تيانجين ەكونوميكالىق – تەحنيكالىق اشۋ رايونى سورتاڭ القاپتا تىنباي يگىلىك جاراتتى (شىعىستان تۋلاعان تولقىن، ەكپىندى جاڭا ءداۋىر ــ رەفورما جاساپ، ەسىك اشۋدىڭ 40 جىلدىعىن قۇتتىقتايمىز)
«حالىق گازەتىنىڭ» ءتىلشىسى جين بو
2018.08.14 16:08 كەلۋ قاينارى : حالىق تورابى
34 جىل وتە شىقتى، سول جىلدارداعى سورتاڭ القاپتا اۋماعى 34 شارشى كيلومەتر كەلەتىن تايدا تيانجين ەكونوميكالىق – تەحنيكالىق اشۋ رايونى ەڭسە كوتەردى. تايدا اشۋ رايونى 1984 – جىلى 6 – جەلتوقساندا مەملەكەتتىك كەڭەستىڭ بەكىتۋىمەن قۇرىلعان ەلىمىزدەگى العاشقى توپتاعى مەملەكەت دارەجەلى اشۋ رايوندارىنىڭ ءبىرى سانالادى، بۇل كۇندە تايدا اشۋ رايونى ەلىمىزدەگى ەكونوميكالىق اۋماعى زور، سىرتقا اشۋ دارەجەسى جوعارى، جالپىلىق قارجىلاندىرۋ ورتاسى تاماشا مەملەكەت دارەجەلى اشۋ رايوندارىنىڭ بىرىنە اينالدى.
تاياۋدا ساۋدا مينيسترلىگى العاش رەت بۇكىل ەلدەگى مەملەكەت دارەجەلى 219 ەكونوميكالىق – تەحنيكالىق اشۋ رايونىن جاپپاي باعالاپ، كاسىپ نەگىزى، عىلىم – تەحنيكادا جاڭالىق جاراتۋ، وڭىرگە باستاماشىلىق ەتۋ، ەكولوگيالىق ورتانى قورعاۋ، اكىمشىلىك جۇمىس ونىمدىلىگى سياقتى جاقتاردان جاپپاي باعالاۋ جۇرگىزدى. تيانجين ەكونوميكالىق – تەحنيكالىق اشۋ اشۋ رايونى كاسىپ نەگىزى مەن شەتەل قارجىسىنان پايدالانۋ جاعىندا 1 – ورىندا، جالپىلىق اشۋ ورەسى جاعىندا 2 – ورىندا، سىرتقى ساۋدادا 3 – ورىندا، عىلىم – تەحنيكادا جاڭالىق جاراتۋدا 6 – ورىندا تۇردى.
ەسىك سىرتقا بارىنشا كەڭ اشىلدى
يگىلىك جاراتۋ قانشالىق قيىن بولدى؟ اشۋ جۇمىسىنا ەڭ العاش ارالاسقان ءبىر ساقا قىزمەتكەر سول كەزدى ەسكە الىپ: جەر سورتاڭ بولعاندىقتان اشۋ رايونىندا عيمارات تۇرعىزۋدىڭ ءوزى ماسەلەگە اينالدى، ــ دەدى.
قات – قابات ماسەلەگە ءدوپ كەلگەن تايدا رايونىنداعىلار يگىلىك جاراتۋدىڭ بۇراڭ بارىسىن باستادى. ءتىلشى 34 جىلدىڭ الدىنداعى ءبىر پارشا كەستەنى تاۋىپ الدى، بۇل تايداداعى ءبىرىنشى توپتاعى شەتەل ساۋداگەرلەرىنىڭ قارجى قوسۋ نىسانى جونىندەگى كەستە ەكەن، وندا شاقپاقتان، قوي جۇنىنەن جاسالعان جەيدەدەن ۆەلوسيپەد، كەمە جاساۋعا دەيىنگى كاسىپتەر قامتىلعان؛ قارجى قوسۋ سوماسى 120 مىڭ دوللاردان 5 ميلليون دوللارعا دەيىن ەكەن. اشۋ رايونىن باسقارۋ كوميتەتىنىڭ بۇرىنعى ورىنباسار مەڭگەرۋشىسى تيان گۇيميڭ سول كەزدى ەسىنە الىپ بىلاي دەدى: مۇنان اشۋ رايونىنىڭ باستاپقى مەزگىلدە شەتەل كاسىپورىندارىن باۋراۋدا ىرىقسىز بولعانىن اڭعارا الامىز. 20 كاسىپورىننىڭ كاسىپ جەلىسى بىتىراڭقى، كولەمى ءبىرشاما شاعىن بولعان، كوبى كاسىپ تىزبەگىنىڭ تومەنگى شەگىندە تۇرعان.
سول جىلداردا 1 – اۆتوموبيل توپ سەرىكتىگى وسى جەرگە جالپى 19 ميلليارد 500 ميلليون يۋان قارجى قوسىپ سولتۇستىك جۇڭگو بازاسىن قۇردى، زاۆود ەكولوگيالىق ورتانى قورعاۋ جوباسىن اتقاردى، ىشكى جاقتا اۆتوموبيلدى تۇتاستاي جاسايتىن 4 ۇلكەن سەح قۇرۋدان تىس، زاپاس ەلەكترمەن جۇرەتىن ارالاس قوزعاۋشى كۇشتى جانە ءبىرىڭعاي ەلەكترلى ءوندىرىس قۋاتىن ساقتاپ قالدى. ءبىر جىل ىشىندە وندىرىسكە قوسىلعان سوڭ، جىلىنا 300 مىڭ تۇتاس اۆتوموبيل جاساۋدى جوسپارلادى، بيىل 1 – اۆتوموبيل توبى داجۇڭ سەرىكتىگى وندىرىسكە قوسقان 9 جاڭا ۇلگىدەگى اۆتوموبيلدىڭ ىشىندە 2 ۇلگىدەگىسى وسى ارادا جاسالماق. داجۇڭ اۆتوموبيل توبىنىڭ (جۇڭگو) باس القاسى قوسىمشا CEO ى حاي زىمان بىلاي دەدى: داجۇڭ اۆتوموبيل توبىنىڭ قارقىن وزگەرتكىشى 1 – اۆتوموبيل توبى داجۇڭ اۆتوموبيل سەرىكتىگىنىڭ سولتۇستىك جۇڭگوداعى بازاسى سىندى 2 ۇلكەن نىساننىڭ تيانجين اشۋ رايونىندا ىرگە تەبۋى كەمەلدى كاسىپ جۇيەسىنەن جانە قارجى قوسۋ جاعىنداعى تاماشا قىزمەت وتەۋىنەن بولە قارالمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
