- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر ەمدەۋ قىزمەتكەرلەرىنەن جانە ايدسقا شالدىققانداردان حال سۇرادى
ايدسقا شالدىققاندارعا قامقورلىق جاساۋ، ولاردى قۇتقارۋ قىزمەتىن كۇش سالا ويداعىداي ىستەيىك
2016.12.02 15:17 كەلۋ قاينارى : شينجياڭ گازەتى
ءتىلشىمىز لي شيڭ 1 - جەلتوقساندا ۇرىمجىدەن حابارلايدى. 1 - جەلتوقسان 29 - رەتكى «دۇنيە جۇزىلىك ايدس كۇنى». اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 6 - حالىق شيپاحاناسىنا بارىپ، ايدس اۋرۋىنان ساقتانۋ جانە ونى ەمدەۋ قىزمەت جاعدايىمەن تانىسىپ، ايدسقا شالدىققانداردان جانە شيپاحاناداعى ايدس اۋرۋىنان ساقتانۋ، ەمدەۋ قىزمەتكەرلەرىنەن حال سۇرادى ءارى اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اتىنان ايدس اۋرۋىنان ساقتانۋ جانە ونى ەمدەۋ قىزمەتىنىڭ الدىڭعى شەبىندە شايقاس جاساپ جاتقان ەمدەۋ قىزمەتكەرلەرىنەن، ايدس اۋرۋىنان ساقتانۋ جانە ونى ەمدەۋ قىزمەتىنە بەلسەنە ات سالىسىپ جۇرگەن ەرىكتىلەردەن حال سۇرادى.
اۆتونوميالى رايوندىق 6 - شيپاحانادا شوكىرات زاكىر الدىمەن بالنيتساعا كەلىپ، ايدسقا شالدىققان 2 بالادان حال سۇرادى. شوكىرات زاكىر 2 جاستان ەندى اسقان ناۋقاس بالانى كوتەرىپ، وعان ويىنشىق ۇسىندى. ول بالانىڭ قامقورشىسىنان بالانىڭ دەنساۋلىق جاعدايىن، تۇرمىس جاعدايىن تاپتەشتەي ۇعىستى. 2 بالانىڭ ەمدەلۋ ارقىلى ناۋقاستارىنىڭ كۇننەن - كۇنگە ساۋىعىپ كەلە جاتقانىن بىلگەننەن كەيىن ول ناۋقاستاردىڭ اتا - انالارىنا «پارتيا مەن ۇكىمەت، سونداي - اق تۇتاس قوعام سىزدەردى ۇمىتپايدى. بارلىعى دا سىزدەرگە شىن نيەتپەن قامقورلىق جاساپ، قول ۇشىن بەرىپ كەلەدى. مەملەكەت ايدس اۋرۋىنان قۇتقارۋعا قاتىستى ساياساتتاردى شىعاردى. ءبىز كۇش سالا تياناقتاندىرىپ جاتىرمىز» دەدى. ول ناۋقاستاردىڭ اتا - انالارىن باتىل، بەرىك سەنىم بايلاپ، ۇمىتكەرلىك پوزيتسيادا بولىپ، شيپاگەرلەردىڭ ەمدەۋ قىزمەتىنە بەلسەنە سايكەسۋگە ىنتالاندىردى.
شوكىرات زاكىر شيپاحانانىڭ ايدس اۋرۋىنان ساقتانۋ جانە ونى ەمدەۋ جۇمىستارىنىڭ الدىڭعى شەبىندەگى ەمدەۋ قىزمەتكەرلەرىنەن حال سۇراپ، ولارعا گۇل ۇسىنىپ، ولارمەن ىقىلاستى اڭگىمەلەستى. ول بىلاي دەدى: سىزدەر ايدس اۋرۋىن ەمدەۋدىڭ الدىڭعى شەبىندە ۇزاق ۋاقىت قىزمەت ىستەپ، داڭقتى مىندەت، ماڭىزدى جاۋاپكەرشىلىك ارقالاپ وتىرسىزدار. سىزدەردىڭ اجالعا اراشاشى، اۋرۋعا مەدەت بولۋداي تاڭداۋلى ءداستۇردى ۇزبەي ساۋلەلەندىرىپ، ايدسقا شالدىققاندارعا قامقورلىق جاساپ، بايسالدىلىقپەن، ىجداعاتتىقپەن، جاۋاپكەرشىلىكپەن ناۋقاستارعا بۇكىل ىنتا - پەيىلىمەن قىزمەت ەتىپ، ايدس اۋرۋىنان ساقتانۋ جانە ونى ەمدەۋ قىزمەتى دەڭگەيىن اناعۇرلىم ءوسىرىپ، ايدس اۋرۋىنىڭ تارالۋىن ءونىمدى تەجەپ، تۇتاس قوعامعا باقىت جاراتۋلارىڭىزدى ءۇمىت ەتەمىن. سونىمەن قوسا، شوكىرات زاكىر قوعامدىق ۇيىمدار مەن ەرىكتىلەردىڭ ايدس اۋرۋىنان ساقتانۋ، ونى ەمدەۋ قىزمەتىنە قوسقان ۇلەسىنە العىس ايتتى. ول بىلاي دەدى: تۇتاس قوعام ايدس ۆيرۋسىن جۇقتىرۋشىلار مەن ايدسقا شالدىققاندارعا كوڭىل ءبولىپ، ايدس اۋرۋىنان ساقتانۋ - تىزگىندەۋ ارەكەتىنە بىرگە ات سالىسۋى كەرەك. ەرىكتىلەردىڭ ايدس اۋرۋىنان ساقتانۋ جانە ونى ەمدەۋ قىزمەتىنە بەلسەنە ات سالىسقانىنا، رايونىمىزدىڭ ايدس اۋرۋىنان ساقتانۋ جانە ونى ەمدەۋ قىزمەتىنە قوسقان ۇلەسىنە العىس ايتامىن. كوپشىلىكتىڭ قايراتىن تاسقىنداتىپ، ايدس اۋرۋىنان ساقتانۋ جانە ونى ەمدەۋ قىزمەتىنە بۇرىنعىداي ۇزبەي ات سالىسىپ، سالاماتتى شينجياڭ قۇرىلىسىن ىلگەرىلەتۋگە، حالىق بۇقاراسىنىڭ سالاماتتىق دەڭگەيىن جوعارىلاتۋعا تىڭ ۇلەستەر قوسۋىن تىلەيمىن.
اۆتونوميالى رايوندىق ايدس اۋرۋىنان ساقتانۋ جانە ونى ەمدەۋ قىزمەت جاعدايىنان جاسالعان مالىمەتتى تىڭداعاننان كەيىن شوكىرات زاكىر بىلاي دەپ اتاپ كورسەتتى: قاتىستى تاراۋلار الدىن الۋ، باقىلاۋ - تەكسەرۋ، ەمدەۋ - قۇتقارۋ، قامقورلىق جاساۋ - قۇتقارۋ جانە ۇگىت - تاربيە سياقتى ءار بۋىنداردا ساقتانۋ، ەمدەۋ قىزمەتىن جاپپاي كۇشەيتۋ؛ ۇگىت - تاربيەنىڭ قامتۋ اۋماعىن اناعۇرلىم كەڭەيتىپ، كوپ ءتۇرلى ۇگىت فورمالارى ارقىلى جالپى حالىق بۇقاراسىنا ايدس اۋرۋىنىڭ قاتەرىن ءتۇسىندىرىپ، الدىن الۋ بىلىمدەرىن يگەرىپ، ايدس اۋرۋىنا شالدىققانداردى كەمسىتۋ كوزقاراسىن الاستاپ، ايدس اۋرۋىنان ساقتانۋ جانە ونى ەمدەۋ قىزمەتىنە تاماشا قوعامدىق ورتا ازىرلەۋ؛ باقىلاۋ - تەكسەرۋدىڭ قامتۋ اۋماعى مەن تىزگىندەۋ اۋماعىن اناعۇرلىم كەڭەيتىپ، ايدس اۋرۋىنىڭ تارالۋىن تىزگىندەۋ؛ جۇعىمدالۋشىلار مەن ناۋقاستارعا قامقورلىق جاساۋ، قۇتقارۋ قىزمەتىن كۇش سالا ويداعىداي ىستەپ، ايدس اۋرۋىنا شالدىققان ءتىپتى كوپ ناۋقاستاردىڭ ءدارى - دارمەكپەن ءونىمدى ەمدەلۋىنە مۇمكىندىك جاساۋمەن بىرگە، پسيحولوگيالىق جاقتان قوعامداعى ءار سالانىڭ ىقىلاستى قامقورلىعىنا يە ەتۋ كەرەك.
شوكىرات زاكىر مىنانى باسا دارىپتەدى: جىبەك جولى ەكونوميكالىق بەلدەۋى وزەكتى رايونىنىڭ ەمدەۋگە قىزمەت كورسەتۋ ورتالىعىن قۇرۋ ماڭىزدى ورايىن مىقتاپ يگەرىپ، اۆتونوميالى رايوندىق جۇقپالى اۋرۋلار شيپاحاناسىن قۇرۋ سەرپىنىن جەدەل ارتتىرىپ، ونى حالىقاراعا بەت العان وسىزاماندانعان ارناۋلى شيپاحاناعا بىرتىندەپ اينالدىرىپ، حالىق بۇقاراسىنىڭ سالاماتتىق دەڭگەيىن جوعارىلاتۋعا تىڭ ۇلەستەر قوسۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
