جىڭ اۋدانىندا تۋىلعان جەر سىلكىنىسى اپاتىنان كەيىن قايتا قۇرۋ قىزمەتى ءتارتىپتى جۇرگىزىلۋدە
اپاتقا ۇشىراعان حالىق بۇقاراسىنىڭ دەنساۋلىعىن تەكسەرۋ قىزمەتى باستالدى
2017.08.14 15:31 كەلۋ قاينارى : حالىق تورابى
حالىق تورابى، 14 – تامىز، بەيجيڭ. 19 – تامىز بۇراتالا موڭعۇل اۆتونوميالى وبلىسى جىڭ اۋدانىندا 6.6 بال جەر سىلكىنگەن سوڭ، قاتەردەن قۇتقارۋ قىزمەتى ءتورت كۇن جالعاستى ىستەلۋ ارقىلى، اپاتقا ۇشىراعان رايون قازىر جالپى بەتتىك قايتا قۇرۋ، سونداي – اق، قامتاماسىزداندىرۋ كەزەڭىنە ٶتتى. قاتەرلى ۇيلەردى بۇزۋ، جاڭا تۇرارجايلاردىڭ جوسپارىن جاساۋ قىزمەتى رەتىمەن ىستەلۋدە، اپاتقا ۇشىراعان بۇقارانىڭ قىس تۇسەردەن بۇرىن جەر سىلكىنىسىنە ءتوزىمدى، جاڭا، جىلى تۇرارجايعا كوشىپ كىرۋىنە كەپىلدىك ەتىلەدى. سونىمەن بىرگە، اپاتقا ۇشىراعان بۇقارانىڭ دەنساۋلىعىن تەكسەرۋ قىزمەتى دە باستالدى.
تولى قالاشىعىنىڭ دانداعاي قىستاعىنداعى اپاتقا ۇشىراعان حالىق بۇقاراسى شاتىرلارعا ورنالاستىرىلدى، قارۋلى ساقشى كوماندير – جاۋىنگەرلەرى اپاتقا ۇشىراعان بۇقاراعا كومەكتەسىپ ءۇي جانۋارلارى، اۋىل شارۋاشىلىق قۇرال - جابدىقتارى، ءۇي جابدىقتارى قاتارلى زاتتارىن حاۋىپسىز ورىنعا جوتكەدى.
جىڭ اۋدانىنىڭ تانىستىرۋىنشا، اپاتقا ۇشىراعان حالىق بۇقاراسىنىڭ قالىپتى تۇرمىسىنا كەپىلىك ەتۋ ءۇشىن، جەرگىلىكتى ورىن 1721 شاتىر، 1844 توسەك، 4700 كورپە – جاستىق جانە 16 توننا استىق پەن ماي، 1459 كيلوگرام قوي ەتى قاتارلى زاتتاردى اپاتقا ۇشىراعان رايونعا رەتىمەن جەتكىزدى. ورتالىق قازىنا 10 – تامىز كۇنى تابيعي اپاتتان قۇتقارۋعا بەرىلەتىن تۇرمىستىق قوسىمشا قاراجاتتان 80 ميلليون يۋاندى شۇعىل بوساتىپ، جەر سىلكىنۋ اپاتىنا ۇشىراعان رايوننىڭ اپاتتان قۇتقارۋ قىزمەتىن جاقسى ىستەۋىنە كومەكتەستى. اپات ەڭ اۋىر بولعان تولى قالاشىعىنىڭ ەكى قستاعىندا قازىر اپاتتان كەيىنگى قايتا قۇرۋ قىزمەتى جالپى بەتتىك باستالدى.
اپاتتان كەيىن قايتا قۇرۋ قىزمەتىن دابىرالى ەتەك الدىرۋىمەن بىرگە، جىڭ اۋداندىق دەنساۋلىق ساقتاۋ جانە جوسپارلى تۋىت كوميتەتى مەدتسينا قىزمەتكەرلەرىن بەلسەندىلىكپەن ورنالاستىرىپ، اپاتقا ۇشىراعان حالىق بۇقاراسىنىڭ دەنساۋلىعىن تەكسەرۋ قىزمەتىن دە باستادى.
جەر سىلكىنىسى اپاتىندا اۋىر جارالانعان 6 بۇقارا قازىر بۇراتالا موڭعۇل اۆتونوميالى وبلىستىق حالىق ەمحاناسىندا ەمدەلۋدە.
اپاتقا ۇشىراعان قستاقتىڭ پارتيا ياچەيكا شۋجيى ما جينشىڭ بىلاي دەدى: «بەس جۇلدىزدى قىزىل تۋ بار جەردە ءبىزدىڭ مەيىرگە تولى وتباسىمىز بولادى. پارتيا مەن ۇكىمەتتىڭ قولداۋىندا جانە قوعامداعى ٵر سالانىڭ كومەگىندە، قىستاعىمىزدىڭ حابارلاسۋ جۇيەسى، سۋمەن قامداۋى، گازبەن قامداۋى، توكپەن قامداۋى، قاتىناسى قالپىنا كەلدى، اپاتقا ۇشىراعان بۇقارا سۋ، كۇرىش، ۇن، ماي، شاتىر، ءدارى – دارمەك قاتارلى زاتتىق كومەككە يە بولدى.»
جىڭ اۋدانىندا تۋىلعان 6.6 بال جەر سىلكىنىسىندە جيىنى 32 ادام جارالانىپ، 307 اۋىز ءۇي قۇلاعان، 5469 اۋىز ءۇي جارىلعان، 213 اۋلا داۋالى، 153 مال قوراسى قۇلاعان، 6 ورىندا جول بۇلىنگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
