- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون كاسىپتەندىرۋ، شارۋاشىلىق قۇرۋ قىزمەتىن اناعۇرلىم جاقسى ىستەۋ جونىندەگى پىكىردى جاريالادى
2016.08.26 15:37 كەلۋ قاينارى : شينجياڭ گازەتى
8 جاقتاعى 31 ءتۇرلى ساياسات، شارا ارقىلى كاسىپتەندىرۋدى، شارۋاشىلىق قۇرۋدى ىلگەرىلەتەدى
اۆتونوميالى رايون 25 - تامىزدا «جاڭا جاعدايداعى كاسىپتەندىرۋ، شارۋاشىلىق قۇرۋ قىزمەتىن اناعۇرلىم جاقسى ىستەۋ جونىندەگى اتقارۋ پىكىرىن» قوعامعا جاريالادى. «اتقارۋ پىكىرى» كاسىپتەندىرۋدى ءبىرىنشى ورىنعا قويۋدى وزەك ەتۋدەن جازباي، شينجياڭنىڭ ەرەكشەلىگىن كورنەكتىلەندىرۋدى، كاسىپتەندىرۋدەگى قيىن تۇيىندەردى ءبىر جايلى ەتۋدى ارقاۋ ەتىپ، قالا مەن اۋىلدارداعى كولەمدى كاسىپتەندىرۋدى، كەدەيلەردى دالمە - ءدال سۇيەمەلدەۋ بويىنشا كاسىپتەندىرۋدى ءبىر تۇتاس جوسپارلاۋ، وڭتۇستىك شينجياڭداعى كاسىپتەندىرۋدى جەبەۋ جانە كاسىپتىك تاربيەنى كۇشەيتۋ سياقتى 8 جاقتاعى 31 ءتۇرلى ساياسات، شارانى اتقارۋدى العا قويىپ، ساياساتتىڭ مازمۇنىن اناعۇرلىم كەڭەيتىپ، اۆتونوميالى رايوننىڭ بۇرىنعىدان دا كەمەلدى، بۇرىنعىدان دا باعىتتامالى كاسىپتەندىرۋ، شارۋاشىلىق قۇرۋ ساياسات جۇيەسىن قالىپتاستىردى. كاسىپتەندىرۋدىڭ جاڭا كەڭىستىگىن كەڭەيتۋ جاعىندا، كاسىپورىنداردىڭ كاسىپتەندىرۋىن كۇش سالا ىلگەرىلەتۋ سياقتى ورنىقتى كاسىپتەندىرۋدى ماڭىزدى نەگىز ەتىپ، اۋىل - قىستاقتاعى ەكونوميكالىق ۇيىمداردىڭ جۇمىسشى ىستەتۋى، قالا مەن اۋىلداعى ءتۇرلى يكەمدى كاسىپتەندىرۋ، اۋىل شارۋاشىلىعىنداعى قىسقا مەزەتتىك ەڭبەك، ۇيىمدى تۇردە باسقا كاسىپ سالاسىنا ويىستىرىپ كاسىپتەندىرۋ سياقتى ءتۇرلى كاسىپتەندىرۋ فورمالارىن قازىرگى كاسىپتەندىرۋ ساياساتىنىڭ سۇيەمەلدەۋ كولەمىنە ءبىر تۇتاس ەنگىزىپ، ساياسات جاعىندا باعىتتامالى، پارىقتى قولداۋ كورسەتىپ، كاسىپتەندىرۋ ارناسىن اناعۇرلىم كەڭ كولەمدە دامىتىپ، كاسىپتەندىرۋ كەڭىستىگىن كەڭەيتەدى.
«اتقارۋ پىكىرىندە» كاسىپتەندىرۋدى الدىمەن ويلاسۋ ستراتەگياسىن جاپپاي اتقارۋ، قالا مەن اۋىلداعى كولەمدى كاسىپتەندىرۋدى ءبىر تۇتاس جوسپارلاۋدى اتقارۋ، شارۋاشىلىق قۇرۋدى ىلگەرىلەتىپ، كاسىپتەندىرۋدى جەبەۋ، باسقا كاسىپ سالاسىنا ويىستىرىپ كاسىپتەندىرىپ، كەدەيلىكتەن قۇتىلدىرۋدان قامال الۋ ارناۋلى ارەكەتىن اتقارۋ، وڭتۇستىك شينجياڭداعى ەڭبەككۇشتەردىڭ كاسىپتەنۋىن سۇيەمەلدەۋ، كاسىپتىك تاربيەنى كۇشەيتۋ، كاسىپتەندىرۋدى جەبەۋ جاۋاپكەرشىلىك جۇيەسىن كەمەلدەندىرۋ سياقتى 7 جاقتاعى جاڭا ساياسات، تىڭ شارا ايقىندالدى. مۇندا شارۋاشىلىق قۇرۋدى ىلگەرىلەتۋ ارقىلى، كاسىپتەندىرۋدى جەبەۋ جاعىندا، شارۋاشىلىق قۇرۋ كەپىل قارىز اقشاسىنان يگىلىكتەنۋ كولەمىن كەڭەيتىپ، شارۋاشىلىق قۇرۋعا كەپىلگە بەرىلەتىن قارىز سوماسى ءبىر تۇتاس جوعارىلاتىلدى، قارىز اقشا الۋعا قارسى كەپىل بولۋ راسمياتتارى دا ىشكەرىلەي قاراپايىمداستىرىلادى. شاعىن سوماداعى كەپىل قارىز اقشاسىن شارۋاشىلىق قۇرۋداعى كەپىل قارىز اقشاسىنا وزگەرتىپ، ساياساتتان يگىلىكتەنەتىن وبيەكتىلەردىڭ كولەمىن بۇرىنعى كاسىپتەنۋى قيىن ادامدار، ايەلدەر، جوعارى مەكتەپ تاۋىسقان وقۋشىلار سياقتىلاردان قالا مەن قالاشىقتاعى تىزىمگە الدىرعان كاسىپسىزدەر، اۋىلعا قايتقان شارۋا جۇمىسكەرلەر، قوسىننان قايتقان، كاسىپ اۋىستىرعان، قوسىننان شەگىنگەن اسكەريلەر سياقتى شارۋاشىلىق قۇرۋ تىلەگى بار، كومەككە ءزارۋ جاندارعا دەيىن كەڭەيتتى؛ جەكەلەردىڭ شارۋاشىلىق قۇرۋىنا بەرىلەتىن كەپىل قارىز اقشاسىنىڭ ەڭ جوعارى شەگىن بۇرىنعى تۇرلىشە ادامدار توبىنا قاراي جەكە - جەكە بەرىلەتىن 50 مىڭ يۋان، 80 مىڭ يۋان، 100 مىڭ يۋاننان ءبىر تۇتاس 100 مىڭ يۋاننان اسپايتىن ەتىپ رەتتەدى؛ قارىز اقشا العاندا كەپىلگە قويىلاتىن بۇيىم مەن قارسى كەپىل بولۋ كولەمىن كەڭەيتىپ، 3 - ادام كەپىل بولعاندا، كەپىل بولۋشىلاردىڭ كولەمىن فينانس، پوچتا، تەلەگراف، ەلەكتر كاسىبى جانە جارنا بازارىنا تۇسكەن سەرىكتەستىك سياقتى مەكەمەلەردىڭ رەسمي قىزمەتكەرلەرىنە دەيىن كەڭەيتتى؛ مال - مۇلكىن كەپىلگە قوياتىندار تىكەلەي قورا - جاي كۋالىگىن كەپىلگە قويىپ، تىزىمگە الدىرۋ راسمياتتارىن وتەسە بولادى، مال - مۇلىكتى باعالاۋدىڭ قاجەتى جوق؛ شارۋاشىلىق قۇرۋ نىسانى اۆتونوميالى رايون دارەجەلى شەشۋشى جارىستىڭ نەمەسە مەملەكەت دارەجەلى جارتىلاي شەشۋشى جارىستىڭ سيلىق كۋالىگىن العاندار شارۋاشىلىق قۇرۋ كەپىل قارىز اقشاسىن الۋ راسمياتتارىن بىتىرگەندە، قارسى كەپىل بولۋ شارتتارىن كۇشىنەن قالدىرىپ، شارۋاشىلىق قۇرۋ كەپىل قارىز اقشا الۋ جۇمىسىن تىكەلەي بىتىرسە بولادى.
اۆتونوميالى رايوننىڭ ورىنباسار ءتوراعاسى ماعاۋ سەيتقامزا ۇلى پىكىردى جاريالاۋ ماجىلىسىنە قاتىناستى ءارى ءسوز سويلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
