- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلى ىستەر ىستەۋگە پارمەندى باسشىلىق ۇيتقى كەرەك
شين زۋۋىن
2016.10.27 16:49 كەلۋ قاينارى : شينجياڭ گازەتى
اۋداندار جاقسى باسقارىلسا، ەل تىنىش بولادى. اۋدان دارەجەلى ورىندار پارتيامىزدىڭ ۇيىمدىق قۇرىلىمى مەن مەملەكەتىمىزدىڭ بيلىك قۇرىلىمىندا جوعارى مەن تومەندى جالعايتىن شەشۋشى بۋىن، ەكونوميكانى دامىتۋدىڭ، حالىق تۇرمىسىن قامتاماسىز ەتۋدىڭ، قوعام ورنىقتىلىعىن قورعاۋدىڭ، مەملەكەتتىڭ باياندى تىنىشتىعىن جەبەۋدىڭ ماڭىزدى نەگىزى.
كەزەكتە بۇكىل رايونىمىز شي جينپيڭ جولداس باس شۋجي بولعان پارتيا ورتالىق كوميتەتى ايقىن تۇراقتاندىرعان قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتكەن سوتسياليستىك شينجياڭدى قۇلشىنا قۇرۋدا. تاريحتىڭ سىن ساعاتتارىنا نەعۇرلىم ءدوپ كەلگەن سايىن، اۋداندىق، قالالىق، رايوندىق پارتكومداردىڭ جالپى جاعدايدى تۇتاستاي مەڭگەرۋ، ءارقايسى جاقتاردى سايكەستىرۋ باسشىلىق ۇيتقىلىق رولىن سولعۇرلىم كۇشەيتە ءتۇسۋ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن شىنايى كۇشەيتۋ، قاشاندا پارتيانىڭ نازارياسىنا جانە لۋشيان، باعىت - ساياساتتارىنا قاراپ ساپ تۇزەۋ، شي جينپيڭ جولداس باس شۋجي بولعان پارتيا ورتالىق كوميتەتىنە قاراپ ساپ تۇزەۋ، باس شۋجي شي جينپيڭگە قاراپ ساپ تۇزەۋ، يدەيادا، ساياسيدا شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. وسىلاي ىستەگەندە عانا، جالپى جۇرت ءبىر نيەتكە كەلىپ، ەرىك - جىگەرىنەن قامال سوعاتىن جاعداي قالىپتاستىرۋعا، جۇڭگو ارمانىنىڭ شينجياڭ تاراۋىن جازۋ ۇردىسىندە تىرەكتى رول اتقارۋعا بولادى.
اۋداندار جاقسى باسقارىلسا، شينجياڭ تىنىش بولادى. شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ماڭىزدى ستراتەگيالىق ورىنعا يە، شينجياڭ جاعدايى بۇكىل مەملەكەتتىڭ رەفورما، دامۋ، ورنىقتىلىق جالپى جاعدايىنا سايادى. شي جينپيڭ جولداس باس شۋجي بولعان پارتيا ورتالىق كوميتەتى جاعدايمەن ساناسىپ، جۇيەلى جوسپار جاساپ، پارتيا مەن مەملەكەت ىستەرىنىڭ دامۋى جالپى جاعدايىن نازارعا الىپ، ەل ءىشى جاعدايى مەن حالىقارالىق جاعداي سىندى 2 ۇلكەن جاعدايدى ءبىر تۇتاس جوسپارلاپ، قوعام ورنىقتىلىعى مەن باياندى تىنىشتىقتىڭ شينجياڭ قىزمەتىنىڭ باس نىساناسى ەكەنىن ايقىندادى. 17 - قىركۇيەكتە اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندە قايتالاي اتتانىسقا كەلتىرۋ ءماجىلىسى بۇكىل رايونعا كۇشتى دابىل قاقتى: قوعام ورنىقتىلىعى مەن باياندى تىنىشتىق سىندى باس نىسانا شينجياڭ قىزمەتىنە جەتەكشىلىك ەتەتىن تۋ جانە بەتالىس، شينجياڭنىڭ بارلىق قىزمەتىن قوعام ورنىقتىلىعى مەن باياندى تىنىشتىقتى مىقتاپ ارقاۋ ەتە وتىرىپ جوسپارلاۋ، ىلگەرىلەتۋ كەرەك. باس نىسانانى دايەكتىلەندى−رۋدە، تياناقتاندىرۋدا تيىمدىلەرىن كوركەيتىپ، زالالدىلارىن جوياتىن وقشاۋلاۋ بەلدەۋى −− اۋدانداردا، قالالاردا، رايونداردا، شەشۋشى شايقاستىڭ، شەشۋشى جەڭىستىڭ نەگىزگى مايدانى −− اۋدانداردا، قالالاردا، رايونداردا. ەگەر بۇكىل رايونىمىزداعى اۋداندىق، قالالىق، رايوندىق جاڭا كەزەكتى پارتكومدار اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ ساياساتتارىن، شارالارىن باتىل تياناقتاندىرسا، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جاقسى جۇرگىزسە، شينجياڭنىڭ باياندى تىنىشتىعى نىعايىپ، مەيلى قانداي دۇلەي داۋىل تۇرسا دا، مىزعىماستان قاسقايىپ تۇرا بەرەدى.
اۋداندار جاقسى باسقارىلسا، حالىق اۋقاتتانادى. 2020 - جىلعا بارعاندا، كەدەيلەردىڭ ىشەر استان، كيەر كيىمنەن تارىقپاۋى جۇزەگە اسىرىلىپ، مىندەتتى وقۋ - اعارتۋ، نەگىزگى ەمدەۋ جانە تۇرعىن ءۇي حاۋىپسىزدىگى قامتاماسىز ەتىلەدى؛ كەدەي وڭىرلەردەگى شارۋالاردىڭ ادام باسىندىق ورتاشا قولداعى تابىسىنىڭ ارتۋ مولشەرى بۇكىل شينجياڭنىڭ، بۇكىل مەملەكەتتىڭ ورتاشا دەڭگەيىنەن جوعارى بولادى، نەگىزگى الەۋمەتتىك قىزمەت وتەۋدىڭ باستى سالالارداعى كورسەتكىشتەرى مەملەكەتتىك ورتاشا دەڭگەيگە جۋىقتايدى؛ قازىرگى كەدەيلىك ولشەمىندەگى 2 ميلليون 610 مىڭ كەدەي تۇگەل كەدەيلىكتە قۇتىلىپ، 35 ءتۇيىندى كەدەي اۋدان كەدەيلىك قالپاعىن تۇگەل سىپىرىپ تاستاپ، 3029 كەدەي قىستاق كەدەيلىك تىزىمىنەن جاپپاي شىعارىلادى، وڭتۇستىك شينجياڭداعى 3 ايماق، ءبىر وبلىستاعى ءوڭىر بويىنشا جاپپاي كەدەيلىك ماسەلەسى شەشىلەدى. بۇل اۆتونوميالى رايوندىق پارتكومنىڭ بۇكىل شينجياڭداعى ءار ۇلت حالقىنا بەرگەن ايبىندى ۋادەسى، سونداي - اق جاڭا كەزەكتى اۋداندىق، قالالىق، رايوندىق پارتكومداردىڭ اۆتونوميالى رايوندىق پارتكوم مەن ءار ۇلت حالقىنا بەرگەن سەرتى. كەدەيلىكتەن قۇتىلدىرۋدان قامال الۋ شايقاسىندا تۇبەگەيلى جەڭىسكە جەتۋدە اۋداندىق، قالالىق، رايوندىق جاڭا كەزەكتى پارتكوم القاسىنىڭ يىعىندا تاريحي اۋىر جاۋاپكەرشىلىك، الدىندا بۇقارانىڭ ءۇمىتتى جانارى تۇر، بۇقارانى اۋقاتتاندىرۋدى، حالىقتىڭ كوڭىلىن تابۋدى ەڭ ۇلكەن ساياسي جانە ەڭ ۇلكەن ناتيجە دەپ ءبىلىپ، ءارقاشان دا بوساڭسىماۋ، تيتتەي دە كەمىتپەۋ كەرەك.
اۋداندار جاقسى باسقارىلسا، پارتيا ستيلى كىرشىكسىز بولادى. دارەجەسى جوعارى بولماعانىمەن، اۋدان، قالا، رايوننىڭ باسشىسى مىڭداعان، ميلليونداعان بۇقارانىڭ جول باستاۋشىسى سانالادى، ولاردىڭ ءار قيمىلى جەرگىلىكتى ورىننىڭ ىستەرىنە سايادى، ءار ءسوز - ارەكەتى پارتيانىڭ وبرازىنا ۋاكىلدىك ەتەدى. پارتيانىڭ 18 - قۇرىلتايىنان بەرى، ورتالىق پارتيانى جاپپاي قاتاڭ باسقارۋ جونىندە ستراتەگيالىق ورنالاستىرۋ جاسادى. پارتيانى جاپپاي قاتاڭ باسقارۋدىڭ شەشۋشى تەتىگى − بيلىك تىزگىنىن ۇستاعانداردى قاتاڭ باسقارۋدا. اۋداندىق، قالالىق، رايوندىق جاڭا كەزەكتى پارتكوم القاسى، ءسوز جوق، اۆتونوميالى رايوندىق پارتكومنىڭ جۋىقتان بەرگى ءبىرسىپىرا كەلەلى ورنالاستىرۋلارىن مۇقيات دايەكتىلەندىرۋى، ساياسيدا بەرىك، يدەيادا بىركەلكى، نىساناسى ايقىن بولۋى، جاۋاپكەرشىلىك ارقالاۋى، قىزمەتتەردى ۇزبەي تىندىرۋى، ستيلدە سىندارلى بولۋى، ىنتىماقتى كۇشەيتۋى، پاكتىكتە قاتاڭ بولىپ، حالىققا سۇيىسپەنشىلىك ورناتۋى، پارتيانى جاپپاي قاتاڭ باسقارۋدىڭ تالابىن ادالدىقپەن، جاۋاپكەرشىلىكپەن القاعا، جەكە ادامدارعا، ستيلگە دەيىن تياناقتاندىرۋى كەرەك. ءار اۋداندىق، قالالىق، رايوندىق پارتكومنىڭ القا مۇشەلەرى ءوزىنىڭ ءمانساپ ءمورالىنا، جەكە ءمورالىنا، قابىلەت دەڭگەيىنە، ءسوز جوق، ساياساتشىلاردىڭ ولشەمىمەن تالاپ قويىپ، ىشتەي يمەنىپ، قولىنا ءتارتىپ ولشەمىن ۇستاپ، ساپالىق جاقتان ءبىر - بىرلەپ جەتىلىپ، ساپاسىن جوعارىلاتىپ، ءوزىن كەمەلدەندىرۋى، ۇساق ىستەردەن، كىلتەڭ بۋىنداردان ءوزىن تەجەپ، جونگە ءتۇسۋى، ادا - كۇدە كىرشىكسىز بولىپ، تۋ باستان تۇنىپ، ءبىر نيەتپەن كۇش قوسىپ، ساياسي ەكولوگياداعى كىرشىكسىزدىكتى قالىپتاستىرۋى جانە ونى ساقتاۋى كەرەك.
شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا جۇزەگە اسىرۋ، 2020 - جىلى بۇكىل مەملەكەتپەن تەڭ جاپپاي دوڭگەلەك داۋلەتتى قوعام قۇرۋ، بۇكىل رايونداعى كەدەي حالىقتى بەلگىلەنگەن ۋاقىتتا كەدەيلىكتەن قۇتىلدىرۋ، شينجياڭنىڭ ەكولوگيالىق ورتاسىن جاقسى ساقتاۋ تاريح شينجياڭداعى ءار ۇلت پارتيالى باسشى كادرلارعا جۇكتەگەن جاۋاپكەرشىلىك جانە بورىش. اۋداندىق، قالالىق، رايوندىق جاڭا كەزەكتى پارتكومدار، ءسوز جوق، اۋەلگى ماقساتتى ۇمىتپاي، ۇدىرە العا تارتىپ، تىلەك توعىستىرىپ، كۇش بىرىكتىرىپ، قىزمەتتەردى تىڭعىلىقتى ىستەپ، ءار ۇلت بۇقاراسى ءتىپتى دە رازى بولاتىن جاڭا جاۋاپ قايتارىپ، ج ك پ اۆتونوميالى رايوندىق 9 - قۇرىلتايىنىڭ تابىستى اشىلۋىن قايراتتانا قاربىتىپ ىستەيتىن تاماشا بەينەمەن قارسى الىپ، شي جينپيڭ جولداس باس شۋجي بولعان پارتيا ورتالىق كوميتەتىن الاڭسىز ەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
