- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءدىننىڭ تاتۋلىعى قوعامنىڭ جاراسىمدىلىعىنا دەم بەردى
لي ياڭ
2016.10.27 16:50 كەلۋ قاينارى : شينجياڭ گازەتى
شاپشال سىبە اۆتونوميالى اۋدانى قاينۇق اۋىلى اراوستەڭ قىستاعىنىڭ تۇرعىنى، اعىم ماسەلەلەرىنە نازار اۋدارىپ جۇرەتىن وتانشىل ءدىني قايراتكەر باراتجان تۇرعانجان 12 - قازان كۇنى بۇرىنعى ادەتىنشە گازەت وقۋعا كىرىستى. كەنەت ول 19 - قازاندا اشىلعان اۆتونوميالى رايوندىق پارتكوم تۇراقتى كوميتەتى ءماجىلىسىنىڭ «رايونىمىزداعى قىستاق كادرلارىنىڭ نەگىزدىك ەڭبەكاقىسىن، قىستاقتاعى <4 ءتۇرلى قارتتىڭ> جانە وتانشىل ءدىني قايراتكەرلەردىڭ تۇرمىس كومەك قاراجاتى ولشەمىن جوعارىلاتۋ جونىندەگى پىكىردى» قاراعاندىعى جانە پرينسيپتىك جاقتان ماقۇلداعاندىعى تۋرالى حاباردى كورىپ قاتتى قۋاندى.
بۇل وتانشىل ءدىني قايراتكەرلەردىڭ تۇرمىس كومەك قاراجاتى ولشەمىنىڭ جۋىق جىلداردان بەرگى تۇڭعىش جوعارىلاۋى بولماسا دا باراتجان بۇعان قاتتى قۋاندى. ول: بۇل پارتيا مەن ۇكىمەتتىڭ وتانشىل ءدىني قايراتكەرلەرگە دەگەن قۇرمەتىن، قامقورلىعى مەن كوڭىل ءبولىپ وتىرعاندىعىن ايگىلەيدى. پارتيانىڭ قامقورلىعىنا ءدان ريزامىز، - دەدى.
كوپ ۇلت، كوپ ءدىن شينجياڭنىڭ تيپتىك رايون جاعدايى دەسەك، ال ونىڭ ءتۇرلى جاقتارداعى ىستەرمەن شىرما - شاتۋ بايلانىسىپ جاتۋى شينجياڭ قىزمەتىنىڭ رەال جاعدايى ەسەپتەلەدى.
«ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا سايكەسۋگە بەلسەنە جەتەلەۋ، ءدىن سالاسىنداعى قايراتكەرلەر مەن دىنگە سەنەتىن قاۋىمنىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ويداعىداي ساۋلەلەندىرۋ كەرەك». ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ ءدىن قىزمەتىنىڭ پرينسيبىن، ءادىسىن جانە جولىن العا قويدى، بۇل شينجياڭنىڭ ۇلتتار ىنتىماعىن، ءدىن جاراسىمدىلىعىن جەبەۋدىڭ ءتۇبىرلى نەگىزى.
پارتيانىڭ 18 - قۇرىلتايىنان بەرى، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايونىمىز پارتيانىڭ ءدىن قىزمەتىنىڭ نەگىزگى باعىتىن جاپپاي تياناقتاندىرىپ، ءدىن ىستەرىن باسقارۋدى زاڭ بويىنشا كۇشەيتىپ، دىنگە سەنەتىن جۇرتشىلىقتىڭ قالىپتى ءدىني قاجەتىن قاناعاتتاندىرىپ، «ۇشقارىلىقتى الاستاۋدى» ىشكەرىلەي ىلگەرىلەتىپ، ءدىن سالاسىنداعى قايراتكەرلەر مەن دىنگە سەنەتىن جۇرتشىلىقتىڭ بەلسەندى رولىن تولىق ساۋلەلەندىرىپ، ءدىندى سوتسياليستىك قوعامعا سايكەسۋگە جەتەلەۋ جولىندا العا قاراي نىق قادام تاستادى.
پارتيانىڭ ءدىن قىزمەتىنىڭ نەگىزگى باعىتىن جاپپاي تياناقتاندىردى
19 - قازان تۇستەن كەيىن قاشقار كونەشار اۋدانى توققۇزاق قالاشىعىنىڭ اياقمانگەن قىستاعىنداعى وتاندى ءسۇيۋ، العىس ايتۋ تاربيە بازاسىندا اياقمەنگەن قىستاعى مەشىتىنىڭ حاتيبى تۇرسىن مالات كۇلىمسىرەپ: بيىل 65 جاسقا كەلسەم دە تەپسە تەمىر ۇزەتىن 03داعى جىگىتتەي ارىندىمىن. الداعى جەردە ءشاريعاتتى ءتىپتى دە جاقسى ءتۇسىندىرىپ، كوپشىلىككە پارتيانىڭ جاقسى ساياساتتارىن ۇگىتتەي بەرەمىن، - دەدى. وتاندى ءسۇيۋ، العىس ايتۋ تاربيە بازاسىنا باس شۋجي شي جينپيڭنىڭ اياقمانگەن قىستاعىندا قىزمەت تەكسەرگەن كەزدەگى سۋرەتتەرى قاز - قاتار ءىلىنىپتى، ولاردىڭ اراسىندا باس شۋجي مەن تۇرسىننىڭ ىقىلاستى اڭگىمەلەسكەن ساتتەرىنەن تۇسىرىلگەن ەستەلىك سۋرەت تە بار ەكەن.
2014 - جىلى ساۋىردە باس شۋجي شي جينپيڭ شينجياڭدا قىزمەت تەكسەرگەن كەزدە «شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى جانە ءدىن جاراسىمدىلىعى» دەپ ايقىن اتاپ كورسەتكەن ەدى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ بىلاي دەپ اتاپ كورسەتكەن بولاتىن: ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا سايكەسۋگە بەلسەنە جەتەلەۋ كەرەك. ءدىن ماسەلەسىن ءبىر جايلى ەتۋدىڭ نەگىزگى پرينسيبى − زاڭدىلارىن قورعاۋ، زاڭسىزدارىن تەكتەۋ، ۇشقارىلىقتى تەجەۋ، كەۋلەپ كىرۋدەن ساقتانۋ، قىلمىسقا سوققى بەرۋ.
پارتيا ورتالىق كوميتەتىنىڭ تالابى ءبىزدىڭ مىندەتىمىز. اۆتونوميالى رايوندىق پارتكوم ءدىن قىزمەتىنىڭ توتەنشە ماڭىزدىلىعىن جىعا تانىپ، ءدىن سالاسىندا ورىن تەۋىپ وتىرعان كورنەكتى ماسەلەگە ىشكەرىلەي زەرتتەۋ جۇرگىزىپ، ءدىننىڭ ءوز زاڭدىلىعىن يگەرىپ، جاڭا جاعدايداعى ءدىن قىزمەتىن بارىنشا بەلسەندى، ىرىقتى، تىڭعىلىقتى جاقسى ىستەدى.
17 - قىركۇيەكتە اشىلعان اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندەگى قايتالاي اتتانىسقا كەلتىرۋ ءماجىلىسى ءدىن قىزمەتىن تىڭعىلىقتى جاقسى ىستەۋدى 6 ءتۇرلى ءتۇيىندى قىزمەتتىڭ بىرىنە بالاپ، ءدىننىڭ تاتۋلىعىن، جاراسىمدىلىعىن جەبەپ، ءدىننىڭ سوتسياليستىك قوعامعا سايكەسۋىن ىلگەرىلەتۋدى باسا دارىپتەدى.
2 - قازاندا اشىلعان اۆتونوميالى رايوننىڭ مەشىتتەرگە جانە ءدىني قيمىلدارعا باعىتتالعان تاربيەلەۋ، باسقارۋ، قىزمەت وتەۋ قىزمەتتەرىن كۇشەيتۋ جونىندەگى ءماجىلىسى: «مەشىتتەرگە جانە ءدىني قيمىلدارعا باعىتتالعان تاربيەلەۋ، باسقارۋ، قىزمەت وتەۋ قىزمەتتەرىنە جاڭالىق ەنگىزۋدى كۇشەيتۋ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تىڭ ۇلەس قوسۋ كەرەك» دەپ باسا دارىپتەدى.
«ۇشقارىلىقتى الاستاۋدى» ۇزبەي ىلگەرىلەتۋ، حالىق ۇگىتشىلەرىنىڭ «بەتپە - بەت» ۇگىتى سياقتى فورمالارمەن ۇگىت - تاربيە سەرپىنىن ارتتىرىپ، ءار ۇلت جۇرتشىلىعىن دۇرىس سەنىمگە، وڭ ارەكەتكە تاباندى بولۋعا جەتەلەدى؛ وتانشىل ءدىني قايراتكەرلەردى شىنايى باۋلىدى، قورعادى، ولارعا قامقورلىق جاسادى؛ جاراسىمدى مەشىت جانە العاباسار، وتانشىل ءدىني قايراتكەرلەردى جەتىلدىرۋ، باعالاۋ قيمىلىن كەڭ كولەمدى ورىستەتتى؛ قىزمەت وتەۋ، باسقارۋ ورەسىن ونان ارى جوعارىلاتتى... اۆتونوميالى رايوندىق پارتكومنىڭ باعىتتامالىلىعى كۇشتى ساياسات، شارالارىنىڭ ىركەس - تىركەس العا قويىلۋىنا جانە اتقارىلۋىنا وراي، اۆتونوميالى رايونىمىزدىڭ ءدىن سالاسى كۇننەن - كۇنگە تاتۋ، جاراسىمدى بولۋعا بەت الدى. «ۇشقارىلىقتى الاستاۋ» ءار ۇلت جۇرتشىلىعىنىڭ جان سارايىن ونان ارى جادىراتتى
مارالباسىدان ءپىشانعا، كۇنميڭنەن ۇرىمجىگە دەيىنگى ءبىر قىدىرۋ زورلىقتى كۇش لاڭكەستىك ارەكەتتەرىنىڭ استارىندا تۇگەلدەي ءدىني ۇشقارى يدەيانىڭ كولەڭكەسى جاتىر. ءدىني ۇشقارى يدەيانىڭ ءمانى − ءدىني قاعيدالاردى بۇرمالاپ، دىننەن پايدالانىپ ۇلتتىق بولشەكتەۋشىلىك تۋدىرۋعا جانە زورلىقتى كۇش لاڭكەستىك قيمىلدارىنا جەلىكتىرۋگە سۇقتانۋ. ءدىني ۇشقارى يدەيانىڭ كەۋلەپ كىرۋى، ءورشۋى ءدىن جاراسىمدىلىعىنا تونگەن ەڭ ۇلكەن قاتەر، ول شينجياڭنىڭ قوعام ورنىقتىلىعى مەن باياندى تىنىشتىعىنا اۋىر قاتەر ءتوندىردى.
اۆتونوميالى رايون «ۇشقارىلىقتى الاستاۋدى» نىسانا ەتىپ، دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، زاڭ ارقىلى ءدىني ۇشقارىلىقتى تەجەۋگە، وسى زامانعى مادەنيەت ارقىلى ءدىني ۇشقارىلىققا توسقاۋىل قويۋعا، عىلىمدى جالپىلاستىرۋعا بىردەي كۇش سالۋعا تاباندى بولىپ، دىنگە سەنەتىن جۇرتشىلىقتى دۇرىس سەنىمگە، وڭ ارەكەتكە تاباندى بولىپ، ۇشقارىلىقتان ساقتانۋعا بەلسەنە جەتەلەپ، ءدىني ۇشقارى يدەيانىڭ كەۋلەپ كىرۋ اياسىن تارىلتتى.
ءبىر كەزدەرى ءۇشتۇرپان اۋدانىنا ءدىني ۇشقارى يدەيانىڭ كولەڭكەسى ءتۇسىپ، نەكە تويىندا ءان ايتىپ، ءبي بيلەۋگە جول قويماۋ، ءولىم - جىتىمدە «ءنازىر» بەرگىزبەۋ سياقتى جايتتەر تۋىلعان - تۇعىن.
ءۇشتۇرپان اۋداندىق بىرلىكساپ ءبولىمىنىڭ ورىنباسار باستىعى حۋاڭ شياۋدۇڭ بىلاي دەدى: 2013 - جىلى قىركۇيەكتەن باستاپ، اۋدانىمىزدىڭ ءىسلام ءدىنى قوعامى اۋدانداعى 9 اۋىل - قالاشىقتا «وتانشىل ءدىني قايراتكەرلەر ءۇيىن» قۇرىپ، «اپتالىق ۇيرەنۋ كەڭەسى»، «ايلىق زەرتتەۋ - تالقى كەڭەسى»، «ماۋسىمدىق مالىمەت بەرۋ كەڭەسى» سياقتى فورمالار ارقىلى ءىسلام ءدىنى قوعامىنىڭ مۇشەلەرىن ءدىن سالاسىندا ورىن تەپكەن ماسەلەلەردى سارالاۋعا، زەرتتەۋگە، تالقىلاۋعا شاقىرىپ، ماسەلەلەردى شەشۋدىڭ ادىستەرى مەن ۇسىنىستارىن ءدىن تۇرعىسىنان العا قويدى، سونان كەيىن دارىپتەمەلەردى ءدىن تىلىمەن جازىپ، جاريالاپ، بۇقارانىڭ زور كۇشپەن قولداپ - قۋاتتاۋىنا يە بولدى. وسى بارىستا تاربيە الىپ، باعىت - باعدارىن ايقىنداعان كوپشىلىكتىڭ جان سارايى بارىنشا جادىراي ءتۇستى.
ءۇشتۇرپان اۋدانى حۇيزۋ شىعىس مەشىتىنىڭ يمامى، ءۇشتۇرپان ءىسلام ءدىنى قوعامىنىڭ تۇراقتى مۇشەسى لي كۇي ءوز ورنىن انىق تۇراقتاندىردى: «مەشىتتە ءبىز ءدىني قايراتكەرمىز؛ وتباسىندا بالانىڭ اكەسىمىز؛ الەۋمەتتىك ورىنداردا قاراپايىم بۇقارامىز، ءىس - ارەكەتىمىزبەن ونەگە بولىپ، <ۇشقارىلىقتى الاستاۋعا> ىرىقتىلىقپەن قاتىناسۋعا، اناعۇرلىم كوپ وڭ ەنەرگيا تاراتۋعا بورىشتىمىز»، - دەدى ول.
اۆتونوميالى رايوننىڭ «ۇشقارىلىقتى الاستاۋ» شارۋالار كومەديا جارىسىنداعى كومەديالاردىڭ بارلىعىن دەرلىك شارۋالاردىڭ وزدەرى جازىپ، وزدەرى ويناعان، دەرەكتەر نەگىزىنەن شارۋالاردىڭ ءوز تۇرمىسىنان الىنعان؛ «ۇشقارىلىقتى الاستاۋ» شارۋالار سۋرەتى جارىسىندا رايونىمىز بويىنشا 2000 نەشە شارۋا سۋرەتشى 14 مىڭنان استام سۋرەت سىزدى، ولاردىڭ جارىسقا قاتىناسۋ ىنتاسى ەرەكشە كۇشتى بولدى؛ 2014 - جىلعى شينجياڭنىڭ توراپ مادەنيەتى مەرەكەسىندەگى ماڭىزدى قيمىل «تاكلاماكانداعى نەكە سالتى» وڭتۇستىك شينجياڭداعى 3 ايماق، ءبىر وبلىستا، 8 اۋدان - قالادا 300 جۇپ جاس جۇباي ءۇشىن 8 رەت ەرەكشە توپتىق توي وتكىزدى. ءداستۇر مەن وسى زامانعى مادەنيەت ءوزارا ۇشتاستىرىلعان توپتىق توي جاس جۇبايلارعا اناعۇرلىم كوپ تىلەك جەتكىزۋمەن قاتار، اناعۇرلىم كوپ ادامعا دۋماندى، اشىق، مادەنيەتتى جاعدايدا وسى زامانعى مادەنيەتتىڭ قۇدىرەتىن، وسى زامانعى تۇرمىس ءتاسىلىن سەزىندىردى؛ «وسى زامانعى مادەنيەت جاستارمەن ساپارلاس» قيمىلى، «سىمبات ينجەنەرياسى» جەلىلەس قيمىلدارى سياقتى بۇقاراعا جاناسىمدى، قىزۋ قارسى الىناتىن قيمىلدار ءدىني ۇشقارى يدەياعا ءونىمدى توسقاۋىل قويۋمەن قاتار، تۇتاس شينجياڭداعى ءار ۇلت حالقىنىڭ ءدىني ۇشقارى يدەياعا بىرگە قارسى تۇرۋ سەنىمىن ۇيىستىرىپ، ادامدارعا وركەنيەتتى، العا باسقان، جاڭاشىل، ومىرشەڭدىككە باي شينجياڭ وبرازىن ايگىلەدى.دىنگە سەنەتىن بۇقارانى پارتيا مەن ۇكىمەتتىڭ توڭىرەگىندە ىنتىماقتاستىردى
بيىلعى ءدىن قىزمەتى جونىندەگى مەملەكەتتىك ماجىلىستە، باس شۋجي شي جينپيڭ دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە ىنتىماقتاستىرا الۋ - الماۋدى ءدىن قىزمەتىنىڭ ءونىمىن باعالاۋدىڭ ولشەمى ەتۋ كەرەكتىگىن باسا دارىپتەگەن بولاتىن.
بەرتىنگى جىلداردا اۆتونوميالى رايوندىق پارتكوم ءدىن قىزمەتىنىڭ ەرەكشەلىگى مەن زاڭدىلىعىنا ىشكەرىلەي تالداۋ جاساپ، ءدىن قىزمەتىنىڭ مەحانيزمىنە جانە باسقارۋ ۇلگىسىنە ۇزدىكسىز جاڭالىق جاساپ، اقاۋسىز دا جاراسىمدى ءدىن قاتىناسىن ورناتىپ، دىنگە سەنەتىن بۇقارانى «شينجياڭدى كوركەيتىپ، وتان ارمانىن بىرگە جۇزەگە اسىرۋ» ۇلى ىسىنە ۇيىستىردى.
كەريا اۋدانىنداعى گوھەرقىز حالىقارالىق ساۋدا شەكتى جاۋاپكەرشىلىك سەرىكتەستىگىنىڭ جۇمىس ورنىندا، اتلاس كويلەك كيگەن 30 ۇيعۇر بويجەتكەن قولونەر بۇيىمدارىن قاربالاس تىگۋدە. وتانشىل ءدىني قايراتكەر يمىن ابدۇرامان: سەرىكتەستىگىمىزدىڭ ەكونوميكالىق ءونىمى ەرەكشە جاقسى، جىلىنا 500 نەشە مىڭ يۋان كىرىس كىرەدى. قازىر عيماراتتا تۇرامىز، جەكەلىك اۆتو كولىگىمىز دە بار، تۇرمىسىمىز قالالىقتارمەن ۇقساس، - دەدى قۋانا. قازىر وتانشىل ءدىني قايراتكەرلەردىڭ اراسىندا يمىن سياقتى كەدەيلىكتەن ارىلىپ، قامال الۋدىڭ ءبىرىنشى شەبىندە ارەكەتتەنىپ، بۇقارانى اۋقاتتانۋعا جەتەكتەيتىن «سەركەلەر» كوبەيىپ كەلەدى.
رايونىمىز باس نىسانانى ارقاۋ ەتىپ، ءتۇرلى ساياسات - شارالاردى العا قويىپ، ءدىني قايراتكەرلەر مەن دىنگە سەنەتىن بۇقارانىڭ ەكونوميكانىڭ، قوعامنىڭ دامۋىن جەبەۋدەگى بەلسەندى رولىن ۇزدىكسىز ساۋلەلەندىردى.
− ءدىني قايراتكەرلەردى تاربيەلەۋدىڭ ورتا، ۇزاق مەزگىلدىك قىزمەت جوباسىن جاساپ، وتانشىل ءدىني قايراتكەرلەردى باسقارۋ، شابىتتاندىرۋ، ولاردىڭ تۇرمىسىنا قارايلاسۋ مەحانيزمىن ورناتىپ، اقاۋسىزداندىرىپ، ولارعا جاسالاتىن مامىلەنى جاقسارتتى، ولاردىڭ ساياسي جاقتا داڭققا بولەنۋىنە، قوعامدا ابىرويلى بولۋىنا مۇمكىندىك جاساپ، اماندىعىنا كەپىلدىك ەتتى، تۇرمىسىن قامتاماسىز ەتتى.
− الىس ارالىقتى تاربيە تەكشەسىنەن پايدالانىپ، نەگىزگى ساتىداعى بىرلىكساپ، ۇلت، ءدىن قىزمەتى كادرلارى مەن ءدىني قايراتكەرلەردى شوعىرلى تاربيەلەدى. ءدىني قايراتكەرلەردى ىشكى ولكەلەردەگى تەڭىز جاعالاۋىنداعى وركەندەگەن ولكە، قالالارعا بارىپ ەكسكۋرسيالاۋعا، ۇيرەنۋگە ۇنەمى ۇيىمداستىرىپ، ءدىني قايراتكەرلەردىڭ دىنگە سەنەتىن بۇقارانى وسى زامانعى مادەنيەتتى جانە وسى زامانعى تۇرمىس ءتاسىلىن، ءوندىرىس ءتاسىلىن قابىلداۋعا جەتەكتەۋ بەلسەندىلىگىن ءوسىردى.
− «بەستە جاقسى مەشىت»، «بەستە جاقسى وتانشىل ءدىني قايراتكەر» بولۋ قيمىلىن ورىستەتۋدى دانەكەر ەتىپ، مەشىتتەر مەن ءدىني قايراتكەرلەردى جاراسىمدى مەشىت قۇرۋعا، العاباسار، ونەگە بولۋعا جەتەكتەپ، وتاندى، ءدىندى سۇيەتىن تاماشا باعدار ورناتتى.
− وتانشىل ءدىني قايراتكەرلەر مەن دىنگە سەنەتىن بۇقارانى جاقىنىنا، دوسىنا بالاۋدان جازباي، مەشىتتەر مەن ءدىني قيمىلدارعا الەۋمەتتىك قىزمەت وتەۋدى كەمەلدەندىرىپ جانە كۇشەيتىپ، ءدىني قايراتكەرلەر مەن دىنگە سەنەتىن بۇقاراعا پارتيا مەن ۇكىمەتتىڭ قامقورلىعى مەن مەيىرىن شىنايى سەزىندىردى.
مەملەكەتتىڭ دامۋىمەن، حالىقتىڭ تىلەگىمەن، ءداۋىر رۋحىمەن سايكەسسە بولعانى، ءدىننىڭ، ءسوز جوق، قوعامنىڭ جاراسىمدىلىعىن اناعۇرلىم ىلگەرىلەتەتىن ماڭىزدى كۇشكە اينالاتىنىنا سەنەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
