- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇمىسكەرلەرگە «ءوز ۇيىندەي» قامقورلىق جاسادى
− شينجياڭ شينيۋە جىبەك جولى شەكتى سەرىكتەستىگىنىڭ ۇلتتار ىنتىماعىنداعى، العاباسارلىعىنداعى وزات ورىن قۇرۋ قيمىلىجونىندەگى جەلىلەس حابار
2016.11.11 10:03 كەلۋ قاينارى : شينجياڭ گازەتى
28 - قازان تاڭەرتەڭ ەرتە جيەليا شينجياڭ شينيۋە جىبەك جولى شەكتى سەرىكتەستىگىندەگى ءماريام راحمان ورنىنان ەرتە تۇرىپ، 5 جاستاعى ۇلىن سەرىكتەستىكتىڭ بالا باقشاسىنا اپارىپ تاستادى. سەرىكتەستىكتىڭ ورتاسى جونىندە ءسوز قوزعاعاندا ءماريام ءدان ريزالىق ءبىلدىرىپ بىلاي دەدى: «جۇبايىم ەكەۋىمىز وسى جەردە جۇمىس ىستەيمىز، بالامىزدى بالا باقشاسىنا كەزەكتەسىپ اپارىپ اكەلەمىز، بۇل جەردە ەرەن بازار، بالا باقشاسى، اسحانا، ەمدەۋ ءبولىمى بار، تۇرمىسقا وتە قولايلى، الاڭسىزبىز».
«جۇمىسكەرلەردى الىپ قالۋ جۇمىسكەر قابىلداعاننان الدەقايدا قيىن». از ۇلت جۇمىسكەرلەرىنىڭ سەرىكتەستىكتە تۇراقتاپ قىزمەت ىستەۋ مولشەرىن جوعارىلاتۋ ءۇشىن، شينجياڭ شينيۋە جىبەك جولى شەكتى سەرىكتەستىگى شىن نيەت تانىتۋ، قامقورلىق جاساۋ ارقىلى جۇمىسكەرلەردى سەرىكتەستىكتە الىپ قالۋعا قۇلشىندى، از ۇلت جۇمىسكەرلەرىنىڭ تۇرمىس ادەتىنە تولىق قۇرمەت ەتىپ، ءتۇرلى جاقتان قىزمەت وتەپ، قامتاماسىز ەتۋ شارالارىن تياناقتاندىرىپ، از ۇلت جۇمىسكەرلەرىنە شىن ىقىلاسپەن قامقورلىق جاساپ، ولاردى شىنايى يگىلىككە كەنەلتىپ، ولاردىڭ «كوڭىلىن تابۋ ارقىلى الىپ قالۋدى» ورىندادى.
جۇمىسكەرلەر رازى بولاتىنداي قىزمەت ورتاسىن ازىرلەدى
«ماسەلەگە جۇمىسكەرلەردىڭ تۇرعىسىنان وي جۇگىرتۋىمىز كەرەك، ولاردىڭ قيىنشىلىعىن مۇمكىندىكتىڭ بارىنشا كومەكتەسىپ شەشكەندە عانا، ولاردى الىپ قالۋعا بولادى»، - دەدى شينجياڭ شينيۋە جىبەك جولى شەكتى سەرىكتەستىگىنىڭ ورامال بولىمشە سەرىكتەستىگىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى يۇي شيڭميڭ.
يۇي شيڭميڭ ءبىر جولى بوياۋ سەحىنا بارعان كەزىندە، جۇمىسكەر ءاباي وسماننىڭ سەحتىڭ مەڭگەرۋشىسىنە جۇمىستان بوساۋ ءوتىنىشىن تاپسىرىپ جاتقانىن كوردى. «مەن مۇنى كورىپ ءبىراز تاڭىرقاپ قالدىم، ادەتتە از ۇلت جۇمىسكەرلەرىنىڭ ىشىندە جۇمىستان بوساۋ ءوتىنىشىن جازاتىندار تىم سيرەك كەزدەسەدى، ول ءوتىنىشىن حانزۋشا جازىپتى، بۇدان ونىڭ بەلگىلى دارەجەدە حانزۋ ءتىلى نەگىزى بار ەكەنىن اڭعارۋعا بولادى»، - دەدى يۇي شيڭميڭ، ول ابەيدى شاقىرىپ ودان جۇمىستان بوساۋىنىڭ سەبەبىن سۇراعاندا، ابەي جۇبايى ەكەۋىنىڭ ءبىر سەحتا جۇمىس ىستەيتىندىگىن، جۇمىسقا شىعاتىن، جۇمىستان تۇسەتىن ۋاقىتى ۇقساس بولعاندىقتان ۇيدەگى 2 جاستاعى بالاسىن قاراۋعا ۋاقىتى جار بەرمەيتىندىگىن، سونىمەن بىرەۋى جۇمىستان شەگىنىپ ۇيدە بالا باعۋعا كەلىسكەندىگىن ايتادى. يۇي شيڭميڭ ونىڭ ءسوزىن ەستىگەننەن كەيىن، دەرەۋ قاتىستى ادامعا ەرلى - زايىپتى ەكەۋىنىڭ جۇمىس ۋاقىتىن رەتتەۋدى، بىرەۋى جۇمىس ىستەگەندە، ەندى بىرەۋىنىڭ ۇيدە دەمالىپ، بالا قاراۋىنا كەپىلدىك ەتۋدى تاپسىرادى. سونىمەن ابەي جۇمىستان بوساۋ ءوتىنىشىن قايتارىپ الادى. قازىر ەرلى - زايىپتى ەكەۋى وسى سەحتىڭ شەبەرلەرى.
تۇرمىس ورتاسى وتە جايلى
«بالالار، قولدارىڭدى جۋىپ تاماققا كەلىڭدەر». 28 - قازاندا شينجياڭ شينيۋە جىبەك جولى شەكتى سەرىكتەستىگىنىڭ بالا باقشاسىندا جاڭ يۋانيۋان مۇعالىم ون نەشە بالانى قاتارعا تۇرعىزىپ قولدارىن جۋدىرىپ، ودان كەيىن ولاردىڭ الدارىنا بۋى بۇرقىراپ قازاننان جاڭا شىققان پالاۋ سالىپ اكەلدى.
«اكە - شەشەم جۇمىسقا كەتكەندە، مەنى بالا باقشاسىنا الىپ كەلەدى، بۇل جەردە بالا كوپ، مەن وسى جەردە ويناۋدى ۇناتامىن»، - دەدى 5 جاستاعى كىشكەنتاي ابدۇسالام راحمان.
«از ۇلت جۇمىسكەرلەرىن وسى ارادا الاڭسىز جۇمىس ىستەسىن دەيدى ەكەنبىز، ولاردىڭ تۇرمىسىنا كوپتەپ كوڭىل ءبولۋىمىز كەرەك، تاماق، جاتىن ورىن، بالالاردىڭ وقۋى سياقتى ءتۇرلى جاقتاردا ولارعا قولايلىلىق جاراتۋدى ويلاستىرۋىمىز، ولاردى الاڭسىز ەتۋىمىز كەرەك»، - دەدى سەرىكتەستىكتىڭ ۇنەمىلىك ىستەرگە جاۋاپتى باس مەڭگەرۋشىسى شيا نايجۇن.شيا نايجۇننىڭ ايتۋىنشا، جۇمىسكەرلەردىڭ تاماق ءىشۋ ماسەلەسىن شەشۋ ءۇشىن، سەرىكتەستىك 50 ميلليون يۋاننان استام قارجى جۇمساپ، جوعارى دەڭگەي، جوعارى ولشەمدى نەگىز ەتە وتىرىپ زاۆود اۋماعىندا 5000 شارشى مەتردەن اساتىن مۇسىلمانشا اسحانا سالىپ، از ۇلت جۇمىسكەرلەرىن ءدامدى تاعاممەن قامداعان. سونىمەن بىرگە، زاۆود اۋماعىنىڭ ىشىنەن ەرەن بازار، ەرەكشە ءدامحانا، بانكەلىك قىزمەت وتەۋ جۇيەسى، اۆتوماتتى زات ساتۋ ماشيناسى، ەمدەۋ ءبولىمى سياقتى قىزمەت وتەۋ قۇرىلعىلارىنىڭ ءبارىن ورنالاستىرعان. «تۇرمىس بۇيىمدارىن الامىز دەسەك ەرەن بازار دايىن، جۇمىسقا كەتكەندە بالامىزدى بالا باقشاسىنا اپارىپ قويامىز، باسىمىز اۋىرىپ، جايسىزدانساق ەمدەۋ بولىمىنە بارامىز»، - دەدى راحمان ءامەت ءدان ريزا بولىپ.
جاتىن ورىن جاعىندا باسى بوس سالت جۇمىسشى، قىزمەتكەرلەردى اقىسىز كوللەكتيۆ جاتاقپەن قامداۋ، ەرلى - زايىپتىلارعا ءۇي بەرۋ سەرىكتەستىكتىڭ ۇلكەن ەرەكشەلىگى بولدى. 28 - قازاندا ءتىلشى جۇمىسشى - قىزمەتكەرلەردىڭ جاتاق عيماراتىنا بارعاندا، ەرلى - زايىپتى تۇرسىن سايىم مەن گوحارگۇل رۇستامعا جولىقتى، ولار تۇراتىن بولمەنىڭ ۇلكەندىگى 20 − 30 شارشى مەتر، جەرگە تاپ - تازا كىلەم توسەلگەن، ءۇيى كەڭ بولماسا دا ۇستەل، توڭازىتقىش، تەلەۆيزور سياقتىلاردىڭ ءبارى تولىق، ىشكى جاقتا تازالىق ءۇيى مەن اسحاناسى دا بار، جۋىنۋعا، تاماق جاساۋعا بولادى ەكەن. سەرىكتەستىكتە ەرلى - زايىپتى تۇرسىن سياقتى تۇرعىن ءۇي مامىلەسىنەن يگىلىكتەنىپ جاتقان ەرلى - زايىپتى جۇمىسكەرلەر 280 جۇپتان اسادى. سالت جۇمىسكەرلەرمەن سالىستىرعاندا، ەرلى - زايىپتى جۇمىسكەرلەر ءبىرشاما تۇراقتاپ ىستەيدى.
«سەرىكتەستىك جۇمىسكەرلەردى وسى ارادا ۇزاق ۋاقىت جۇمىس ىستەۋگە باۋراۋ ءۇشىن، ەرلى - زايىپتى ەكى ادامنىڭ سەرىكتەستىكتە جۇمىس ىستەگەن ۋاقىتى 10 جىلعا، باسى بوس جۇمىسكەرلەردىكى 20 جىلعا تولسا، مال - مۇلىك ۇقىعى بار تۇرعىن ۇيدەن ءبىر پارىن تارتۋ ەتۋ جونىندە ايقىن بەلگىلەمە شىعاردى»، - دەدى شيا نايجۇن.
رۋحاني ازىق جۇرەككە جىلۋ باعىشتادى
«از ۇلت جۇمىسكەرلەرى ءان مەن بيگە قۇمار، كوللەكتيۆ قيمىلعا قاتىناسۋدى ۇناتادى، سەرىكتەستىك مۇمكىندىكتىڭ بارىنشا ولارعا ورىن ازىرلەپ بەرىپ، ولاردىڭ رۋحاني تۇرمىسىن بايتتى»، - دەدى سەرىكتەستىكتىڭ باس جۇمىسشى ۇيىمىنىڭ ورىنباسار مەڭگەرۋشىسى ۋ پەي.
جۇمىسكەرلەردىڭ 8 ساعاتتان كەيىنگى تۇرمىسىن بايىتۋ ءۇشىن، سەرىكتەستىك ارناۋلى تۇردە 8700 شارشى مەترلىك قيمىل ورتالىعىن قۇرىپ، دىبىس ۇلعايتۋ، جارىق ءتۇسىرۋ قۇرىلعىسى بار، ەلەكتر جابدىقتارى تولىق ۇلكەن ساحنا قۇرىپ، LED ەكراندى كينو - فيلم قويۋ اسپابىن ورنالاستىردى. ءتىلشى قيمىل ورتالىعىنا بارعاندا، باسكەتبول الاڭى، ۆولەيبول الاڭى جانە ۇستەل دوپ ۇستەلى، بىليارد ۇستەلى سياقتى سپورت قۇرىلعىلارى بار ەكەنىن بايقادى. «جۇمىستان قايتقاننان كەيىن، جاستاردىڭ كوبى وسى اراعا كەلىپ ءبي بيلەيدى، 200 − 300 ادامعا جەتەدى، ءار ۇلتتان بار. وسى اراعا كەلىپ ءبي بيلەپ ءجۇرىپ ءوزارا تانىسىپ، ماحابباتتاسىپ، توي جاساپ باس قۇراعاندار دا بار»، - دەدى قيمىل ورتالىعىنىڭ باسقارۋشى قىزمەتكەرى گۇلايسا ابليميت كۇلىپ.
«چۇڭياڭ مەرەكەسىندە دەنە تاربيە جارىسى، ولەڭ وقۋ، ءان ايتۋ جارىسى سياقتى قيمىلدار وتكىزەمىز، از ۇلت جۇمىسكەرلەرىنىڭ ىشىندە حانزۋشا ولەڭ وقيتىندارى بار، وتە تاماشا ورىندايدى»، - دەدى ۋ پەي.
ۋ پەيدىڭ ايتۋىنشا، جوعارىداعىلاردان تىس، سەرىكتەستىك تاعى جالپى اۋماعى 8000 شارشى مەتر كەلەتىن «جيەليا. جاڭا جىبەك جولى ماركالى مادەنيەت كورمە ورتالىعىن» سالىپ، جۇمىسشى - قىزمەتكەرلەرگە كاسىپورىن مادەنيەت تاربيەسىن جۇرگىزۋدى ۇنەمىلىككە اينالدىرعان، سول ارقىلى «سۇيىسپەنشىلىكتى» ۇيتقى ەتكەن كاسىپورىن مادەنيەتىن ساۋلەلەندىرىپ، ءار ۇلت جۇمىسكەرلەرىن كاسىپورىنمەن بىرگە العا باسۋعا جىگەرلەندىرىپ، جۇمىسكەرلەردىڭ ماقتانىش سەزىمى مەن تاۋەلدىلىك سەزىمىن تاسقىنداتقان.
بۇگىندە، شينجياڭ شينيۋە جىبەك جولى شەكتى سەرىكتەستىگىندە از ۇلت جۇمىسكەرلەرىنىڭ تۇراقتاپ قىزمەت ىستەۋ مولشەرى %85.5كە جەتىپ، حانزۋ جۇمىسكەرلەردىكىنەن الدەقايدا اسىپ كەتكەن. ايتا قالسىن قىزمەت ورتاسى، باسقارۋ ءتۇزىمىنىڭ ادىلدىگى، جايلى تۇرمىس ورتاسى ءار ۇلت جۇمىسكەرلەرىنە ءوز وتباسى سەكىلدى مەيىر باعىشتاپ، ولاردىڭ جۇرەگىن جىلىتتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
