىلىعىن وسىزامانداندىرۋ، جاڭاشا قالا - قالاشىقتاندىرۋ، ينفورماتسيالاندىرۋ جانە نەگىزدىك قۇرىلعىلاردى وسىزامانداندىرۋ بارىسىن ۇزدىكسىز تەزدەتىپ، شينجياڭنىڭ ءوز ۋاعىندا جاپپاي دوڭگەلەك داۋلەتتى قوعام قۇرۋىنا، قوعام ورنىقتىلىعى مەن باياندى تىنىشتىقتى ىلگەرىلەتۋىنە پارمەندى عىلىم - تەحنيكالىق تىرەك ازىرلەيدى.
جۇڭگو عىلىم اكادەمياسىنىڭ ورىنباسار باستىعى، پارتيا باسشىلىق گرۋپپاسىنىڭ مۇشەسى جاڭ ياپيڭ اڭگىمە ءماجىلىستى باسقاردى.
اۆتونوميالى رايون باسشىلارىنان حۋاڭ ۋي، ەركىن تۇنياز، جۇڭگو عىلىم اكادەمياسىنىڭ باسشىلارىنان لي جيڭحاي، دىڭ مايسۇن اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
