الدىڭعى ءۇش توقساندا كولەمدەنگەن عالامتور كاسىپورىندارىنىڭ كاسىپتىك كىرىسى سايكەس مەزگىلدەگىدەن %13.7 ارتتى
2020.11.09 16:13 كەلۋ قاينارى : حالىق تورابى
«حالىق گازەتى»، 11 - ايدىڭ 8 - كۇنى، بەيجيڭ (ءتىلشى حان شين). ءتىلشىنىڭ تاياۋدا ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، بيىل الدىڭعى 3 توقساندا ەلىمىزدىڭ ينتەرنەت جانە قاتىستى قىزمەت وتەۋ كاسىبىنىڭ دامۋ جاعدايى ورنىقتى بولعان، كاسىپتىك كىرىس پەن پايدانىڭ جالپى سوماسى ورنىقتى ارتقان. مۇنىڭ ىشىندە ورىندالعان كاسىپتىك كىرىس 895 ميلليارد 600 ميلليون يۋان بولىپ، سايكەس مەزگىلدەگىدەن %13.7 ارتقان. بۇكىل سالادا جۇزەگە اسىرىلعان تيجارات پايداسى 86 ميلليارد 740 ميلليون يۋان بولىپ، سايكەس مەزگىلدەگىدەن %13.6 ارتقان، ارتۋ قارقىنى الدىڭعى جارتى جىلداعىدان 10.8 پايىز جوعارىلاعان. سونىمەن بىرگە، الدىڭعى 3 توقساندا بۇكىل سالا بويىنشا زەرتتەۋ - اشۋ قاراجاتى 49 ميلليارد 740 ميلليون يۋان بولىپ، سايكەس مەزگىلدەگىدەن %11.2 ارتقان، ارتۋ قارقىنى الدىڭعى جارتى جىلداعىدان 0.5 پايىز جوعارىلاعان.
كاسىپكە ءبولىپ قاراعاندا، ينفورماتسيالىق قىزمەت وتەۋ كىرىسىنىڭ ارتۋ قارقىنى ۇزدىكسىز شاعىن كولەمدە تومەندەپ، توراپتىق ويىن، دىبىس - كەسكىن قىزمەت وتەۋى بىرتىندەپ قالىپقا تۇسكەن. الدىڭعى 3 توقساندا عالامتور كاسىپورىندارى توراپ مۋزىكاسى مەن كەسكىنى، توراپ ويىنى، اقپارات ينفورماتسياسى سياقتىلاردى قامتىعان ينفورماتسيالىق قىزمەت وتەۋ كىرىسىن 527 ميلليارد 800 ميلليون يۋانعا جەتكىزگەن، بۇل سايكەس مەزگىلدەگىدەن %12.8 ارتقان. مۇنىڭ ىشىندە توراپ ويىنى، دىبىس - كەسكىن قىزمەت وتەۋ تۇرىندەگى كاسىپورىنداردىڭ كاسىپتىك كىرىسى جوعارى قارقىنمەن ارتۋدان بىرتىندەپ تومەندەپ، داعدىلى ارتۋعا بەت العان. عالامتور تەكشەسىنىڭ قىزمەت وتەۋ كىرىسىنىڭ ارتۋ قارقىنى بۇكىل سالادا الدىڭعى قاتاردا بولىپ، توراپتا تاربيەلەۋ، توراپتا ساتۋ، وندىرىسكە قىزمەت وتەۋ تەكشەلەرى ۇزدىكسىز جاقسارعان. الدىڭعى 3 توقساندا عالامتور تەكشەسىنە قىزمەت وتەۋ كاسىپورىندارىنىڭ كاسىپتىك كىرىسى 282 ميلليارد 900 ميلليون يۋان بولىپ، سايكەس مەزگىلدەگىدەن %16.9 ارتىپ، ارتۋ قارقىنى الدىڭعى جارتى جىلداعىدان 3.3 پايىز جوعارىلاعان. مۇنىڭ ىشىندە توراپتا قىزمەت وتەۋدى نەگىز ەتكەن كاسىپورىنداردىكى ءۇرتىس جوعارى قارقىنمەن ارتقان، تۇرمىستىق قىزمەت وتەۋدى نەگىز ەتكەن تەكشە كاسىپورىندارىنىڭ كاسىپتىك كىرىسىنىڭ ارتۋ قارقىنى بىرتىندەپ جوعارىلاپ، ءوندىرۋ، جاساۋ جانە ءوندىرىس، زات اينالىمى تەكشەسى قىزمەت وتەۋىمەن قامداۋدى نەگىز ەتكەن كاسىپورىنداردىڭ كىرىسىنىڭ ارتۋ قارقىنى الدىڭعى جارىم جىلداعىدان زور مولشەردە جوعارىلاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
