- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشتى
2016.04.06 14:38
شينجياڭ گازەتىنىڭ ءتىلشىسى ياۋ تۇڭ 4-ساۋىردە ۇرىمجىدەن حابارلايدى. 1-ءساۋىر تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشىپ، ۇلتتار ىنتىماعى، العاباسارلىعى جىلىنداعى قىزمەتتەردى اقىلداسىپ، اشالاپ، جاۋاپكەرشىلىك ءبولىسىن تۇراقتاندىردى. جاڭ چۇنشيان مىنانى باسا دارىپتەدى: جاۋاپكەرشىلىك ءتۇزىمىن كۇشەيتىپ، تياناقتاندىرۋدى بارىنشا مىقتى يگەرىپ، «ۇلتتار ىنتىماعى، العاباسارلىعى جىلىنداعى» 27 ءتۇرلى ماڭىزدى شارانى ءبىر-بىردەن ناقتاپ تياناقتاندىرۋ كەرەك.
ءماجىلىس اۆتونوميالى رايوننىڭ ۇلتتار ىنتىماعى، العاباسارلىعى جىلىنداعى اتقارۋ جوباسىن، ءتۇيىندى قىزمەت جاۋاپكەرشىلىگى ءبولىسى جوباسىن قاراپ، اۆتونوميالى رايوننىڭ ۇلتتار ىنتىماعى، العاباسارلىعى جىلى قيمىلىنا جۇمىلدىرۋ جينالىسىنىڭ رۋحىمەن تىعىز ۇشتاستىرىپ، كورنەكتى ماسەلەلەردى شەشۋ جونىندەگى 27 ءتۇرلى شارانى بىردەن تياناقتاندىرۋعا قاتىستى جاۋاپتىلاردى، باستاماشى ورىنداردى، سەلبەسەتىن ورىنداردى تۇراقتاندىردى.
جاڭ چۇنشيان بىلاي دەدى: پارتيا ورتالىق كوميتەتى شينجياڭنىڭ ۇلتتار ىنتىماعى قىزمەتىنە باسا ءمان بەردى. اۆتونوميالى رايوننىڭ تۇڭعىش رەت ورىستەتىپ وتىرعان ۇلتتار ىنتىماعى، العاباسارلىعى جىلى قيمىلى شينجياڭ قىزمەتى جونىنەن بەلەستىك ءمان الاتىن، ۇلتتار ىنتىماعى، العاباسارلىعى ىستەرىندە جاڭا جاعداي اشۋداعى ماڭىزدى شارا، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جونىنەن ماڭىزدى مانگە يە، وعان تەرەڭ ىقپال جاسايتىندىعى، ءسوزسىز. ءار ۇلت كادرلارى مەن بۇقارا جاپپاي قارسى الىپ، زور ءۇمىت ارتىپ وتىر، جۇمىلدىرۋ جينالىسى اشىلعان نەگىزگى جينالىس ورنى مەن ءار قايسى ايماق، وبلىس، اۋدان، قالالارداعى بولىمشە جينالىس ورىندارىنداعى قىزۋ شاپالاق ءۇنى مىنە، مۇنىڭ ەڭ جاقسى دالەلى.
جاڭ چۇنشيان مىنانى اتاپ كورسەتتى: اتقارۋ جوباسىن تەز ارادا شىعارىپ، اۆتونوميالى رايوننىڭ ۇلتتار ىنتىماعى، العاباسارلىعى جىلى قيمىلىنا اتتانىسقا كەلتىرۋ جينالىسىنىڭ رۋحىن ۇگىتتەيتىن، دايەكتى تياناقتاندىراتىن تاماشا ورتا قالىپتاستىرۋ قاجەت. جينالىستىڭ رۋحىن كەڭ كولەمدە ىشكەرىلەي ورىستەتىپ، قالىڭ كادرلار مەن بۇقارانىڭ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسى باستىقتارىنىڭ جانە قىستاققا تۇسكەن كادرلاردىڭ يدەياسىن جينالىستىڭ رۋحىمەن شىن مانىندە بىرلىككە كەلتىرۋ، ورتالىق پەن اۆتونوميالى رايوندىق پارتكومنىڭ ۇلتتار ىنتىماعى، العاباسارلىعى قىزمەت جاعدايى جونىندەگى تۇجىرىمدارىمەن، ورنالاستىرۋلارىمەن بىرلىككە كەلتىرۋ، ۇلت ماسەلەسىن شەشۋدىڭ جۇڭگوشا دۇرىس جولىمەن بىرلىككە كەلتىرۋ كەرەك.جاڭ چۇنشيان مىنانى اتاپ كورسەتتى: جاۋاپكەرشىلىك ءتۇزىمىن كۇشەيتىپ، ناقتى ونىمدىلىگىن كورۋگە شىنايى كەپىلدىك ەتۋ كەرەك. جاۋاپتى ادامدى، جاۋاپتى ورىندى ايقىنداپ، 1-جاۋاپتى ادامدى، 1-جاۋاپتى ورىندى مىقتى يگەرىپ، سەلبەسكەن ورىنداردىڭ رولىن ءبىر تۇتاس تولىق ساۋلەلەندىرىپ، ۋاقىت كەستەسىن تۇراقتاندىرىپ، ناقتى جوبا شىعارۋ كەرەك. «ۇلتتار ىنتىماعى، العاباسارلىعى جىلىنا» قاتىستى 27 ءتۇرلى ماڭىزدى شارانى جاپپاي، ءبىر-بىردەن مىقتاپ تياناقتاندىرۋ، سونداي-اق ونىمدىلىگىن باعالاپ، تياناقتاندىرۋ ونىمدىلىگىن قوعامعا اشىق جاريالاپ، جۇمىستى تىڭعىلىقتى ىستەپ، ونىمدىلىك شىعارۋ كەرەك. «اۆتونوميالى رايوننىڭ ۇلتتار ىنتىماعى، العاباسارلىعى قىزمەتى ەرەجەسىن» ۇگىتتەۋ، دايەكتىلەندىرۋ قىزمەتىن شىن مانىندە ويداعىداي يگەرىپ، ۇلت ىستەرىن زاڭ بويىنشا باسقارۋ قابىلەتىن كۇشەيتىپ، ۇلتتار ىنتىماعى، العاباسارلىعىن زاڭمەن جونگە سالۋ جاعىنان قامتاماسىز ەتۋ كەرەك.
جاڭ چۇنشيان مىنانى باسا دارىپتەدى: ءاربىر ادام ۇلتتار ىنتىماعى، العاباسارلىعى جىلى قيمىلىنىڭ اتسالىسۋشىسى، ۇلەس قوسۋشىسى، باقىلاۋشىسى. ۇلتتار ىنتىماعىن جەبەۋدە بارلىق ادامنىڭ جاۋاپكەرلىگى بار. تۇتاس شينجياڭداعى ءار دارەجەلى باسشىلار ۇلتتار ىنتىماعىنىڭ ۇلگىسى بولۋى، اۆتونوميالى رايوندىق پارتكومنىڭ تۇراقتى كوميتەتى ۇلگىلىك، جەتەكشىلىك رولىن اناعۇرلىم جاقسى ساۋلەلەندىرىپ، تياناقتاندىرۋدى باستاماشىلدىقپەن مىقتى يگەرۋى كەرەك. ۇلتتار ىنتىماعى، العاباسارلىعىنداعى وزات ورىن قۇرۋ قيمىلىنا بارلىق ادام اتسالىسىپ، وزىمىزدەن، وتباسىمىزداعىلاردان، قىزمەتتەستەرىمىزدەن، دوستارىمىزدان، قاسىمىزداعى ادامداردان، جانىمىزداعى ىستەردەن، كىشى-گىرىم جۇمىستاردان باستاپ كىرىسىپ، ۇلتتار ىنتىماعىنىڭ قۇدىرەتتى وڭ ەنەرگياسىن توپتاۋ كەرەك.
اۆتونوميالى رايوننىڭ باسشىلارىنان شوكرات زاكىر، نايىم ياسىن، نۇرلان ءابىلماجىن ۇلى، چى جۇن، سۇن جينلۇڭ، جۋ حايلۇن، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي ماجىلىسكە قاتىناستى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
