بۇكىل ەل بويىنشا 110 مىڭنان استام حالىقتىق كاسىپورىن قارجىلاي، زاتتاي جىلۋ اتاپ حۋبەيدىڭ ىندەتتەن كەيىن قايتا سەرپىلۋىنە دەم بەردى
2020.08.14 17:17 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 11- كۇنى، ۋحان (ءتىلشى لي ۋەي). حۋبەي ولكەسىندە ىندەت تۋىلعاننان بەرى ءار دارەجەلى ونەركاسىپشىلەر - ساۋداگەرلەر بىرلەستىگىنىڭ ۇيىمداستىرىپ جۇمىلدىرۋىندا، مەملەكەت بويىنشا 110 مىڭ 600 حالىقتىق كاسىپورىن 17 ميلليارد 223 ميلليون يۋان جىلۋ اتادى، جىلۋعا اتاعان زاتىنىڭ قۇنى 11 ميلليارد 932 ميلليون يۋان بولدى، مۇنىڭ ىشىندە حۋبەيگە تىكەلەي اتالعان جىلۋ اقشا 5 ميلليارد 815 ميلليون يۋان، اتالعان زاتتىڭ قۇنى 4 ميلليارد 760 ميلليون يۋان بولدى. باسقا كوپ ساندى حالىقتىق كاسىپورىن جەرگىلىكتى ۇكىمەت پەن قايىر - ساحابات قۇرىلىمدارىنا جىلۋ اتاۋ ارقىلى حۋبەيگە كومەك بەردى. 3 - ايدىڭ 25 - كۇنىنەن بەرى حالىقتىق كاسىپورىنداردىڭ حۋبەيگە قارجى قوسۋ نىسانى ءبىر مىڭ 577، قوسقان قارجىسى 476 ميلليارد 513 ميلليون يۋان بولدى.
مۇنى ءتىلشى 8 - ايدىڭ 11- كۇنى ۋحاندا وتكىزىلگەن «ايگىلى حالىقتىق كاسىپورىنداردىڭ حۋبەيگە ساپارى» اتىنداعى قيمىل ناق مايدانىنان ۇعىستى. مەملەكەتتىك ونەركاسىپشىلەر - ساۋداگەرلەر بىرلەستىگىنىڭ پارتگرۋپپا مۇشەسى، باس حاتشىسى جاۋ دىجياڭ تانىستىرىپ بىلاي دەدى: بۇكىل ەلدەگى حالىقتىق كاسىپورىندار ءتۇرلى تاسىلدەرمەن حۋبەيدىڭ ىندەتكە قارسى اتتانۋىنا جانە ىندەتتەن كەيىنگى قايتا گۇلدەنۋىنە اقشالاي، زاتتاي كومەك بەرىپ، وتانشىلدىق سۇيىسپەنشىلىگى مەن حۋبەي حالقىنا دەگەن تەرەڭ سۇيىسپەنشىلىگىن ايگىلەدى. «ايگىلى حالىقتىق كاسىپورىنداردىڭ حۋبەيگە ساپارى» اتىنداعى قيمىل باستالعان 2 ايدان استام ۋاقىتتان بەرى قوماقتى تابىسقا قول جەتكىزىلدى، ولكە ءىشى - سىرتىنداعى 2 مىڭ 193 حالىقتىق كاسىپورىن حۋبەيگە 106 مىڭ 203 جۇمىس ورنىن ازىرلەپ بەردى، حۋبەي ولكەسىنىڭ قۇنى 349 ميلليون يۋان كەلەتىن اۋىل شارۋاشىلىق ونىمدەرىن ساتىسىپ بەردى، حالىق باسقارۋىنداعى كاسىپورىنداردىڭ 41 قارجى قوسۋ نىسانىنا قول قويىلۋىن جەبەدى، توقتام بويىنشا قوسىلعان قارجى سوماسى 122 ميلليارد 880 ميلليون يۋان بولدى، بۇلار چيپ، جاڭا ەنەرگيا، جاڭا ماتەريال، ەمدەۋ - كۇتىنۋ، ادەبيەت جاسامپازدىعى ساياحاتى سياقتى سالالارعا سايادى.
«الداعى 3 جىلدا ءبىز حۋبەيگە شامامەن 20 ميلليارد يۋان قارجى قوسامىز، ستۋدەنتتەردى قامتىعان 4 مىڭنان استامدى ءتۇرلى كاسىپ ورنىندا جۇمىستاندىرامىز، وسى كاسىپتەردىڭ جەبەۋىمەن قاتىستى جۇمىس ورىندارىندا 20 مىڭنان استام ادام كاسىپتەنەدى» دەدى جاڭا ءۇمىت توبىنىڭ باس جوراسى ليۋ يۇڭحاۋ ناق مايداندا.
بۇدان سىرت 8 - ايدىڭ 11 – كۇنى وتكىزىلگەن قارجى قوسۋ نىساندارىنا قول قويۋ سالتىندا ناق مايداندا 30 نىسانعا قول قويىلدى. قوسىلعان قارجى سوماسى 116 ميلليارد 650 ميلليون يۋان بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
