- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو شينجياڭ − يران كيىم - كەشەك كاسىبى سەلبەستىك تالقى ءماجىلىسى وتكىزىلدى
2016.08.26 15:40 كەلۋ قاينارى : شينجياڭ گازەتى
شينجياڭنىڭ توقىماشىلىق، كيىم - كەشەك كاسىپورىندارى تەگەراننان وراي قاراستىردى
جۇڭگو شينجياڭ − يران كيىم - كەشەك كاسىبى سەلبەستىك تالقى ءماجىلىسى 24 - تامىزدا يراننىڭ استاناسى تەگەراننىڭ نياۋاران مادەنيەت ورتالىعىندا ءوتتى، يران مەن جۇڭگو شينجياڭىنىڭ نەشە ونداعان توقىماشىلىق، كيىم - كەشەك كاسىپورنى تالقى ماجىلىسىنە قاتىناسىپ، «ءبىر بەلدەۋ، ءبىر جول» ستراتەگياسى اياسىندا، ەكى جاقتىڭ دوستىق اۋىس - كۇيىسىن كۇشەيتۋدىڭ، جۇڭگونىڭ شينجياڭى مەن يراننىڭ توقىماشىلىق، كيىم - كەشەك كاسىبى جاعىنداعى سەلبەستىگىن تەرەڭدەتۋدىڭ ورايىن قاراستىردى.
تاياۋ جىلدان بەرى جۇڭگو ورتالىق ۇكىمەتىنىڭ پارمەندى قولداۋىندا، جۇڭگونىڭ شينجياڭىنىڭ توقىماشىلىق، كيىم - كەشەك ىستەرى قارىشتاپ دامىپ، ەكونوميكالىق، قوعامدىق دامۋدىڭ جارقىن تۇيىنىنە اينالدى. توقىماشىلىق، كيىم - كەشەك كاسىبىن ونان ارى دامىتۋ ارقىلى كاسىپتەنۋدى جەبەۋ ءۇشىن، جۇڭگونىڭ شينجياڭى ءوز جەرىنىڭ توقىماشىلىق، كيىم - كەشەك كاسىبىندە ءتۇرىن جاڭالاپ، دەڭگەيىن جوعارىلاتۋ قادامىن تەزدەتىپ، كاسىپتەردى «سىرتقا شىعارۋدى» جەدەلدەتتى. جۇڭگو شينجياڭ توقىماشىلىق، كيىم - كەشەك كاسىبىن دامىتىپ، كاسىپتەنۋدى جەتەكتەۋگە باسشىلىق ەتۋ گرۋپپاسى كەڭسەسى مەن يران - جۇڭگو ونەركاسىپ ساۋدا قوعامى اتالعان تالقى ءماجىلىسىن «2016 جۇڭگو تانۋ − جۇڭگو باتىس بولىك مادەنيەتىنىڭ يران ساپارى. شينجياڭ پاراسى» قيمىلىنىڭ ماڭىزدى مازمۇنى قاتارىندا بىرگە ۇيىمداستىردى، بۇل جۇڭگونىڭ شينجياڭىنداعى وسى زامانعى توقىماشىلىق، كيىم - كەشەك كاسىپورىندارىنىڭ، ءداستۇرلى كيىم - كەشەك، كيىم الەمىش مادەنيەتىنىڭ ۇيىرمە بولىپ تۇڭعىش رەت يرانعا بارۋى.
يران جۇڭگو ساۋدا قوعامىنىڭ باستىعى اسگارولادي تالقى ماجىلىسىندە بىلاي دەدى: جۇڭگونىڭ شينجياڭى جۇڭگونىڭ يرانعا ەڭ جاقىن جەرى، دۇنيە جۇزىندەگى ماڭىزدى ماقتا ءوندىرىس رايونى بولعاندىقتان، توقىماشىلىق، كيىم - كەشەك ىستەرىنىڭ دامۋ كومەسكى كۇشى زور، يرانمەن سەلبەستىك جاساۋدىڭ بولاشاعى دا ايتارلىقتاي جاقسى. يراندا 6 ەركىن ساۋدا رايونى بار، جۇڭگونىڭ شينجياڭىنداعى كاسىپورىنداردىڭ يرانمەن سەلبەستىك جاساپ، توقىماشىلىق، كيىم - كەشەك ونەركاسىپ باقشا رايونىن قۇرۋ سياقتى جولدارمەن يراننىڭ، سونداي - اق توڭىرەكتەگى ەلدەردىڭ بازارىن اشۋىن قارسى الامىز. يرانداعى جۇڭگو ساۋدا قوعامىنا مۇشە كاسىپورىندار 6000نان اسادى، ولاردىڭ ءبارى جۇڭگونىڭ شينجياڭىنداعى كاسىپورىندارمەن سەلبەسۋگە پەيىل.
جۇڭگو شينجياڭ ۇيعۇر اۆتونوميالى رايوندىق حالىق ۇكىمەتىنىڭ ورىنباسار باس حاتشىسى لياڭ يۇڭ بىلاي دەدى: توقىماشىلىق، كيىم - كەشەك كاسىبىن دامىتۋ − جۇڭگو شينجياڭىنىڭ ماڭىزدى ستراتەگياسى، 80 ميلليون حالقى بار يراننىڭ كيىم - كەشەككە قاجەتى زور. جۇڭگونىڭ شينجياڭى كەزەكتەگى جىبەك جولى ەكونوميكالىق بەلدەۋى قۇرىلىسىنىڭ ورايىنان ۇتىمدى پايدالانىپ، باتىسقا ەسىكتى ايقارا اشىپ، يراندى توقىماشىلىق، كيىم - كەشەك كاسىبىندەگى ەڭ باستى بازارلاردىڭ ءبىرى ەتۋىنە بولادى. قازىر جۇڭگونىڭ شينجياڭى مەن يراننىڭ توقىماشىلىق، كيىم - كەشەك ساۋدا سوماسى 20 ميلليون دوللاردان اسادى، ساۋدا سوماسىن ارتتىرۋدىڭ اياسى ءالى كەڭ. الدا تاراپتار اۋىس - كۇيىس سەلبەستىگىندە باتىسقا ساپار پويەزى سياقتى ابزالدىلىقتاردان پايدالانىپ، جۇڭگونىڭ شينجياڭىن جۇڭگو مەن يراننىڭ توقىماشىلىق، كيىم - كەشەك كاسىبى سەلبەستىگىنىڭ التىن كوپىرىنە اينالدىرادى.
تالقى ماجىلىسىندە يرانداعى جۇڭگو ساۋدا قوعامىنا، تەگەران كيىم - كەشەك كاسىبى قوعامىنا جانە جۇڭگو شينجياڭ كيىم - كەشەك كاسىبى قوعامىنا قاراستى نەشە ونداعان كاسىپورىن اۋىس - كۇيىس جاسادى، كوپ ساندى كاسىپورىن جۇمىس باسىندا سەلبەسۋ نيەتىن ءبىلدىردى.
جۇڭگو شينجياڭ كيىم - كەشەك كاسىبى قوعامىنىڭ ورىنباسار باستىعى چىڭ يىڭفىن بىلاي دەدى: وسى جولى يراندا جۇڭگونىڭ شينجياڭىنداعى 13 تۇرعىلىقتى ۇلتتىڭ كيىم - كەشەك كورمەسى، سونداي - اق اتلاس جىبەك كەزدەمە كورمەسى وتكىزىلىپ، جۇڭگونىڭ شينجياڭىنىڭ توقىماشىلىق، كيىم - كەشەك كاسىبى يران بازارىنا نەگىز قالادى.
يراننىڭ توقىماشىلىق، كيىم - كەشەك جاعىنداعى جىلدىق تۇتىنۋ كولەمى مولشەرمەن 40 ميلليارد دوللار، جۇڭگو ءۇرتىس 4 جىل بويى يراننىڭ ەڭ ۇلكەن ساۋدا سەرىگىنە اينالدى، جىبەك جولى ەكونوميكالىق بەلدەۋىن بىرگە قۇرۋ جاعدايىندا، وزەكتى رايون ساناتىنداعى جۇڭگونىڭ شينجياڭى يرانمەن توقىماشىلىق، كيىم - كەشەك سالاسىندا سەلبەسۋىنىڭ كومەسكى قۋاتى زور. الداعى جەردە تاراپتار اۋىس - كۇيىس قيمىلىن مەرزىم سايىن وتكىزىپ، كاسىپ بويىنشا قول ۇستاسىپ، سەلبەستىك اياسىن كەڭەيتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
