- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يۇنناننان كومەك سۇراپ، شينجياڭداعى جان اشىر - جاقىندارىن ىزدەدى، حۋبەيدىڭ ىنشى اۋدانىنداعى ساقشى ونىڭ ارمانىن جۇزەگە اسىرۋىنا كومەكتەستى
ايرىلىسقالى 16 جىل بولعان ۇيعۇر اپەكەلى - سىڭلىلەر قايتا قاۋىشتى
حۋبەي گازەتىنىڭ ءتىلشىسى لي يانرۇي
2016.04.15 15:36 كەلۋ قاينارى : شينجياڭ گازەتى
«ءسىز ءبىزدىڭ وتباسىمىزدىڭ جارىلقاۋشىسىسىز، ءبىز ءسىزدى ءومىر بويى ۇمىتپايمىز». 10 - ءساۋىر تۇستەن بۇرىن، حۋبەي ولكەسى ىنشى وبلىسى شۋانىن اۋداندىق قوعام حاۋىپسىزدىگى مەكەمەسى ەل ءىشى حاۋىپسىزدىگىن قورعاۋ ۇلكەن اترەتىنىڭ باستىعى چىن گاڭنىڭ قول تەلەفونىنداعى ءۇنحاتقا جازبالار توقتاۋسىز كەلىپ جاتتى. ونىمەن ءۇنحاتقا قىزعىن اڭگىمەلەسكەن ادام ۇيعۇر ايەل ميھىرگۇل ياقۇپ بولاتىن، ونىڭ ءسىڭلىسى ريزۋانگۇل ۇيىندەگىلەردەن ايرىلىسىپ 16 جىلدان كەيىن قايتا قاۋىشتى.
بۇرالاڭى كوپ بولعانىمەن، جاندى جادىراتار اڭگىمە. يۇنناندا تەنتىرەپ جۇرگەن ۇيعۇر بويجەتكەنى ريزۋانگۇلدىڭ ءوز اۋىلى شينجياڭداعى سانجى حۇيزۋ اۆتونوميالى وبلىسىندا بولاتىن، ال ونىڭ وتباسىنداعىلارىن تابۋىنا كومەك بەرگەن ادام −− حۋبەيدىڭ ىنشى وبلىسىنداعى تۋجيا ساقشى چىن گاڭ.
16 جىل حابارسىز كەتكەن اپەكەلى - سىڭلىلەر ىنشىدا قايتا قاۋىشتى
«اپەكەلى - ءسىڭلى ەكەۋىمىزدىڭ جارىق دۇنيەدە قايتا قاۋىشار كۇنىمىز بولادى دەپ ويلاماعان ەدىم». 8 - ساۋىردە ىنشى ۆوكزالىنىڭ شىعار ەسىگىندە، ۇيىندەگىلەردەن حابارسىز كەتكەنىنە 16 جىل بولعان ۇيعۇر بويجەتكەنى ريزۋانگۇل تيانجيننەن اسىعا جەتكەن ۇلكەن اپەكەسى ميھىرگۇل ياقۇپپەن جىلاپ كورىستى.
ريزۋانگۇل 1980 - جىلى شينجياڭداعى سانجى حۇيزۋ اۆتونوميالى وبلىسى قۇتىبي اۋدانىندا دۇنيەگە كەلگەن، وتباسىندا اعالى - قارىنداستى 5 بالا بولعان، ول اۋىلدان كەتكەننەن كەيىن، ۇيىندەگىلەردەن حابارسىز قالادى.
كۇتتى، ىزدەدى، ريزۋانگۇلدىڭ وتباسىنداعىلاردىڭ ءۇمىتى بىرتە - بىرتە ءۇزىلدى، ريزۋانگۇل ۇشىراۋى مۇمكىن ءتۇرلى جاعدايلاردىڭ ءبارىن ويلادى، 6 جىلدان كەيىن كۇدەر ۇزگەن وتباسىنداعىلار ونى ولدىگە ساناپ، جەرلەۋ ءراسىمىن دە جاسادى.
كەيىن ريزۋانگۇلدىڭ وتباسى ۇرىمجىگە كوشىپ كەلدى.
وكپەلەپ ۇيدەن كەتتى، ۇيگە قايتارجولى كەسىلدى
«ول كەزدە تىم جاس بولدىم، ۇيدەگىلەرگە ءتىس جارماي كەتىپ قالىپپىن، ۇيدەگىلەردىڭ كوڭىل كۇيىن ويلاماپپىن»، - دەيدى ريزۋانگۇل، 20 جاسىندا ۇيىنەن كەتكەن ول سەرگەلدەڭ كۇن كەشۋمەن ءوتىپتى، دوسىمەن بىرگە سىچۋانعا بارىپ جۇمىس ىستەپ، اقىر - اياعىندا يۇننانعا تابان تىرەيدى. «باستاپقى بىرنەشە جىلدا ءوزىم قىرىسىپ، ۇيدەگىلەرمەن حابارلاسپاي قويدىم. كەيىن ۋاقىت وتە كەلە، ۇيدەگىلەردى، اۋىلىمدى ساعىنا باستادىم، ءبىراق، بۇل كەزدە ولارمەن حابارلاسا الماي قالدىم. ۇيگە قايتايىن دەپ تە ويلادىم، ءبىراق ۇيدەن شىعاردا اسىپ - ساسىپ ءجۇرىپ، كىم ەكەنىمدى راستايتىن ەشقانداي كۋالىك بىردەڭە الماي شىعىپپىن دا، پويەزگە، ۇشاققا وتىرا المايتىن بولدىم، شينجياڭعا قايتۋ مەن ءۇشىن وتە قيىنعا سوقتى»، - دەيدى ول.
سىرتتا جۇرگەن 16 جىلىندا ول اكە - شەشەسىن ىزدەۋدى ەسىنەن شىعارماعان، ءار جولى تەلەۆيزوردان شينجياڭنىڭ كورىنىستەرىن كورگەندە، جىلاپ الادى ەكەن.
سىرت جەردەن كومەك سۇرادى، تۋجيا ساقشىسى ونىڭ ارمانىن جۇزەگە اسىرۋىنا كومەكتەستى
بيىل ناۋرىز ايىندا ريزۋانگۇل يۇنناندا تانىسقان ىنشىلىق ءبىر دوسىنا اڭگىمە ۇستىندە ۇيىندەگىلەردى ىزدەگىسى كەلەتىنىن ايتادى.
ساتىنە باسقاندا، بۇل دوسى شۋانىن اۋدانى قوعام حاۋىپسىزدىگى مەكەمەسى ەل ءىشى حاۋىپسىزدىگىن قورعاۋ ۇلكەن اترەتىنىڭ باستىعى چىن گاڭمەن تانىس بولىپ شىعادى، ول چىن گاڭنىڭ اق كوڭىل جان ەكەنىن، شينجياڭدىق تالاي دوسىنا كومەكتەسكەنىن بىلەتىن.
سۇراپ كورەيىن دەگەن ويمەن، 2 - ساۋىردە ريزۋانگۇل دوسىنىڭ تانىستىرۋىمەن چىن گاڭعا حابارلاسادى. جاعدايدى بىلگەن سوڭ، چىن گاڭ «قولىمنان كەلگەنشە كومەكتەسەمىن» دەپ بىردەن قوسىلا كەتەدى. 4 كۇنگە جالعاسقان ىزدەستىرۋدىڭ ناتيجەسىندە، چىن گاڭ ريزۋانگۇلدىڭ اۋەلگى نوپوس ادرەسىن تاۋىپ، قۇتىبي اۋدانى قوعام حاۋىپسىزدىگى مەكەمەسى دۇڭشۋان ساقشى بولىمشەسىمەن حابارلاسادى، دۇڭشۋان ساقشى بولىمشەسىنىڭ باستىعى جۋ ۋچىڭنىڭ كومەگىندە، ريزۋانگۇلدىڭ 3 - اپەكەسىنىڭ حابارلاسۋ ءتاسىلىن تابادى.
سول كۇنى ريزۋانگۇل 1000 شاقىرىم شالعاي ۇرىمجىدەگى 3 - اپەكەسىنە تەلەفوندا سويلەسەدى، جان اشىر - جاقىنىنىڭ داۋىسىن ەستىگەن ونىڭ كوزىنەن جاس سەل بولىپ اعادى. 2 - كۇنى ۇلكەن اپەكەسى ميھىرگۇل تيانجيننەن ىنشىعا جەتىپ، ريزۋانگۇلمەن قاۋىشتى. سول كۇنى تۇستەن كەيىن ساعات 4تە اپەكەلى - ءسىڭلى ەكەۋى ىنشى ساقشىلارىنىڭ كومەگىندە پويەزبەن ۇيگە قايتار جولعا شىقتى.
10 - ساۋىردە ريزۋانگۇل (سولدا) ۇلكەن اپەكەسى ميھىرگۇل ياقۇپپەن )وڭدا( ۋحاندا ەستەلىك سۋرەتكە ءتۇستى، اپەكەلى - ءسىڭلىلى ەكەۋىنىڭ قۋانىشتارى قويىندارىنا سيماي، شاتتىققا بولەندى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
