ورتا، شاعىن، ۇساق كاسىپورىنداردىڭ قيىنشىلىعىنا كوبىرەك كومەكتەسەيىك
□ يۋە يانيۇن
2020.08.19 15:45 كەلۋ قاينارى : شينجياڭ گازەتى
ىندەت مەزگىلىندە، فينانس قۇرىلىمدارى بۇكىل قالاداعى بارلىق ورتا، شاعىن، ۇساق كاسىپورىندارعا مەڭزەس، قارىزدى قايتارىپ المايدى، قارىزدى ۇزبەيدى، قارىزدى قىسپايدى، قارىز ءوسىمى ％10كە تومەندەتىلەدى؛ شينجياڭنىڭ ءىشى - سىرتىنان ۇرىمجىگە كەلىپ جۇمىس ىستەۋشىلەرگە تۇرمىستىق كومەك قاراجات بەرىلەدى... جاڭا تيپتى ايدارشا ۆيرۋس وكپە قابىنۋ ىندەتى قايتادان تۋىلعاننان بەرى، ءۇرىمجى قالاسى قازىنا - فينانس، سالىقتى ازايتۋ، اقىنى تومەندەتۋ، قىزمەت ورنىن ورنىقتىرىپ، جۇمىستاندىرۋ سياقتى جاقتاردا كاسىپورىنداردىڭ دامۋداعى قيىنشىلىقتارىن جەڭىلدەتەتىن، شەشەتىن كوپ ءتۇرلى ساياساتتىق شارالار شىعاردى، بۇنىڭ شەشۋشى ساتتە ورتا، شاعىن، ۇساق كاسىپورىندار ءۇشىن دەمەۋ بولعانى، قيىن - قىستاۋ شاقتا جاردەم بەرىپ، سۇيەمەلدەگەن شاراسى ەكەنى داۋسىز.
ورتا، شاعىن، ۇساق كاسىپورىندار ەكونوميكانىڭ ”كاپيليار قان تامىرلارى“، ەلىمىزدىڭ ەڭ جالىندى بازار تۇلعاسى، ەكونوميكانىڭ ارتۋىن جەبەۋ، جۇمىستانۋدى كەڭەيتۋ، كاسىپتەر تىزبەگىنىڭ ورنىقتىلىعىنا شىنايى كەپىلدىك ەتۋ سياقتى جاقتاردا ەرەكشە رولىن ساۋلەلەندىرۋدە، سونداي - اق سان ميلليون وتباسىلاردىڭ جۇمىستانۋى مەن تىرشىلىگىنە سايادى. الايدا، ورتا، شاعىن، ۇساق كاسىپورىنداردىڭ حاۋىپ - قاتەرگە قارسى تۇرۋ قابىلەتى سالىستىرمالى ءالسىز. ەگەر ”كاپيليار قان تامىرلارى“ سوققىعا ۇشىراۋدان سولىپ قالسا، تۇتاس ەكونوميكانىڭ اقاۋسىز دامۋى قيىن، جوعارى ساپامەن دامۋدان ءتىپتى اۋىز اشۋعا كەلمەيدى. سوندىقتان، ىندەتتەن ساقتانۋ - تىزگىندەۋ جانە ەكونوميكانىڭ، قوعامنىڭ دامۋى قىزمەتىن ءبىر تۇتاس جوسپارلاۋدا ورتا، شاعىن، ۇساق كاسىپورىنداردىڭ قيىنشىلىعىن كوبىرەك جەڭىلدەتۋدىڭ، شەشۋدىڭ ءوزى جوعارى ساپامەن دامۋعا كۇش - قۋات توپتاۋ دەگەن ءسوز.
بيىلدان بەرى، ىندەت ىقپالىنا ۇشىراعاندىقتان، رايونىمىزداعى كەيبىر ورتا، شاعىن، ۇساق كاسىپورىنداردىڭ ءوندىرىس - تيجاراتى قيىنداپ، قارجى قۇراۋ قيىن بولۋ، جۇمىسكەر ىستەتۋ قيىن بولۋ، شيكىزات ماتەريالدارمەن قامداۋ قيىن بولۋ، ساتۋ قيىن بولۋ سياقتى كوپتەگەن ماسەلەلەرگە ءدوپ كەلدى. بۇعان مەڭزەس، رايونىمىزدىڭ جەر - جەرى، تاراۋلارى دەر كەزىندە ىسكە كىرىسىپ قارايلاسىپ، قاجەتسىنۋدى ءتۇيىلىستىرىپ، دالمە - ءدال شارا قولدانىپ، قولدان كەلگەن امالدى ىستەپ، كاسىپورىنداردىڭ قارجى، جۇمىسكەر ىستەتۋ، زات اينالىمى سياقتى كوكەي تەستى قيىنشىلىقتارىن شەشتى، بارعان سايىن كوبەيگەن ورتا، شاعىن، ۇساق كاسىپورىنداردىڭ تيجارات قىسىمى باسەيىپ، ءوندىرىس اينالىمى بىرتىندەپ قالپىنا ءتۇستى. بۇل رەتكى ىندەتتە كەيبىر كاسىپورىندار تاعى دا ءومىر ءسۇرۋ مەن دامۋدىڭ قاتاڭ سىناعىنا ءدوپ كەلدى. وسىنداي قيىن - قىستاۋ ساتتەردە ورتا، شاعىن، ۇساق كاسىپورىندارعا كوبىرەك كوڭىل ءبولىپ، قامقورلىق جاساپ، قىسپاقتا قالعان كاسىپورىنداردىڭ قيىنشىلىقتان ءوتىپ كەتۋىنە كومەكتەسۋ ىندەتتەن ساقتانۋ - تىزگىندەۋ جانە ەكونوميكانىڭ، قوعامنىڭ دامۋىن ءبىر تۇتاس جوسپارلاۋ اياسىنداعى ءسوزسىز ىستەۋگە ءتيىستى مىندەت بولىپ قالماستان، اناعۇرلىم كوپ قوعامدىق جۇمىستاندىرۋ قىزمەت ورنىن ازىرلەپ، ”التىنى ورنىقتىرۋ“، ”التىنى قامتاماسىز ەتۋ“ قىزمەت مىندەتىن تياناقتاندىرۋعا ءتيىمدى، سونىمەن بىرگە قامداۋ جاعىنداعى قۇرىلىمدىق رەفورمانى ىلگەرىلەتىپ، رايونىمىز ەكونوميكاسىنىڭ ۇزاق ۋاقىتتىق باسەكەلىك قۋاتىن ارتتىرىپ، ەكونوميكانىڭ جوعارى ساپامەن دامۋىن ىلگەرىلەتۋدە ماڭىزدى ستراتەگيالىق ءمان الادى.
حابارعا قاراعاندا، بيىل الدىڭعى جارتى جىلدا، رايونىمىز ءوندىرىس جالپى ءونىم قۇنىن (GDP) 641 ميلليارد 280 ميلليون يۋانعا جەتكىزگەن، سالىستىرمالى باعا بويىنشا ەسەپتەگەندە، بۇل سايكەس مەزگىلدەگىدەن ％3.3 ارتقان. بۇل داعدارىستا ورايدىڭ بولاتىنىن، داعدارىستى ورايعا اينالدىرا الاتىنىمىزدى تولىق دالەلدەدى. سوندىقتان، ءبىز سەنىمدى بەكەمدەپ، قيىندىققا قارسى اتتانىپ، اناعۇرلىم پارمەندى شارالار قولدانىپ، اسىرەسە، ”دالمە - ءدال“ بولۋعا كۇش سالۋ، ساياسات جەتكىزۋ، ”بىرگە ءبىر“ قىزمەت وتەۋ سياقتى فورمالاردى كوبىرەك قولدانىپ، ورتا، شاعىن، ۇساق كاسىپورىنداردىڭ جالعا الۋ اقىسى، سالىق قاراجاتى، قوعامدىق قامسىزداندىرۋ، قارجى قۇراۋ سياقتى جاقتارداعى ناقتى قيىن ماسەلەلەرىن شەشۋ كەرەك.
تىنىس بار جەردە ءۇمىت بار. ىندەتتىڭ ىقپالى ۋاقىتتىق، سىرتقى، تىزگىندەۋگە بولاتىن اسەر، تيجارات - ساۋدا ورتاسىن ساپالىلاندىرۋدىڭ شەگى جوق. جەر - جەر، تاراۋلار دەن قويا، سۇيىسپەنشىلىكپەن، كۇش سالا ورتا، شاعىن، ۇساق كاسىپورىنداردى ايالاپ، جاردەم بەرۋ، سۇيەمەلدەۋدەي ىستەردى كوبىرەك ىستەپ، ورتا، شاعىن، ۇساق كاسىپورىنداردىڭ دامۋ، جاڭالىق اشۋ ومىرشەڭدىك كۇشىن شىن مانىندە قاۋلاتىپ، شينجياڭ ەكونوميكاسى مەن قوعامىنىڭ جوعارى ساپامەن دامۋىن ىلگەرىلەتۋگە قوزعاۋشى كۇش ۇستەۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
