- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بايلىق سالىعىن رەفورمالاۋ 1 - شىلدەدە جاپپاي باستالادى
2016.05.13 13:17 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 10 - مامىردا بەيجيڭنەن بەرگەن حابارى. پارتيا ورتالىق كوميتەتىنىڭ، مەملەكەتتىك كەڭەستىڭ شەشىمى بويىنشا، قازىنا مينيسترلىگى، مەملەكەتتىك سالىق باس مەكەمەسى 10 - مامىردا حابارلاندىرۋ شىعارىپ، ەلىمىزدە بايلىق سالىعىن رەفورمالاۋ جۇمىسى 2016 - جىلى 1 - شىلدە كۇنى جاپپاي باستالاتىنىن جاريالادى. ءسويتىپ، شارۋاشىلىق سالىعىن ارتقان قۇن سالىعىنا وزگەرتۋ جونىندەگى سىناق قىزمەتى 1 - مامىردا جاپپاي باستالعاننان كەيىن، ەلىمىزدىڭ سالىق سالاسىندا تاعى ءبىر ەلەۋلى رەفورمانىڭ شىمىلدىعى ءتۇرىلدى.
اتالعان ەكى تاراۋدىڭ «بايلىق سالىعى رەفورماسىن جاپپاي ىلگەرىلەتۋ جونىندەگى حابارلاندىرۋىنا » سايكەس، ەلىمىز سۋ بايلىعىنا بايلانىستى سالىق رەفورماسى جونىندە سىناق جۇمىستارىن جۇرگىزەدى، سىناق جۇمىستارى حىبەيدەن باستالىپ، سۋ بايلىعى اقىسىن سالىققا وزگەرتۋ ءتاسىلى قولدانىلىپ، جەر بەتىندەگى سۋ مەن جەر استىنداعى سۋ تولىقتاي سالىق سالۋ كولەمىنە ەنگىزىلەدى، مولشەر بويىنشا ەسەپتەۋ ءتاسىلى قولدانىلىپ، سۋدى كوپ شىعىندايتىن سالالارعا، سۋدى جوسپاردان ارتىق پايدالانۋعا جانە جەر استى سۋىن مولشەردەن اسىرا پايدالاناتىن وڭىرلەردە جەر استى سۋىن پايدالانۋعا سايكەس سالىق مولشەرىنىڭ ولشەمى لايىقتى دەڭگەيدە جوعارىلاتىلادى، ادەتتەگى وندىرىستىك - تۇرمىستىق قاجەتكە پايدالانىلاتىن سۋعا بايلانىستى بۇرىنعى ۇستەمە شىعىس دەڭگەيى وزگەرىسسىز ساقتالادى. سىناق جۇمىستارىنىڭ تاجىريبەلەرىن قورىتىندىلاۋ نەگىزىندە، قازىنا مينيسترلىگى، مەملەكەتتىك سالىق باس مەكەمەسى سىناق اۋماعىن باسقا جەرلەرگە بىرتە - بىرتە كەڭەيتىپ، شارت - جاعداي جەتىلگەندە بۇكىل ەل بويىنشا جولعا قويادى.
باسقا جاراتىلىستىق بايلىقتار دا بىرتە - بىرتە سالىق سالۋ كولەمىنە ەنگىزىلەدى. ورمان، جايلىم، قايراڭ سەكىلدى بايلىقتاردىڭ جەر - جەردىڭ بازارىنداعى پايدالانۋ جاعدايىنىڭ ءبىرىڭعاي ەمەستىگىن، جاپپاي سالىق سالۋدىڭ شارتى ءالى ازىرلەنبەگەنىن ەسكەرىپ، وسى رەتكى رەفورمادا ورمان، جايلىم، قايراڭ سياقتى بايلىقتارعا سالىق سالۋ جونىندە مەملەكەت بويىنشا ءبىر تۇتاس بەلگىلەمە شىعارىلعان جوق، ءبىراق سالىق سالۋ شارتى ازىرلەنگەن بولسا، ولكە دارەجەلى ۇكىمەتتەرگە جەرگىلىكتى احۋالعا ۇشتاستىرىپ، ورمان، جايلىم، قايراڭ سياقتى بايلىقتاردىڭ يگەرىلۋ، پايدالانىلۋ جاعدايىنا سايكەس بايلىق سالىعىن سالۋدىڭ ناقتى جوباسى جونىندە ۇسىنىس جاساپ، مەملەكەتتىك كەڭەسكە بەكىتتىرگەننەن كەيىن اتقارۋىنا وكىلەتتىك بەرىلەدى.
ەلىمىز سالىقتى باعا بويىنشا ەسەپتەۋ ءتاسىلىن جاپپاي قولدانادى. شيكى مۇناي، تابيعي گاز، كومىر، سيرەك جەر ەلەمەنتتەرى، ۆولفروم، مولبيدەن سياقتى 6 تىزبەكتەمەگە سايكەس بايلىق سالىعىن باعا بويىنشا ەسەپتەۋ - سالۋ رەفورماسىنىڭ نەگىزىندە، وسى رەتكى رەفورمادا كەن ونىمدەرىنىڭ كوپشىلىگىنە سالىقتى باعا بويىنشا ەسەپتەۋ جولعا قويىلادى، ءبىراق سالىق سالۋعا ىڭعايلى بولۋ پرينسيبى بويىنشا، ءار جەرگە تارالعان، كوبىنە - كوپ ناق اقشامەن ايىرباس جاسالاتىن، ونىڭ ۇستىنە باقىلاۋعا ءتيىمسىز بالشىق، قۇمداق سياقتى از ساندى ونىمدەرگە بايلانىستى ءالى دە مولشەرى بويىنشا ەسەپتەۋ، سالىق سالۋ ءتاسىلى قولدانىلادى.
ەلىمىز اقى الۋ قورلارىن جاپپاي تارتىپكە سالىپ، كاسىپورىنداردا اقى الۋ مەن سالىقتىڭ قاباتتاسۋى ماسەلەسىن شەشەدى. وسى رەتكى رەفورمادا بايلىق تىزبەكتەمەسىندەگى كەن بايلىقتارىنا بايلانىستى تولەماقى مولشەرى نولگە تەڭەستىرىلەدى، باعا رەتتەۋ قورىن جيناۋ توقتاتىلادى، جەرگىلىكتى ۇكىمەتتەردىڭ كەن بايلىقتارىنا بايلانىستى ەرەجەگە قايشى بەلگىلەگەن اقى الۋ قورلارىنىڭ كۇشى جويىلىپ، كاسىپورىنداردىڭ ۇستەمە شىعىستارى ءونىمدى تۇردە جەڭىلدەتىلەدى.
جەر - جەردىڭ بايلىق شارتى مەن ەكونوميكالىق دامۋ دەڭگەيىندە ايىرماشىلىقتاردىڭ ورىن تەبۋىنە بايلانىستى، سالىق مولشەرىن بىرلىككە كەلتىرۋدىڭ سالدارىنان كاسىپورىنداردىڭ قۇرىلىمدىق ۇستەمە شىعىستارىنىڭ كوبەيۋىنەن ساقتانۋ ءۇشىن، وسى رەتكى رەفورمادا ورتالىق كەن ونىمدەرى جونىندەگى سالىق مولشەرىنىڭ كولەمىن ءبىر تۇتاس بەلگىلەدى. بەلگىلەنگەن سالىق مولشەرىنىڭ كولەمىندە، ولكە دارەجەلى حالىق ۇكىمەتتەرىنىڭ سالىق سالىناتىن نەگىزگى ونىمدەرگە بايلانىستى ناقتىلى قولدانىلاتىن سالىق مولشەرى جونىندە ۇسىنىس جاساپ، قازىنا مينيسترلىگى مەن مەملەكەتتىك سالىق باس مەكەمەسىنە بەكىتتىرگەننەن كەيىن اتقارۋىنا بولادى.
بۇدان سىرت، بايلىقتىڭ كەشەندى پايدالانىلۋىن ىلگەرىلەتۋ ءۇشىن، كەزەكتى رەفورمادا يگەرىلۋى قيىن، وزىندىك قۇنى جوعارى جانە كەشەندى پايدالانىلۋعا ءتيىس بايلىقتارعا سالىق جەڭىلدىكتەرى كوزدەلدى، اتاپ ايتار بولساق، تولتىرمالاپ قازۋ جۇيەسى قولدانىلعان، سارقىلعان تاۋ - كەندەردەن قازىپ الىنعان كەن بايلىقتارىنا سالىناتىن سالىققا %50 جانە %30 جەڭىلدىك جاسالادى. سونىمەن بىرگە، تومەن ساپالى رۋدالار، بوس تاۋ جىنىستارى، رۋدا قالدىقتارى، كەن قوجى، پايدالانىلعان سۋ، پايدالانىلعان گاز سياقتىلاردان الىنعان كەن ونىمدەرىنە بايلانىستى، جەرگىلىكتى ۇكىمەتتەردىڭ ءوز جاعدايىنا قاراي دالمە - ءدال ساياساتتار قولدانۋىنا قولايلىلىق تۋدىرۋ ءۇشىن، ولكە دارەجەلى ۇكىمەتتەرگە ناقتى جاعدايعا سايكەس سالىقتى كەمىتۋ نەمەسە سالىقتان بوساتۋ تۋرالى شەشىم قابىلداۋ ۇقىعى بەرىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
