- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شەكسىز اكەلىك ماحاببات
− لي جينميڭ جانە ونىڭ باعىپ العان بالاسى تۇردى تۋرالى اڭگىمە
گاي يوۋجۇن، ەرىكتى ءتىلشى ۋاڭ چياڭ
2016.04.14 14:29 كەلۋ قاينارى : شينجياڭ گازەتى
تۇردى 5 - ساۋىردە اۋات اۋدانى عورۋچول قالاشىق ساقشى بولىمشەسىنەن جاڭا ازاماتتىق كۋالىگىن الدى. ازاماتتىق كۋالىكتەگى «لي بيڭ» دەگەن جاڭا ەسىمدى كورگەندە، ونىڭ كوزىنە جاس ءۇيىرىلدى.
19 جىلدىڭ الدىندا ونسۋ اۋدانىنىڭ گۇلاۋات اۋىلىندا ديقانشىلىقپەن شۇعىلداناتىن سىچۋاندىق حالىق جۇمىسكەرى لي جينميڭ كوشەدە تەنتىرەپ جۇرگەن ۇيعۇر جەتىم بالا تۇردى ءىلياستى باعىپ الدى. ول جىلى تۇردى 10 جاستا، لي جينميڭ 40 جاستا بولاتىن. ءسويتىپ، تۋماسا دا تۇردى ونىڭ تۋعان بالاسىنداي بولىپ كەتتى. 7 - ساۋىردە ولاردىڭ تۇرمىس - تىرشىلىگىمەن تانىسىپ، اكەلى - بالالى ەكەۋىنىڭ اراسىنداعى سۇيىسپەنشىلىككە تولى حيكاياعا قانىپ قايتتىق.
سەرگەلدەڭ بالا اكەسىن تاپتى
تۇردى 1987 - جىلى ونسۋ اۋدانىنىڭ گۇلاۋات اۋىلىندا دۇنيەگە كەلگەن، اتا - اجەسىنىڭ قولىندا وسكەن تۇردىدا تۋعان اكە - شەشەسى تۋرالى ەشقانداي ەلەس جوق ەدى. 10 جاسقا شىققان جىلى جانىنداي جاقسى كورەتىن اتاسى مەن اجەسى قايتىس بولعان سوڭ، وعان قارايتىن ادام جوق، تەنتىرەپ كەتتى.
سول جىلى جازدىڭ ءبىر كۇنى، گۇلاۋات اۋىلىندا ديقانشىلىقپەن شۇعىلداناتىن سىچۋاندىق حالىق جۇمىسكەرى لي جينميڭ توساتتان ابدەن جۇدەپ ارىقتاعان تۇردىعا جولىعىپ قالادى. «تاماق ىشتىڭ بە؟»، «جوق». بالانىڭ قارنى ابدەن اشقانىن بىلگەن لي جينميڭ سول ماڭداعى اسحاناعا اپارىپ تۇردىعا پالاۋ الىپ بەرەدى. قاتتى اشىققان بالا پالاۋدى توقتاماستان سوعىپ الادى.
لي جينميڭ ودان «اكە - شەشەڭ بار ما» دەپ سۇراعاندا، ونىڭ كوزىنەن جاس ساۋلاي جونەلەدى. تۇردىنىڭ ايتقانىنان لي جينميڭ ونىڭ جاعدايىن بىلەدى. بەيشارا بالاعا جانى اشىعان لي جينميڭ: بالام، تۋىستارىڭ بولسا سولاردى ىزدەپ تاپ؛ تابا الماساڭ، ولاردىڭ اتىن ماعان ايتىپ بەر، مەن كومەكتەسەيىن، - دەيدى. تۇردى وعان مۇڭايا قاراپ باسىن شايقايدى. «ەندەشە، مەنىمەن بىرگە ءجۇر». مۇنى ەستىگەن تۇردى قۋانا باسىن يزەيدى.
تۇردى كەلگەننەن كەيىن لي جينميڭنىڭ تۇرمىسى مۇلدە باسقاشا وزگەردى. تۇردى ءۇشىن لي جينميڭ ءوزىنىڭ اس - سۋ ادەتىن وزگەرتىپ، تەك مۇسىلمانشا تاماق ىستەيتىن بولدى. ال تۇردى تىنىش تا جايلى تۇرمىس وتكىزىپ قانا قويماي، ونان دا ماڭىزدىسى، نەنىڭ اكە مەيىرى ەكەنىن سەزىندى.
ومىردە ءبىر - بىرىنە سۇيەۋ بولدى
كەزىندە تۇردىنى باعىپ الماقشى بولعاندا، لي جينميڭ دە قايتەرىن بىلمەي ءارى - ءسارى بولىپتى.
سول جىلى گۇلاۋاتتا كوتەرمەگە العان جەرىنەن جاقسى ءونىم الا الماعاندىقتان، بالانىڭ جاقسى تۇرمىس كەشىرە الماۋىنان الاڭدايدى، ونىڭ ۇستىنە تۇرمىس سالتى دا ۇقسامايدى، ءبىراق اقىلدى تۇردى ودان ايرىلعىسى كەلمەيدى. لي جينميڭ قايدا بارسا، ول دا سوندا باردى. ءسويتىپ، 19 جىلدى لي جينميڭمەن بىرگە وتكىزدى. 19 جىلدا ولاردىڭ اراسىندا تەرەڭ سۇيىسپەنشىلىك ورنادى.
19 جىلدان بەرى ءتۇرلى سەبەپتەرگە بايلانىستى لي جينميڭ كوپ جەرلەردە جەردى كوتەرمەگە الىپ ەگىن ەكتى جانە جۇمىس ىستەدى، تاپقان - تايانعانى تۇردى ەكەۋىنىڭ تۇرمىسىنا ارەڭ جەتىپ ءجۇردى. تۇرمىستارى قانشالىقتى ءۇپى - تاپى وتسە دە تۇردىنى وكپەلەتپەدى، بەتىنەن قاقپادى. «ول وسىنشاما كوپ جىلداردان بەرى تۋعان اكەمدەي قارايلاسىپ كەلەدى، ول كىسىنىڭ كىسىلىك قاسيەتتەرى مەن جاقسىلىقتارىن ماڭگى جادىمدا ساقتايمىن». وسىلايشا، ەسەيىپ - ەرجەتىپ كەلە جاتقان تۇردى اكەسىنەن ەگىن ەگۋدى، جەمىس باعىن قالاي باپتاۋدى ۇيرەنە باستادى. لي جينميڭنىڭ باۋلۋىنىڭ ارقاسىندا، تۇردى قازىر جۇمىسقا پاپانداي ەڭگەزەردەي جىگىت بولىپ ءوستى، لي جينميڭنىڭ ەگىس جۇمىسىنداعى مىقتى كومەكشىسىنە اينالدى.
تاياۋ جىلداردان بەرى تۇردى اكەسى لي جينميڭمەن سىچۋان اكسەنتىندە سويلەسەدى، مۇنىسىنا قاراپ بىلايعى جۇرت ەكەۋىن بىرگە تۋعان اكەلى - بالالى ەكەن دەپ ويلايدى.
«اتىمدى لي بيڭ دەپ وزگەرتكىم بار»
وسىنشا جاسقا كەلسە دە، تۇردى اكەسىنەن الىستاپ كورمەپ ەدى. 2014 - جىلى كۇزگى جيىن - تەرىن اياقتاعان سوڭ تۇردى سىرتقا شىعىپ جۇمىس ىستەپ، اقشا تابۋ ويىن اكەسىنە ايتادى. ايتسە دە لي جينميڭ ۇلىنىڭ بۇل ويىن قۇپتامادى. لي جينميڭ بىلاي دەدى: ۇلىمنىڭ سىرتتا اۋىر جۇمىس ىستەپ، شارشاپ - شالدىعۋىنان؛ ونان قالسا، مادەنيەت ساۋياسى تومەن بولعاندىقتان، جۇمىس تابا الماي قالۋىنان الاڭدايمىن، - دەدى. اكەسىن وسىنداي الاڭنان ارىلتۋ ءۇشىن، تۇردى اكەسىنە كوپ ءتۇرلى سەبەپ كورسەتتى، لي جينميڭ اقىرى ونىڭ تالابىنا قوسىلدى. تۇردى سول كەزدە اقسۋ قالاسىنداعى ءبىر قوناق سارايدىڭ قىزمەتشىسى بولىپ ىستەگەنىن، ەڭبەكاقىسى دا ءتاۋىر بولعانىن، ايتسە دە ۇيىنە قايتا الماي، اكەسىمەن ۇنەمى كەزدەسە الماعانىن ايتتى. «تۇردى ءار جولى ۇيگە قايتقاندا، ءوزىنىڭ ەڭبەكاقىسىن مەنىڭ ساقتاپ بەرۋىمە تاپسىرادى جانە ماعان ارناپ سالەم - ساۋقىت الا كەلەدى»، - دەيدى لي جينميڭ ماقتانىشپەن.
ۋاقىتتىڭ وتۋىمەن اكەسىنىڭ قارتاڭداپ بارا جاتقانىن كورگەن تۇردى «اكە ءۇمىتىن اقتاسام» دەگەن ويدىڭ جەتەگىندە كوپ تولعاندى. بىلتىر جىل سوڭىنداعى ءبىر كۇنى تۇردى لي جينميڭگە مىناداي شەشىمگە كەلگەنىن ايتتى: مەن اتىمدى لي بيڭ دەپ وزگەرتكىم بار. اكەسىنىڭ ءبىر ءسات ويلانا قالعانىن كورگەن تۇردى: اكە، ءسىز مەنى وسىنشاما جىل باعىپ - قاقتىڭىز، اتىمدى وزگەرتسەم، ءبىز ناعىز ءبىر وتباسىنىڭ ادامى بولامىز، مىنە قازىر ەلۋدى ەڭسەرىپ باراسىز، الداعى كۇندەردە سىزگە مەن قارايلاساتىن بولامىن.
تۇردى بۇل ءىستى ەگجەي - تەگجەيلى ءتۇسىندىردى، لي جينميڭ ۇلىنىڭ تالابىنا ماقۇلدىق بەردى.
لي جينميڭ بولاشاعى جايلى تاماشا ويىن بىلايشا جەتكىزدى: مىنە مەنىڭ قازىرگى ەڭ ۇلكەن ارمانىم تۇردىنى جاقسى ءبىر قىزعا ۇيلەندىرىپ قويۋ، سونان، نەمەرە سۇيسەم دەيمىن، نەمەرەمدى باعىپ - قاعىپ ەسەيتسەم، باقىتتى كۇندەرگە بىرگە قول جەتكىزسەك دەپ ويلايمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
