- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەكولوگيالىق ورتانى قورعاۋدى كۇشەيتەيىك
− شينجياڭنىڭ ءتۇرلى قىزمەتىن قوعامنىڭ ورنىقتىلىعى مەن باياندى تىنىشتىعى سىندى باس نىسانانىڭ جەتەكشىلىگىندە جاقسى ىستەۋ تۋرالى (6)
2016.10.14 10:56 كەلۋ قاينارى : شينجياڭ گازەتى
ەكولوگيالىق ورتانى قورعاۋ جانە ەكولوگيالىق وركەنيەت قۇرىلىسى − ەلىمىزدىڭ باياندى دامۋىنداعى ەڭ ماڭىزدى نەگىز. شي جينپيڭ جولداس باس شۋجي بولعان پارتيا ورتالىق كوميتەتى تۇراقتاندىرعان قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋدى، ءسوزسىز، جاسىل دامۋ يدەياسىمەن باستان - اياق توعىستىرىپ، ەكولوگيانى قورعاۋدى ماڭداي الدى ورىنعا قويۋعا تاباندى بولىپ، دامۋدى ەكولوگيالىق حاۋىپىسىزدىك نەگىزىندە جۇرگىزىپ، شينجياڭنىڭ اسپانى اشىق، جەرى جاسىل، سۋى ءمولدىر بولۋىنا كەپىلدىك ەتۋ كەرەك.
ەكولوگيالىق ورتانى قورعاۋ − قازىرگىلەر ۇلەس قوسىپ، يگىلىگىن ۇرپاقتار كورەتىن ءىس. ەكولوگيالىق ورتانى قورعاۋ، كورىكتى شينجياڭدى قۇلشىنا قۇرۋ − ءار ۇلت حالقىن جانە ۇرپاقتاردى باقىتقا كەنەلتۋگە، مەملەكەتتىڭ ەكولوگيالىق حاۋىپسىزدىك قالتقىسىن قۇرۋعا، بۇكىل ەلدىڭ باياندى دامۋ جالپى جاعدايىنا سايادى. ءبىز جالپى جاعداي كوزقاراسىن، بولاشاقتىق كوزقاراستى، جالپى تۇلعالىق كوزقاراستى ورناتىپ، ەكولوگيالىق ورتانى كوزىمىزدىڭ قاراشىعىن قورعاعانداي قورعاۋىمىز، ەكولوگيالىق ورتانى ءومىرىمىزدى ايالاعانداي ايالاۋىمىز كەرەك. ەكولوگيالىق وركەنيەت قۇرىلىسىن ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ ءار جاعىنا جانە جالپى بارىسىنا توعىستىرىپ، تاماشا ەكولوگيالىق ورتانى ءار ۇلت بۇقاراسىنىڭ تۇرمىس ساپاسىن ارتتىرۋ تۇيىنىنە، شينجياڭنىڭ تاماشا وبرازىن ايگىلەيتىن كۇش سالۋ تۇيىنىنە اينالدىرۋ كەرەك.
ەكولوگيالىق ورتانى قورعاۋدى كۇشەيتۋدە، الدىمەن، ەكولوگيالىق ورتانى قورعاۋ يدەياسى بولۋى كەرەك. باس شۋجي شي جينپيڭ اتاپ كورسەتكەندەي: «بىزگە ءمولدىر سۋ، جاسىل تاۋ، سونىمەن بىرگە، بايلىق تا قاجەت. بايلىقتان كەشسەك تە، تابيعاتتىڭ بۇزىلماعان قالپىن ساقتاۋ كەرەك، ويتكەنى تابيعاتتىڭ بۇزىلماعان قالپى بايلىق ەسەپتەلەدى». ءبىز ەكولوگيالىق ورتانى قورعاۋ دەگەنىمىز وندىرگىش كۇشتى قورعاۋ، ءمولدىر سۋ، جاسىل تاۋ دەگەنىمىز بايلىق دەگەن يدەيانى بەرىك ورناتۋىمىز كەرەك، ەكونوميكالىق دامۋدى باياۋلاتساق تا، استە ەكولوگيالىق ورتانى قۇربان ەتۋدى بوداۋ ەتپەۋىمىز كەرەك، شينجياڭ بۇكىل ەلىمىز جەر اۋدانىنىڭ التىدان ءبىرىن يەلەيدى، ءبىر جاعىنان، دامۋ تىلەگى كوكەي تەستى بولسا، ەندى ءبىر جاعىنان، ەكولوگيالىق ورتاسى ءالسىز، ەكەۋىنىڭ قاتىناسى زور ەرەكشەلىكتى ايگىلەپ وتىر. تابيعاتتىڭ تاماشا قالپىن ساقتاۋ جىگەر - قايراتىمەن، ەكولوگيالىق ورتانى قۇرباندىققا شالۋدىڭ حالىق تۇرمىسىنىڭ باقىتىنا نەمقۇرايدى قاراۋ، بايلىققا نەمقۇرايدى قاراۋ، جالپى جاعداي جوسىنىنا نەمقۇرايدى قاراۋ ەكەندىگىن تەرەڭ ۇعىنۋىمىز كەرەك. ورتانى ءبۇلدىرۋ بوداۋىنا كەلگەن اتالمىس دامۋدان ءارى - ءسارى بولماستان باس تارتىپ، جاسىل دامۋ جولىن بويلاي باتىلدىقپەن، مىزعىماي العا باسىپ، شينجياڭنىڭ وزىندىك باياندى دامۋىن جۇزەگە اسىرىپ، تۇتاس ەلدىڭ باياندى دامۋىنا كەپىلدىك ەتۋ كەرەك.
ەكولوگيالىق ورتادا ورنىن باساتىن ءونىم جوق، قولدا باردا بىلىنبەگەنمەن، جوعالتىپ العاننان كەيىن، ورنىن تولتىرۋ قيىن. ەكولوگيالىق ورتانى قورعاۋدى كۇشەيتۋدە، ءسوزسىز، ەكولوگيانى قورعاۋدىڭ تومەنگى شەگىن ساقتاۋ كەرەك. شينجياڭنىڭ ەكولوگياسى ءالسىز، شينجياڭنىڭ جەرى كەڭ - بايتاق بولسا دا، تۇنەرگەن بۇلت بولماۋى كەرەك؛ شينجياڭنىڭ كوركىنە لاس سۋ جاراسپايدى. ءمولدىر سۋ، جاسىل تاۋ − ءبىزدىڭ تىرشىلىك تياناعىمىز، ءبىز تاعدىرلاس تۇلعا ساناسىن بەرىك ورناتىپ، تابيعاتقا قۇرمەت ەتىپ، تابيعاتقا باعىنىپ، تابيعاتتى قورعاپ، دامۋدى ەكولوگيالىق حاۋىپسىزدىك نەگىزىندە جۇرگىزۋىمىز كەرەك. كاسىپ سالاسىنا رۇقسات ەتۋدىڭ ۇنامسىز تىزىمدىگىن ورناتىپ، بىلعانىشى، ەنەرگيا سارىپ ەتۋى، لاس زاتتاردى شىعارۋى اۋىر كاسىپ سالاسى نىساندارىنىڭ شينجياڭعا كىرۋىن قاتاڭ شەكتەپ، اتتاپ وتە المايتىن ساقتىق سىزىعىن بەلگىلەۋىمىز كەرەك. دامۋ تىلەگى كۇشەيگەن سايىن، دامۋ اياق الىسى تەزدەي تۇسەدى، ىجداعاتتىلىق، مۇقياتتىلىق كورسەتكەن سايىن، تومەنگى شەكتى ساقتاپ، ساقتىق شەگىنەن اتتاماۋ كەرەك، اسىرەسە، ەنەرگيا، كەن اشۋدى اۆتونوميالى رايوندىق ۇكىمەت «ءبىر تۇتاس باسشىلىق ەتۋ، شوعىرلى باسقارۋ» سىندى تەكسەرىپ، بەكىتۋ ءتۇزىمىن ورناتىپ، ورتانى قورعاۋدا «ءبىر داۋىسپەن تەرىسكە شىعارۋ» ءتۇزىمىن اتقارۋ كەرەك.
جاراتىلىستىق ورتانى قورعاۋ − ادامزاتتى قورعاعاندىق، ەكولوگيالىق وركەنيەت قۇرۋ − ادامزاتقا ىرىس جاراتقاندىق. ەكولوگيالىق ورتانى قورعاۋدى كۇشەيتۋدە، ءسوز جوق، ەكولوگيانى قورعاۋ قۇرىلىسىن كۇشەيتۋ كەرەك. شينجياڭنىڭ ءاربىر تاۋى، وزەنى، شۇراتى، جايلىمى، ورمانى قاباعات قاستەرلى، جاراتىلىستىق قورىقتار مەن جاسىل القاپتاردىڭ توڭىرەگىندەگى قورعانىس ورمانى مەن شۇراتتاردىڭ قۇرىلىسىن كۇشەيتىپ، ءتۇيىندى ەكولوگيالىق قۇرىلىستاردى بەلسەندى ىلگەرىلەتىپ، جوبانىڭ جانە قۇرىلىس نىساندارىنىڭ ورتاعا جاسايتىن ىقپالىن باعالاۋ ءتۇزىمىن قاتاڭ اتقارىپ، شينجياڭنىڭ تاۋ، ورمان، وزەندەرىن شىنايى قورعاۋ كەرەك.
ەكولوگيالىق وركەنيەت قۇرۋ − ءوندىرىس، تۇرمىس، ويلاۋ تاسىلىنە جانە قۇن كوزقاراسىنا ساياتىن توڭكەرىستىك رەفورما، مۇندا لاستانۋدىڭ الدىن الۋ مەن ونى تىزگىندەۋدى شىنايى كۇشەيتىپ، نەگىزگى وزەن، كولدەردىڭ سۋ ساپاسىنىڭ، قالا - قالاشىقتاردىڭ اۋا ساپاسىنىڭ تاماشا بولۋىنا كەپىلدىك ەتۋمەن بىرگە، سۋ بايلىعىن باسقارۋ ءتۇزىمىن قاتايتۋ، سۋ بايلىعىن اشۋ - مەڭگەرۋ، سۋدان پايدالانۋ ونىمدىلىگىن مەڭگەرۋ، سۋ فۋنكتسيالىق وڭىرلەرگە ىعىستىرىلاتىن لاس سۋلاردىڭ ىعىستىرىلۋ مولشەرى مەن لاستاۋ دارەجەسىنە شەك بەلگىلەۋ شارالارىن قاتاڭ تياناقتاندىرىپ، سۋدى ۇنەمدەپ پايدالانۋدى ىلگەرىلەتىپ، سۋدان پايدالانۋدىڭ ونىمدىلىگىن جوعارىلاتۋ كەرەك؛ ودان دا ماڭىزدىسى، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، ەكولوگيالىق ورتانى قورعاۋ جاۋاپكەرشىلىك ءتۇزىمىن تياناقتاندىرىپ، ەكولوگيالىق ورتانى قورعاۋ قىزمەتىن باعالاۋ ءادىسى مەن جاۋاپكەرشىلىكتى قۋزاۋ ءتۇزىمىن كەمەلدەندىرىپ، ەكولوگيالىق ورتانى بۇلدىرگەندەردىڭ جاۋاپكەرشىلىگىن ومىرلىك قۋزاستىرۋ ءتۇزىمىن اتقارىپ، ەكولوگيالىق ورتانىڭ حاۋىپسىزدىگىنە كەپىلدىك ەتۋ كەرەك.
ەكولوگيا جاقسارسا، مادەنيەت كوركەيەدى، ەكولوگيا بۇلىنسە، مادەنيەت شەگىنەدى. رايونىمىزدا جوعارى مەن تومەن ەكولوگيالىق ورتانى قورعاۋدى كۇشەيتۋدىڭ ماڭىزدىلىعى مەن قاجەتتلىگىن، ءسوز جوق، جىعا تانىپ، حالىققا، ۇرپاققا وسكەلەڭ تۇرعىدا جاۋاپتى بولۋ پوزيتسياسىمەن قىزمەت تەبىنىن كۇشەيتىپ، قيىنداردان قامال الىپ، شينجياڭ تابيعاتىنىڭ «ءبىزدىڭ شينجياڭ جاقسى جەر، تيانشاننىڭ تۇستىگى مەن تەرىستىگىنىڭ كەلبەتى كوز تارتادى» دەگەن اندە شىرقالعانداي، ماڭگى كوركەم بولىپ تۇرۋىنا كەپىلدىك ەتىپ، مەملەكەتتىڭ ەكولوگيالىق حاۋىپسىزدىگىنە شينجياڭ ۇلەسىن قوسۋىمىز كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
