- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسى اشىلدى
2016.08.17 13:40 كەلۋ قاينارى : شينجياڭ گازەتى
ناقتى شارا قولدانىپ، قامداۋ جاعىنداعى قۇرىلىمدىق رەفورمانى بۇلجىتپاي ىلگەرىلەتىپ، سوڭعى جارتى جىلداعى ەكونوميكالىق قىزمەتتى كۇش سالا جاقسى ىستەپ، شينجياڭ ەكونوميكاسىنىڭ دامۋىن تاعى ءبىر قادام العا ىلگەرىلەتۋ كەرەك
اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسى 14 - تامىزدا ۇرىمجىدە اشىلدى، ءماجىلىس 26 - شىلدەدەگى ورتالىق كوميتەت ساياسي بيۋروسى ءماجىلىسىنىڭ رۋحىن دايەكتى تياناقتاندىرىپ، شينجياڭنىڭ الدىڭعى جارتى جىلداعى ەكونوميكالىق جاعدايىنا تالداۋ جاساپ، قامداۋ جاعىنداعى قۇرىلىمدىق رەفورمانى باستى تاقىرىپ ەتىپ، سوڭعى جارتى جىلداعى ەكونوميكالىق قىزمەتتەردى اقىلداسىپ ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىستە ءسوز سويلەپ بىلاي دەپ اتاپ كورسەتتى: ورنىقتىلىق بارىسىندا العا ىلگەرىلەۋ، رەفورمادا جاڭالىق جاساۋ، تۇيىندەردەن قامال الۋ، ىرىقتى ءارى دالمە - ءدال بولۋ پرينسيبىنەن جازباي، ناقتى ءادىس - شارا قولدانىپ، قامداۋ جاعىنداعى قۇرىلىمدىق رەفورمانى بۇلجىتپاي ىلگەرىلەتىپ، شينجياڭنىڭ ەكونوميكالىق دامۋىن العا ىلگەرىلەتۋدى جاڭا باستاماعا جانە تىڭ بەلگىگە اينالدىرۋ كەرەك.
اۆتونوميالى رايوندىق پارتكوم مەن ۇكىمەت وسى رەتكى ءماجىلىستىڭ تابىستى اشىلۋىنا ەرەكشە ءمان بەردى. جاڭ چۇنشيان وسىدان بۇرىن قاتىستى مەڭگەرمەدە، مەكەمەدە جانە كاسىپورىندا 2 رەت اڭگىمە ءماجىلىسىن ارنايى باسقارىپ اشتى، ءىشىنارا كاسىپورىندارعا بارىپ، ناقتى تەكسەرىپ زەرتتەۋ جۇرگىزدى. قاتىستى تاراۋلار دايىندىق قىزمەتتەردى ويداعىداي ىستەدى، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى سوڭعى جارتى جىلداعى ەكونوميكالىق قىزمەتتى ويداعىداي ىستەۋ جونىندەگى پىكىردى ارناۋلى اقىلداسىپ، سوڭعى جارتى جىلداعى ءتۇيىندى ەكونوميكالىق قىزمەتتەردى جاقسى ىستەپ، تۇتاس رايوننىڭ ەكونوميكاسىنىڭ باياندى، ورنىقتى ارتۋىن جەبەيتىن 12 جاقتاعى 85 ءتۇرلى ناقتى شارانى العا قويدى.
جاڭ چۇنشيان سوزىندە بىلاي دەدى: بيىل جىل باسىنان بەرى، باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن 2 رەت جانە ورتالىقتىڭ قازىنا - ەكونوميكا باسشىلىق گرۋپپاسىنىڭ، ورتالىقتىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ ءماجىلىسىن نەشە مارتە اشىپ، ەكونوميكالىق جاعدايلار مەن ەكونوميكالىق قىزمەتتەردى اقىلداستى، مەملەكەتتىك كەڭەس تە كوپ اقىلداسىپ قاتىستى ساياساتتاردى شىعاردى. اۆتونوميالى رايوندىق پارتكوم مەن ۇكىمەت ورتالىقتىڭ ورنالاستىرۋلارىن مۇقيات دايەكتى تياناقتاندىرىپ، ءدوپ كەلگەن جاعدايلاردى تولىق مەجەلەپ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ ورنالاستىرۋلارى بويىنشا، جاڭا جىلدان كەيىن «جاڭا قالىپقا ۇيلەسىپ، تىڭ ءىس تىندىرۋ» جەلىلەس قيمىلدارىن دەرەۋ باستادى، اۆتونوميالى رايوندىق پارتكوم 19 رەت تۇراقتى كوميتەت ءماجىلىسىن، 5 رەت ارناۋلى تاقىرىپتا ءماجىلىس اشىپ، ەكونوميكالىق قىزمەتتەردى اقىلداسىپ ورنالاستىردى، 60 ءتۇرلى شارانى دەر كەزىندە تەكسەرىپ بەكىتىپ، العا قويىپ، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتتى. الدىڭعى جارتى جىلداعى ەكونوميكالىق اينالىم جالپى جاقتان جاقسى بەتالىسقا قاراي ورنىقتى ىلگەرىلەپ، قايتا سەرپىلۋ جاعدايى كورنەكتى بولدى، قۇرىلىمعا بۇرىلىس جاساۋ تەزدەپ، قاجەتتەن اسىپ قالعان ءوندىرىس قۋاتىن ازايتۋدىڭ، قامبادا باسىلىپ قالۋدى ازايتۋدىڭ، وزىندىك قۇندى تومەندەتۋدىڭ العاشقى ءونىمى بايقالا باستادى، كاسىپتەندىرۋ جاعدايى ورنىقتى بولىپ، حالىق تۇرمىسىنىڭ جاقسارتۋى تەزدەپ، قوعامدىق جالپى جاعدايدىڭ ورنىقتىلىعى ساقتالىپ، تاماشا ناتيجەلەرگە قول جەتتى.
جاڭ چۇنشيان ەكونوميكالىق قىزمەتتى جاقسى ىستەۋدىڭ باس جەتەكشى يدەياسىن العا قويدى: باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ جانە اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ ورنالاستىرۋلارى بويىنشا، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ يدەياسىن دايەكتىلەندىرۋ، ماكرولىق ساياسات ورنىقتى بولۋ، شارۋاشىلىق ساياساتى ءدال بولۋ، ميكرولىق ساياسات يكەمدى بولۋ، رەفورما ساياساتى ناقتى بولۋ، قوعامدىق ساياسات تياناقتى بولۋداي جالپى وي جەلىسىنە تاباندى بولىپ، ورنىقتىلىق بارىسىندا ىلگەرىلەۋ، رەفورمادا جاڭالىق اشۋ، تۇيىندەردەن قامال الۋ، ىرىقتى ءارى دالمە - ءدال بولۋ پرينسيبىنەن جازباي، جالپى قاجەتتى لايىقتى كەڭەيتۋ، قامداۋ جاعىنداعى قۇرىلىمدىق رەفورمانى بۇلجىماي ىلگەرىلەتۋ، تاماشا دامۋ مەجەسىنە جەتەكشىلىك ەتۋ سىندى جالپىلىق ساياساتتاردى اتقارۋ ارقىلى ەكونوميكانىڭ ورنىقتى دامۋ بەتالىسىن قۇلشىنا ساقتاپ، «13 - بەسجىلدىق» جوبانى ىسكە اسىرۋدىڭ تاماشا باستاماسىن باستاۋ كەرەك.
جاڭ چۇنشيان مىنانى باسا دارىپتەدى: سوڭعى جارتى جىلدا مىناداي ءتۇيىندى ەكونوميكالىق قىزمەتتەردى ويداعىداي ىستەۋ كەرەك:
قاجەتتەن اسىپ قالعان ءوندىرىس قۋاتىن ازايتۋدا ماندىك ىلگەرىلەۋشىلىككە قول جەتكىزۋ كەرەك. قاجەتتەن اسىپ قالعان ءوندىرىس قۋاتىن ازايتۋ − ارتىق ءوندىرىس قۋاتىن ازايتۋداعى، قامبادا باسىلىپ قالۋدى ازايتۋداعى، سۇيمەندى ازايتۋداعى، ولقىلىقتاردى تولىقتىرۋداعى باستى مىندەت، سوندىقتان ونى «كاسىپورىندى نەگىزگى تۇلعا ەتۋ، ۇكىمەت جەبەۋشى بولۋ، بازار جەتەكشىلىك ەتۋ، زاڭ بويىنشا ءبىر جايلى ەتۋ» ءادىسى بويىنشا جۇرگىزۋ كەرەك. ايماقتىق، وبلىستىق، قالالىق پارتكومداردىڭ شۋجيلەرى − ءبىرىنشى جاۋاپتى ادام، جەر - جەردەگى ۇكىمەتتەر − جاۋاپكەرشىلىكتى تياناقتاندىرۋدىڭ نەگىزگى تۇلعاسى، ولار جاۋاپكەرشىلىكتى شىن مانىندە ارقالاۋى، جاۋاپكەرشىلىكتى ارقالاۋعا باتىل بولۋى، ءتۇرلى شارالاردى جان - جاقتى قولدانىپ، ماندىك ىلگەرىلەۋشىلىككە قول جەتۋىن قامتاماسىز ەتۋى كەرەك. اۆتونوميالى رايوندىق ۇكىمەت سيلاۋدىڭ، قوسىمشا قاراجات بەرۋدىڭ ناقتى ادىستەرىن تەزىرەك ايقىنداپ، جەرگىلىكتى ورىننىڭ «قاجەتتەن اسىپ قالعان ءوندىرىس قۋاتىن ازايتۋ» بەلسەندىلىگىن قوزعاۋى كەرەك.
وزىندىك قۇندى ونان ارى تومەندەتۋ كەرەك. تۇزىمدىك ساۋدانىڭ وزىندىك قۇنىن تومەندەتىپ، «تەكسەرىپ بەكىتىلەتىن ىستەردى مەيلىنشە ازايتۋدى، ونىمدىلىكتى مەيلىنشە جوعارىلاتۋدى، مەيلىنشە تاڭداۋلى قىزمەت وتەۋدى» نىسانا ەتىپ، «ىرقىنا جىبەرۋ، باسقارۋ، قىزمەت وتەۋ» رەفورماسىن تەرەڭدەتىپ، ناقتى ەكونوميكانىڭ دامۋىنا مۇمكىندىكتىڭ بارىنشا قىزمەت وتەۋ كەرەك. قوعامدىق قامسىزداندىرۋ قاراجاتىنىڭ وزىندىك قۇنىن تومەندەتىپ، كاسىپورىنداردىڭ جۇگىن ونان ارى جەڭىلدەتۋ كەرەك. قارجى توپتاۋدىڭ وزىندىك قۇنىن تومەندەتىپ، فينانس قۇرىلىمدارىنىڭ ءىس جۇزىندىك قارىز اقشا ءوسىمىن جانە قاتىستى اقىلارىن تومەندەتىپ، قارىز اقشا الۋداعى كەپىلدىك مەحانيزمىن كەمەلدەندىرىپ، شينجياڭنىڭ فينانس ورگاندارىنىڭ ءبىر سىدىرعى قۇرىلىمىن جەدەل وزگەرتىپ، كاسىپورىندارعا فينانستىق قىزمەت وتەۋدى جاقسارتىپ، تىكەلەي قارجى توپتاۋدى كۇشەيتۋ، جەرگىلىكتى ورىندارداعى فينانس دارىندىلارىنىڭ تاپشى بولۋ ماسەلەسىن ويداعىداي شەشۋ كەرەك. سالىقتىڭ وزىندىك قۇنىن تومەندەتىپ، تيجارات سالىعىنىڭ ورنىنا ارتقان قۇن سالىعىن الۋ سىندى سالىقتى قۇرىلىمدىق جاقتان ازايتۋ ساياساتىن جاپپاي تياناقتاندىرىپ، كاسىپورىندارعا ساياتىن اكىمشىلىك ءىس اقىسىنا جانە ۇكىمەتتىك قورعا ارناۋلى تەكسەرۋ جۇرگىزۋ كەرەك. ءوندىرىستىڭ وزىندىك قۇنىن تومەندەتىپ، كاسىپورىنداردىڭ ەلەكتر ستانسيالارى تاپسىراتىن قاراجاتتى ونان ارى تومەندەتىپ، ەلەكتردى توتە ساتىپ الۋدى جانە ءىرى قاريدارلار اراسىنداعى ەكى جاقتى ساۋدانى كەڭەيتىپ، ونەركاسىپ - ساۋدا سالاسىنداعى بىردەي باعا ساياساتىن تياناقتاندىرىپ، ولكەلەر اراسىنداعى ەلەكتر ساۋداسىن ىلگەرىلەتۋ كەرەك. زات اينالىمىنىڭ وزىندىك قۇنىن تومەندەتىپ، تەمىر جول، تاس جول، اۆياتسيا جاقتارىنداعى اقىنى ازايتۋ، قوسىمشا قاراجات بەرۋ ساياساتىن اتقارۋ كەرەك. جوعارىداعى كەلەلى شارالاردى جاپپاي قولدانىپ، ءبىر توپ كاسىپورىندى قامتاماسىز ەتىپ، ءبىر توپ كاسىپورىندى الۋەتتەندىرىپ، ناقتى ەكونوميكانىڭ قۋاتىنىڭ، ومىرشەڭدىك كۇشىنىڭ، قوزعاۋشى كۇشىنىڭ ارتۋىنا مۇمكىندىك جاساپ، ورتالىقتىڭ «بەس ۇلكەن مىندەتىنىڭ» تياناقتانۋىن جەبەۋ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن ىلگەرىلەتۋ، ناقتى ەكونوميكانىڭ ۇلعايۋى مەن الۋەتتەنۋىن دەمەۋ، جاڭالىق اشۋ قابىلەتىنىڭ جەدەل ءوسۋىن، قارجى توپتاۋدىڭ قيىنعا، قىمباتقا توقتاۋ ماسەلەسىنىڭ ويداعىداي شەشىلۋىن جەبەۋ، سوڭعى جارتى جىلداعى ەكونوميكانىڭ اقاۋسىز دامۋىنا سەرپىن بەرۋ كەرەك.
ولقىلىقتاردى ءدال ءارى ءونىمدى تۇردە تولىقتىرۋ كەرەك. كەدەيلىكتەن قۇتىلدىرۋدان قامال الۋ شايقاسىن باتىل، جەڭىستى جۇرگىزىپ، ساياساتتى جان - جاقتى، ويداعىداي پايدالانىپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال قۇتىلدىرۋعا تاباندى بولىپ، دالمە - ءدال پارىقتاۋ قىزمەتىن ويداعىداي ىستەپ، بيىلعى كەدەيلىكتەن قۇتىلدىرۋدان قامال الۋ مىندەتىنىڭ ورىندالۋىن قامتاماسىز ەتۋ كەرەك. نەگىزدىك قۇرىلعى جانە ەكولوگيا جاعىنداعى ولقىلىقتاردى تولىقتاپ، مەملەكەتتىڭ نەگىزدىك قۇرىلعىلاردا جانە ەكولوگيالىق قۇرىلىستا باتىس بولىكتەگى رايوندارعا بەيىمدەلۋ ورايىن مىقتى ۇستاپ، pppدى نەگىزدىك قۇرىلعىعا جانە الەۋمەتتىك قىزمەت وتەۋگە قارجى قوسۋداعى قيىن ماسەلەلەردى شەشۋدىڭ، ءونىمدى تۇردە قارجى قوسۋدى ارتتىرۋدىڭ ماڭىزدى شاراسى ەتۋ كەرەك. حالىق تۇرمىسىنا قارجى قوسۋ سەرپىنىن ارتتىرىپ، اۆتونوميالى رايوننىڭ 7 - رەتكى حالىق تۇرمىسى قۇرىلىسى جىلى جونىندەگى ورنالاستىرۋى بويىنشا، 25 سالاداعى 100 ءتۇرلى ءتۇيىندى حالىق تۇرمىسى ينجەنەرياسىن شىن مانىندە يگەرىپ، كاسىپتەندىرۋ، قوعامدىق قامتاماسىزداندىرۋ، وقۋ - اعارتۋ، ەمدەۋ، سۋ، ەلەكتر، گاز، جول، تۇرعىن ءۇي سياقتى كورنەكتى حالىق تۇرمىسى ماسەلەلەرىن ويداعىداي شەشۋ كەرەك. جاڭا كاسىپتەردى، جاڭا كاسىپ فورماتسيالارىن جەتىلدىرىپ، دامىتىپ، عىلىم - تەحنيكالىق جاسامپازدىقتىڭ جوعارى دەڭگەيلى جوباسى مەن ناقتى ساياساتىن ايقىنداپ، شينجياڭنىڭ باسىمدىلىعىمەن ۇشتاستىرىپ، جاڭاشا توقىماشىلىق، كيىم - كەشەك، جاڭاشا جابدىق جاساۋ، جاڭا ەنەرگيالىق اۆتوموبيل، اۋىل شارۋاشىلىعى ونىمدەرىن جىنتىكتەي وڭدەۋ سياقتى كاسىپتەردى كۇش سالا دامىتىپ، ءىرى ساندى مالىمەت، جۇمساق بولشەك، ينفورماتسيالىق قىزمەت وتەۋ سياقتى كاسىپتەردىڭ دامۋىن جەدەل ىلگەرىلەتىپ، تۇتىنۋ دەڭگەيى جوعارىلاعان سالالار مەن باعىتتار توڭىرەگىندە، ساياحات، مادەنيەت، سپورت، اقاۋسىزدىق سياقتى كاسىپتەردى كۇش سالا دامىتۋ كەرەك. دارىندىلاردى جاسامپازدىقپەن دامۋدىڭ تەتىگى ەتىپ، جوعارى باستاماداعى دارىندىلاردى سيلاۋ ساياساتىن اتقارىپ، جوعارى دەڭگەيدەگى عىلىم - تەحنيكالىق دارىندىلارى، فينانس دارىندىلارى، مەديتسينا دارىندىلارى سياقتى كاسىبي دارىندىلارعا مول سيلىق بەرۋ كەرەك.
جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتۋ كەرەك. شينجياڭدى وزەكتى رايون ەتىپ قۇرۋ باسىمدىلىعىن، ساياساتىن، اياق الىسىن، كومەسكى كۇشىن ۇگىتتەۋگە كۇش سالىپ، اناعۇرلىم كوپ كاسىپورىندى شينجياڭعا كەلىپ قارجى قوسۋعا باۋراۋ؛ بەلسەندى، ىرىقتى تۇردە قىزمەت ىستەپ، پاكيستان، قازاقستان سياقتى ەلدەردەگى ساپاردىڭ جەتىستىكتەرىن جاپپاي تياناقتاندىرىپ، اۆتونوميالى رايوننىڭ يمپورتتىڭ، ەكسپورتتىڭ ارتۋىن ىلگەرىلەتۋ ساياساتىن ويداعىداي تياناقتاندىرىپ، كەدەن باس مەكەمەسىنىڭ شينجياڭدى قولداۋ شاراسىنان ويداعىداي پايدالانىپ، ءتۇيىندى سىرتقى ساۋدا كاسىپورىندارى مەن ءتۇيىندى كاسىپ سالالارىن كورنەكتى تۇردە يگەرىپ، سىرتقى ساۋدانىڭ جەدەل ارتۋىن جەبەۋ؛ اۋىل شارۋاشىلىعى ونىمدەرىن يمپورت ەتۋدى، وڭدەۋدى ستراتەگيالىق مىندەت رەتىندە يگەرۋ؛ «بەس ۇلكەن ورتالىق» قۇرىلىسىن جاپپاي جەدەلدەتۋ كەرەك. جاڭ چۇنشيان مىنانى باسا دارىپتەدى: ناقتى ەكونوميكانىڭ دامۋىن جەبەۋ كەرەك. ناقتى ەكونوميكانىڭ باسەكەلىك قابىلەتىن جوعارىلاتۋدى ءبىرىنشى مىندەت، كاسىپورىنداردىڭ قيىنشىلىقتى جەڭۋىنە كومەكتەسۋدى كەزەكتەگى ەكونوميكالىق قىزمەتتەگى ماڭىزدى مىندەت ەتىپ، كولەمدى كاسىپورىندار قىزمەتىن جانە شاعىن، ۇساق كاسىپورىنداردىڭ دەڭگەيىن ءوسىرىپ، كولەمدى كاسىپورىندارعا وزگەرتۋ قىزمەتىن، ءار ءتۇرلى باقشا رايوندارىن، توقىماشىلىق، كيىم - كەشەك سالالارىن جانە تەز ءونىم بەرەتىن نىسانداردى ويداعىداي يگەرىپ، تۇرلىشە قولداۋلاردان پايدالانىپ، حالىقتىق قارجى قوسۋدى بارىنشا جەبەپ، ەكونوميكانىڭ ورنالاسۋىن جەبەيتىن، جەتەكتەيتىن كەلەلى شارالاردى ويداعىداي قاراستىرىپ، كاسىپورىندار اڭىس ەتكەن كورنەكتى ماسەلەلەردى ءتۇرلى ءادىس - امالدارمەن شەشىپ، ناقتى ەكونوميكانىڭ باسەكەلىك قابىلەتىنىڭ وسۋىنە جەتەكشىلىك ەتۋ كەرەك.
جاڭ چۇنشيان مىنانى اتاپ كورسەتتى: ەكونوميكالىق قىزمەتكە باسا ءمان بەرۋ جانە ونى كۇشەيتۋ كەرەك. جەر - جەر، تاراۋلار يدەيالىق تانىمدى پارتيا ورتالىق كوميتەتىنىڭ ەكونوميكالىق قىزمەت جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ تۇجىرىمدارى مەن ورنالاستىرۋلارىن جەتە ءتۇسىنىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتى تياناقتاندىرۋ سانالىلىعى مەن ىرىقتىلىعىن جوعارىلاتىپ، ەكونوميكالىق قىزمەتتى جاقسى ىستەۋدىڭ شينجياڭنىڭ قوعام ورنىقتىلىعى مەن باياندى تىنىشتىعى جونىندەگى ماڭىزدى ءمانىن جەتە تانۋ كەرەك. ايماقتار، وبلىستار، قالالار، اۋداندار، قالالار رايوندار ورنىقتىلىق پەن ەكونوميكانىڭ بىرلىگىن ءبىرىنشى باسشىنىڭ باسشىلىق قىزمەتىندە شەبەرلىكپەن كورنەكتىلەندىرىپ، ەكونوميكالىق قىزمەتكە باسا ءمان بەرىپ، ەكونوميكالىق قىزمەتتى زەرتتەپ، بازار مەن ۇكىمەت سىندى ەكى رولدى ويداعىداي ساۋلەلەندىرىپ، تياناقتاندىرۋدى يگەرۋدى شەشۋشى تەتىك ەتىپ، قازىرگى ساياساتتان ويداعىداي پايدالانىپ، سايكەستىرۋ قىزمەتىن جاقسى ىستەپ، دامۋ مەجەسىنە جەتەكشىلىك ەتىپ، ءار جاقتىڭ ورتاق تانىمى مەن سەنىمىن شوعىرلاندىرۋ كەرەك.
جاڭ چۇنشيان مىنانى باسا دارىپتەدى: جاڭا قالىپقا ۇيلەسۋ ءۇشىن، يدەيانى ونان ارى ازات ەتىپ، وزگەرىس، رەفورما جاساپ، داعدىلى ويدى، شاناقتى ويدى تالقانداپ، قولداۋ شارالارىن، ىلگەرىلەتۋ شارالارىن، رەفورما شارالارىن اناعۇرلىم كوپ قولدانىپ، بۇكىل قوعامدا كاسىپورىنداردىڭ دامۋىن قولداۋ جاعدايىن قالىپتاستىرىپ، شينجياڭ ەكونوميكاسىنىڭ باياندى، ورنىقتى، اقاۋسىز دامۋىن ىسكە اسىرۋ سەنىمىن بەكەمدەپ، قامداۋ جاعىنداعى قۇرىلىمدىق رەفورمانى تاباندىلىقپەن ىلگەرىلەتىپ، ناقتى ەكونوميكانىڭ باسەكەلىك قابىلەتىن تاباندىلىقپەن جوعارىلاتىپ، ورتالىقتىڭ شەشىمدەرى مەن ورنالاستىرۋلارىن جانە اۆتونوميالى رايوننىڭ ساياسات - شارالارىن ناقتاپ تياناقتاندىرىپ، شينجياڭ ەكونوميكاسىنىڭ جاڭا بەلەسكە، تىڭ ورەگە كوتەرىلۋىنە مۇمكىندىك جاساپ، ج ك پ اۆتونوميالى رايوندىق 9 - قۇرىلتايىنىڭ جەڭىسپەن اشىلۋىن ناقتى ناتيجەلەرمەن قارسى الۋ كەرەك. ءماجىلىستى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى ءارى قورىتىندى ءسوز سويلەدى. ول بىلاي دەدى: جەر - جەر، تاراۋلار يدەيالىق تانىمدى شي جينپيڭ جولداس باس شۋجي بولعان پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىمەن جانە تۇلعالىق تالابىمەن بىرلىككە كەلتىرىپ، اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسىنىڭ تالاپتارى مەن ورنالاستىرۋلارىن دايەكتى تياناقتاندىرىپ، جارامدى، ءونىمدى تياناقتاندىرۋ شارالارىن العا قويىپ، مىندەتتى اشالاي مىقتى يگەرىپ، جاۋاپكەرشىلىكتى ادامعا دەيىن تياناقتاندىرىپ، وكشەلەي قاداعالاپ، قاجەتتەن اسىپ قالعان ءوندىرىس قۋاتىن ازايتۋدىڭ ءتۇرلى مىندەتتەرىن ونان ارى ايقىنداپ، كاسىپورىنداردىڭ وزىندىك قۇنىن تومەندەتۋدىڭ «جالپىلىق شارالارىن» تىڭعىلىقتى اتقارىپ، ولقىلىقتاردى تولىقتىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىنىڭ كەلەلى ورايىن ىرىقتىلىقپەن يگەرىپ، ناقتى ەكونوميكانىڭ دامۋىن جەبەۋدى ماڭداي الدى مىندەت ەتىپ، ورتالىق پەن اۆتونوميالى رايوندىق پارتكوم العا قويعان قامداۋ جاعىنداعى قۇرىلىمدىق رەفورمانى ىلگەرىلەتۋ، ەكونوميكانىڭ باسەڭدەۋ قىسىمىنا توتەپ بەرۋ، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتىرۋ جاعىنداعى ساياساتتاردى ۇگىتتەۋگە دەن قويىپ، كاسىپورىنداردىڭ بەلسەندىلىگىن ىشكەرىلەي جۇمىلدىرىپ، سەنىمدى بەكەمدەپ، شىنايى يگەرىپ، ناقتى ىستەپ، بۇكىل جىلدىق نىسانالار مەن مىندەتتەردى تابىستى ورىنداۋعا شىنايى كەپىلدىك ەتىپ، شينجياڭ ەكونوميكاسىنىڭ ورنىقتى، اقاۋسىز اينالىمىنا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي اۆتونوميالى رايوننىڭ الدىڭعى جارتى جىلداعى ەكونوميكالىق اينالىم جاعدايىنان مالىمەت بەرىپ، اۆتونوميالى رايوندىق پارتكوم مەن حالىق ۇكىمەتىنىڭ «سوڭعى جارتى جىلداعى ءتۇيىندى ەكونوميكالىق قىزمەتتى جاقسى ىستەپ، تۇتاس اۆتونوميالى رايون ەكونوميكاسىنىڭ باياندى، ورنىقتى ارتۋىن جەبەۋ جونىندەگى پىكىرىنە» تۇسىنىك جاسادى.
نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي ۋي، شاۋكەت يمىن، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي جانە اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنداعىلار؛ اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى باسشىلارى اڭگىمە ماجىلىسكە قاتىناستى. اۆتونوميالى رايوننىڭ ءارقايسى بولىمدەرىندەگى، كوميتەتتەرىندەگى، كەڭسەلەرىندەگى، مەڭگەرمە، مەكەمەلەرىندەگى، حالىقتىق توپتارداعى، جوعارى مەكتەپتەردەگى، ءىرى، ورتاشا كاسىپورىندارداعى، ورتالىقتىڭ شينجياڭداعى ورىندارىنداعى نەگىزگى جاۋاپتى جولداستار؛ ايماقتىق، وبلىستىق، قالالىق پارتكومداردىڭ شۋجيلەرى، ۋاليلەرى، وبلىس باستىقتارى، قالا باستىقتارى، ۇنەمىلىك ىستەرگە جاۋاپتى ورىنباسار ۋاليلەرى، ورىنباسار وبلىس باستىقتارى، ورىنباسار قالا باستىقتارى؛ ءبىر ءبولىم حالىق باسقارۋىنداعى كاسىپورىندار مەن ساۋدا قوعامدارىنىڭ ۋاكىلدەرى اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
