- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موڭعۇليا حالىق پارتياسىنىڭ ءتوراعاسى، مەملەكەتتىك ۇلكەن قورۇلدىڭ ءتوراعاسى مي ينكبولدپەن كەزدەستى
2016.10.19 14:00 كەلۋ قاينارى : شينجياڭ گازەتى
شينحۋا اگەنتتىگىنىڭ 18 - قازاندا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 18 - قازاندا بەيجيڭدە «2016 جۇڭگو كوممۋنيستىك پارتياسىنىڭ دۇنيەمەن تىلدەسۋ ماجىلىسىنە» قاتىناسقان ءارى جۇڭگوعا ساپارلاي كەلگەن موڭعۇليا حالىق پارتياسىنىڭ ءتوراعاسى، مەملەكەتتىك قورۇلدىڭ ءتوراعاسى مي ينكبولدپەن كەزدەستى.
شي جينپيڭ ينكبولدتىڭ پارلامەنت باستىعى بولىپ سايلانعاننان كەيىن تۇڭعىش رەت جۇڭگوعا ساپارلاي كەلگەندىگىن قارسى الدى. ول بىلاي دەدى: قازىر جۇڭگو مەن موڭعۇليا قاتىناسى تاماشا دامۋ بەتالىسىن ساقتاپ كەلەدى. تاراپتار ەكى جاقتى قاتىناستى دامىتۋدى وزدەرىنىڭ ديپلوماتياسىنىڭ ماڭىزدى ورنىنا قويدى، ءارقايسى سالاداعى اۋىس - كۇيىس پەن سەلبەستىكتىڭ ىلگەرىلەتىلۋى ەكى ەل حالقىنا ناقتى پايدا جەتكىزىپ، وڭىرلىك بەيبىتشىلىكتى، ورنىقتىلىقتى، دامۋدى جەبەۋدە بەلسەندى رول اتقاردى.
شي جينپيڭ بىلاي دەپ اتاپ كورسەتتى: جۇڭگو پارتياسى مەن ۇكىمەتى موڭعۇليامەن قاتىناسىنا ستراتەگيالىق دەڭگەيدەن جانە ۇزاق بولاشاق تۇرعىدان مامىلە جاساپ كەلەدى جانە ونى دامىتتى، موڭعۇليامەن اۋىس - كۇيىستى، سايكەسۋدى، سەلبەسۋدى ونان ارى كۇشەيتىپ، جۇڭگو مەن موڭعۇليانىڭ جان - جاقتى ستراتەگيالىق سەرىكتەستىك قاتىناسىن تىنباي دامىتۋدى بىرگە جەبەۋدى قالايدى. جۇڭگو مەن موڭعۇليانىڭ جوعارى جىكتەگىلەردىڭ بارىس - كەلىسىن ۇزدىكسىز كۇشەيتىپ، دۇرىس باعىتقا جەتەلەۋىن ءۇمىت ەتەمىن، جۇڭگو ەكى ەلدىڭ ءارقايسى جىكتەرىنىڭ، ءار سالاسىنىڭ ءجيى دوستىق بارىس - كەلىسىن قولدايدى. ەكى ەلدىڭ بيلىك باسىنداعى پارتيالارىنىڭ پارتيالار اراسىنداعى بارىس - كەلىستى تەرەڭدەتىپ، پارتيانى، مەملەكەتتى باسقارۋ تاجىريبەلەرى جاعىندا ءوزارا ۇلگى الىپ، بيلىك جۇرگىزۋ قابىلەتى مەن باسشىلىق ورەسىن جوعارىلاتىپ، وزدەرىنىڭ كۇرەس نىساناسىن جۇزەگە اسىرۋىن ءۇمىت ەتەمىن. تاراپتاردىڭ ناقتى سەلبەستىكتى ىلگەرىلەتىپ، سىن - سايىسقا قول ۇستاسا توتەپ بەرۋىن ءۇمىت ەتەمىن، جۇڭگو موڭعۇليانىڭ «جۇڭگونىڭ جىلدام دامۋىنان» يگىلىكتەنىپ، ءارى جاقسى، ءارى تەز دامۋدى جۇزەگە اسىرۋىن قارسى الادى. تاراپتار كىلتەڭ ماسەلەلەردى يكەمدىلىكپەن ءبىر جايلى ەتىپ، ەكى ەل قاتىناسىنىڭ جالپى جاعدايىن قورعاپ، ءبىر - ءبىرىنىڭ وزەكتى مۇددەسىنە جانە باسا نازار اۋدارىپ وتىرعان ەلەۋلى ماسەلەلەردە ءبىر - ءبىرىن ءتۇسىنۋى، ءوزارا قولداۋى كەرەك.
ينكبولد «2016 جۇڭگو كوممۋنيستىك پارتياسىنىڭ دۇنيەمەن تىلدەسۋ ءماجىلىسىن» ايرىقشا القاپ: «تىلدەسۋ ءماجىلىسى 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنىڭ باستى تاقىرىبىنا ءۇن قوستى جانە ونى تەرەڭدەتتى، ءار ەلدىڭ ساياسي پارتيالارىنىڭ تىلدەسۋىنە، تاجىريبەلەردى ورتاقتاسۋىنا ماڭىزدى تەكشە ازىرلەپ بەردى، بۇل ساياسي پارتيالاردىڭ باسىمدىعىن ساۋلەلەندىرۋدە، تاراپتاردىڭ ورتاق تانىمىن ۇيىستىرۋدا، الەم ەكونوميكاسىن جونگە سالۋدا، جاڭالىق اشۋعا جەتەكشىلىك ەتۋدە ماڭىزدى مانگە يە» دەپ قارادى. ول بىلاي دەدى: ءتوراعا شي جينپيڭ العا قويعان «ءبىر بەلدەۋ، ءبىر جول» دارىپتەمەسى مەن توڭىرەكتەگى ەلدەرمەن «تاتۋ، ادال بولۋ، تيىمدىلىك جاساۋ، كەشىرىمشىل بولۋ» سىندى ديپلوماتيالىق قاتىناس يدەياسىن موڭعۇليا ايرىقشا جوعارى باعالايدى، سونداي - اق بۇل موڭعۇليا مەن جۇڭگونىڭ ءداستۇرلى دوستىق قارىم - قاتىناسىن تەرەڭدەتۋدە، وڭىرلىك بەيبىتشىلىك پەن ورنىقتىلىقتى قامتاماسىز ەتۋدە، «ءبىر بەلدەۋ، ءبىر جول» جەلىسى بويىنداعى ەلدەر مەن وڭىرلەردىڭ دامۋىن، سەلبەستىگىن جەبەۋدە ماڭىزدى جەتەكشىلىك ەتۋ رولىن اتقارادى دەپ قارايمىن. موڭعۇلياداعى ساياسي پارتيالاردىڭ دارىپتەمەسى ۇقساماعانىمەن، موڭعۇليا مەن جۇڭگونىڭ قاتىناسىنا تۇگەلدەي ايرىقشا ءمان بەرەدى، جۇڭگومەن قاتىناسىن دامىتۋ مايدانى بىردەي، حالىق پارتياسى جۇڭگو كوممۋنيستىك پارتياسىمەن بولعان دوستىق قاتىناسىن قاستەرلەيدى، پارتيالار اراسىنداعى اۋىس - كۇيىس پەن سەلبەستىكتى جاپپاي كۇشەيتىپ، موڭعۇليا مەن جۇڭگونىڭ ءار سالاداعى ناقتى سەلبەستىك اياسىن كەڭەيتىپ، ەكى جاقتى قاتىناستىڭ تىنباي دامۋىن جەبەۋدى ءۇمىت ەتەدى.
ياڭ جيەچى كەزدەسۋدە بىرگە بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
