حىنان ولكەسى لۋانچۋان اۋدانى ساڭفاڭ قىستاعى ەكولوگيانى كوزدەپ كەدەيلىكتەن ارىلىپ، بامبۋك ساتۋدان ساياحات ارقىلى كىرىس ەنگىزۋگە بۇرىلىس جاسادى
ەكولوگيالىق كىرىس باياندى كىرىس سانالادى (دوڭگەلەك داۋلەتتى تۇرمىسقا بەت الدىق)
«حالىق گازەتىنىڭ» تىلشىلەرى جاۋ يۇڭپيڭ، بي جيڭجين، چاڭ چين
2020.07.08 16:39 كەلۋ قاينارى : حالىق تورابى
حىناننىڭ باتىسىندا كوپتەگەن عاجايىپ جەرلەر بار. شيۇڭ - ىر تاۋى لۋانچۋان اۋدانى اۋماعىندا يرەلەڭدەي سوزىلىپ، كوركەم اڭعار قالىپتاستىرعان، ساڭفاڭ قىستاعى وسى اڭعارعا ورنالاسقان.
قىستاققا قادام تاستاساڭىز، وزىندىك ەرەكشەلىككە يە حالىقتىق تۇسەلحانالار كوزدىڭ جاۋىن الدى.
«كەلىڭىزدەر، تورلەتىڭىزدەر!» حالىقتىق تۇسەلحانانىڭ قوجايىنى لي يىنشىڭ ءبىزدى ىقىلاسپەن قارسى الدى. ۇيلەرىنە باس سۇعىپ، بۇلاق سۋىنا قايناتىلعان شايدەن ءدام تاتتىق.
«لاۋلي، ساۋداڭىز قالاي؟»
«بۇل مەزگىل ءبىرشاما سايابىرلاعان كەزى، تاپسىرىستاردى قابىلداپ قويدىق، اسىرەسە، مەرەكە، دەمالىس كۇندەرى بولمەلەرىمىز قوناققا تولىپ كەتەدى» دەدى لي يىنشىڭ.
«حالىقتىق تۇسەلحانانى العاش اشۋدا قانداي ويدا بولدىڭىز؟»
«كەدەيلىك تۇرمىستىڭ قيىن – قىسپاعى كوپ بولدى. قازىر ساياحاتپەن شۇعىلدانىپ، ەكولوگيانىڭ ءدامىن تاتىپ، كەدەيلىك قالپاعىن لاقتىرىپ تاستادىق، تۇرمىسىمىز كۇننەن – كۇنگە جاقسارۋدا» دەدى لي يىنشىڭ شاي ىشە وتىرىپ كوسىلە سويلەپ.
تاۋلى قىستاق شىعار جول تاۋىپ، كوركەم كورىنىس كىرىس جولىنا اينالدى
ساڭفاڭ قىستاعىنىڭ تاۋلى القابى توتەنشە كوركەم بولىپ كەلەدى، دەسە دە، لي يىنشىڭنىڭ بالا كەزىندە بۇل اراداعىلار قيىنشىلىق قىسپاعىنان ارىلا الماعان بولاتىن.
«جەرىمىز تاۋلى، ەگىستىك جەرىمىز ماردىمسىز بولاتىن، تۇرمىستا تارىعىپ قالاتىنبىز». لاۋلي بالا كەزىندەگى جاعدايدى وسىلايشا ەسكە الدى، ول كەزدە ءبىر ۇيدە 6 جان، 5 مۋ عانا جەر بار ەكەن، جۇگەرى ەگىپ، مۋىنا 400 – 500 جىڭ ءونىم الادى ەكەن.
قىستاق تۇرعىندارى ءبىر جاعىنان ەگىن سالىپ، ءبىر جاعىنان قامىس ورىپ، ازدى – كوپتى اقشا تاباتىن بولعان.
لاۋلي 20 جاسقا تولعان شاعىندا سىرتقا شىعىپ جۇمىس ىستەۋگە قامدانعان، ءبىراق ونەرى بولماعاندىقتان، ونىڭ ۇستىنە ءبىلىمى دە ماردىمسىز بولعاندىقتان سىرتقا شىعىپ جۇمىس ىستەسە بولماشى عانا كىرىس ەنگىزەتىن، دەنساۋلىقتارى ناشارلاعان اكە – شەشەسىنە قارايلاسۋ ءۇشىن بىرنەشە جىل وتەر – وتپەستەن قىستاققا قايتادان ورالىپتى.
ساڭفاڭ تۇرعىندارى كوركەم تاۋلى جەردە وتىرعانىمەن، كەدەيشىلىكتەن ارىلا الماعان. قىستاق تۇرعىندار كوميتەتىنىڭ مەڭگەرۋشىسى ۋاڭ چيڭ سول كەزدى ەسىنە الىپ بىلاي دەدى: 2013 – جىلى قىستاق تۇرعىندارىنىڭ جىلدىق جان باسىندىق كىرىسى 2 مىڭ يۋان اينالاسىندا عانا بولدى، 185 وتباسىنىڭ ىشىندە 112 كەدەي وتباسى بار ەدى.
«تەپسە تەمىر ۇزەتىن شاعىمدا نەلىكتەن كەدەي وتباسى قاتارىندا قالامىن؟» وسىنى ويلاعان لي يىنشىڭ كوپ تولعانىپ، ءسوزسىز، جاقسى تۇرمىسقا قول جەتكىزۋ جونىندە وزىنە – ءوزى سەرت بەرەدى.
ساڭفاڭ قىستاعى سەكىلدى، چۇڭدۋ قىستاعى تاۋدىڭ قارسى جاعىنا ورنالاسقان، تابيعي ورتاسى، كورىنىسى نەگىزىنەن ۇقساس. وتكەن بىرنەشە جىلدا بۇل قىستاق ساياحات كاسىبىنە سۇيەنىپ، الىس – جاقىنعا تانىلادى، حالقى بايۋ جولىنا تۇسەدى. 2013 – جىلدىڭ سوڭىندا چۇڭدۋ قىستاعىندا قىستاق تۇرعىندارىنىڭ ورتاشا كىرىسى 30 مىڭ يۋانعا جەتەدى، قىستاق تۇرعىندارى باس – باسىنا شاعىن اۆتوموبيل الىپ، جاڭا ءۇي سالادى، تۇنىق سۋ، جاسىل تاۋ ولار ءۇشىن «جاسىل بانكەگە» اينالادى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
